7.

Pisoprik

7.1

Pisop oh Nah Sounsawas kan

Pisop kolokol kih en prihsduhd en moangehda doadoahk en Mwomwohdiso wet nan ward (kilang 3.4.1). Ih oh nah soun sawas kan me wia Pisoprik.

Pisop ahniki pwukoah limau:

• Ih me wia prihsd lapalap me kakaun wardo.

• Ih me wia presiden en Prihsduhd en Aron.

• Ih me wia soun kopwung.

• Ih me kin katanga doadoahk en komour oh mour soutuk, iangahki apwalih irail kan me anahne sawas.

• Ih me kin pil apwalih rekohd kan, palien mwohni kan, oh epwelpen imwen sarawi kan.

Pwukoahn pisop me keiou kesempwal iei ah pwukoah oang dih en mwuhr kan nan wardo (serihkan, me pwulopwul kan, me pwulopwul oh kiripw kan). Pwe en kak mehlel iong pwukoah wet, e kin kapwukoahki ekei memper diren ah pwukoah teikan (kilang 4.2.5).

7.1.1

Prihsd lapalap me Kakaun

Pisop me wia sounkaweid oh inoandehn momour en pali ngehn nan wardo.

7.1.1.1

Pwihn akan en nan Ward oh Pwihn akan en Prihsduhd

Pisop me kin pwukoahki Pwihn en Sawas en Lih oh Pwihn en Peinakapw akan. E kin kapwukoahki nah sounsawas kan ong pwihn en Santi Skuhl oh Praimeri oh pwirokrahm teikan nan ward.

En pisop pwukoah kan ong pwihn akan en Prihsduhd en Aron me kileldier nan 7.1.2. Ah pwukaoh oang pwihn en elder kan me kileldier nan 8.3.1.

7.1.1.2

Tiahk Sarawi kan oh Kapai kan

Pisop me pwukoahki kaweid doadoahk en tiahk sarawih kan oh kapai kan nan ward:

• Kamadipw sarawi

• Kasarawi en Kiheng Ahd oh Kapaiada Seri kan

• Pepdais oh kasarawilahn seri me sounpar 8 me mih nan rekohd, (ong me weliakapwala kan, kilang 31.2.3.2)

• Kiheng Prihsduhd en Aron oh kasarawiheng nan pwukoahn dihken, sounpadahk, oh prihsd.

7.1.1.3

Pwihn akan oh Mihting Kan

Pisop kin moangehda pwihn en ward kaunsel oh kaunsel en me pwulopwul kan (kilang 29.2.5 oh 29.2.6).

Pisoprik kin pilahnehda koasoanepen kaudek en kamadipw sarawi oh mihting en ward teikan me mih nan iralaud 29.

7.1.1.4

Malipilip kan oh Kakomoaldi kan

Ahn pisop pwukoah kan ong malipilip kan oh kakomoaldi kan kileledier nan iralaud 30.

7.1.2

Preseden en Prihsduhd en Aron

Pisop ahneki pwukoah pwukat nin duwen ah wia preseden en Prihsduhd en Aron nan ward. Nah sounsawas kan pahn kin sowese.

• Sowese pahpa kan oh nohno kan padahki me pwulopwul kan.

• Apwapwalih pwihn en Prihsduhd en Aron kan oh pwihn akan en Peinakapw kan. Pisop me wia preseden en pwihn en prihsd (kilang {Doctrine and Covenants 107:87–88). Nah keioun sounsawas me kin pwukoahki kohrumw en sounpadahk kan. Nah keriemen en sounsawas me kin pwukoahki kohrumw en dihken kan.

• Kaweid preseden en Pwihn en Peinakapw akan en nan ward.

• Tuhtuweng emen emen me pwulopwul kan.

7.1.3

Soun Kopwung

Pisop me wia sounkopwung en nan ward (kilang {Doctrine and Covenants 107:71–74). E ahneki pwukoah pwukat:

• Sowese me pwulopwul kan oh me mah kan irail en kak oh warehng nainki kisin likoun mweimwei ong nan tehnpas sarawi.

• Wia kapeidek kan nin duwen me sansal nan 31.2.

• Tuhweng memper kan nan ward me raparapahki sawas ong palingenerail, me ahneki kahpwal kan, de me wiadahr dihp toutou, oh sowese irail en kak alehdi Sapwelimen Sihses Christ manaman en kamwahwih irailla.

• Pahn kaweid en steik preseden, e kin kihpene oh katanga kaunsel en towehkan ma mie anahnepe. Ong iren kaweid, kilang iralaud 32.

7.1.4

Katanga Doadoahk en Komour oh Mour Soutuk

Pisop kin katanga doadoahk en komour oh mour soutuk en nan wardo (see iralaud 1). Nah sounsawas akan oh kaun teikan en nan wardo kin sowese.

7.1.4.1

Kaunda Doadoahk en Sawas ong Me Paisuwed kan.

Ong oaritikpen duwen pisop eh pahn kin sowese irail me mihlahr nan anahn, kilang 22.6.1.

7.1.5

Rekohd kan, Wiepen Mwohni kan, oh Imwen Kaudek

Ong me pid rekohd kan, kilang iralaud 33. Ong me pid wiepen mwohnihkan, me iangahki meiroang en eisek kis ehu, kilang iralaud 34. Ong me pid imwen kaudek, kilang iralaud 35.

7.3

Sekteri lapalap nan Ward oh Sounsawas ong Sekteri kan

Pisoprik kin kihda eden emen me kolokol Prihsduhd en Melkisedek en wiahla sekteri lapalap nan ward.

E ahneki pwukoah pwukat:

• Tuhweng pisoprik oh kaunopada audepen mihting kan nin duwen me irail padahkiheng.

• Wia emen tohn ward kaunsel oh kin iang towehda mihting en ward kaunsell kan.

• Wiahda ansoun kan en tuhweng pisoprik.

7.4

Klerk nan Ward oh Sounsawas ong Klerk kan nan Ward

Pwukoah kan en ward klerk oh sounsawas ong klerk sansal nan 33.4.2.