7.

Fare Bishopric

7.1

Fare Bishof nge fagli Councelors Rok’

Fare bishof e bay fapi kiy ko priesthood rok’ ni nge gagiyegnag fare muruwel ko Galasia ulan fare ward (muguy ko 3.4.1). Ir nge fagli counselors rok’ e yaed ma sunmiy e bishopric.

Fare bishof e bay laal’ rogon yalen e muruwel rok’:

• I ir e bay mat’won nib ga’ ni’ir e fare high priest ulan fare ward.

• I ir e fare president ko fare Aaronic Priesthood.

• I ir e fare tapufthin.

• I ir e ma gagiyegnag fare muruwel rok Got ninge thapegnag nge n’uf ngalang ko bin th’abi tolang, nib mu’un e gidii’ ngay nge tin ni bay nib tu’uf roraed.

• I ir e baga’ lungun ko mornga’agen fapi records, rogon ni ngan yarmiy e salpiy, nge rogon ni fanay tigil’ e mo’olung.

Fare bin th’abi ga’ e muruwel ko fare bishof e fan ngak fapi mfen nibay e chiney ulan e ward (fapi bitir, fapi fal’yangren, nge gidii’ ko young single adult). Ra nge tiyan’ ko biney e muruwel, mara fo’od nag fapi muruwel u dakean e gidii’ (muguy ko 4.2.5).

7.1.1

Mat’won ko High Priest

Fare bishof e ir fare tiyugang’ ko thothup ko fare ward.

7.1.1.1

Fapi Ulung ko Ward nge Priesthood Quorums

Fare bishof e bay e muruwel rok’ nifan fare Relief Society ko ward nge fapi ulung ko Young Women. I ir era pii’ ngak fagli counselors rok’ fare muruwel nifan e Sunday School nge fapi ulung ko Primary nge ku boech e program ko ward.

Fapi muruwel rok’ e bishof nifan Aaronic Priesthood ko quorum e ba’aray rogon nikan yoloey ko 7.1.2. Fapi muruwel rok’ nifan e elders quorum e ba’aray rogon nikan yoloey ko 8.3.1.

7.1.1.2

Fapi Gam’ing nge Tawa’ath

Fare bishof e ma gagiyegnag fapi muruwel nifan e tin ba’aray e gam’ing nge tawa’ath ulan e ward:

• Fare sakrament

• Pii’ e ngochol nge yibliy e bitir

• Tawfe nge thapeg e thothup nifan e bitir ni mereb e duw rok’ ni bay ko chepen (muguy ko 31.2.3.2)

• Duugliy nge pii’ fare Aaronic Priesthood nge gam’ing ko fare office ko deacon, teacher, nge priest

7.1.1.3

Fapi Councils nge fapi Mo’olung

Fare bishof e ir e baga’ ko fare ward council nge fare council ko fal’yangren ko fare ward (muguy ko 29.2.5 nge 29.2.6).

Fare bishopric e yaed ma puruy’nag mornga’agen fapi mo’olung ko sakrament nge boech e mo’olung nifan e ward nikan yoloey mornga’agen ko guruy 29.

7.1.1.4

Fapi Pigpig nifan e Galasia nge Pagem ko fare Muruwel

Fapi muruwel rok’ e bishof nifan fapi pigpig nifan e Galasia nge pagem ko fare muruwel e ba’aray nikan weliy rogon ko guruy 30.

7.1.2

President ko fare Aaronic Priesthood

Fare bishof e ba’aray rogon e muruwel rok’ ni’ir e fare president ko Aaronic Priesthood ulan fare ward. Fagli counselors rok’ e yowma pii’ e ayuw ngak.

• Pii’ e ayuw ngak e galibthir ni ngan machib ngak e fel’yangren.

• Baga’ ko fare Aaronic Priesthood ko quorum nge fapi klas ko Young Women. Fare bishof e ir e fare president ko fare quorum ko priest (muguy ko Doctrine and Covenants 107:87–88). Fare bin somm’on e counselor rok’ e bay e muruwel rok’ nifan fare quorum ko sensey. Fare bin l’agruw e counselor rok’ e bay e muruwel rok’ nifan fare quorum ko fapi deacons.

• Ma gopuruy’ ngak fare president ko Young Women ko fare ward.

• Ra reb fapi fal’yangren ma mada’ nang ni nge nangfan salpen.

7.1.3

Fare Tapufthin

Fare bishof e ir e fare tapufthin ulan fare ward (muguy ko Doctrine and Covenants 107:71–74). Ba’aray rogon fapi muruwel rok’:

• Ayuweg fapi fal’yangren nge gidii’ nib ilaal ni ngeyag ni nge gel thawingraed ni ngar thapegned e temple recommend.

• Yaed ma tay fapi interview ni woed rogon nibay ko 31.2.

• Ma mada’ nag fapi members nibe gay kanawo’en e thothup, ni bay e magawon roraed, fa kar rrin’ed reb e denen ni rib kireb, ma be ayuwegraed ni ngar feked gelngin Yesus Kristus ni nge gol nagraed.

• U tan pa’ fare gagiyeg nibe yib ko stake president, mara tay fapi membership council ni fa’anra ba tu’uf. Rogon kanawo’en, muguy ko guruy 32.

7.1.4

Ngongliy Rogon Fare Muruwel rok Got nibe Thapegnag nge N’uf Ngalang ko bin Th’abi Tolang ko Falfalaen’

Fare bishof e ir e ma ngongliy rogon fare muruwel rok Got ninge thapegnag nge n’uf ngalang ko bin th’abi tolang ko falfalaen’ (muguy ko guruy 1). Fagli counselors rok’ nge boech e tiyugang’ ko ward e yaedra un ngar pii’ed e ayuw ngak.

7.1.4.1

Ra Gay Rogon ni nge Ayuweg e Pi’in nib Tu’uf e Ayuw Roraed

Ko boech mornga’agen rogon nima ayuweg fare bishof e pi’in nib tu’uf e ayuw roraed, muguy ko 22.6.1.

7.1.5

Fapi Records, Rogon i Yarmiy e Salpiy, nge Nu’un ko Mo’olung

Ko boech mornga’agen fapi record, muguy ko guruy 33. Ko boech mornga’agen fapi rogon i yarmiy e salpiy, niba tay e bu’un ko tithing, muguy ko guruy 34. Ko boech mornga’agen fapi tigil’ e nu’un ko mo’olung, muguy ko guruy 35.

7.3

Executive secretary ko Ward nge Assistant Executive secretary ko Ward

Fare bishopric e yaedra me’eleg bee’ ni bay e Melchizedek Priesthood rok’ ni nge pigpig ni’ir e fare executive secretary ko fare ward.

Ba’aray rogon fapi muruwel rok’:

• Ma mada’ nag fare bishopric me ngongliy rogon e tin nib tu’uf ni woed rogon ni kanog.

• Pigpig ni’ir reb e member ko fare ward council mara un ko fapi mo’olung ko ward.

• Ra ngongliy fapi appointment nifan fare bishopric.

7.4

Clerk ko Ward nge fapi Assistant Clerk ko Ward

Fapi muruwel ko clerk ko ward e ba’aray rogon ko 33.4.2.