iTukutuku mai na Mataveiliutaki Taumada

Kemuni na taciqu kei na ganequ lomani gone,

Keitou lomani iko ka keitou sa vakanuinui tu vei iko. O ni sa tiko ena kedra maliwa na vei yalo digitaki ni Tamada Vakalomalagi, ka talai mai ki vuravura e na gauna oqo mo ni mai vakayacora na veika bibi.

E na so beka na gauna o na sega ni vakila na kaukauwa se na rawa-ka. Oya sa kena ivakarau. E na gauna vakaoqori, rai ki vua na iVakabula. Sa iKoya na “isakisaki ni itabagone.”

Na idusidusi oqo ena vukei iko mo tara cake e dua na yavu tudei ni nomu digidigi mo tiko ga e na salatu ni veiyalayalati. E na vukei iko mo vakavakarau mo vakayacora na veiyalayalati tabu e na valetabu, vakavakarau mo na lako i kaulotu, ka kune reki e na nomu muri Jisu Karisito e na nomu bula taucoko. Keitou nuitaka ni ko kila ni ko sa itaukei e na Lotu ni iVakabula ka tu vei iko na kaukauwa mai Vua mo vakayacora na Nona inaki me baleti iko.

E da kila ni bula tiko na Kalou. Sa neitou masu mo na tudei tiko e na salatu ni veiyalayalati ka na veimuataki lesu ki vua na Tamamu mai Lomalagi. Ni ko vakayacora oqo, ko na yaco mo na dauveivakauqeti ni veika vinaka, wasea na kosipeli ena reki ka vakarautaka na vuravura oqo ki na iKarua ni Lesumai ni iVakabula.

Na Mataveiliutaki Taumada