Мэндчилгээ—Дээд талын хугацаа: 5 минут

Энэ дасгалын номыг хэрхэн ашиглах вэ?

Та эдгээр сануулгыг хараад, удирдамжуудыг дага
Унш	Үз	Ярилц	Тунгаан бод	Үйл ажиллагаа
Нэг хүн бүлгийнхэнд чанга уншиж өгнө.	Бүлгийнхэн бүгдээрээ видео бичлэгийг үзнэ.	Бүлгийн гишүүд бодол санаагаа хоёроос дөрвөн минутад багтаан хуваалцана.	Хувь хүмүүс дор бүрээ эргэцүүлэн бодож, бясалгаж, бичнэ.	Бүлгийн гишүүд заасан хугацаанд ганцаараа эсвэл бусадтай хамт ажиллана.

Залбирал:Хэн нэгнийг залбирахад урь.

Цаг:Хэн нэгнийг хэсэг бүрд зориулан цаг хэмжигч тавихыг хүс.

Танилцуулга:Оролцогч бүр бүлгийнхэнд 30 секундэд багтаан нэрээ хэлж, өөрийгөө танилцуулна.

Унш:Тавтай морилно уу! Энэ товхимлын зорилго бол таныг бие даах чадвар хөгжүүлэх бүлгүүдтэй танилцуулах явдал юм. Энэ нь Сүмийн шинэ хөтөлбөр бөгөөд гишүүдэд практик ур чадварт суралцаж, сүнслэг дадал хэвшлээ хүчирхэгжүүлэхэд тусална. Өнөөдрийн сургалт таны зохицуулагчаар оролцох гэж байгаа бие даах чадвар хөгжүүлэх бүлгийн цугларалттай адилхан байх болно. Дараагийн хоёр цагийн туршид бид дараах сэдвүүдийг авч үзнэ. Үүнд:

• Бие даах чадвар хөгжүүлэх бүлэг гэж юу вэ?

• Зохицуулагчийн хувьд таны гүйцэтгэх үүрэг

• Бие даах чадвар хөгжүүлэх бүлгийн бүтэц

• Хүмүүс бие даах чадвар хөгжүүлэх бүлэгт хэрхэн нэгдэж болох вэ?

• Зохицуулагчийн арын албаны үүрэг хариуцлага