“Бүлгүүдийг зохицуулах нь,” Бие даах чадвар хөгжүүлэх бүлгүүдийг зохицуулах нь (2018)
“Бүлгүүдийг зохицуулах нь”
Бүлгүүдийг зохицуулах нь
Эхлэх нь (10 минутаас хэтрэхгүй)
Зохицуулагч
Зохицуулагчийг сургах цугларалтыг дараах байдлаар эхлүүл.
-
Нээлтийн залбирлаар эхэл (хүсвэл сүмийн дуулал дуулах).
-
Бие даах чадвар хөгжүүлэх мэргэжилтэн эсвэл бие даах чадвар хөгжүүлэх хорооны өөр нэг гишүүн 3–5 минутын танилцуулга хийж, гэрчлэлээ хуваалцаж болно.
-
Хүн бүрд өөрсдийгөө товчхон танилцуулах боломж олго (нэг хүн 30 секундээс хэтрэхгүй).
-
Бүлгийн гишүүдийг гарын авлагаа нээж, хамт уншихад урь.
Тавтай морилно уу
Унш
Зохицуулагчаар үйлчлэх хүсэлтэй байгаад тань баярлалаа. Та цөөн хүнтэй бүлэгт амьдралын бодит шинэ ур чадварт суралцаж, сайн мэдээний зарчмуудын дагуу амьдрахад туслах замаар бие даах чадвараа сайжруулахад нь туслах болно. Та сайхан зүйлийн нэг хэсэг байх болно. Бие даах чадвар хөгжүүлэх бүлгүүд хүмүүсийн амьдралыг өөрчилж чадна. Та мэргэжилтэн байх албагүй. Зүгээр л материалаа дагаж, бүлгийн гишүүд болон Сүнснээс ирэх өдөөлтөд найд.
Бие даах чадвар хөгжүүлэх бүлгүүд нь бидний мэдэх бусад бүлгээс бага зэрэг ялгаатай учраас энэ сургалт бидэнд эдгээр бүлгийг юу өвөрмөц болгодог талаар суралцаж, дадлага хийхэд туслах болно. Өнөөдөр бид бүлгийг эхлүүлэхээс өмнө зохицуулагчдад байдаг зарим нийтлэг асуултад хариулъя.
-
Бие даасан байх гэдэг нь юу гэсэн үг вэ?
-
Бие даах чадвар хөгжүүлэх бүлгүүд хэрхэн явагддаг вэ?
-
Би сайн зохицуулагч байхын тулд юу хийж болох вэ?
Энэ сургалтаас гадна Хавсралт хэсгийг бие даан уншиж, анхны цугларалтаасаа өмнө srs.lds.org дээрх эх сурвалжуудтай танилцаарай.
Өнөөдрийн сургалт таны зохицуулах гэж байгаа бие даах чадвар хөгжүүлэх бүлгийн цугларалттай адилхан байх болно. Бид энэ сургалт болон бие даах чадвар хөгжүүлэх бүлэгт материал дээр бичигдсэний дагуу яг таг дагана. Бие даах чадвар хөгжүүлэх бүх гарын авлага дотор юу хийхээ мэдэхэд туслах сануулга өгөгдсөн. Бид дараах сануулгыг хараад, доорх удирдамжийг дагах болно.
Унш
Энэ сургалт болон бидний бүлэгтээ ашиглах гарын авлагуудад хэсэг, ярилцлага, үйл ажиллагаануудад зарцуулах цагийг өгсөн байна. Энэ нь цагаа зохицуулж, материалаа үзэж дуусгахад бидэнд тусална. Бүлгийн цугларалт бүрийг хуваарийн дагуу явуулахын тулд цаг бүртгэгчийг байнга томил.
Зохицуулагч
Уг сургалтын үлдсэн хэсэгт цаг бүртгэгч байх хүсэлтэй хүн байгаа эсэхийг асуу.
Бие даасан байх гэдэг нь юу гэсэн үг вэ?
Унш
“Бие даах чадвар гэдэг нь өөрийнхөө болон гэр бүлийнхээ сүнслэг, материаллаг хэрэгцээг хангах чадвар, төгс шийдвэр, хүч чармайлт юм” (Гарын авлага 2: Сүмийг удирдах нь [2010], 6.1.1). Бие даасан байх гэдэг нь бид хүссэн бүхнээ хийж эсвэл олж авна гэсэн үг биш. Хэрэв бид бие даасан бол Есүс Христийн ач ивээл, өөрсдийн итгэлээр дамжуулан өөрсдөдөө болон гэр бүлдээ амьдралын шаардлагатай бүхий л сүнслэг болоод материаллаг хэрэгцээг хангахын төлөө хөдөлмөрлөж чадна гэдгээ мэддэг. Бие даах чадвар хөгжүүлэх бүлгүүд нь бидэнд амьдралын хэв маягаа өөрчилж, материаллаг болон сүнслэг байдлын хувьд илүү бие даахын тулд Их Эзэнтэй хамтран ажиллахад туслах зорилгоор бүтээгдсэн.
Бид бүлгийн гишүүд болон удирдагчид бие даах чадвар хөгжүүлэх бүлэгтэй холбоотой туршлагаасаа ярьж буй видео бичлэгийг үзэх гэж байна. Та видео бичлэгийг үзэж байхдаа бие даах чадвар хөгжүүлэх бүлэг хүнд материаллаг ба сүнслэг байдлаар хэрхэн нөлөөлдгийг олж сонсоорой.
Үз
“Self-Reliance: Tools to Become Better” видео бичлэгийг srs.lds.org/videos-оос үзэх боломжтой. (Видео бичлэг байхгүй бол үргэлжлүүлэн унш.)
Ярилц (2 минут)
Ямар туршлага сүнслэг ба материаллаг байдал хоорондоо холбоотой гэдгийг ойлгоход танд тусалсан бэ?
Бие даах чадвар хөгжүүлэх бүлгүүд хэрхэн явагддаг вэ?
Унш
Бие даах чадвар хөгжүүлэх бүлэг нь гишүүн бүрд өсөж хөгжихөд тусалдаг жижиг зөвлөл юм. Бие даах чадвар хөгжүүлэх дөрвөн бүлэг бий. Үүнд:
-
Илүү сайн ажлын төлөө сурч боловсрох нь
Хүмүүс бүлгүүдийн талаар өөрсдөө юм уу онцгой цугларалт дээр эсвэл шууд урилгаар дамжуулан мэдэж авч болно. Хүмүүс нэгдэхийг хүсэж байгаа бүлгээ сонгодог.
Бүлгүүд нь ихэвчлэн 12 оос ихгүй хүнтэй, цомхон байна. Бүлэг нь 12 долоо хоногийн турш долоо хоног бүр ойролцоогоор хоёр цагийн турш үргэлжилнэ.
Бие даах чадвар хөгжүүлэх бүлэг бүрийг зохицуулагч (бид) чиглүүлэн явуулна. Бие даах чадвар хөгжүүлэх бүлгийг багш заахгүй, харин зохицуулагч зохицуулдаг. Зохицуулагчийн хувьд тухайн сэдвээр мэргэшсэн байх албагүй. Та зөвхөн материалд бичигдсэний дагуу дагаж мөрдөхөд тусалж, бүлгийн гишүүн бүрийг оролцоход урьдаг.
Бүлгийн цугларалт бүр дээр гарын авлагын нэг бүлгийг судална. Бүлэг болгон таван хэсэгтэй бөгөөд зарцуулах цагийг өгсөн байдаг. Энэ таван хэсэг нь бие даах чадвар хөгжүүлэх бүлгийн цугларалтын гол цөм юм. Бүлгийн цугларалтаар материалыг болон санал болгосон цагийг дагаж мөрдөх ба ямар ч хэсгийг алгасаж болохгүй.
Зохицуулагчийг солих
Унш
Цугларалт бүрийн төгсгөлд бид долоо хоногийн турш тусламж, дэмжлэг авах үйлдэх хамтрагчийг сонгоход бүлгийн гишүүддээ тусална. Үйлдэх хамтрагчийг долоо хоног бүр өөрчилж болно. Ерөнхийдөө тэд нэг хүйсийнх байх бөгөөд гэр бүлийн гишүүн бус хүн байна.
Сүнслэг зарчим, бодит ур чадвар болон бүлгийн хүч хамтдаа нэгдэж, хүмүүст амьдралаа сайжруулахад туслах өвөрмөц суралцах орчинг үүсгэдэг. Бие даах чадвар хөгжүүлэх бүлэгт бид сургалтын материалаас болон нэг нэгнээсээ мөн Сүнснээс гэсэн гурван эх сурвалжаас суралцдаг болохыг та нар дараах видео бичлэгээс харах болно.
Үз
“The Power of the Group” видео бичлэгийг srs.lds.org/videos-оос үзэх боломжтой. (Видео бичлэг байхгүй бол үргэлжлүүлэн унш.)
Ярилц (2 минут)
Таны бодлоор бие даах чадвар хөгжүүлэх бүлэг таны оролцож байсан бусад хичээл эсвэл сургалтаас юугаараа өөр вэ? Юугаараа төстэй байх вэ?
Зохицуулагчийг солих
Би гайхалтай зохицуулагч байхын тулд юу хийж болох вэ?
Унш
Зохицуулагч хийх нь гайхалтай туршлага суулгаж чадна. Хамгийн үр дүнтэй зохицуулагчид маш чухал гурван зүйлийг хийдэг. Үүнд:
-
Заах биш, зохицуулах
-
Өөр хэд хэдэн үүрэг биелүүлэх
-
Бүлгийн хоньчноор үйлчлэх зэрэг юм.
Заах биш, зохицуулах
Унш
Бие даах чадвар хөгжүүлэх бүлгийг багш заах, харин зохицуулагч зохицуулдаг байхаар зориуд төлөвлөсөн. Зохицуулагчид хичээлд бэлтгэхгүй, бүлгийнхэнд лекц уншихгүй буюу бүлгийн бусад гишүүнээс их ярьдаггүй. Тэд сургалтын материалд заасныг дагаж, бүлгийн гишүүн бүрийг адил тэгш оролцоход урьдаг. Зохицуулагчид Сүнс бүлгийнхэнд зааж болох орчныг бий болгоход тусалдаг.
Дараагийн видео бичлэгээс нэг зохицуулагч заадаг байснаа зохицуулдаг болсон нь бүлэгт хэрхэн нөлөөлснийг анзаарна уу.
Үз
“How to Facilitate a Group” видео бичлэгийг srs.lds.org/videos-оос үзэх боломжтой. (Видео бичлэг байхгүй бол үргэлжлүүлэн унш.)
Ярилц (2 минут)
Зохицуулах нь заахаас хэрхэн өөр вэ?
Зохицуулагчийг солих
Унш
Зохицуулагчийн хувьд бид суралцахад туслах эерэг, хүндэтгэлтэй, таатай орчныг бий болгох үүрэг хариуцлагатай. Бид бүлгийн гишүүддээ нэг нэгэндээ санаа тавьж, хайр болон дэмжлэг үзүүлэн тусалдаг.
Зохицуулагчийг солих
Унш
Зохицуулагчийн хувьд бид үлгэр жишээ үзүүлдэг. Бид бүлгийн гишүүддээ эерэг, хайраар дүүрэн суралцах орчныг бий болгоход тусалж чадна. Зарим зүйл үргэлж санаснаар болдоггүй бөгөөд заримдаа бид бүлгийн гишүүдийн үйлдэл бүлэгт хэрхэн нөлөөлж мөн тэдгээрийг хэрхэн өөрчилж байгааг олж харахад тэдэнд туслах хэрэг гарч болох юм. Бид энэ талаар дараагийн үйл ажиллагаан дээр илүү ярилцах болно.
Зохицуулагч
Зохицуулагчийн үүрэг хариуцлагуудын талаарх дараах ярилцлагыг явуулахдаа зохицуулагчаа үндсэн зохицуулагчаар дахин солих нь тустай байж болох юм.
Өөр хэд хэдэн үүрэг биелүүлэх
Унш
Зохицуулагчийн хувьд бид бүлгийн цугларалтаас гадуур бас хэд хэдэн үүрэг хариуцлага хүлээн авдаг. Дараагийн үйл ажиллагаа эдгээр үүрэг хариуцлагын тухай ярих боломжийг бидэнд олгоно.
Зохицуулагчийг солих
Бүлгийнхээ хоньчин мэт үйлчлэх
Унш
Бид хэрхэн зохицуулах талаар үзэж, бусад үүрэг хариуцлагыг мэдэж авлаа. Одоо сайн зохицуулагч болох түлхүүрийн талаар ярилцах цаг боллоо. Хамгийн шилдэг зохицуулагчид бүлгийн гишүүдээ хайрлаж, тэдэнд санаа тавьдаг. Тэд хоньчин сүргээ харж ханддаг шиг бүлэгтээ үйлчилдэг. Хоньчин хонь нэг бүрийнхээ нэр, ааш зан, хэрэгцээг мэддэг учраас Христ хоньчны жишээг ашигладаг байсан. Гайхалтай зохицуулагчид бүлгийн гишүүдээ таньж мэддэг, тэдний амжилт өсөлтөд санаа тавьдаг, тэдэнд үйл ажиллагаанд оролцож мөн амжилтад хүрэхэд нь тусалдаг. Танай бүлгийнхэнд нэгдмэл болоход хэдэн долоо хоног шаардагдаж болох юм. Гэхдээ бие даах чадвар хөгжүүлэх бүлгийн ихэнх төгсөгч бүлгийнхэнтэйгээ хэрхэн ойртож дотноссон болон нэг нэгэндээ ямар их санаа тавьдаг байснаа ярьдаг. Зохицуулагчийн хувьд бид үүнийг хөхиүлэн дэмжих орчин нөхцөлийг бүрдүүлэхэд тусалж чадна.
Бүлгийнхээ хоньчин байхад зориулсан дараах зөвлөмжүүдийг ээлжлэн унш.
Бүлгийнхээ хоньчин байх нь
-
Бүлгийн гишүүд рүү утсаар ярих юм уу мессеж илгээ. Та тэдний байдлыг асууж лавлан, цугларах өдөр, цаг, газрыг сануул.
-
Хүмүүсийг ирэхэд халуун дотно мэндчилж, тэдэнтэй танилц.
-
Бүлгийн гишүүдийнхээ гаргасан ахицыг анзаарч, баярлаж байгаагаа харуул.
-
Бүлгийн гишүүдэд нууц мэдээллийг чандлан хадгалахыг сануул.
-
Цугларалтуудын хооронд асуудалтай байгаа бүлгийн гишүүдийг урамшуул. Үйлдэх хамтрагчдыг нь долоо хоногийн явцад түүнтэй холбогдоход тусалж, тэдэнд ч мөн адил дэмжлэг туслалцаа үзүүл.
-
Бүлгийн бусад хүнтэй хамт цугларалтад ирээгүй бүлгийн гишүүдтэй холбоо барь.
-
Бүлгийн гишүүдийнхээ төлөө нэрээр нь залбир.
-
Дараагийн бүлгийн цугларалтын материалыг залбирч судал.
-
Сүнстэй ойр байж, бодол санаа болон сүнсний өдөөлтийнхөө дагуу үйлд.
Ярилц (2 минут)
Эдгээр зүйлийг хийх нь бидэнд бие даах чадвар хөгжүүлэх бүлгийнхээ хоньчин байхад хэрхэн туслах вэ?
Зохицуулагчийг солих
Зохицуулагчийг солих
Дүгнэлт
Унш
Энэ сургалт нь бие даасан байх гэж юу болох, бие даах чадвар хөгжүүлэх бүлэг хэрхэн явагддаг мөн гайхалтай зохицуулагч байхын тулд бид юу хийж болох талаар бага ч гэсэн ойлголтыг өгч, бидэнд тусалсан гэж найдаж байна. Бие даах чадвар хөгжүүлэх бүлгийн нэг хэсэг байх нь бидний болон бүлгийн гишүүдийн маань хувьд өөр, шинэ туршлага байж болно. Энэ үйл явцад дасаж, нэг нэгнээ илүү сайн таньж мэдэхэд бага зэрэг хугацаа шаардагдаж болох юм. Энэ гарын авлагыг ойр ойрхон эргэн харж, Хавсралт дахь нэмэлт мэдээллийг, ялангуяа үнэлгээнүүдийг үзэж, илүү дэлгэрэнгүй мэдээлэл болон тус болох видео бичлэгийг srs.lds.org-оос аваарай. Бид цаг хугацаанд болон Их Эзэнд итгэж найдсанаар гайхалтай туршлагатай болох болно.
Үз
“Self-Reliance Facilitators: Bringing About Change” видео бичлэгийг srs.lds.org/videos-оос үзэх боломжтой. (Видео бичлэг байхгүй бол үргэлжлүүлэн унш.)
Ярилц (3 минут)
Энэ сургалтаас бид ямар ямар чухал зүйлийг сурч мэдсэн бэ?
Тунгаан бод (3 минут)
Энэ сургалтаас олж мэдсэн зүйлийнхээ талаар дор бүрнээ бод. Мөн Их Эзэн танаар юу хийлгэх хүсэлтэй байгааг эргэцүүлэн бод. Хариултаа доор бич.
Би өнөөдөр олж авсан туршлага дээрээ үндэслэн:
Залбирал
Хаалтын залбирлыг урилгаар хийлгэ.