“5. Kinatibuk-an ug Area nga Pagpangulo,” Mga Pinili gikan sa Kinatibuk-ang Tamdanan nga Basahon (2023).
“5. Kinatibuk-an ug Area nga Pagpangulo,” Mga Pinili gikan sa Kinatibuk-ang Tamdanan nga Basahon.
5.
Kinatibuk-an ug Area nga Pagpangulo
5.0
Pasiuna
Si Jesukristo mao ang “bato nga gisukaran” sa Iyang Simbahan (Mga Taga-Efeso 2:20). Siya ang naghupot sa tanang yawe sa pagkapari. Siya mitawag og apostoles ug mga propeta sa pagtabang Kaniya sa buhat sa kaluwasan ug kahimayaan. Gitugyan Niya niining pinili nga mga sulugoon ang tanang yawe nga may kalabotan karon sa gingharian sa Dios dinhi sa yuta. (Tan-awa sa Doktrina ug mga Pakigsaad 27:12–13; tan-awa usab sa 3.4.1 niini nga tamdanan nga basahon.)
Pinaagi sa mga propeta ug apostoles, ang Ginoo mitawag og mga lalaki ngadto sa katungdanan sa Seventy aron sa pagtabang sa Iyang buhat sa tibuok kalibotan (tan-awa sa Doktrina ug mga Pakigsaad 107:38). Agi og dugang, ang Tigdumalang Bishopric, Kinatibuk-ang mga Opisyal, ug ubang mga lider nga mga lalaki ug mga babaye gihatagan og importante nga mga responsibilidad sa pagtabang sa buhat.
Alang sa dugang nga impormasyon, tan-awa sa kapitulo 5 sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw (ChurchofJesusChrist.org).