Na droini kei Jisu kei na dua na marama ni rau veitalanoa voli e na yasa ni dua na tobu.

Kune reki vei Karisito

Na digidigi e sa ka bibi. Na digidigi e yavutaki e na ivakavuvuli ni kosipeli ka ikalawa me na kauti iko vakavoleka vua na Tamamu Vakalomalagi kei Jisu Karisito. A kaya kina o Jisu, “Au sa vosataka na veika oqo vei kemudou, … ka me sinai na nomudou marau” (Joni 15:11 Ena veikalawa yadua ki Vua, o na vakila ni o na voleka yani ki na Yalo kei na nomu veiwekani ni veiyalayalati kei na Kalou ena kaukauwa cake.

Ia oya e sega ni kena ibalebale ni na sega ni dredre na sala. Ia me vaka ni sega ni dua e taubaletaka vakadodonu sara e dua na laini dodonu, dau dikeva vakawasoma na nomu ilakolako ka rokova na ivakaro ni Kalou. Maroroya na nomu veiyalayalati kei na Kalou, ka tu vakarau mo vakayacora e levu cake. Na veiyalayalati e semati iko ki vua na Tamada Vakalomalagi kei na iVakabula. E ra na vakalevutaka na kaukauwa ni Kalou e na nomu bula ka vakarautaki iko mo ciqoma na bula tawamudu.

Ena digidigi kece sara e rawa, na kena e bibi duadua sa ikoya na digidigi me da muri Jisu Karisito. O Koya e sa vu ni nodra kaukauwa na itabagone. Na Nona kosipeli sa sala rekitaki lesu vei Tamamu Vakalomalagi.