8.

Kohrumw en Elder kan

8.1

Kahrepe oh Pwihn

8.1.1

Kahrepe

Ohl warehng kan me lelehr sounpar 18[eisek-waluh] oh mahsang kak alehdi Prihsduhd en Melkisedek oh kasarawi ong pwukoahn elder. Ohl emen me kasarawiheng pwukoahu aledahr inou me sarawi en sowese Koht ong ni kepweipweidahn Sapwelime doadoahk (kilang Doctrine and Covenants 84:33–44).

8.1.2

Wiewia tohn Kohrumw en Elder kan

Nan ehu ehu ward e kin mie kohrumw en elder kan. Towehkan iei ohl pwukat:

• Elder kan koaros nan ward.

• Koaros me kakete wiala elder nan wardo (kilang 8.4).

• Prihsd lapalap koaros nan wardo, likin irail kan me wie papah nan presedensi en steik, nan pisoprik, nan kaunsel lapalap, de wia peitriark.

Mwahnakapw men kak tep iang towehda mihting en kohrumw en elder kan ni ansou me a pahn lel sounpar 18[eisekwaluh], mendahte ma e saik kasarawiheng en wiahla elder men. Ma e lelehr sounpar 19 deh pahn mekidsangehr nimwe, ma e pahn iang skuhl nan university de wia ah misin e konehng en kasarawiheng en wiahla elder ma e warehng.

Mwahnakapw men me pwopwoud apw saik lel sounpar 18[eisek waluh] wia mwahnakapw men me kakehr wiahla elder men oh e pil wia tohn kohrumw en elder kan.

8.2

Patpatehng Doadoahk en Komour oh Mour Soutuk

8.2.1

Momourki Rongamwahu en Sihses Krais

8.2.1.2

Kasukuhlki Rongamwahuo nan Mihting kan en Kohrumw

Mihting kan kin wiawi ni Rahnsarawi keriau oh kapahieu en sounpwong kan. Re kin reireiki minit 50. Presedensi en kohrumw en elder kan kin pilahnehda audepen mihting pwukat. Emen tohn presedensi me kin kaweid.

Mihting kan en kohrumw kin idawehn iren ehu kapahrek de tohtohsang me wiawi nan kapokon lap me apwetehn neko.

8.2.1.3

Kemwekid kan

Presedensi en kohrumw en elder kan kak pilahnehda kemwekid kan. Pali laud en kemwekid kan kin wiawi ni rahn teikan likin Rahn Sarawi oh ni soutik en Niehd kan

8.2.2

Sewese Irail kan me Mihlahr nan Anahn

8.2.2.1

Doadoahk en Papah

Tohwehkan en kohrumw en elder kan kin alehdi kapwukoahn papah sang rehn presedensi en kohrumw. Ong iren kaweid kapatapat, kilang iralaud 21.

8.2.2.2

Anahn en Ansou Mwotomwot

Olen papah kan kin nantiheng wehwehki oh apwalih anahn en irail akan me irail kin papah. Memper kan kakete anahne sawas en ansou-mwotomwot nan ansoun soumwahu, neitik, mehla, kakomwoaldihsang doadoahk, de pil ansou teikan.

Ansou me anahnepe mie, ohlen papaho kak peki sawas rehn presedensi en kohrumw en elder kan.

8.2.2.3

Anahn en Ansou-Reirei oh Uhtohrada

Pahn kaweid en pisop, presedensi kan en kohrumw en elder oh Pwihn en Sawas en Lih kan pahn kin sewese memper kan me anahne sawas en ansou-reirei oh anahnepen uhtohrada.

Preseden en kohrumw en elder kan, preseden en Pwihn en Sawas en Lih, de emen kaun tohrohr pahn kin sowese aramaso de peneineio wiahda Pilahn en Uhtohrda. Ohlen de lien papah kan kak sawas ong pilahn wet.

8.2.2.4

Ansou me Memper men Pahn Mehla

Ansou me memper men nan ward pahn mehla, presedensi kan en kohrumw en elder oh Pwihn en Sawas en Lih kan pahn kin soweseirail oh pil kaloalamwahuih irail. Pahn kaweid en pisop, irail kin sawas ni mehlao.

Ong iren kapatapat, kilang 38.6.13

8.2.3

Lukehieng Koaros en Iang Alehda Rongamwahuo

Preseden en kohrumw en elder kan kin kapwukoahki emen tohn presedensi en sawas kaweid doadoahk en misineri nan wardo. Ih oh lih me pilipildahsang nan presedensi en Pwihn en Sawas en Lih kin doadoahkpene oh katanga doadoahk pwukat.

Kilang 23.5.1 oh 23.5.3.

8.2.4

Kihpene Peneinei kan ong Mour Soutik

Preseden en kohrumw en elder kan kin kapwukoahki emen tohn presedensi en sawas kaweid doadoahk en tehnpas sarawi oh poadoapoad en peneinei nan wardo. Ih oh lih me pilipildahsang nan presedensi en Pwihn en Sawas en Lih kin doadoahkpene oh katanga doadoahk pwukat.

Kilang 25.2.2.

8.3

Kaun akan en Kohrumw en Elder kan

8.3.1

Presedensi en Steik oh Pisop

Petehkpen preseden en kohrumw en elder kan kin mih rehn presedensi en steik. E kin kalapw mihtingieng emen tohn presedensi pwehn ale kaweid oh ropohtki duen ah pwukoah kan.

Preseden en kohrumw en ekder kan pil kin ale kaweid sang rehn pisop, me kin moangmoange wardo. Ira kin kalapw tuhpene.

8.3.2

Kaunsel Lapalap

Presedensi en steik kapwukoahieng emen kaunsel lapalap en welian irail nan ehu ehu kohrumw en elder kan. Ah pwukoah kan mih nan 6.5.

8.3.3

Presedensi en Kohrumw en Elder kan

8.3.3.1

Idihdahn Tohn Presedensi en Kohrumw en Elder kan

Mwurin tuhweng pisop, steik preseden kin idihada emen elder de prihsd lapalap en wiahla preseden en kohrumw en elder kan.

Ma e itar towehkan, preseden en kohrumw en elder kan kak kiheng preseden en steik eden emen de riemen elder de prihsd lapalap me pahn wiahla nah sounsawas.

8.3.3.2

Pwukoah kan

Preseden en Kohrumw en Elder kan ahneki pwukoah pwukat. Nah sounsawas kan pahn kin sewese.

• Wia emen tohn ward kaunsel.

• Moangehda en kohrumw arail pahn patehng Doadoahk en Komour oh Mour Soutuk (kilang iralaud 1).

• Koasoanehdi oh tetehk doadoahk en olen papahkan.

• Pahn kaweid en pisop, kaweid ohl akan nan ward.

• Koasoanehdi doadoahk en kohrumw en elder kan ong kakehlepen mwanakapw akan, me kiripw oh pil me pwopwoud.

• Tuweng de mihtingieng emen emen tohn kohrumw kan sohte malaulausang pak ehu nan pahr ehu.

• Padahkiheng tohn kohrumw kan arail pwukoahn prihsduhd (kilang {Doctrine and Covenants 107:92). Met pil iangahki padahkiheng irail duwen arail pahn doadoahngki arail prihsduhd oh wia tiahk sarawihkan oh kihda kapai kan.

• Tetehk nein kohrumw rekohd kan, ropoht kan, oh pelien mwohnihkan (kilang LCR.ChurchofJesusChrist.org).

8.3.3.3

Mihting en Presedensi

Presedensi en kohrumw en elder kan oh sekteri kin poaden mihting. Presedeno me kin katanga mihting pwukat. Ekei pak kaunsel lapalap me kapwukoahieng kohrumw kin iang towehda mihtingko.

Audepen mihting kak audaudki mepwukat:

• Pilahnehda mwomwen arail pahn kakehlaka tohn kohrumw (me iangahki irail kan me pahn oh wiala elder) oh arail peneinei kan.

• Koasoanehdi oh katanga doadoahk en misineri oh doadoahk en tehnpas sarawi oh poadoapoad en peneinei.

• Kapwaiada pwukoah kan me sang nan mihting en ward kaunsel.

• Pilehu tehk ire kan me alahldi sang nan kapeidek en irail olen papah kan.

• Medewehda ohlakan me pahn papah nan malipilip oh pwukoah kan.

• Pilahneda duwen mihting en kohrumw kan oh kemwekid teikan.

8.3.4

Sekteri

Sang mwemwei en pisop, emen tohn presedensi en kohrumw en elder kan kak idihada emen tohn kohrumw en wiahla neirail sekteri.

8.4

Sewese Irail Kan me Pahn Oh Wiahla Elder Kan Alehdi Prihsduhd en Melkisedek

Me kak wiahla elder men iei mwahnakapw me wia memper en Mwomwohdiso wet me saik alehdi Prihsduhd en Melkisedek oh (1) e sounpar 19[eisek duwaw] de mahsang de (2) e pwulopwulsang sounpar 19 oh e pwopwoud.

Sawas ong irail kan me pahn oh wiahla elder irail en alehdi Prihsduhd en Melkisedek wia ehu pwukoahn presedensi en kohrumw me keiou kesempwal.