« រៀន—ម៉ោងជាអតិបរមា ៖ ៨៥ នាទី » ការសម្របសម្រួលក្រុមសម្រាប់ភាពខ្លួនទីពឹងខ្លួន ( ឆ្នាំ ២០១៦ )

« រៀន—ម៉ោងជាអតិបរមា ៖ ៨៥ នាទី,»ការសម្របសម្រួលក្រុម

រៀន—ម៉ោងជាអតិបរមា ៖ ៨៥ នាទី

តើក្រុមភាពខ្លួនទីពឹងខ្លួនគឺជាអ្វី ? ( ១០ នាទី )

សូមទស្សនា ៖« I Will Provide for My Saints ( យើងនឹងផ្ដត់ផ្គង់ដល់ពួកបរិសុទ្ធរបស់យើង ), » មាននៅគេហទំព័រ srs.lds.org/videos នៅក្រោម « ធនធានវីដេអូ » នៅក្នុងវគ្គ « ការសម្របសម្រួលក្រុម » (ពុំមានវីដេអូ សូមបន្ដអាន ) ។

ពិភាក្សា ៖តើសេចក្ដីជំនឿខ្ញុំលើព្រះយេស៊ូវគ្រីស្ទ នឹងជះឥទ្ធិពលលើភាពខ្លួនទីពឹងខ្លួនខាងវិញ្ញាណ និងខាងសាច់ឈាមរបស់ខ្ញុំយ៉ាងដូចម្តេច ?

អាន ៖គោលបំណងនៃក្រុមភាពខ្លួនទីពឹងខ្លួន គឺដើម្បីជួយមនុស្សឲ្យផ្លាស់ប្ដូររបៀបដែលពួកគេរស់នៅ ។ អែលឌើរ អិម រ័សុល បាឡឺដ បានបង្រៀនថា ៖ « ខ្ញុំជឿទៅលើក្រុមប្រឹក្សា ថាជាវិធីដ៏មានប្រសិទ្ធភាពបំផុតដើម្បីទទួលបានលទ្ធផលពិត ។ បន្ថែមពីលើនោះ ខ្ញុំដឹងថា ក្រុមប្រឹក្សាគឺជារបៀបរបស់ព្រះអម្ចាស់ ហើយថាទ្រង់បានបង្កើតអ្វីៗទាំងអស់នៅក្នុងសាកលលោកនេះ តាមរយៈក្រុមប្រឹក្សាសួគ៌ ដូចបានប្រាប់នៅក្នុងគម្ពីរដ៏បរិសុទ្ធ ( « ក្រុមប្រឹក្សាគ្រួសារ » Ensign ឬ លីអាហូណា ខែឧសភា ឆ្នាំ ២០១៦ ទំព័រ ៦៣ ) ។

តាមរយៈការធ្វើការជាមួយគ្នានៅក្នុងក្រុមប្រឹក្សា សមាជិកក្រុមមានលទ្ធភាពទទួលបានទេពកោសល្យការបំផុសគំនិត បទពិសោធន៍ និងចំណេះដឹងកាន់តែច្រើន ជាងដែលពួកគេមានតែម្នាក់ឯង ។ ក្រុមភាពខ្លួនទីពឹងខ្លួន ៖

មានសមាជិកចាប់ពី ៨-១២ នាក់ ធ្វើការទៅលើចំណាប់អារម្មណ៍រួម ដូចជា ការគ្រប់គ្រងហិរញ្ញវត្ថុ ការស្វែងរកការងារល្អប្រសើរមួយ ការកែលម្អការអប់រំរបស់ពួកគេ ឬការចាប់ផ្ដើម និងពង្រីកអាជីវកម្មមួយ ។
គឺជាបរិយាកាសសុវត្ថិភាពមួយ ដែលមនុស្សគ្រប់គ្នាមានអារម្មណ៍ល្អចូលរួមស្មើភាពគ្នា ។
ជួបប្រចាំសប្ដាហ៍រហូតដល់ ១២ សប្ដាហ៍ដើម្បីអភិវឌ្ឍជំនាញ និងទម្លាប់ថ្មី ។
ប្រើក្រុមប្រឹក្សាគំរូ ដូច្នេះសមាជិកក្រុមអាចរៀន និងលើកទឹកចិត្តគ្នាទៅវិញទៅមក ។
តាំងចិត្តអនុវត្តរាល់សប្ដាហ៍ទៅលើអ្វី ដែលសមាជិកក្រុមកំពុងរៀន ។
រាយការណ៍អំពីការរីកចម្រើនដើម្បីឲ្យសមាជិកក្រុមអាចទទួលខុសត្រូវចំពោះគ្នាទៅវិញទៅមកក្នុងការតាំងចិត្តរបស់ពួកគេ ។

ពិភាក្សា ៖តើក្រុមភាពខ្លួនទីពឹងខ្លួនខុសពីសិក្ខាសាលា ឬថ្នាក់ផ្សេងៗទៀតដែលអ្នកបានចូលរួមយ៉ាងដូចម្ដេច ?

តួនាទីរបស់អ្នកក្នុងនាមជាអ្នកសម្របសម្រួល ( ១៥ នាទី )

សូមទស្សនា ៖« របៀបជួយសម្របសម្រួលក្រុមមួយ » មាននៅគេហទំព័រ srs.lds.org/videos នៅក្រោម « ធនធានវីដេអូ » នៅក្នុងវគ្គ « ការសម្របសម្រួលក្រុម » (ពុំមានវីដេអូ សូមបន្ដអាន ) ។

ពិភាក្សា ៖តើអ្នកសម្របសម្រួលនៅក្នុងវីដេអូនេះ ត្រូវផ្លាស់ប្ដូរអ្វីខ្លះពីការធ្វើជាគ្រូបង្រៀនមកជាអ្នកសម្របសម្រួល ? តើវាជះឥទ្ធិពលមកលើក្រុមយ៉ាងដូចម្ដេច ?

អាន ៖ព្រះអម្ចាស់បានមានបន្ទូលអំពីក្រុមប្រឹក្សា ឬក្រុមនៅក្នុងសាសនាចក្រថា« ចូរកុំឲ្យទាំងអស់គ្នានិយាយព្រមគ្នាឡើយ ប៉ុន្តែចូរនិយាយម្នាក់ម្ដង ហើយចូរឲ្យទាំងអស់គ្នាស្ដាប់ពាក្យសម្ដីរបស់អ្នកនោះ ប្រយោជន៍កាលណាទាំងអស់គ្នានិយាយ នោះទើបឲ្យទាំងអស់បានស្អាងឡើងទាំងអស់គ្នា ហើយប្រយោជន៍ឲ្យមនុស្សគ្រប់រូបអាចបានសិទ្ធិស្មើគ្នា » (គ. និង ស. ៨៨:១២២បានបន្ថែមអក្សរទ្រេត ) ។

នៅក្នុងក្រុមភាព ខ្លួនទីពឹងខ្លួន ពុំមាននរណាម្នាក់ត្រូវបានហៅឲ្យបង្រៀនឡើយ ! ក្នុងនាមជាអ្នកសម្របសម្រួល ការងាររបស់អ្នកគឺដើម្បីជួយសមាជិកក្រុមធ្វើតាមឯកសារ ចូលរួមចំណែក ហើយយាងព្រះវិញ្ញាណមកក្នុងការពិភាក្សា ។ អ្នកពុំត្រូវបានហៅឲ្យធ្វើជាអ្នកជំនាញនោះទេ ។ ផ្ទុយទៅវិញ អ្នកគួរតែចូលរួមក្នុងនាមជាសមាជិកក្រុមម្នាក់ រក្សាការតាំងចិត្ត ហើយរៀនជាមួយគ្នា ។ គោលការណ៍ដូចខាងក្រោមនេះ ( ជាអក្សរដិត ) នឹងជួយក្រុមរបស់អ្នកមានបទពិសោធន៍ជោគជ័យមួយ ។

បង្កើតបរិយាកាសសុវត្ថិភាព ។ ជារៀងរាល់សប្ដាហ៍អ្នកចូលរួមនឹងរាយការណ៍ដោយបើកចំហទៅដល់ក្រុមអំពីការរីកចម្រើនរបស់ពួកគេនៅក្នុងការរក្សាការតាំងចិត្តនានា ។ ពួកគេនឹងមានកំហុសឆ្គង ហើយមានបទពិសោធន៍បរាជ័យ នៅពេលពួកគេធ្វើដំណើរឆ្ពោះទៅកាន់ភាពខ្លួនទីពឹងខ្លួនកាន់តែប្រសើរនោះ ។ នេះជារឿងធម្មតា ហើយវាមិនអីទេ ។ វាសំខាន់ណាស់ដើម្បីឲ្យអ្នកចូលរួមមានអារម្មណ៍ថា ពួកគេស្ថិតនៅក្នុងបរិយាកាសសុវត្ថិភាពដើម្បីសាកល្បង បរាជ័យ ហើយនៅទីបំផុតទទួលបានជោគជ័យ ។

ពិភាក្សា ៖តើមានវិធីអ្វីខ្លះដែលអ្នកអាចជួយដល់អ្នកចូលរួមមានអារម្មណ៍សុវត្ថិភាព អារម្មណ៍ល្អ ហើយទទួលយកបាននៅក្នុងក្រុម ?

អាន ៖លើកទឹកចិត្តឲ្យមានការចូលរួម ។ ក្នុងនាមជាអ្នកសម្របសម្រួល អ្នកពុំគួរនិយាយច្រើនជាងអ្នកឯទៀតនៅក្នុងក្រុមនោះទេ ។ អ្នកគួរតែចូលរួមជាមួយពួកគេ ហើយជួយឲ្យគ្រប់គ្នានិយាយ ។

សកម្មភាព

ជំហានទី ១ ៖ នៅក្នុងក្រុមដែលមានគ្នាបីនាក់ សូមអានសកម្មភាពអ្នកសម្របសម្រួលដូចខាងក្រោម ។

ជំហានទី ២ ៖ អ្នករាល់គ្នាម្នាក់ៗ ជ្រើសរើសសកម្មភាពមួយមកពីជួរឈរនីមួយៗ ហើយពិភាក្សាថាហេតុអ្វីវាមានប្រយោជន៍ ឬខូចប្រយោជន៍ដល់ការចូលរួម ។

តើអ្វីខ្លះលើកទឹកចិត្តនាំឲ្យមានការចូលរួម និងសាមគ្គីភាព ?

តើអ្វីខ្លះធ្វើឲ្យខូចប្រយោជន៍ដល់ការចូលរួម និងសាមគ្គីភាព ?

តម្រង់ទិសដៅសំណួរសួរដល់ក្រុមឡើងវិញ
និយាយដោយមានការគោរពចំពោះអ្នកដទៃ
ស្គាល់ឈ្មោះមនុស្សគ្រប់គ្នា
ញញឹម ហើយរួសរាយរាក់ទាក់
ចាប់ផ្ដើមការប្រជុំ ហើយបញ្ចប់ការប្រជុំវិញទាន់ម៉ោង
ទុកចិត្ត ហើយធ្វើតាមសៀវភៅលំហាត់

ផ្ដល់មតិបំបាក់ទឹកចិត្ត និងមតិរិះគន់តិទៀន
ផ្ដល់មតិគ្រប់សំណួរ ហើយត្រូវតែនិយាយសន្និដ្ឋាន ចុងក្រោយគេ
បញ្ចប់ការប្រជុំយឺតពេល
និយាយច្រើនពេក ឬធ្វើខ្លួនដូចជាគ្រូបង្រៀន

ពិភាក្សា ៖តើអ្នកនឹងដោះស្រាយជាមួយមនុស្សដែលនិយាយច្រើនតែម្នាក់ឯង ឬមិនចូលរួមដោយរបៀបណា ?

អាន ៖ចាប់ផ្ដើម និងបញ្ចប់ទាន់ម៉ោង ។ សមាជិកក្រុមគួរតែអាចទុកចិត្តថា ក្រុមនឹងចាប់ផ្ដើម ហើយបញ្ចប់ទៅវិញទាន់ម៉ោង ។ វគ្គ និងសកម្មភាពនីមួយៗ បានផ្ដល់យោបល់អំពីម៉ោងកំណត់ ។ រាល់សប្ដាហ៍អ្នកអាចចាត់នរណាម្នាក់នៅក្នុងក្រុមឲ្យធ្វើជាអ្នកកំណត់ម៉ោង ។

ពិភាក្សា ៖តើមានអ្វីផ្សេងទៀតដែលអ្នកអាចធ្វើដើម្បីជួយដល់ក្រុមឲ្យដំណើរការទាន់ម៉ោង ?

អាន ៖រក្សាការផ្ដល់មតិយោបល់ឲ្យមានការទាក់ទងគ្នា ហើយវិជ្ជមាន ។ មិនត្រូវចែកចាយរឿងដែលតិទៀនអ្នកដទៃ ទោះវាជារឿងរបស់មនុស្សម្នាក់ដែលសមាជិកក្រុមមិនស្គាល់ក្ដី ។

ពិភាក្សា ៖តើអ្នកអាចលើកទឹកចិត្តឲ្យការផ្ដល់មតិរបស់ក្រុមត្រូវបានផ្ដោតចិត្តទុកដាក់ និងមានការគោរពដោយរបៀបណា ?

រចនាសម្ព័ន្ធនៃការប្រជុំក្រុមភាពខ្លួនទីពឹងខ្លួន ( ៤០ នាទី )

សូមទស្សនា ៖« Go and Do’ Learning ( ការរៀន ទៅ ហើយធ្វើ ) » មាននៅគេហទំព័រ srs.lds.org/videos នៅក្រោម « ធនធានវីដេអូ » នៅក្នុងវគ្គ « ការសម្របសម្រួលក្រុម » (ពុំមានវីដេអូ សូមបន្ដអាន ) ។; អាន ៖ការប្រជុំក្រុមនីមួយៗមានប្រាំវគ្គ ។ អ្នកពុំគួររំលងវគ្គមួយណាទេ ។
: ការរាយការណ៍ ៖នៅក្នុងវគ្គនេះ សមាជិកក្រុមវាយតម្លៃការខិតខំរបស់ពួកគេ ហើយរាយការណ៍អំពីការរីកចម្រើនរបស់ពួកគេទៅដល់ក្រុម ។ ពួកគេចែកចាយរឿងទាំងឡាយដែលពួកគេបានរៀនមកពីការហាត់រៀនជំនាញ និងទម្លាប់ថ្មី ។ ការវាយតម្លៃលើការរីកចម្រើន គឺមានសារៈសំខាន់ដើម្បីបង្កើតទម្លាប់ថ្មី ។ ( សូមចំណាយពេល២០-៣០ នាទី ) ។; ពិភាក្សា ៖តើការរាយការណ៍អំពី ការរីកចម្រើនរបស់យើងដោយបើកចំហទៅដល់ក្រុមអាចជួយយើងយ៉ាងដូចម្ដេច ?
: មូលដ្ឋានគ្រឹះរបស់ខ្ញុំ ៖នៅក្នុងវគ្គនេះ សមាជិករៀន ហើយអនុវត្តគោលការណ៍នៃសេចក្ដីជំនឿ ការអប់រំ ការខិតខំធ្វើការ និងការទុកចិត្តទៅលើព្រះអម្ចាស់ ។ ជារៀងរាល់សប្ដាហ៍ អ្នកចូលរួមរំឭកអំពី គោលការណ៍គ្រឹះមួយដែលនឹងជួយពួកគេប្រែកាន់តែមានភាពខ្លួនទីពឹងខ្លួន ។ ( សូមចំណាយពេល២០ នាទី ) ។; ពិភាក្សា ៖តើហេតុអ្វីយើងសិក្សាទាំងគោលលទ្ធិ និងជំនាញខាងសាច់ឈាមនៅក្នុងក្រុមរបស់យើង ?
: រៀន ៖នៅក្នុងវគ្គនេះ អ្នកចូលរួមក្រុម អាន ពិភាក្សា ហើយអនុវត្តគំនិត និងជំនាញថ្មី ដែលនឹងជួយពួកគេឲ្យមានភាពខ្លួនទីពឹងខ្លួនខាងសាច់ឈាម ។ ( សូមចំណាយពេល៤០-៥០ នាទី ) ។
: ពិចារណ ៖នៅក្នុងវគ្គនេះ អ្នកចូលរួមក្រុម ពិចារណា ហើយសរសេរអំពីអ្វីៗដែលពួកគេបានរៀនអំឡុងការជួបជុំក្រុម ។ ពួកគេស្វែងរកការណែនាំមកពីព្រះអម្ចាស់ ហើយស្វែងរករបៀបដើម្បីកែលម្អ ។ សូមកុំរំលងវគ្គណាមួយឡើយ ។ ( សូមចំណាយពេល៥-១០ នាទី ) ។; ពិភាក្សា ៖តើការពិចារណា—ដោយស្ងាត់ស្ងៀម និងដោយគ្មានការពិភាក្សា—អនុញ្ញាតឲ្យព្រះវិញ្ញាណបរិសុទ្ធបង្រៀនយើងយ៉ាងដូចម្ដេច ?
: តាំងចិត្ត ៖នៅក្នុងវគ្គនេះ អ្នកចូលរួមតាំងចិត្តអនុវត្តជំនាញ និងទម្លាប់ថ្មី ដែលពួកគេបានរៀន និងពិភាក្សានៅក្នុងការប្រជុំក្រុម ។ ការធ្វើ និងការរក្សាការតាំងចិត្ត គឺមានសារៈសំខាន់ចំពោះដំណើរការនៃការស្ថាបនាទម្លាប់ថ្មី ។ ដើម្បីជាជំនួយ អ្នកចូលរួមទាំងឡាយនឹងជ្រើសរើសសមាជិកដទៃទៀតក្នុងក្រុមឲ្យដើរតួជាដៃគូសកម្មភាព ។ ដៃគូសកម្មភាពត្រួតពិនិត្យមើលគ្នាទៅវិញទៅមក អំឡុងសប្ដាហ៍ដើម្បីផ្ដល់នូវការលើកទឹកចិត្ត និងការគាំទ្រ ។ អ្នកចូលរួមក៏តាំងចិត្តបង្រៀនអ្វីដែល ពួកគេរៀនទៅដល់គ្រួសារ ឬមិត្តភក្ដិរបស់ពួកគេផងដែរ ។ ( សូមចំណាយពេល៥-១០ នាទី ) ។; ពិភាក្សា ៖តើហេតុអ្វីបានជាវាសំខាន់ដើម្បីធ្វើ ឬមានដៃគូសកម្មភាព ?
: អនុវត្ត ៖អ្នកចូលរួមត្រូវតែធ្វើតាមការតាំងចិត្តរបស់ពួកគេអំឡុងសប្ដាហ៍ដើម្បីផ្លាស់ប្ដូររបៀបដែលពួកគេរស់នៅ ! ការធ្វើ និងការបង្រៀនអ្នកដទៃអំពីអ្វីដែលពួកគេបានរៀន ជួយអភិវឌ្ឍជំនាញ និងទម្លាប់នៃភាពខ្លួនទីពឹងខ្លួន ។ ( ចំណាយពេល ៣-៨ ម៉ោងក្នុងមួយសប្ដាហ៍ ) ។; ពិភាក្សា ៖តើខ្ញុំអាចជួយសមាជិកក្រុមឲ្យធ្វើសកម្មភាពអំឡុងសប្ដាហ៍ដើម្បីបង្កើតទម្លាប់ល្អបានយ៉ាងដូចម្ដេច ?; អាន ៖ឥឡូវដោយសារអ្នកបានដឹងអំពីរចនាសម្ព័ន្ធរួចហើយ ចូរអនុវត្តវគ្គនៃការប្រជុំគ្នាពិតមួយ ។

សកម្មភាព

ជំហានទី ១ ៖ ជ្រើសរើសនរណាម្នាក់នៅក្នុងក្រុមដើម្បីសម្របសម្រួលនៅ វគ្គមូលដ្ឋានគ្រឹះរបស់ខ្ញុំ ។ អ្នកសម្របសម្រួលពុំគួរបង្រៀនគោលការណ៍ទៅកាន់ក្រុមនោះទេ ។ ផ្ទុយទៅវិញគាត់ធ្វើតាមឯកសារដូចបានសរសេរទុក ហើយលើកទឹកចិត្តគ្រប់គ្នាឲ្យចូលរួម ។

ជំហានទី ២ ៖ សូមបើកទៅ ទំព័រ ១២ ហើយចាប់ផ្ដើមគោលការណ៍មូលដ្ឋានគ្រឹះរបស់ខ្ញុំ « ភាពខ្លួនទីពឹងខ្លួន គឺជាគោលការណ៍មួយនៃសេចក្ដីសង្គ្រោះ » ។

ជំហានទី ៣ ៖ បន្ទាប់ពីអ្នកបញ្ចប់វគ្គ មូលដ្ឋានគ្រឹះរបស់ខ្ញុំ សូមប្រើសំណួរនៅខាងក្រោមដើម្បីផ្ដល់មតិត្រលប់មកអ្នកសម្របសម្រួលវិញ ។

តើអ្នកសម្របសម្រួលបានធ្វើតាមប្ររ៉ូលបានល្អប៉ុណ្ណា ?
តើអ្នកសម្របសម្រួលលើកទឹកចិត្តឲ្យមានការចូលរួមមកពីក្រុមយ៉ាងដូចម្ដេច ?
តើសមាជិកក្រុមទទួលអារម្មណ៍ពីឥទ្ធិពលនៃព្រះវិញ្ញាណបរិសុទ្ធដែរឬទេ ?

របៀបដែលមនុស្សមកចូលរួមក្នុងក្រុម ( ១០ នាទី )

សូមទស្សនា ៖« ការជ្រើសរើសក្រុមភាពខ្លួនទីពឹងខ្លួន » មាននៅគេហទំព័រ srs.lds.org/videos នៅក្រោម « ធនធានវីដេអូ » នៅក្នុងវគ្គ « ការសម្របសម្រួលក្រុម » ( ពុំមានវីដេអូឬ ? សូមបន្ដអាន ) ។

អាន ៖ដំណើរការដើម្បីចូលរួមក្រុមមួយមានបីដំណាក់កាល ។

ទីមួយ ក្រុមប្រឹក្សាវួដអញ្ជើញសមាជិកឲ្យចូលរួមក្នុងការប្រជុំធម្មនិដ្ឋានភាពខ្លួនទីពឹងខ្លួន ។

ទីពីរ សមាជិកដែលចូលរួមការប្រជុំធម្មនិដ្ឋាននឹង ៖

រៀនអំពីគោលលទ្ធិ និងគោលការណ៍មូលដ្ឋានទាំងឡាយនៃភាពខ្លួនទីពឹងខ្លួន ។
វាយតម្លៃលើតម្រូវការខាងវិញ្ញាណ និងខាងសាច់ឈាមបច្ចុប្បន្ននេះរបស់ពួកគាត់ ។
ជ្រើសរើសក្រុមមួយដែលនឹងកែលម្អជំនាញរបស់ពួកគេ ។
ជ្រើសរើសថ្ងៃមួយ ពេលមួយ និងទីតាំងមួយសម្រាប់ការប្រជុំក្រុម ។

ទីបី សមាជិកចាប់ផ្ដើមចូលរួមក្នុងក្រុមដែលពួកគេជ្រើសរើសមួយសប្ដាហ៍បន្ទាប់ពីការប្រជុំធម្មនិដ្ឋាន ។

ការទទួលខុសត្រូវក្នុងការគ្រប់គ្រងរបស់អ្នកសម្របសម្រួលម្នាក់ ( ១០ នាទី )

ការចុះឈ្មោះក្នុងក្រុម

អាន ៖វាសំខាន់ណាស់ដើម្បីចុះឈ្មោះក្រុម ហើយក្រោយមកបំពេញរបាយការណ៍អំពីក្រុមនៅចុងបញ្ចប់ ។ ដំណើរការនេះ នឹងអនុញ្ញាតឲ្យអ្នកស្នើសុំវិញ្ញាបនបត្រសម្រាប់សមាជិកក្រុម ទទួលបានសម្ភារបំពាក់បំប៉នបន្ថែម ហើយជួយសាសនាចក្រកែលម្អកម្មវិធីភាពខ្លួនទីពឹងខ្លួន ។ សូមរំឭកមើលសេចក្ដីណែនាំដូចខាងក្រោម ៖

ពីមុនការជួបជុំក្រុមជាលើកទីមួយសូមទាញយកទម្រង់បែបបទការចុះឈ្មោះក្រុមនៅគេហទំព័រ srs.lds.org/report ។ បំពេញទម្រង់បែបបទអំឡុងការជួបប្រជុំក្រុមជាលើកទីមួយ ។ បន្ទាប់ពីបំពេញទម្រង់បែបបទរួច សូមចូលទៅគេហទំព័រ srs.lds.org/report ដើម្បីបំពេញព័ត៌មាន ។
ទំនាក់ទំនងទៅកាន់អ្នកជំនាញភាពខ្លួនទីពឹងខ្លួនប្រចាំស្ដេករៀងរាល់សប្ដាហ៍ដើម្បីប្រាប់ឲ្យគាត់ដឹងថានរណាចូលរួមនៅក្នុងការប្រជុំ ហើយមានសមាជិកក្រុមណាម្នាក់មានដំណើររឿងជោគជ័យ ។
ពីមុនការជួបប្រជុំក្រុមជាលើកចុងក្រោយ សូមទាញយក របាយការណ៍បញ្ចប់ក្រុម និងទម្រង់បែបបទស្នើសុំវិញ្ញាបនបត្រនៅគេហទំព័រ srs.lds.org/report ។ បំពេញទម្រង់បែបបទអំឡុងការជួបប្រជុំក្រុមជាលើកចុងក្រោយ ។ បន្ទាប់ពីបំពេញទម្រង់បែបបទរួច សូមចូលទៅគេហទំព័រ srs.lds.org/report ដើម្បីបំពេញព័ត៌មាន ។

ការរៀបចំបន្ទប់ និងវីដេអូ ជារៀងរាល់សប្ដាហ៍

អាន ៖អ្នកជំនាញផ្នែកភាពខ្លួនទីពឹងខ្លួនប្រចាំស្តេករបស់អ្នកគួរតែបម្រុងទុកបន្ទប់មួយនៅក្នុងអគារសាសនាចក្រសម្រាប់អ្នក ។ រាល់សប្ដាហ៍អ្នកគួរតែមកថ្នាក់ពីរបីនាទីមុន ដើម្បីរៀបចំតុ និងកៅអី ។ អ្នកក៏គួរតែរៀបចំឧបករណ៍សោតកម្ម ហើយមើលបញ្ជាក់ថាវីដេអូ និងសំឡេងដំណើរការល្អផងដែរ ។

សកម្មភាព

ជំហានទី ១ ៖ សូមមើលដ្យាក្រាមគំនូសព្រាងបន្ទប់ដូចខាងក្រោម ។

ជំហានទី ២ ៖ ពិភាក្សាថាហេតុអ្វីការរៀបចំកន្លែងអង្គុយមានសារៈសំខាន់ក្នុងដំណើរការនៃការរៀនសូត្ររបស់ក្រុម ។

ពុំមែនដូចនេះទេ

កំណត់ចំណាំ ៖ រូបភាពផ្កាយនៅខាងលើតំណាងឲ្យអ្នកសម្របសម្រួល ។

ការសម្របសម្រួលក្រុម « ស្វែងរកការងារល្អប្រសើរ »

បើអ្នកកំពុងសម្របសម្រួលក្រុម ស្វែងរកការងារល្អប្រសើរមួយ នោះមានរឿងពីរយ៉ាងដែលអ្នកត្រូវដឹង ។

ទីមួយ នៅពេលអ្នកបង្កើតក្រុមរបស់អ្នកនៅឯការប្រជុំធម្មនិដ្ឋានភាពខ្លួនទីពឹងខ្លួន សូមអញ្ជើញសមាជិកក្រុមឲ្យនាំយកសំណៅនៃ បញ្ជីការងារមួយដែលពួកគេចាប់អារម្មណ៍មកក្នុងការប្រជុំក្រុមនីមួយៗ ។

ទីពីរ ជម្រើសការប្រជុំរបស់អ្នកមានភាពបត់បែន ។ សូមអានទំព័រ ១៦-១៧ នៅក្នុងឧបសម្ព័ន្ធ ។ បង្ហាញជម្រើសការប្រជុំដល់អ្នកទាំងឡាយដែលជ្រើសរើសក្រុមរបស់អ្នកនៅឯការប្រជុំធម្មនិដ្ឋានភាពខ្លួនទីពឹងខ្លួន ។

សេចក្ដីសង្ខេប

អាន ៖សូមមើលបញ្ជីនេះជាញឹកញាប់អំឡុងការបម្រើរបស់អ្នកក្នុងនាមជាអ្នកសម្របសម្រួល ។

អ្វីដែលអ្នកត្រូវធ្វើពីមុន ការប្រជុំក្រុម

ទូរសព្ទហៅ ឬផ្ញើសារទៅសមាជិកក្រុមដើម្បីរំឭកពួកគេអំពីថ្ងៃ ម៉ោង និងទីកន្លែង ។
ពិនិត្យឯកសារដើម្បីរៀបចំធ្វើការសម្របសម្រួល—ប៉ុន្តែកុំរៀបចំដើម្បីបង្រៀនវាដូចជាមេរៀនមួយឡើយ ។
ចូរសុំឲ្យអ្នកជំនាញផ្នែកភាពខ្លួនទីពឹងខ្លួនប្រចាំស្តេកផ្ដល់សៀវភៅលំហាត់ដល់អ្នកឲ្យបានគ្រប់គ្រាន់សម្រាប់មនុស្សគ្រប់គ្នាដែលបានចុះឈ្មោះ រួមទាំងសំណៅពីរច្បាប់បន្ថែមផង ។
សូមមកដល់ថ្នាក់មុនម៉ោងដើម្បីរៀបចំកៅអី តុ និងវីដេអូឲ្យបានត្រឹមត្រូវ ។
មានប៊ិច និងខ្មៅដៃសម្រាប់អ្នកដែលភ្លេចយកមក ។

អ្វីដែលអ្នកត្រូវធ្វើនៅក្នុងការប្រជុំក្រុម

ស្វាគមន៍ដល់សមាជិកក្រុមដោយកក់ក្ដៅ ហើយរៀនស្គាល់ពួកគេ ។
ទទួលស្គាល់ ហើយទះដៃអបអរសាទរចំពោះការសម្រេចបាន និងការរីកចម្រើនរបស់ពួកគេ ។
ចាត់អ្នកកំណត់ម៉ោងម្នាក់ដើម្បីគ្រប់គ្រងពេលវេលាដូចបានផ្ដល់ឲ្យ ។
លើកទឹកចិត្តឲ្យមានការពិភាក្សានៅក្នុងចំណោមសមាជិកក្រុម ។
គូសបញ្ជាក់អំពីការធ្វើតាមការតាំងចិត្តនៅចន្លោះការប្រជុំ ។
រំឭកសមាជិកក្រុមឲ្យគោរពដល់ព័ត៌មានសម្ងាត់ ។

អ្វីដែលអ្នកត្រូវធ្វើបន្ទាប់ពីការប្រជុំក្រុម

សូមចូលទៅគេហទំព័រ srs.lds.org/report បន្ទាប់ពីការជួបក្រុមដំបូង និងលើកចុងក្រោយ សម្រាប់ការចុះឈ្មោះ ការរាយការណ៍ និងវិញ្ញាបនបត្រ ។
លើកទឹកចិត្តឲ្យមានដៃគូសកម្មភាពធ្វើការទំនាក់ទំនងគ្នា និងជួយគ្នាទៅវិញទៅមក ក្នុងអំឡុងសប្តាហ៍ ។
ទាក់ទងទៅកាន់ អ្នកជំនាញផ្នែកភាពខ្លួនទីពឹងខ្លួនប្រចាំស្តេករាល់សប្ដាហ៍ ហើយប្រាប់ឲ្យគាត់ដឹងអំពីវត្តមានរបស់អ្នក ហើយថាតើការប្រជុំមានដំណើរការយ៉ាងណា ។
ពិនិត្យមើលឯកសារសម្រាប់ការជួបប្រជុំក្រុមលើក្រោយប្រកបដោយការអធិស្ឋាន ។
រៀបចំខាងវិញ្ញាណ ហើយធ្វើតាមការបំផុសគំនិតដែលអ្នកទទួលបាន ។