Talitalí—Taimi Lōloa Tahá: Miniti ʻe 5

Founga Hono Fakaʻaongaʻi ʻo e Tohi Ngāue ko ʻEní

ʻI Hoʻo Vakai ki he Ngaahi Meʻá Ni, Muimui ki he Ngaahi Fakahinohino ko ʻEní.
Lau	Mamataʻi	Aleaʻi:	Fakalaulauloto	ʻEkitivitií
Lau leʻolahi ʻe ha taha maʻá e kulupú fakakātoa.	Mamataʻi ʻe he kulupú kotoa ʻa e foʻi vitioó.	Fevahevaheʻaki ʻe he kau mēmipa ʻo e kulupú ʻa e ngaahi fakakaukaú ʻi ha miniti ʻe ua ki he fā.	ʻOku fakakaukau, fakalaulauloto, mo tohi fakalongolongo fakafoʻituitui pē.	Ngāue fakafoʻituitui ʻa e kau mēmipa ʻo e kulupú pe mo ha niʻihi kehe, ʻi ha vahaʻa taimi pau.

Lotú:Fakaafeʻi ha taha ke ne fai ha lotu.

Taimí:Kole ki ha taha ke ne seti e taimí ki he konga takitaha.

Fakafeʻiloakí:ʻOku totonu ke toʻo ʻe he mēmipa kotoa pē ha sekoni ʻe 30 ke talaange ki he kulupú hono hingoá mo ha meʻa fekauʻaki mo ia.

Lau:ʻOku talitali lelei koe! Ko e taumuʻa ʻo e kiʻi tohi ko ʻení ke fakafeʻiloaki koe ki he ngaahi kulupu moʻui fakafalala pē kiate kitá. Ko ha polokalama foʻou ʻeni ʻa e Siasí ʻa ia ʻe tokoni ki he kau mēmipá ke nau ako ha ngaahi taukei faka-ngāue mo fakamālohia ʻenau ngaahi tōʻonga moʻui fakalaumālié. Ko e ako ʻi he ʻaho ní ʻe tatau pea hangē ia ko e ngaahi kulupu fakataha te ke tatakí. ʻI he houa ʻe ua ka hokó te tau ako e ngaahi tefito ko ʻení:

• Ko e hā ʻa e kulupu moʻui fakafalala pē kiate kita?

• Ko ho fatongia ko e tokotaha tokoní

• Ko e fokotuʻutuʻu ʻo ha fakataha kulupu moʻui fakafalala pē kiate kita.

• Founga ʻoku kau ai e kakaí ki ha kulupu moʻui fakafalala pē kiate kita

• Ngaahi fatongia kehe ʻo ha tokotaha tokoni