32 .

Koluhla oh Soun Kaweid enTohn Mwomwodiso kan

32.0

Mehn Kapehse

Palilaud en koluhla kin wiawi nan pwungen emen emen aramas, Koht, oh irail kan me ohkihla pwehki sang ni dipen aramas emen. Ahpw, ekei pak pisop men de steik preseden men kin anahne sewese irail toweh kan en Mwomwohdiso ni arail kin nantiheng koluhla.

Nan ansou en sewese irail toweh kan koluhla, pisop kan oh steik preseden kan kin ahniki limpoak oh insonoh. Irail kin idawehn karasaras en Sounkomouro, me kin utungada emen emen irail kan oh sewese irail en sohpeisang dihp oh sohpeieng Koht (kilang Matthew 9:10–13; John 8:3–11).

32.1

Koluhla oh Mahk

Pwehn kak wahdo Sapwellime pilahn en mahk, Sahm Nanleng ketkihdo Sapwellime Iehros, Sises Krais, en matkihla dipatail kan (kilang Alma 42:15). Sises ketin lokolongki kalokolok en kosonned en kopwung me anahnepe ong dipatail kan (kilang Doctrine and Covenants 19:15–19; see also Alma 42:24–25). Sang ni tohnmetei wet, Sahmo oh sapwellime Ierohso kasaledahr Sapwellimara limpoak poatoapoat ong kitail (kilang John 3:16).

Ni ansou me kitail kin ihdawehn “pwoson en koluhla,” Sahm Nanleng mahkehng kitail, ketkihong kitail mahkepen dihp sang ni Tomw en Sises Krais (Alma 34:15; pil kilang Alma 42:13). Ni atail mwakelekelahr oh lapwadahsangehr nan dihp, kitail kakehr iang sohsohki wehin Koht (kilang Isaiah 1:18; Doctrine and Covenants 58:42).

Koluhla e wia mehkot ehu me pil sikisang weliakapwalahn wiewia. Iei sohpeisang dihp oh sohpeilahng Sahm Nanleng oh Sises Krais. E ketkiheng kitail weliakapwalahn mongiong oh madamadau (kilang Mosiah 5:2; Alma 5:12–14; Helaman 15:7). Sang ni koluhlahn dihp, kitail wiahla aramas kapw ekei, pwurodohng rehn Koht (kilang 2 Corinthians 5:17–18; Mosiah 27:25–26).

Ahniki ansou mwahu en koluhla iei ehu kapai keieiu laud me Sahm Nanleng ketkihong kitail sang ni kisakis en Sapwellime Iehros.

32.2

Karoapoan tohn mwomwohdiso ah kin kainapwihdi oh kadowanla

Ma toweh men wiadahr dihp toutou ehu, pisop men de steik preseden men pahn sewese ih pwe en kak koluhla. Kisehn mwekid wet, e pahn anahne kainapwih sang sohng kei nan mwomwohdiso erein ansou iou. Mie songen irair kei, me e pahn anahne kohsang ah wia towe erein ansou iou.

Kosondih kan oh kakomoldien emen tohn mwomwohdiso e sohte wia men kolokolok. Apw, mwekid pwukat ekei pak kin kesempwal pwe e kin sewese emen aramas en kin koluhla oh weliakapwala. Re pil kin kieng emen aramas ansou pwe en kak kaunopada palingenih pwe en pwurehng tapiahda oh kolokol ah inou kan.

Sohng siluh ong kahrepen kainapwih oh dohlan towe men iei me kohdo mwuhr kan.

Sohng siluh ong kainapwidi oh kadowanlahn towe kan

1. Sewese doarehla meteikan.

2. Sewese aramas emen en kak wewehki duwen manaman en komour rehn Sises Krais sang ni arail pahn kin koluihla.

3. Doare mehlel en Mwomwodiso

32.2.1

Sewese Doarehla Meteikan.

Kahrepe keieu en sewese oh doarehla meteikan. Ekei pak aramas emen kin alehdi mehkot me keper ong paliwar oh pali ngehni. Mwekid suwed kan, medek en paliwar, wiakau en nenek, wiakau en dipwisou, likamw, oh mwohmw wia kisehn mwekid suwed pwukat. Sang ni pepehm, bisop oh steik presiden mwekid pwe en doarehla meteikan ansou me emen lelohng mepwukat oh ni sohng kapwuriamwei teikan (kilang Alma 5:59–60).

32.2.2

Sewese Aramas emen en kak Wewehki duwen Manaman en komour rehn Sises Krais sang ni arail pahn kin Koluhla.

Kahrepe keriau iei en sewese aramas emen en kak wewehki duwen manaman en komour rehn Sises Krais sang ni arail pahn kin koluihla. Sang ni wiepe wet, e kak pil ehu mwakelekelda oh warohng en alehda sapwelimen Koht kapai kan.

32.2.3

Doare mehlel en Mwomwodiso

Kahrepe kesiluh iei en doare mehlel en Mwomwodiso. Kainapwdi de kadowanlahn aramas emen sang ni ah wia tohn mwomwodiso men kak wiawi ma ah mwekid kan pahn uhwong ada mwekid en Mwomwodiso Church (kilang Alma 39:11). Doarepen Mwomwodiso sohte kohsang ni ekihla de katikala dihp laud akan—ahpw e kin kasalehda.

32.3

Pwukoahn Sounkopwung kan nan Isrehl

Pisop kan oh steik presidensi kan malipilipidahr oh kasarwialahngehr sounkoupwung kei en Israel (kilang Doctrine and Covenants 107:72–74). Irail kin kolokol kih kan en prihsduhd me kin welian Kauno sousewese toweh kan en Mwomwohdiso koluhla (kilang Doctrine and Covenants 13:1; 107:16–18).

Ansou koaros pisop kan oh steik preseden kan kin sawas ong ni koluhla sang ni kaweid kan me irail kin kihda. Sawas wet kin kak iangahki irairdihsang en ekei kamwaupeh kan en tohn Mwomwohdiso ki ansou reirei.

Ong ekei dihp laud kan, kaun akan kin sawaski koluhla sang ni tuhpenehn tohn kaunsel kan (kilang 32.6). Sawas wet kak iangahki irairdihsang en ekei kamwaupeh kan en tohn Mwomwohdiso ni inting de kamwakidieisang nein aramas emen rekerd ki ansou reirei.

Pisop kan oh steik kan kin ahniki limpoak oh insenoh ni arail kin sewese toweh kan koluhla. En Sounkomouro mwekid ong lih me kin kamwahlo wia mehn kaweihd ehu (kilang John 8:3–11) Itarete ah sohte mahsanih me dipeh kan lapwadahr, E sohte ketin lahlahwe. Ahpw ihme E ketin mahsanihong en “deh ier wia dihp”--en koluhla oh wekidala ah mour.

Lapalap pwukat padahngki me mie “peren … nanleng ong emen me dipan ahpw koluhla” (Luke 15:7). Irail ahniki kanengamah, utuht, oh madamadau mwahu ansou koaros. Irail kin ahniki koapwoaroapwoar. Irail kin padahk oh kadehdeh me pwehki sang ni tohnmetei en tomw en Sounkomouro, koaros kak koluhla oh pwurehng mwakelekelda.

Pisop kan oh steik preseden kan kin rapahki kaweihd sang Ngehno pwe irail en kak ese mwomwen arail pahn sowese emen aramas koluhla. Ihte ongete dihp toutou kan me Mwomwohdiso kaunopadahr wiepeh kan me anahne wiawi me kaun kan anahne wia (kilang 32.6). Sohte songen kemwekid riau me duwepene. Kaweihd kan me kaun kan kihda oh wiepen koluhla me irail apwalih anahne en kamwakid mongiong kan oh e mweihn pahn wekpeseng ong emen emen aramas.

32.4

Wehkada, Nekinek Mwahu, oh Repwoht ehng Kaun kan en Kopwerment

32.4.1

Wehkada

Koluhla anahne wehkepen dihp ong Sahm Nanleng. Sises Krais ketin mahsanih me sang ni met me kumwail pahn ese ma aramas emen koluhkilahr dipeh kan--kilang, e pahn wehkada oh pohnsehse iraila (Doctrine and Covenants 58:43; see also Mosiah 26:29).

Ni ansou me toweh kan en Mwomwohdiso kin wiada dihp laud, arail koluhla kin iangahki wehkepen dihp ong arail pisop oh steik preseden. Ih ahpw pahn kak welian iraildi oh doadoahngki kih kan en rongamwahu en koluhla ong irail (kilang Doctrine and Covenants 13:1; 84:26–27; 107:18, 20). Met me pahn sewesei irail kamwauiahla oh kapwurehdo ni ahl en rongamwahu sang ni manaman en Tomw en Sounkomouro.

Kahrepen wehkepen dihp iei en kakehlaka toweh kan en kihsang toutou rehrail pwe irail en kak rapahki ni unsek sawas en weliakapwala oh kamwaula sang rehn Kauno. Kakairada “mongiong karakarahk oh ngehn peik”kin sawas sang wehkepen dihp (2 Nephi 2:7). Peihn pilada en wehkada dihp kasalehda me aramaso ahniki ineng en koluhla.

Ni ansou me toweh men kin wehkada dipe, pisop de steik preseden kin idawehn mehn kaweid kan me mih nan 32.8 E kin kapakap ni ah kin rapahki mehnia kaweid me pahn mwahu ong sewese towe meno koluhla. E kin medewe ma tohn kaunsel men kak sawas. Ma kosonned en Mwomwohdiso anahne mihting en kaunsel, e pahn kaweweh met (kilang 32.6).

Ekei pak toweh men kin wia sapwung ong ah pwoud de emen aramas laud. Ni ah wia kisehn koluhla, emen ira kin anahne wehkadahng aramaso oh rapahki mahkepe. Mwanakapw emen me wiahda dihp laud udahn anahne en ale kaweid rehn ah pahpa oh nohno.

32.4.4

Nekinek ni Rir

Pisop kan, steik preseden kan, oh sapwellimarail tohn kaweid kan ahniki pwukoah sarawi en nekidala mwahu mengihtik en audaupeh kan me kohieng irail. Mengihtik pwukat kak kohsang ni kalalapak kan me wiawi ansou en tuhpene, ni kaukauweidpeneh kan, oh tuhpenehn wehkepen dihp kan. Songen pwukoahute pil pahn kohieng irail kan koaros me kin iang towe pwihn en kaunsel. Nekinek mwahu en rekerd kan inenen kesemwpwal pwehki toweh kan pahn kak en sohte men wehkada diparail kan de rapahki kaweid ma dahme irail kasalehda sohte pahn nekinekla mwahu. Kawehla likilik ehu pahn kihsang en toweh kan arail likilik oh pahn karehda arail pahn sohla likih arail kaun akan.

Mehlelieng arail pwukoah kan ong ni nekineklahn rekerd kan, pisop men, steik preseden, de tohn kaweid kan pahn kak en ehukihwei ireh kan nin duwe met:

• Irail anahne en koasoikiheng en toweh meno steik preseden, misin preseden, de pisop duwen ehu tuhpenehn rehn tohn kaunsel de soahng tohrohr teikan.

• Aramaso pahn kesoula ni ehu ward kapw (de kaun en prihsduhdo kopwurupwursangehr) awiawi dahme pahn wiawihong na rekerd kan de soahngen peidek teikan me saik epwella.

• Pisop men de steik preseden esehda me emen tohn Mwomwohdiso me kouson likin wardo de steik wiahdahr dip laud.

• E kak kasalehda mengihtikpen ireh nan ansou en tuhpenehne kaunsel.

• Toweh men pahn pilada en kieng mweimwei ong kaun men ihs me e kak ehukieng ireh kan.

• E pahn kak en ehukihwei itait en ireh kan me pid duwen koasoandi en pwihn en kaunsel.

Pwehn sewese kaun akan en kak apwalih mehteikan oh idawehn kosonned, Mwomwohdiso kaunopada sawas sang irail semen kan. Pwehn kak alehdi kaweid wet, kaun kan pahn ansouohte eker nempehn Mwomwohdiso me kin apwahpwali wiakau me sansal nan (kilang 38.6.2.1). Ni wasa me sohte ie, steik preseden pahn eker pwihn en kaunsel en ehria ni ohpis en ehria.

Ni soahng ehute me pisop men de steik preseden pahn kasalehda ireh kan me nekinekla ni sohte ale mahs kaweid. Ieite ansou me kasalehda wet pahn wiawi pwehn perehsang keper de ohla laud oh ma solahr ansou en rapahki kaweihd. Nan soahngen irair wo, pwukoahn apwaliada mehteikan kesemwpwal sang pwukoahn nekinekla mwahu en rekerd. Kaun kan pahn anahne en eker sounkadip kan ansou karuaru.

32.6

Wen Toutou en Dihpo oh Kosonned en Mwomwohdiso

Wen toutou en dihpo e inenen kesempwal en kilangada mehnia wasa me pahn kak (1) sewese apwalih mehtei kan oh (2) sewese aramaso koluhla. Kauno ketin mahsaniher me E “sohte kak kilang dihp en wia mehkot tikitik ehu” (Doctrine and Covenants 1:31; pil kilang Mosiah 26:29). Sapwellime sounpapah kan sohte pahn pohnsehsehla mehn kadehde en dihp toutou kan.

Dihp toutou kan me sang ni insen oh keieu wiedip laud me uhwong kosonned akan en Koht. Songen dihp toutou kan me sansal pah:

• Mwekid Keper oh Wiakau

• Wiesued

• Mwekid en Widing

• Kawehla Likilik me Mie

• Ekei Mwekid Teikan

Ni Ansou me Anahnepen Pwihn en Kaunsel en Mie de Ma Mie Anahnepe

Songen Dihp da	Mihting en Kaunsel mie anahnepe	Ansou me Kaunsel en Towehkan Pahn Anahne Wiawi
Songen Dihp da Mwekid Keper oh Wiakau	Mihting en Kaunsel mie anahnepe Kam Aramas Angkehlail Dipaniki Angkehlail en Nenek Wiakawe Seri de me Pwulopwul Tiahk Keper	Ansou me Kaunsel en Towehkan Pahn Anahne Wiawi Song en Kam Aramas Angkehlail ni Wiakau, kapatahieng kamedekehla oh laumwauhmw (kilang 38.6.18 ong ni ansou me soun sawas emen anahne en mie) Wiakau en pwopwoud de aramas laud tohrohr (kilang 38.6.2.4 ong ni ansou me soun sawas emen anahnepe)
Songen Dihp da Madamadau Suwed	Mihting en Kaunsel mie anahnepe Ngenger Suwed Kilelen Seri Kilel Suwed Pwopwoud Tohto Mwekid en Angkehlail Kamasepwehk	Ansou me Kaunsel en Towehkan Pahn Anahne Wiawi Kamwahl, wiesued, pwopwoud lih lih de ohl ohl, oh koaros wiesued teikan likin pwopwoud manaman ehu nan pwungen ohl men oh lih emen, me iangahki wiesued kan nan koampiuhder de pohn delepwohn Mihmipene ansou reirei wiwia insenen pwopwoud ahpw sohte pwopwoud, pwopwoud en lih lih de ohl ohl me koasondi sang kosonned oh pali teikan, oh kapwopwoud en lih lih de ohl ohl Medemedewehte en kilekilang de sohla kakasang kilel suwed akan me kahreda sonsued en pwopwoud oh peneinei
Songen Dihp da Mwekid en Widing	Mihting en Kaunsel mie anahnepe Pirapahsang nein emen me ke kin sewese nah mwohni, mie duwehte pitiasang nein emen mwohni oh me duwehtekan (kilang 32.6.3.3 ma mie towehmen iangehr doahkehda pwohni de dipwisoun Mwomwohdiso)	Ansou me Kaunsel en Towehkan Pahn Anahne Wiawi Pirapa kepwe, pwedlong nan ihmw ehu pwehn pirap, de kasapwungehla mwohni (kilang 32.6.3.3 ma mie towehmen ma iangehr doahkehda mwohnihn de dipwisoun Mwomwohdiso) Kahula ni Likamw
Songen Dihp da Kawehla Likilik me Mie	Mihting en Kaunsel mie anahnepe Dihp laud ni ansou me kolokol pwukoah laud en Mwomwohdiso	Ansou me Kaunsel en Towehkan Pahn Anahne Wiawi Dihp laud ansou me e ahnki pwukoahn kaunda de likilik nan Mwomwohdiso de nan wasahn kousoan kan (kilang 32.6.3.3 ma towehmen iangehr doahkehda mwohni en Mwomwohdiso de ah dipwisou) Dihp laud me tohto wewehki
Songen Dihp da Ekei Mwekid Teikan	Mihting en Kaunsel mie anahnepe Palilaud en Dihp Toutou kan	Ansou me Kaunsel en Towehkan Pahn Anahne Wiawi Kauwehla liseian (ihte ma mie kahrepe nan 38.6.1 doke met) Kapwkapwurehieng dihp laud akan Wia inseniki pwukoah kan en peneinei me iangahki sohla pwain utuht en epwelpen seri oh epwelpen pelie me koasondihsang kosonned Netikihla mehn kasahliel kan Ekei wiewia suwed laud kan

32.6.3

Ni ansou me Steik Preseden kin ale kaweid sang Presedensi en Ehria duwen Ma Pwihn en Kaunsel de Ekei Kemwekid

Ekei mwekid kin anahne en mie petehkpe oh mehn kaweid. Pwehn ese mwomwen ah pahn kak kihda sawas mwahu, steik preseden anahne ale kaweid sang Ehria Presedensi duwen kemwekid pwukat nan ire tikitik wet.

32.6.3.2

Pwupwulahu

Koasoiepen pwupwilahu kin kalapw wia ire ehu me kin kak dauliala padahk me kin kohdahsang Ward de Steik. Irail anahne kin koasoia ni pwungih pwehn doarehla mehteikan.

Pisop pahn ale kaweid sang steik preseden ma e kehn me en toweh men mwekid pidadahr duwen pwupwulahu.

E sansal wasaht me pwupwulahu doke toweh men me wia soang pwukat me sansal pah:

• Kin kalapw kasalehda ni sansall oh koasoia duwen weipokon arail uhwong Mwomwohdiso, sapwellime padahk kan, kosonned akan, de kaun akan.

• Wenlahte mwowe padapadahngki padahk en Mwomwohdiso me sohte wia padahk en Mwomwohdiso mwurin alehier pwungih sang pisop de steik preseden.

• Kaskasale mwohmw ehu sang ni ineng en kaluwetehla pwoson oh kemwekid kan en tohn Mwomwohdiso

• Wenlahte mwowe ideidawehn padahk kan en ekei lamalam mwurin alehier kaweid sang pisop de steik preseden

• Iangala ehu mwomwhdiso oh wie doadoahngki arail padahk kan

32.6.3.3

Doahkehda Mwohnihn Mwomwohdiso

Ma aramas emen doahkehda mwohnihn Mwomwohdiso de pirapa dipisou kesempwal en Mwomwohdiso, steik preseden pahn ale kaweihd sang Ehria Presedensi duwen ma e konehng tuhpenehn pwihn en kaunsel de songen wiepe teikan anahnepe wiawi.

Irehkan me pilipilsang nan Pwuken Kaweid sohte iangahki ahl koaros oh iren kaweid ong kaweidih aramas emen me wiahier dihp laud ehu oh, ma konehng, wia tohn kaunsel.

Ma pisop de branch preseden ahnki peidek me pid duwen sewese mehmen me wiahier dihp lau ehu ( me kawehwedahr nan 32.6), e anahne keiou kilang ma koaros iralaud 32 ong pwuken Kaweid kawehwehdier nan ehu lokaia me e kak doadoahngki. Ma e saikinte kawehwehdi, e anahne alehdi me kin kakaun ih ong kaweid.