Mensahe gikan sa Unang Kapangulohan

Among minahal nga batan-ong mga kaigsoonan,

Gimahal namo kamo ug kami adunay pagsalig kaninyo. Kamo sa tinuod naapil sa pinili nga mga espiritu sa Langitnong Amahan, gipadala sa kalibotan niining panahona aron sa pagbuhat og importanteng mga butang.

Tingali adunay mga panahon nga kamo wala mobati og kalig-on o kaangayan. Normal ra kana. Ilabi na nianang mga higayona, dangop ngadto sa Manluluwas. Siya mao ang “kalig-on sa kabatan-onan.”

Kini nga giya motabang kaninyo sa pagtukod og lig-on nga pundasyon alang sa paghimo og mga pagpili aron magpabilin diha sa dalan sa pakigsaad. Kini motabang kaninyo sa pagpangandam aron makahimo og sagrado nga mga pakigsaad diha sa templo, makaandam sa pagserbisyo og misyon, ug makakaplag og hingpit nga kalipay sa pagsunod ni Jesukristo sa tibuok ninyong kinabuhi. Manghinaot kami nga kamo mobati nga nahisakop sa Simbahan sa Manluluwas ug magbaton og gahom gikan Kaniya sa pagtuman sa Iyang mga katuyoan alang kaninyo.

Kami nasayod nga ang Dios buhi. Kini among pag-ampo nga kamo magpabilin nga lig-on diha sa dalan sa pakigsaad nga mopadulong balik ngadto sa inyong Amahan sa Langit. Sa inyong pagbuhat, kamo mahimong usa ka impluwensiya alang sa kaayohan, malipayong mopakigbahin sa ebanghelyo ug mo-andam sa kalibotan alang sa ikaduhang Pag-anhi sa Manluluwas.

Ang Unang Kapangulohan