Kutumia Kurasa Zilizochaguliwa kutoka kwenye Kitabu cha Maelezo ya Jumla

Kurasa Zilizochaguliwa kutoka kwenye Kitabu cha Maelezo ya Jumla ni mkusanyiko wa maelekezo muhimu sana kutoka Kitabu cha Maelezo ya Jumla: Kuhudumu katika Kanisa la Yesu la Watakatifu wa Siku za Mwisho. Ni kwa ajili ya viongozi ambao:

• Bado hawawezi kupata kitabu chote cha maelezo ya jumla katika lugha yao wanayoipenda.

• Wanaweza kunufaika kutokana na toleo lililofupishwa la Kitabu cha Maelezo ya Jumla.

Sura hii, sehemu, na sehemu ndogo yenye namba zilizo tumika katika Kurasa Zilizochaguliwa kutoka kwenye Kitabu cha Maelezo ya Jumla zinafanana na namba zilizotumika katika Kitabu kizima cha Maelezo ya Jumla. Hii inaruhusu marejeo mtambuka na kufananisha kati ya vitabu viwili.

Namba zilizoko katika Kurasa Zilizochaguliwa kutoka kwenye Kitabu cha Maelezo ya Jumla wakati mwingine zinaacha namba za sehemu au sehemu ndogo kwenye kitabu kizima cha maelezo ya Jumla. Hiyo ni kwa sababu kitabu hiki cha maelezo ya jumla kilichofupishwa kinabakisha tu yaliyomo yaliyo muhimu sana kutoka kitabu kizima cha maelezo ya jumla.

Ingawa Kurasa Zilizochaguliwa kutoka kwenye Kitabu cha Maelezo ya Jumla zinatoa majibu kwa mengi ya maswali viongozi wanayoulizwa mara kwa mara, viongozi yawezekana wakawa na baadhi ya maswali ambayo kurasa hizi haziyaelezei au majibu ambayo hayajibiwi kikamilifu. Katika hali kama hizi, viongozi wanaweza kurejelea kwenye Kitabu cha Maelezo ya Jumla kilichokamilika kama kinapatikana katika lugha wanayoweza kutumia. Viongozi wanaweza pia kushauriana na wenye mamlaka ya kuongoza walio karibu nao sana kwa ajili ya mwongozo.

Mungu na akubariki unapojiunga Naye katika kazi ya wokovu na kuinuliwa kwa ajili ya watoto Wake.

Urais wa Kwanza na Akidi ya Mitume Kumi na Wawili