33.

Fapi Records nge Reports

33.0

Mornga’agen

Cha’ariy e record e gubin ngiyal’ ni ban’en nib ga’fan ko Galasia rok’ Somoel. Woed e:

Adam e cha’ariy fare “babyor ni nga un lemnag” (Moses 6:5).

Moroni e machib nag ni fithingan e pi’in nikan tawfe nag ngalan e Galasia rok’ Kristus e yira yoloey mornga’agen ngalan fapi records “ni nga un lemnagraed ma yibe duruwʼiy raed ko fare thin nib mangil rokʼ Got,” (Moroni 6:4).

Joseph Smith e yoeg ni fare record e susun nibay ulan e ward ni gubin ni nge “ngongliy e record ko tin nib riyul’ u mit Somoel” (Doctrine and Covenants 128:2).

33.1

Ga’angin Mornga’agen fapi Records ko Galasia

Fapi records ko Galasia e bugi babyor nib thothup. Mornga’agen e pin’en nibay u langgin e bugi ban’en ni rib ga’fan ma rib tu’uf ni ngan ayuweg mornga’agen. Rogon e system ko record ko Galasia e rayag ni ngan guy fapi mornga’agen e membership riy nibe yaen u rogon fapi muruwel nikan pii’.

Fapi records e rayag nira ayuweg fapi tiyugang’ ni ngar:

• Guyed ko mini’ e ba tu’uf e ayuw rok’.

• Guyed ko bin ngan ko fapi gam’ing ko thapegnag e ke thapeg facha’ nge tin ni dawri thapeg.

• Guy ko ngan e bay fapi members riy.

Tin ni ba’aray e mit ney e record e yima cha’ariy ulan e unit ko Galasia:

• Report ko memnership nibe un (muguy ko 33.5)

• Fapi membership record (muguy ko 33.6)

• Fapi records ni kakarom (muguy ko 33.7)

• Fapi record ko babyoren e salpiy (muguy ko chapter 34)

33.2

Mornga’agen Rogon Nifan fapi Clerk

Susun nibay e temple recommend roraed.

Fapi clerk e ngar laked wo’en fapi yalen e motochiyel ni ngar ayuweged fapi babyoren e salpiy nifan e Galasia mi yaed guy ni fapi records ko Galasia e rib yala’uw rogon. Fapi clerk e kachingiyal’ nem ni ngar kol niged fapi tiyugang’ ko priesthood ni fa’anra bay reb e pin’ey nikan gathaynag. Fa’anra ba momaw’ rogon ni ngan guy rorogn e pin’ey nikan gathaynag ngan fal’eg rogon, ma fapi clerk e susun ni nge kol nag fare Confidential Records Office ko headquarters ko Galasia.

Telefon: [phone] fa 1-800-453-3860, extension 2-2053

Toll free (GSD phone): 855-537-4357

Email: [e-mail]

N’umngin napan nira pigpig fare clerk e susun nib gaman ni ngar filed rogon fapi muruwel roraed mi yaed par ni yaed ba ul’ul’ ko muruwel roraed. Bachan e gathi yaed e reb fapi members ko stake presidency fa bishofric, ere dani tu’uf ni ngan pag raed ko muruwel roraed ko napan ni bay ni thithilyeg fapi stake presidency nge bishofric.

33.4

Fapi Records nge Reports ko Ward

33.4.1

Bishofric

Fare bishof e ire ma cha’ariy fare record ko ward.

33.4.2

Clerk ko fare Ward

Gubin e ward ma susun nibay bee’ riy ni rayag e biney e muruwel rok’, ni’ir e fare clerk ko fare ward. Fare bishofric e kar pii’ed e biney e muruwel ngak ma reb e member ko stake presidency fa reb e high councilor era yibliy ni nge rrin’ e biney e muruwel. Susun nibay e Melchizedek Priesthood rok’ ma bay e temple recommend rok’. I ir reb e member ko fare ward council. Ra un ko fapi mo’olung ko ward ni ba’aray nikan weliy ko 29.2.

Fare bishofric nge fapi clerk ko stake e yaed e yaed ma pii’ e muruwel ngak fare clerk ko ward. Fapi assistant ko clerk ko ward e bay ni yira pinning raed ni ngar pii’ed ayuw.

33.4.2.1

Fapi Muruwel ko Cha’ariy e Record

Fare clerk ko ward, fa en nikan duugliy ni’ir e fare assistant clerk, e ba’aray rogon e muruwel rok’:

• Nge cha’ariy fapi record ko urngin e muruwel nge tin nikan duugliy ulan fapi mo’olung ko tiyugang’ ko ward.

• Guy rogon ni fapi record nge reports e ba yala’uw nge ngiyal’ riy nib puluw.

Fare clerk ko ward e susun ni nge nang rogon i fanay fapi talne muruwel ko rogon i cha’ariy e record ko Galasia (muguy 33.0). Ra fanay e pi talne muruwel ney ni nge ayuweg fapi tiyugang’ ni nge guy e:

• Tin nib tu’uf ko members nge fapi ulung riy.

• Tin nibay e ayuw ni rayag ni ngan fanay, nib mu’un e babyoren e salpiy ngay.

Fapi clerk ko ward e yaed ma pii’ e athamgil ngak fapi members ni ngar report niged e tin nikan ma’alfath riy u langgin e gin nibay mornga’agen e membership roraed riy.

Ku boech e muruwel ko rogon i cha’ariy-e record e mu’un:

• Guy rogon ni fapi gam’ing e fel’ rogon nikan record nag mornga’agen ni kachingiyal’ nem ni ngan rrin’.

• Fal’ag rogon fapi Officers Sustained form nifan e conference ko ward.

• Record nag mornga’agen e membership council ko ward.

• Par nibe ayuweg fapi record ko babyoren e salpiy (muguy ko 34.2.2).

33.5

Fapi Report ko Membership nibe Un

Fapi reports ko membership nibe un era ayuweg fapi tiyugang’ ni ngar sap gaed ko rogon e mon’og nge tin nib tu’uf ko fapi members.

33.5.1

Mit e Report

33.5.1.1

Fapi Records ko Wub

Wub ko mo’olung ko sakrament nge Sunday priesthood nge mo’olung nifan e ulung e yima record nag u online ni yibe fanay fare LCR fa fare Member Tools.

Mo’olung ko Sakrament. Wub ko mo’olung ko sakrament e yima record nag ni gubin e wik ni fare clerk ko ward fa fare assistant clerk ko ward e ma rrin’ e biney. Yima the’eg urngin e gidii’ nike un ko mo’olung ni tin nike yib nge tin nibay u online, nib mu’un gidii’en e milekag ngay.

Sunday Quorum nge Fapi Mo’olung ko Ulung. Wub riy e yima record nag ko gubin e wik ni bee’ ko quorum fa fapi ulung ko secretaries nge advisors e yaed be rrin’ e biney. Fapi tiyugang’ ko fal’yangren e krayag ni ngar pii’ed e ayuw ko record nag e pi’in nike un. Yima the’eg urngin e gidii’ nike un ko mo’olung ni tin nike yib nge tin nibay u online, nib mu’un gidii’en e milekag ngay. Members nibe pigpig ulan e Primary fa tiyugang’ ko fal’yangren nibay ulan fare ward e ki yira the’egraed ko fare wub.

Fare clerk ko ward e rayag ni ngar record niged e wub ko gidii’ ulan e ulung ni demuturug.

33.5.1.2

Fapi Reports ko Interview ko Machib

Muguy ko 21.3.

33.5.1.3

Quarterly Report

Gubin e namba ulan fare report e be yipfan bee’ nge tin nib tu’uf rok’ nib thil (muguy ko Helaman 15:13).

Fare Quarterly Report e bay e tin nib ga’fan riy ni rayag ni nge ayuweg fapi tiyugang’ nge thogthog nag ngoraed e tin nib tu’uf nira ayuwegraed ko rogon e machib ni yaedra tay.

Stake nge fapi tiyugang’ ko ward e yaed ma fanay ere Quarterly Report ney ni gubin ngiyal’ ni ngar guyed rogon e mon’og nibe tay e gidii’.

Gubin e ward nima ngongliy me pii’ e pi Quarterly Report ney nge yean ko headquarters ko Galasia. Fare clerk ere review nag fare report nib mu’un fare bishof ngay me pii’ nge yaen u mm’on ko 15 ko fare puul u tomuren fare quarter ni nge m’ay.

33.5.2

List ko Membership

Fapi talne muruwel ko rogon i cha’ariy e record ko Galasia e mayag ni nge pii’ fapi list ngak fapi tiyugang’ ko membership. Tiney e list e rayag nira ayuweg fapi tiyugang’ ni ngar guyed ko:

• Bin ngan ko fapi members e dawri thapeg fapi gam’ing ko tin ni rayag ni ngar thapegned.

• Bin ngan ko fapi fal’yangren ni pumo’on nge bpin e rayag nira yean nge pigpig ko mission.

• Bin ngan ko fapi fal’yangren e dariy e temple recommend roraed.

• Bin ngan ko fare fal’yangren e ba tu’uf ni ngan ngongliy yiran e mo’olung rok’ ni nge mada’ nag reb fapi member ko bishopric.

Quorum nge fapi ulung ko tiyugang’ e susun ni rayag ni ngar guyed ko mini’ e bay ko pi list ney nibay ko quorum nge fare ulung roraed.

33.6

Fapi Membership Record

Fapi membership record e mu’un fithingan e member ngay, telefon roraed, mornga’agen fapi gam’ing nikar ngongliyed, nge mornga’agen boech ban’en nib ga’fan.

Fapi membership record e susun ni yima ayuweg ulan fare ward ko gin nima par fapi members riy. Fa’anra bay rogon nib thil, ni gathi rima buch e biney ni gubin ngiyal’, nira tu’uf ni nge un reb fapi bishof fa stake president ngay. Ra ngan fith reb e pin’ey ni fa’anra bay rogon nib thil, ma fare stake president ere yean ko fare LCR ni nge pii’ e biney ni yibe fith rogon ni nge yaen ko fare Office ko fare bin Somm’on e Presidency.

Rib tu’uf ni ngan rrin’ e tin ni ba’aray ni kachingiyal’ nem:

• Record nag mornga’agen fare gam’ing.

• Luuf fapi records ko members nike chuw fake yib ngalan fare ward.

• Ngongliy fapi records nifan e members nib be’ech nge bitir nikab be’ech nibay e galibithir rok’ nib member.

• Record nag fare yam’ nike buch rok’ fare member.

• Record nag mornga’agen e mabgol nge gathon fare tabinaew.

Fare bishof fa stake president e yowra micheg ni fare membership record e bay ulan fare bin mat’aw e ward u mm’on ni ngan interview nag fare member ni nge thapeg:

• Reb e muruwel ko Galasia.

• Fare temple recommend.

• Fare Melchizedek Priesthood fa ni yibliy ko reb fare office ko priesthood.

Ma kura guy ni fare record e dariy reb e tin ba’aray riy.

• Reb e annotation

• Bay e thin riy ni mornga’agen fare sealing fa gam’ing nikan siyegnag

• Fapi siyegnag e membership nib formal

Dariy bi’id ni rayag ni yira dag fapi membership record ngak bee’ ni gathi ir fare bishof fa fare clerk.

Fapi members e rayag ni yaedra guy mornga’agen e membership roraed nge pifak raed nibe par roraed u tabinaew ko fare app ko Member Tools. Ma kurayag ni yaedra fith ngak fare clerk ni ngan print nag reb e copy ko Ga’angin Mornga’agen e Gam’ing roraed. Fa’anra kan pire’eg reb e oloboech, ma fare clerk era micheg ni nge mat’weg rogon ulan fare membership record.

33.6.1

Ngochol nikan Fanay ulan e Records ko Galasia

Fithingan facha’ ni ga’angin nib legal, ni woed rogon nikan duugliy ko yalen fa motochiyel, e susun ni ngan fanay ko membership record nge fapi certificate ko gam’ing.

33.6.2

Fapi Records ko Member

Tin ba’aray e gidii’ e bay e records roraed ni yaed reb e member ma susun nibay e record ko memberhip roraed:

• Pi’in nikan mu’ i tawfe nag make thapeg e thothup

• Pi’in ni mereb e duw roraed nge butt’ nikan yibliyraed machane dawrin tawfe nagraed

• Pi’in ni dabin the’egraed ni bachan e yaed m’ar nga luug, ni demuturug e duw roraed

• Bitir ni dawrin yibliy ni mereb e duw rok’ nga butt’ ni l’agruw e gali n’ey nike buch riy:

  • Kemus ni ta’areb ko fagli galibthir fa fare titaw fa fare tutuw e reb e member ko Galasia.

  • L’agruw fagli galibthir ni yowra pii’ mat’won ni ngan sunmiy reb fare record. (Fa’anra ta’areb ko fagli galibthir nibay mat’won nib legal ko fare bitir, ma mat’won e binem e galibthir ni yigo ir rok’ e ba gaman.)

Bee’ ni mereb e duw rok’ ngalang nibay e records ko membership rok’ machane dawrin tawfe nag me thapeg e thothup e gathi reb e member nibay e record rok’. Machane, fare ward nibay facha’ riy era ayuweg fare records ko membership rok’ facha’ nge mada’ ko ngiyal’ nike gaman e 18 e duw rok’. Napanra taw ko ngiyal’ nem, ma fa’anra me’eleg facha’ ni dabi tawfe, ma fare bishof era taleg fare membership record rok’. Fare stake president era tu’uf nira pii’ mat’won e biney.

Darma talag e records nifan e pi’in ni dawri tawfe ni bachan e yaed m’ar ko luug makemus ni yira rrin’ ni fa’anra kan fith ni ngan talag fake fith bee’ ni’ir e milfan facha’ ngak nib legal, nib mu’un e galibthir ngay.

33.6.3

Fapi Records ko Tin nib Be’ech e Members ko Ward

Fare clerk ko fare ward fa fare assistant clerk ko fare ward era non ngak fapi members ko ward nib be’ech napanra taw fapi membership record roraed ni ngan review nag Ga’angin Mornga’agen e Gam’ing riiy ni ngan guy nib yala’uw rogon.

33.6.6

Fapi Records ko Members nibe Pigpig u wuru’ e Gin Nibay e Ward Roraed Riy

33.6.6.2

Fapi Records ko Missionaries nibe Pigpig ni Polo’ Ga’angin

Muguy ko 24.6.2.8.

33.6.13

Fapi Records ko Bitir nibay e Galibthir Rok’ nike Dar

Gubin e membership records e ma fanay fithingan facha’ nib legal, ni woed rogon nibay ko yalen fa motochiyel. Biney e mu’un fapi bitir ngay nibay e galibthir roraed nike dar.

Bitir nike dar e galbithir roraed e bay ni yaed ma un ko fapi mo’olung ko Galasia ko ward ko galibthir roraed. Kemus ni reb fagli unit era cha’ariy me be’ech nag fare memership record rok’ fare bitir nib official, ma krayag ni yira sunmiy reb e member record ulan fare ward ni kuma un ngay ni kanoeg e out-of-unit ngay. Biney era dag fithingan fare bitir nge mornga’agen ni yira uneg ko fare list ko fare ward nge fapi klass nibe un ngay.

Bitir ni bay e member record roraed ni kanoeg e out-of-unit ngay e krayag ni yaedra thapeg e muruwel ulan e binem e unit.

33.6.15

Chuweg fapi N’en nikan Siyegnag ko fapi Membership Records

Fa’anra ke chuw fare member napan nibay e tin nikan siyegnag ko membership rok’ nib formal fa bay boech ban’en riy nib ga’fan ni yibe soen nag mornga’agen, ma fare clerk nibay mat’won e rayag nira tay fare siyegnag ko chuw ko fare membershiip record. Ra yean ko LCR nge rrin’ e biney.

Reb e recod nibay e siyegnag ko chuw e dayma pii’ ngareb e unit nib be’ech nge mada’ ko ngiyal’ ni fare tiyuang’ nibay e priesthood rok’ nike tay fare siyegnag ere pii’ mat’won ningan luuf.

33.6.16

Fapi Records ko “Address ni Dan Nang Mornga’gen” nibay ko File

Bochingiyal’ fin nang mornga’agen fare member u tomuren ni’i moey fare record rok’ ulan fare “file ko address ni dan nang mornga’agen” ko headquarters ko Galasia. Fa’anra buch e biney, fare clerk ko fare ward ere fith fare record ni nge yaen ko LCR.

33.6.17

Recordnag nge Fal’ag Mornga’agen fare Gam’ing

Muguy ko guruy 18.

33.6.19

Fapi Audit ko Membership Records

Gubin e duw ma fare clerk ko stake fa fare assistant clerk ko stake era micheg ni yira audit nag fapi membership records ulan reb fapi ward ni yibe yaen ko LCR ngan rrin’ e biney. Fapi audit e susun ni yibe mu’ nag ko June 30 ko gubin e duw.

33.7

Chepin fapi Records

33.7.1

Chepin e Ward nge Stake

Somoel e motochiyel nag ni ngan “chaʼariy ba babyor ko gubin morngaʼagen e pi n’en nib ga’fan” nifan e Galasia rok’ ni ngan yoloey min cha’ariy mornga’agen (Doctrine and Covenants 69:3; ngkum guy ko verse 5; Alma 37:2).

Ra reb fapi unit ulan e Galasia ma nge yoloey gubin mornga’agen e pi n’en nib ga’fan nibay ko binem e unit.

Cha’ariy e chepin e ba muruwel nib thothup nira gelnag e mich rok’ e pi’n nibe yoloey nge pi’in nibe be’eg.

Stake nge ward priesthood nge fapi tiyugang’ ko ulung e yeadra pii’ fapi mornga’agen ni yaed be fanany ko fare Unit History tool ko ChurchofJesusChrist.org. Stake nge fapi cerk ko ward e bay e muruwel roraed ni ngar yarmiyed mi yaed ayliy e tiney. Boch mornga’agen e bay ko fapi tools ko Quick Start Guide.

33.8

Fapi Records nib Mith Thibolngin

Fapi records ko Galasia e mith thibolngin mornga’agen, ni demuturug ko bay ko babyor ko bay u online. Tiney e mu’un:

• Fapi membership record ngay.

• Fapi babyoren e salpiy.

• Mornga’agen fapi mo’olung.

• Fapi babyor nib official nge fapi babyor (nib mu’un e membership records ngay ko fapi council).

Fapi tiyuang’ era micheg ni tin ni mornga’agen fapi member nikan kunuy e:

• Ribay rogon ko tin nibe fith e Galasia.

• Kemus ni ngan fanay ko fan e Galasia nikan pii’ mat’won.

• Kemus ni yira pii’ ngak e pi’in nikan pii’ mat’won.

Mornga’agen e tin nibay u online e thingar ni ayuweg nib fel’ rogon min yiroriy ni dariy ban’en nira buch riy (muguy ko 33.9.1).

33.9

Ayuweg fapi Records

33.9.1

Yiroriy

Gubin e records ko Galasia, nge fapi reports, nge fapi data e susun ni yira yiroriy rok’ e pi’in ni dariy mat’won nira guy, thilyeg, fa gathay, fa weliy mornga’agen. Mornga’agen e tiney e susun ni ngan ayuweg nga biyang nib fel’ rogon.

Fapi devices nifan e Galasia ni yira n’ag nga bang fa kan irring fa fare media ni yibe cha’ariy gubin ban’en riy ma susun ni ngan noeg ni kachingiyal’ nem ko incidents.ChurchofJesusChrist.org. Mornga’agen e Galasia ni danur ayuweg mornga’agen e susun ni kiyra report nag mornga’agen.

33.9.1.1

Fapi Username nge Password

Fapi stake presdent, nge fapi bishof, nge boech e tiyugang’ e susun ni dabra pii’ed e username roraed ko Galasia nge fare password ngak fagli counselors roraed, fapi clerk, fa fapi executive secretaries, nge ku boech e gidii’.

33.9.1.3

Data Privacy

Bo’or e nam nike ngongliy e motochiyel ni nge yiroriy e data ni nge gagiyegnag mornga’agen e data ko gidii’. Biney e mu’un fapi mornga’agen e membership record nge fapi records ko Galasia ngay ni rayag ni ngan guy mornga’agen bee’ riy. Fapi tiyugang’ nibay e duwer roraed ko mornga’agen e motochiyel nge yiroriy e data nge mada’ ko rogon i yarmeg e record ko Galasia e rayag nira kol nag fare office ko data privacy nifan e Galasia ko [e-mail].