Fakamatala Fakalahi ki he Tohí

Kumi ha Ngāue Lelei Ange: Ngaahi Meʻa ke Fili Mei Ai ki he Fakatahá

Neongo ko ha tukupā uike ʻe 12 ʻa e kalasi ko ʻení, ka ʻoku lava pē ke liliu e ngaahi fakatahá. ʻOku lahi ha ngaahi kulupu ʻoku nau fili ke fakahoko e vahe ʻe 10 ʻo e Kumi ha Ngāue Lelei Angé ʻi he ʻuluaki uike ʻe uá, koeʻuhí ke nau kamata ʻahiʻahi ngāue ʻaki leva e ngaahi taukei ko iá ʻi heʻenau kumi ngāué.

Hili pē hoʻo fakakakato e ngaahi vahe kotoa ʻi he Kumi ha Ngāue Lelei Angé, hokohoko atu e fakatahá ʻo tuʻo taha pe lahi hake ʻi he uiké, ʻi he toenga uike ʻe 12. Ko e ngaahi fakataha ko ʻení ʻoku meimei ke houa ʻe taha, pea te ke ngāue ʻaki e konga ko e “Fakamāsilaʻi Hoʻo Ngaahi Taukeí” ke lipooti ʻi hoʻomou ngaahi tukupaá, ako e konga ko e “Ko Hoku Fakavaʻé,” ʻahiʻahi ngāue ʻaki hoʻo ngaahi taukeí, pea fakahoko ha ngaahi tukupā fakauike.

Ko ha ngaahi fokotuʻu ʻeni ʻe niʻihi kuo ʻilo ʻe he ngaahi kulupu kehé ʻoku ʻaonga. Te ke lava ʻo ngāue ʻaki e ngaahi fokotuʻu ko ʻení pe faʻu pē ha ngaahi meʻa ke ke fili mei ai ki he fakatahá. ʻOku ʻi he peesi 17 ha fakatātā ʻo ha ngaahi ʻasenita.

Fili 1:Fakataha ʻi ha houa ʻe 8–9 ʻi he ʻuluaki fakatahá ke fakakakato kotoa e ngaahi vahé. Pea fakataha fakauike leva ki ha houa nai ʻe taha ʻi he ngaahi uike ʻe 11 ʻoku toé.

Fili 2:Fakataha tuʻo ua ʻi ha houa ʻe 4–5 ʻi loto ʻi he fuofua uike ʻe uá ke fakakakato kotoa e ngaahi vahé. Pea fakataha fakauike leva ki ha houa nai ʻe taha ʻi he ngaahi uike ʻe 10 ʻoku toé.

Fili 3:Fakataha tuʻo fā ʻi ha houa ʻe 2–3 ʻi he fuofua uike ʻe uá ke fakakakato kotoa e ngaahi vahé. Pea fakataha fakauike leva ki ha houa nai ʻe taha ʻi he ngaahi uike ʻe 10 ʻoku toé.

Fili 4:Fakataha fakauike ʻi ha houa ʻe ua he uike takitaha, ʻo ngāue ki ha vahe ʻe taha he uike. ʻE fie maʻu ha uike ʻe 10 ke fakakakato kotoa ai e ngaahi vahé. Fakataha fakauike ʻi ha houa nai ʻe taha ʻi he uike ʻe 2 ʻoku toé.

Ngaahi ʻasenitá

Fili 1

Fakataha 1 (houa ʻe 8–9)	Ngaahi Fakataha 2–12 (houa ʻe 1–1.5)
Ko Hoku Fakavaʻé Vahe 1–10 Tukupā	Lipooti Ko Hoku Fakavaʻé Fakatupulaki ʻEku Ngaahi Taukeí Tukupā

Fili 2

Fakataha 1 (houa ʻe 4–5)	Fakataha 2 (houa ʻe 4–5)	Ngaahi Fakataha 3–12 (houa ʻe 1–1.5)
Ko Hoku Fakavaʻé Vahe 1–5 Tukupā	Lipooti Ko Hoku Fakavaʻé Vahe 6–10 Tukupā	Lipooti Ko Hoku Fakavaʻé Fakatupulaki ʻEku Ngaahi Taukeí Tukupā

Fili 3:

Fakataha 1 (houa ʻe 3)	Fakataha 2 (houa ʻe 2)	Fakataha 3 (houa ʻe 3)	Fakataha 4 (houa ʻe 2)	Ngaahi Fakataha 5–14 (houa ʻe 1–1.5)
Ko Hoku Fakavaʻé Vahe 1–3 Tukupā	Vahe 4–6	Lipooti Ko Hoku Fakavaʻé Vahe 7–8 Tukupā	Vahe 9–10	Lipooti Ko Hoku Fakavaʻé Fakatupulaki ʻEku Ngaahi Taukeí Tukupā

Fili 4

Fakataha 1 (houa ʻe 2)	Ngaahi Fakataha 2–10 (houa ʻe 2)	Ngaahi Fakataha 11–12 (houa ʻe 1–1.5)
Ko Hoku Fakavaʻé Vahe 1 Tukupā	Lipooti Ko Hoku Fakavaʻé Ngaahi Fakataha 2–10 (tuʻo 1 he uike) Tukupā	Lipooti Ko Hoku Fakavaʻé Fakatupulaki ʻEku Ngaahi Taukeí Tukupā

Siviʻi Fakafoʻituitui ʻe he Tokotaha Tokoní ia

Toe fakamanatu ʻa e fakamatala ʻi laló, ʻi he ʻosi ʻa e fakataha fakakulupu kotoa pē. ʻOku fēfē hoʻo ngāué?

ʻOku fēfē ʻeku ngāué ʻi heʻeku hoko ko ha tokotaha tokoní?	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku ou fetuʻutaki ki he kau mēmipa ʻo e kulupú ʻi he lolotonga ʻo e uiké.	□	□	□	□
ʻOku ou fakahā ʻeku fiefiá mo e ʻofá ki he mēmipa takitaha ʻo e kulupú.	□	□	□	□
ʻOku ou tokoni ke fakapapauʻi ʻe lava ke lipooti ʻe he mēmipa kotoa ʻo e kulupú ʻa ʻene ngaahi tukupaá.	□	□	□	□
ʻOku siʻi ange ʻeku leá ʻi he toenga ʻo e kau mēmipa ʻo e kulupú. ʻOku tuʻunga tatau pē ʻa e kau mai ʻa e tokotaha kotoa.	□	□	□	□
ʻOku ou tuku ke tali ʻe he kau mēmipa ʻo e kulupú ʻa e ngaahi fehuʻí kae ʻikai ke u tali pē ʻe au.	□	□	□	□
ʻOku ou tauhi ʻa e taimi ʻoku fokotuʻu mai ki he konga mo e ʻekitivitī takitaha.	□	□	□	□
ʻOku ou tuku ha taimi ki he konga “Fakalaulaulotó” ke lava ʻe he Laumālie Māʻoniʻoní ʻo tataki e kau mēmipa ʻo e kulupú.	□	□	□	□
ʻOku ou muimui ki he tohi ngāué hangē ko hono tohí pea mo fakakakato ʻa e ngaahi kongá mo e ʻekitivitií kotoa.	□	□	□	□

ʻOku fēfē ʻeku kulupú?	ʻIkai ʻaupito	Taimi pē ʻe niʻihi	Taimi lahi	Maʻu pē
ʻOku feʻofaʻaki, fepoupouʻaki, mo fetokoniʻaki ʻa e kau mēmipa ʻo e kulupú.	□	□	□	□
ʻOku tauhi ʻe he kau mēmipa ʻo e kulupú ʻenau ngaahi tukupaá.	□	□	□	□
ʻOku maʻu ʻe he kau mēmipa ʻo e kulupú ha ngaahi ola fakamāmaní mo fakalaumālie fakatouʻosi.	□	□	□	□
ʻOku fetuʻutaki mo fepoupouʻaki maʻu pē e ngaahi hoa ngāué ʻi he lolotonga ʻo e uiké.	□	□	□	□

Maʻuʻanga Fakamatalá