telungalek el merael er bita er a templo

3.

Osisechakl er a Priesthood

3.0

Uchelel

A priesthood a ngerachel me a klisiich er a Dios. Ngokiu a priesthood, e a Chedam er a Babeluades a kudmeklii a Urerel el ngii a diak luut el morngii a kodall me a diak a ulebengelel klengar el mo er a chad (Moses 1:39). A Dios a mesterir a ngerachel me a klisiich a Rengelekel sechal me a redil el ngara beluulechad el mo olngeseu el mengedmokl er tial ueor (mesa bliongel 1).

3.2

Klengeltengat er a Priesthood

Ngokiu a telbiil me a chedaol ruoll er a priesthood, e a Dios a kudmokl a meklou el klengeltengat el mo er a rokui el Ngelekel. Aika el klengeltengat a uldimukl er ngii a:

• Techolbechelid e mo chedal a Ikelesia er a Jesus Kristo er a Uriul-klebesei el Santo.

• Sengk er a Chedaol Reng.

• Omeliul a sakrament.

• Ngerachel me a klisiich el mesiou okedong me a ngerachel er a Ikelesia.

• Ngeiul a klengeltengat er a patriarch me a bebil er a klengletengat er a priesthood el omekungil, ongelaod, me a ulekrael.

• E mo ngmai a klengeltengat er a Dios er a chelsel a templo.

• Mo moak el mo er a rechedal a telungalek er kau el mo er a ulebongel.

• Me a yaksok er a diak a ulebengelel klengar.

3.3

Melchizedek Priesthood me a Aaronic Priesthood

Chelsel a Ikelesia, e ngarngii eru el telengtengil a priesthood: Melchizedek Priesthood me a Aaronic Priesthood (mesa Doctrine and Covenants 107:1).

3.3.1

Melchizedek Priesthood

A Melchizedek Priesthood a “Chedaol Priesthood, Loltirakl er a Ngelekel a Dios” (Doctrine and Covenants 107:3). Ng klisiich el uchul e a rsechal me a redil ngelekel a Dios a sebechir el mo uai Ngii (mesa Doctrine and Covenants 84:19–21; 132:19–20).

Ngokiu tial ngerachel, e a roungerachel er a Ikelelsia a omtebechel e oltaut aikel rokui el chedaol ureor er a Ikelesia (mesa Doctrine and Covenants 107:18).

A merredel er a stake a ngii a bdelul a ngarbab el prist er a stake (mesa Doctrine and Covenants 107:8, 10; dirrek elm esa bliongel 6 er tial handbook). Ea bisop a bdelul a ngarbab el prist er a ward (mesa Doctrine and Covenants 107:17; dirrek el mesa bliongel 7 er tial handbook).

A omesodel a obis me a ngerachel er a Melchizedek Priesthood, e mesa 8.1.

3.3.2

Aaronic Priesthood

A Aaronic Priesthood a tebechedel a Melchizedek Priesthood (Doctrine and Covenants 107:14). Ng olab a kiis er a:

• Odngelir a reanghel.

• Ebangkelio er a ouchelreng.

• Meruul chedaol ruoll, luldimukl a techolbechelid el kirel a ngbetel a klengit.

(Mesa Doctrine and Covenants 13:1; 84:26–27; 107:20.)

A bisop a bdelul a Aaronic Priesthood er a ward (mesa Doctrine and Covenants 107:15).

A omesodel a obis me a ngerchelel a Aaronic Priesthood, e mesa 10.1.3.

3.4

Ngerachel er a Priesthood

A ngerachel er a priesthood a kengei el mo omtechei er a Dios e merull a ruoll el ngara Ngklel. Chelsel a Ikelesia, e a rokui el ureor er a prieshtood a mekedmokl lokiu a dereder er ngike lolab a kiis er a priesthood.

3.4.1

Kiis er a Priesthood

A kiis er a priesthood a dereder lomtebechel er a usbechellel a prieshtood el kirir a rengelekel a Dios.

3.4.1.1

Tirkel Lolab a Kiis er a Priesthood

A Rubak a mla mesterir a derta er a re Apostol er Ngii a rokui el kiis el melutk el kirel a rngedel a Dios er a beluulechad. Ngike el kot el kemangel a temel el chad el kiei el Apostol, el Merredel er a Ikelesia, a di chimo el chad el ngara beluulechad lolab a rokui el kiis er a priesthood (mesa Doctrine and Covenants 81:1–2; 107:64–67, 91–92; 132:7).

Ngokiu a dereder er a Merredel er a Ikelesia, e a roungerachel er a priesthood a ngmai a kiis me el sebechir lorrurt a ngerachel er a ikel basio el ngarngii. Tirka loungerachel a uldimukl er ngii a:

• Remerredel a stake me a district.

• Rebisop me a remerredel a branch.

• Remerredel a chelechad er a Melchizedek me a Aaronic Priesthood.

• Remerredel a templo.

• Remerredle a mision me a remerredel aikel blil omesuub er a remisionari.

Tirka loungerachel a ngmai a kiis er a priesthood sel lemoterekokl er a ikal ngerchelir.

A kiis er a priesthood a diak le bo er a rebebil er a rechad, luldimukl a re counselors er a roungerachel er a priesthood me a lechub el tirkel merredel a chelechad er a Ikelesia. A remerredel aikel chelechad er a Ikelesia a oungerachel lokiu a dereder er tirkel lolab a kiis er a priesthood (mesa 4.2.4).

3.4.1.2

Blechebechel a Urerel a Rubak

A kiis er a priesthood a meketeklii el kmo a ureor el kirel osobelir a rechad a mekedmokl el ngara blechebechel (mesa Doctrine and Covenants 42:11; 132:8). Tirkel urrekodel a kiis er a priesthood a omtebechel er a urerel a Rubak er a ikel ngii a ngerchelir. Tial dereder loungerachel a kmal kuk di melutk er sel ngii a ngerchelel el bla el mokedong el kirel. A roungerachel loba priesthood sel bol merek a temir er a ikel ngerchelir, eng dikea lurrekodel aika el kiis.

3.4.2

Oidel a Priesthood me a Olterekokl

Ngokiu a dereder er tirkel lolab a kiis er a priesthood, e a Aaronic me a Melchixedek priesthood a mouiid el mo er tirkel klikiid el sechal chedal a Ikelesia (mesa Doctrine and Covenants 84:14–17). Sel mouiid seikid el priesthood, e a chad a moterekokl el mo er a obis er seikid el priesthood, el uaia deacon a lechub eng elder. A oba priesthood a ousbech er tial priesthood loltirakl aikel lemeltel me a ngerchelel er sel obis (mesa Doctrine and Covenants 107:99).

A lmuut el bebil er a omesodel a oidel me a olterekokl er a priesthood, e mesa 8.1.1 and 18.10.

3.4.3

Bingel a Ngerachel er a Priesthood el mo Mesiou er a chelsel a Ikelesia

3.4.3.1

Olterekokl

Sel sekum a rsechal me a redil a moterekokl lokiu a dereder er tirkel lolab a kiis er a priesthood, a te nguu a ngerachel er a Dios el mo meruul a urerel sel ngerachel. Sel mengubet er tial ngerachel, eng mla mo diak a ngerchelir er a chelsel.

A rokui el chedal a Ikelesia el moterekokl el mo mesiou a nguu a chedaol klisiich me a ngerachel el kirel okedongir. Okesiul tiang:

• A redil el mokedong e moterekokl er a bisop el mo merredel er a Relief Society er a ward a nguu a ngerachel el mo omekrael er a urerel a Relief Society er a ward.

A rokui el mokedong a moterekokl a mesiou el ngara cheungel a dereder er tirkel loungerachel er tir (mesa 3.4.1.2).

3.4.3.2

Telutk el Ureor

A remengeteklel a Ikelesia a sebechir rousii a ngerachel loeak a telutk el ureor. A rsechal me a redil sel nguu tial ngerachel, e te nguu a ngerachel er a Dios el mo oureor el kirel. Okesiul tiang:

• A First Presidency me a Chelechad er a Teruich me a teru el Apostol a msa ngerachel a chelechad er a Rokeuid el mo ngerchelir lomes e bdelul ongdibel er a stake.

• A ngerachel a merous el mo er a rechedal a Ikelesia el mo mesiou el odam e odos el merael loldingel.

A ngerachel el moterekokl leng ureor a uchul a telutk el kirel a tokubets el ureor e telutk a klsel tial ngerachel.

3.4.4

Ousbech er a Klisichel a Priesthood er a Ungil Rolel

Tial klisiich a di usbechall er a ungil keldung (mesa Doctrine and Covenants 121:36). Ngara omeruul er a omengesuseu, kllouelreng, delemdemk, ngariouelreng, beltikereng, me a blekokeuii (mesa Doctrine and Covenants 121:41–42).

Tirkel lousbech er a klisichel a priesthood a diak loba orimel er sel sorir el kirir a rebebil. Ng diak lousbech er ngii el kirel a chechelingaol moktek.

3.5

Klisichel a Priesthood

A klisichel a priesthood a klisiich el Dios a omekngeltengat er a Rengelekel. A klisichel a priesthood er a Dios a mo er a rokui el chedal a Ikelesia—a redil me a sechal—sel loltirakl a telbiil el bla lruul Lobengkel. A rechedal a ikelesia a remuul aika el telbiil sel lengai chedaol ruoll er a priesthood. (Mesa Doctrine and Covenants 84:19–20.)

A klengeltengat er a klisichel a priesthood el rechedal a ikelesia sebechir el ngmai a uldimukl a:

• Ulekrael er a klengar tir.

• Chedaol uldasou el mo medengei el kmong mekera losiuo er a rechedal a telungalek me a rebebil.

• Klisiich loutekangel a olibesongel me a ongarm.

• Sengk er a Chedaol Reng el choisois a duch er tir.

• Chedaol ocholt el mo medengei loruul er a ikel ngerachel el bla el modars, e moterekokl, el kirel.

• Ngeseou me a klisiich el merael mo uaia Jesus Kristo me a Chedam er a Babeluades.

3.5.1

Telbiil

A telbiil a chedaol yaksok er a delongelel a Dios me a Rengelekel. A Dios a dmu ikel telengtengil a telbiil, e a Rengelekel a kongei el mo oltirakl. A Dios a yaksok el mo omekngeltengat er a Rengelekel sel loltirakl a telbiil.

A rokui loutengalek el mo er a ulebongel loltirakl a telbilir a mo kiei el mo cherechar (mesa 2 Nephi 31:17–20; Doctrine and Covenants 14:7).

A roungalek, roungerachel er a Ikelesia, me a rebebil a olngeseu er a dersta el chad me te mo kldmokl el mo meruul a telbiil sel lengai chedaol ruoll er a ebangkelio. Te meketeklii me a chad a ungil medengei aika el telbiil el bo loruul. Uriul er a chad a lsiseb er a telbiil, e te ngoseuir lotirakl aika el telbiil. (Mesa Mosiah 18:8–11, 23–26.)

3.5.2

Chedaol ruoll

A chedaol ruoll a chedaol lomeruul el mekedmokl lokiu a klisichel a priesthood.

Chelsel a betok el chedaol ruoll, e a rechad a meruul a telbiil lobengkel a Dios. Aika uldimukl er ngii a techolbechelid, sakrament, klengeltengat er a templo, me a chedaol ruoll er a merenged a chebechiil.

A chedaol ruoll er a mo suobel me a diak a ulebengelel klengar a meklou a ultutelel kirel a mo kiei el mo cherechar. A lmuut el bebil er a omesodel, e mesa 18.1.

3.6

Priesthood me a Blai

A rokui el chedal a Ikelesia lotirakl a telbielir—a redil, rsechal, me a rengalek—a mo mekngeltengat er a klisichel a priesthood er a Dios er a chelsel a rekeblirir me tir me a telungalek er tir el mo mesisiich (see 3.5). Tial klisiich a mo ngosuterir a rechedla a ikelesia el meruul a urerel a Dios lolsobel er tir me a dirrek el telungalek er tir (mesa 2.2).

A rsechal loba Melchizedek Priesthood a sebechir lomekngeltengat er a rechedal a telungalek el mesterir a ulekrael, omekungil, me a ongelaod. A bo lusbechall, e a rechedal a Ikelesia a dirrek el sebechir el ngmai aika el klengeltengat er a rebebil er a rechedal a telungalek, me a rodam loldingel, a lechub a remengeteklel a Ikelelsia e r aikel basio er tir.