အသုံးပြုခြင်း အထွေထွေလက်စွဲစာအုပ်မှ ကောက်နုတ်ချက်များ

အထွေထွေလက်စွဲစာအုပ်မှ ကောက်နုတ်ချက်များသည် အထွေထွေလက်စွဲစာအုပ်၊ ယေရှုခရစ်တော်၏နောက်ပိုင်းကာလသန့်ရှင်းသူများအသင်းတော်၌ အမှုဆောင်ခြင်း တစ်ခုလုံးမှ မရှိမဖြစ်အလိုအပ်ဆုံးလမ်းညွှန်မှုများကို စုစည်းထားခြင်း တစ်ခုဖြစ်ပါသည်။ အောက်ပါခေါင်းဆောင်တို့အတွက်ဖြစ်ပါသည်၊

• လက်စွဲစာအုပ်တစ်ခုလုံးကို မိမိတို့နှစ်သက်ရာဘာသာစကားဖြင့် ရရှိခြင်းမရှိသေးသောသူများ။

• အထွေထွေလက်စွဲစာအုပ် အနှစ်ချုပ်မူထံမှ အကျိုးရှိနိုင်သောသူများ။

အထွေထွေလက်စွဲစာအုပ်မှ ကောက်နုတ်ချက်များတွင်အသုံးပြုထားသည့် အခန်းများ၊ ကဏ္ဍများနှင့် ကဏ္ဍခွဲနံပါတ်စဉ်များသည် အထွေထွေလက်စွဲစာအုပ်တစ်ခုလုံး၌ အသုံးပြုထားသည့် နံပါတ်စဉ်များနှင့် ကိုက်ညီပါသည်။ ဤအရာက နံပါတ်များကို အပြန်အလှန်ရည်ညွှန်းခြင်းနှင့် နှိုင်းယှဉ်ခြင်းတို့ကို လွယ်ကူစေပါသည်။

အထွေထွေလက်စွဲစာအုပ်မှ ကောက်နုတ်ချက်များရှိ နံပါတ်စဉ်များသည် လက်စွဲစာအုပ်တစ်ခုလုံးရှိ ကဏ္ဍများ သို့မဟုတ် ကဏ္ဍခွဲများရှိနံပါတ်များကို တစ်ခါတစ်ရံတွင် ကျော်သွားပါလိမ့်မည်။ ထိုသို့ဖြစ်ရသည်မှာ ဤအနှစ်ချုပ်လက်စွဲစာအုပ်သည် လက်စွဲစာအုပ်တစ်ခုလုံးမှ မရှိမဖြစ်အလိုအပ်ဆုံး အကြောင်းအရာကိုသာ ထည့်သွင်းထားသောကြောင့်ဖြစ်ပါသည်။

အထွေထွေလက်စွဲစာအုပ်မှ ကောက်နုတ်ချက်များသည် ခေါင်းဆောင်များစွာတို့ မကြာမကြာ မေးလေ့ရှိသည့် မေးခွန်းများအတွက် အဖြေများပေးနိုင်သော်လည်း၊ ခေါင်းဆောင်များတွင် ထိုစာအုပ်မှ မဖော်ပြ သို့မဟုတ် အပြည့်အစုံမဖြေသည့် မေးခွန်းအချို့ရှိလိမ့်မည်။ ထိုကဲ့သို့သောကိစ္စများတွင်၊ ခေါင်းဆောင်များသည် သူတို့အသုံးပြုနိုင်သည့် ဘာသာစကားဖြင့် အထွေထွေလက်စွဲစာအုပ် အပြည့်အစုံ ရရှိနိုင်လျှင်၊ ရည်ညွှန်းကြည့်ရှုနိုင်ပါသည်။ ခေါင်းဆောင်များသည် လမ်းညွှန်မှုအတွက် မိမိတို့၏အနီးကပ်ဦးစီးသည့် အခွင့်အာဏာရှိသူနှင့် တိုင်ပင်နိုင်ပါသည်။

သင်သည် ကိုယ်တော်၏သားသမီးများအတွက် ကယ်တင်ခြင်းနှင့် ချီးမြှောက်ခြင်းအမှုတွင် ကိုယ်တော်နှင့် ပူးပေါင်းသမျှ ဘုရားသခင်သည် သင့်ကို ကောင်းချီးပေးတော်မူပါစေ။

ပထမဥက္ကဋ္ဌအဖွဲ့နှင့် တမန်တော်တစ်ဆယ့်နှစ်ပါးအဖွဲ့