lalaki nga namulong sa pulpito

7.

Ang Bishopric

7.1

Ang Bishop ug ang Iyang mga Magtatambag

Ang bishop naghupot sa mga yawe sa pagkapari aron sa pagdumala sa buhat sa Simbahan diha sa ward (tan-awa sa 3.4.1). Siya ug ang iyang mga magtatambag mao ang bishopric.

Ang bishop adunay lima ka dagkong mga responsibilidad:

• Siya mao ang tigdumalang high priest diha sa ward.

• Siya ang presidente sa Aaronic nga Pagkapari.

• Siya ang maghuhukom sa kadaghanan [common judge].

• Siya makigsabot sa buhat sa Dios sa kaluwasan ug kahimayaan, lakip na sa pag-amuma alang niadtong nanginahanglan.

• Siya ang modumala sa mga rekord, mga panalapi, ug sa paggamit sa meetinghouse.

Ang labing importanteng responsibilidad sa bishop anaa sa nagtubo nga henerasyon sa ward (ang mga bata, kabatan-onan, ug young single adults). Aron siya makahimo sa pagtutok niini nga responsibilidad, siya motugyan sa daghang mga buluhaton (tan-awa sa 4.2.5

7.1.1

Tigdumalang High Priest

Ang bishop mao ang nag-unang espirituwal nga lider sa ward.

7.1.1.1

Mga Organisasyon sa Ward ug mga Korum sa Pagkapari

Ang bishop adunay responsibilidad sa mga organisasyon sa Relief Society ug sa Young Women sa ward. Siya mosangon sa iyang mga magtatambag og responsibilidad alang sa mga organisasyon sa Sunday School ug Primary ug sa ubang mga programa sa ward.

Ang mga responsibilidad sa bishop alang sa mga korum sa Aaronic nga Pagkapari gilatid diha sa 7.1.2. Ang iyang mga responsibilidad alang sa mga korum sa elder gilatid sa 8.3.1

7.1.1.2

Mga Ordinansa ug mga Panalangin

Ang bishop mogiya sa pagpangalagad sa mosunod nga mga ordinansa ug mga panalangin diha sa ward:

• Ang sakramento

• Paghatag og ngalan ug pagpanalangin sa mga bata

• Bunyag ug kompirmasyon sa 8 anyos nga mga bata nga anaa na sa rekord (alang sa mga kinabig, tan-awa sa 31.2.3.2)

• Pagtugyan sa Aaronic nga Pagkapari ug ordinasyon ngadto sa mga katungdanan sa deacon, teacher, ug priest

7.1.1.3

Mga Konseho ug mga Miting

Ang bishop mangulo sa konseho sa ward ug sa konseho sa kabatan-onan sa ward (tan-awa sa 29.2.5 ug 29.2.6).

Ang bishopric moplano sa mga panagtigom alang sa sakramento ug sa ubang mga miting sa ward nga nalista diha sa kapitulo 29

7.1.1.4

Mga Calling ug mga Pag-release

Ang mga responsibilidad sa bishop alang sa mga calling ug mga pag-release gilatid diha sa kapitulo 30.

7.1.2

Presidente sa Aaronic nga Pagkapari

Ang bishop aduna sa mosunod nga mga responsibilidad isip presidente sa Aaronic nga Pagkapari diha sa ward. Ang iyang mga magtatambag moabag kaniya.

• Mosuporta sa mga ginikanan sa pagtudlo sa kabatan-onan.

• Modumala sa mga korum sa Aaronic nga Pagkapari ug sa mga klase sa Young Women. Ang bishop mao ang presidente sa korum sa mga priest (tan-awa sa Doktrina ug mga Pakigsaad 107:87–88). Ang iyang unang magtatambag adunay responsibilidad alang sa korum sa mga teacher. Ang ikaduhang magtatambag adunay responsibilidad alang sa korum sa mga deacon.

• Motambag sa presidente sa Young Women sa ward.

• Kanunay nga makigkita sa matag batan-on.

7.1.3

Maghuhukom sa Kadaghanan [Common Judge]

Ang bishop mao ang maghuhukom sa kadaghanan diha sa ward (tan-awa sa Doktrina ug mga Pakigsaad 107:71–74). Siya aduna sa mosunod nga mga responsibilidad:

• Motabang sa kabatan-onan ug mga hamtong nga mahimong sarang ug takos sa usa ka rekomend sa templo.

• Mopahigayon og mga interbiyo sumala sa gilatid diha sa 31.2.

• Makigkita sa mga miyembro sa ward nga nagtinguha og espirituwal nga giya, nga adunay bug-at nga personal nga mga problema, o kinsa nakabuhat og bug-at nga mga sala, tabangan sila nga makakuha og makaalim nga gahom ni Jesukristo.

• Ubos sa direksiyon sa presidente sa stake, mopahigayon og mga konseho sa pagkamiyembro kon gikinahanglan. Alang sa mga lagda, tan-awa sa kapitulo 32.

7.1.4

Pagkoordinar sa Buhat sa Dios sa Kaluwasan ug Kahimayaan

Ang bishop makigsabot bahin sa buhat sa Dios sa kaluwasan ug kahimayaan diha sa ward (tan-awa sa kapitulo 1). Ang iyang mga magtatambag ug ang ubang mga lider sa ward motabang kaniya.

7.1.4.1

Mangulo sa mga Paningkamot sa Pag-atiman alang Niadtong adunay Temporal nga mga Panginahanglan

Alang sa dugang nga impormasyon mahitungod kon sa unsang paagi nga ang bishop moatiman alang niadtong nanginahanglan, tan-awa sa 22.6.1

7.1.5

Mga Rekord, mga Panalapi, ug ang Meetinghouse

Alang sa impormasyon mahitungod sa mga rekord, tan-awa sa kapitulo 33 Alang sa impormasyon mahitungod sa mga panalapi, lakip na sa ikapulo, tan-awa sa kapitulo 34. Alang sa impormasyon mahitungod sa mga meetinghouse, tan-awa sa kapitulo 35

7.3

Executive Secretary sa Ward ug Kaabag nga mga Executive Secretary sa Ward

Ang bishop morekomendar og usa ka naghupot sa Melchizedek nga Pagkapari nga moserbisyo isip executive secretary sa ward.

Siya aduna sa mosunod nga mga responsibilidad:

• Makigkita siya sa bishopric ug mag-andam og mga agenda kon sangonan.

• Moserbisyo isip usa ka sakop sa konseho sa ward ug motambong sa mga miting sa konseho sa ward.

• Moeskedyul usab siya sa mga appointment alang sa bishopric.

7.4

Klerk sa Ward ug Kaabag nga mga Klerk sa Ward

Ang mga responsibilidad sa klerk sa ward ug sa kaabag nga mga klerk sa ward gilatid diha sa 33.4.2.