31.

Ansoun kapeidek kan oh Mihting Teikan ong Tohn Mwomwohdiso

31.0

Kapehse

Sises Krais pak tohto ketin minisder ehng mehteikan emen oh emen (kilang ni karasepe, Sohn 4:5–26; 3 Nephi 17:21). E ketin poakehng emen emen Sapwelimen Koht serihkan. E kin ketin sewese emen emen.

Iralaud wet kak sewese sounkaweid koaros me ahnki ansou mwahuen tuhweng emen emen tohn mwomwohdiso kan.

31.1

Padahk kan en Kaweid

31.1.1

Kaunopada Palingehn

Kaunopada palingenomw sang kapakap, onopki pwuhk sarawi, oh momourki pwung. Rong mwenginingin en Ngehn Sarawi.

31.1.2

Sewese Tohn Mwomwohdiso en Kehn Sapwelimen Koht Limpoak

Ansou towe kan kohdo rehmw ong ansoun kapeidek de ong sawasepen arail kahpwal, pak tohto dahme irail keioun anahne iei en ese me Sahm Nanleng poakehng irail.

Pwuhk sarawi kan oh kaweid kan sang soukohp en imwin-rahn akan kin luke Ngehno oh kaskuhlki padahk mwakelekel. Doadoahngkin irail pwehn kamarainih oh kangoange, kaidehn en karia, itonehng, de kahrehda masepwehk (kilang Luk 9:56).

31.1.3

Sewese Tohn Mwomwohdiso en Doadoahngki Sapwelimen Sounkomouro Manaman

Kangoange towe kan en sohpeilahng Ih. Sewese irail en doadoahngki Sapwelime manaman pwehn kakehlaka, kaloalamwahuih, oh doarehla.

31.1.4

Sewese Tohn Mwomwohdiso en Kehn Soanamwahu oh Perehresang kahpwal

Ansou koaros mweidehng tohn mwomwohdiso en pilada en mie emen iang towehda ansoun kapeidek de mihting. Ansoun tuhweng tohn mwomwohdiso men me kaidehn kumwa ehu (lih de ohl), seri men, de me pwulopwul men, tehk mwahu me mie ah pahpa de nohno de emen melaud iang towehda. Ohl emen de lih emen kak towehda mihtingo de awih likin perehu, met insenen tohn mwomwhdiso ke pahn tuwehngo.

Dehr ehukiheng ire rir akan ong emen—me iangahki omw pwoud, de ekei sounkaweid kan nan Mwomwohdiso—ihte ma tohn mwomwohdisohu kiheng uhk mweimwei.

31.1.5

Idek Peidek en Kamarain oh Rong ni Keneinei

Ansoun tuhweng emen tohn mwomwohdiso, idek peidek kan me kak sawas ken esehla irair e ahnki.

Ansou me tohn mwomwohdiso koaskoasoai, rong mwahu oh ni keneinei.

31.1.6

Kangoange Uhtohr

Pwehki omw limpoak ong towehkan, ke kak ni karuaru sewesehkin irail arail kahpwal akan. Ahpw, ke pahn kapai irailda laud ni omw sewese irail en pein diarada sawasparail oh wiahda pein arail koasoandi kan (kilang Doctrine and Covenants 9:8).

31.1.7

Utung Songosong kan en Koluhla

Pisop kelehpw de steik presiden me kak sewese aramas kapwungala dihp toutou kan. Ekei met kileledi nan 32.6. Ma tohn mwomwohdiso men dipkidahr ehu nan pwungen dihp pwukat, e anahne tuhweng pisop de steik presiden ansou mwadang.

31.1.8

Apwaliih Wiakau Ni Pwung

Wiakau sohte kak mweimweida ni mwohmw sohte lipilipil. Alehda repoht en wiakau ni mehlel. Ma ke esehda me mie me alehdi wiepen wiakau, repwohtkihla rehn me pahn apwalih oh tuhweng pisop. Iren kaweid kan ong repwoht oh apwalih mie nan 38.6.2).

31.2

Ansoun kapeidek kan

31.2.1

Kahrepen ansoun kapeidek kan

Ni oaralap, sounkaweid kan en Mwomwhdiso kin kapeidak tohn mwomwohdiso pwehn teneki ma irail:

• Kaunopehngehr alehdi de towehda ehu tiahk sarawi.

• Anahne malipilipehng ehu pwukoah nan Mwomwohdiso.

31.2.2

Soangen ansoun kapeidek kan

Isime kak wia ansoun kapeidek	Kahrepen ansoun kapeidek
Isime kak wia ansoun kapeidek Pisop kelehpw	Kahrepen ansoun kapeidek Kiheng emen tohn mwomwohdiso me pahn alehdi pein ah endowmen de katengteng ong ah pwoud nah kisin lkoun mweimwei ong nan tehnpas sarawi (kilang 26.3.1). Kiheng emen me apwtehn weliakapw ehu kisin likoun mweimwei ong nan tehnpas sarawi (kilang 26.4.2). Idihada emen ohl me apwetehn weliakapw ong nan pwukoahn prihsduhd en Aron. Idihada emen mwahnakapw de emen ohl ong pwukoahn prihsd (kilang 18.10.2). PIlada emen ohl en kasarawiheng en wia elder de prihsd lapalap (kilang 31.2.6). Kamanaman sang steik presidensi anahn ong wia ansoun kapeidek wet. Pilada emen tohn mwomwohdiso en papah ni ah pahn wia misineri men (kilang 24.4.2). Malipe emen tohn mwomwohdiso en papah ni ah wia presiden en pwihn en ward. Malipe emen prihsd en papah ni ah wia sounsawas nan kohrumw en prihsd. Sewese emen tohn mwomwohdiso en koluhkihla ehu dihp toutou (kilang iralaud 32). Kamanahla emen tohn mwomwohdiso en alehdi lohnen Perpetual Education Fund, wasahkan me mie. Mweidehng emen tohn mwomwohdiso en kasalehda iawas e mihie nan pelien pwain meiroang (kilang 34.3.1.2). Kamanahla doadoahkpen mwohnihn kaisihsol (kilang 22.6.1).
Isime kak wia ansoun kapeidek Pisop de emen sounsawas me e pilada	Kahrepen ansoun kapeidek Wiahda ehu kisin likoun mweimwei nan tehnpas sarawi kapw (kilang 26.3.1). Wiahda ehu kisin likoun mweimwei nan tehnpas sarawi pwehn towehda nan doadoahk en pepdais en me melahr akan oh kasarawiheng wihla towe mehlel (kilang 26.4.3). Wiahda ehu kisin likoun mweimwei nan tehnpas sarawi pwehn kak katengteng ehng ah pahpa oh nohno de en kadehde katengteng en rihekan ong arail pahpa oh nohno (kilang 26.4.4). Malipe emen tohn mwomwohdiso en papah nan malipilip en ward me sansalehr nan 30.8. {Kamanahla pepdais oh kasarawi en serihmen me sounpar 8 [waluh] me mih nan rekoht de ah pahpa de nohno de sounepwel wia tohn Mwomwohdiso (kilang 31.2.3.1). Kamanahla kasarawihn emen mwahnakapw ong pwukoahn dihken de sounpadahk (kilang 18.10.2). Wiahda ehu Rekomen en Mweidada emen me ahnki prihsduhd en wia ehu tiahk sarawi en prihsduhd nan ehu ward, ma sohte nah kisin likoun mweimwei nan tehnpas sarawi. Kilang doarepwehn Pilada en Wia Tiahk Sarawi.)

31.2.3

Kapeidek kan ong Pepdais oh Kasarawi

31.2.3.1

Seri kan Me Wia Tohn Mwomwohdiso nan Rekoht

Pisop kolokol kihen prihsduhd kan ong pepdaisih tohn mwomwohdiso me sounpar 8 [waluh] me mih nan ward rekoht. Pwehki kahrepe wet, pisop de emen kaunsel me idihda kin kapeidek aramas pwukat ong pepdais:

• Serihkan me sounpar 8 [waluh] me wia tohn mwomwohdiso nan rekoht.

• Serihkan me sounpar 8 [waluh] me sohte wia tohn mwomwohdiso nan rekoht ahpw mie ah pahpa de nohno de sounepwel me wia towe.

• Towehkan me mih nan rekoht me sounpar 9 [duwau] oh laudsang me pwanden pepdais pwehki kahpwalen madamadau.

Nan ansoun kapeidek, tohn pisoprik kin tehk mwahu me serio wehwehki kahrepeh kan en pepdais (kilang 2 Nephi 31:5–20). E pil kin tehk mwahu me serio wehwehki inoukan en pepdais oh men nantiheng momourki (kilang Mosaia 18:8-10). E sohte anahne doadoahngki soangen peidek kileledihkei. Kaidehn ansoun kapeidek en tehk ah warehng, pwehki “seri tikitik sohte anahne koluhla” (Moronai 8:11).

31.2.3.2

Me weliakapw kan

Misin presiden kolokol kih kan en prihsduhd ong pepdaisih me weliakapw kan. Pwehki kahrepe wet, misineri men me pwuhl daim kapeidek kan:

• Aramas akan me sounpar 9 [duwau] oh laudsang me saikinte pepdais oh kasarawihla. Kilang 31.2.3.1 ong irailkan me ahnki kahpwal en madamadau.

• Serih kan me sounpar 8 [waluh] me ah pahpa oh nohno sohte wia tohn Mwomwohdiso.

• Serih kan me sounpar 8 [waluh] me mie ah pahpa de nohno me pahn iang pepdais oh kasarawihla ong wiahla towe mehlel.

31.2.4

Kapeidek kan ong Kasarawi ong Pwukoahn Prihsduhd en Aron

Ong irehn kaweid kapatapat, kilang 38.6.13.

31.2.5

Kapeidek kan ong Kisin Likoun Mweimwei ong Tehnpas Sarawi

Tehnpas sarawi iei tehnpas en Kauno. Pidelong nan tehnpas sarawi oh towehda nan tiahk sarawih kan wasahu wia kapai sarawi ehu. Kapai wet kolokolehng irail kan me kaunopadahr palingehn oh nanantiheng momourki sapwelimen Kauno kosoned akan, me petehkpe kin kohsang rehn sounkaweid en prihsduhd me ale mweimweikan.

Pwehn wia tetehk wet, sounkaweid kan en prihsduhd kin kapeidek towehkan ni arail doadoahngki peidek pwukat nan LCR (pil kilang irenkaweid kan nan 26.3).

31.2.6

Kapeidek kan ong Kasarawiheng Pwukoahn Prihsduhd nan Melikisedek

Steik presiden kolokol kihkan en prihsduhd ong kihla prihsduhd en Melkisedek. E pil kolokol kihkan ong kasarawiheng pwukoahn elder oh prihsd lapalap.

Sang ni mweimwei en steik presidensi, pisop kin kapeidek tohn mwomwohdiso ni ah doadoahngki peidek kan me mie nan Rekoht en Kasarawihn Melkisedek Prihsduhd.

31.3

Ansou mwahu Tohrohr me Sounkaweid kan kak Tuhweng Towe kan

• Towe kan kak peki ren tuhweng emen sounkaweid en Mwomwohdiso ansou irail anahne kaweidpen palingehn de ahnki katoutou kan.

• Pisop de emen me e pilada kak tuhweng tohn mwomwohdiso me ahniki anahn en paliwar (kilang 22.6).

• Emen tohn pisoprik kin tuhweng emen emen me sounpar 11 ni ah pahn keseusang nan Praimeri ong nan kohrumw en dihken kan de pwihn en Peinakapw akan.

31.3.1

Tuhweng me Pwulopwul

Pisop de emen nah sounsawas kan kak tuhweng emen emen me pwulopwul pak riau nan ehu pahr. Nan mihting kan pak ehu nan ehu pahr anahne tuwehng pisop. Tepida nan pahr me me pwulopwul men pahn sounparla 16 [eisek-weneu], mihting koa koaros nan pahro anahne tuhweng pisop ma kak.

Presiden en Peinakapw akan pil ahnki pwukoahn minisder ong emen emen peinakapw pwulopwul kan. E kak wia met sang ni ah pahn tuhweng peinakapw pwulopwul kan emen oh emen (de ong emen me laud me iang towehda).

31.3.1.2

Irehkan mehn koasoaiapene

Kahrepe keiou en mihting kan ong me pwolupwul iei en kauwada pwoson ong Sahm Nanleng oh Sises Krais oh sewese me pwulopwul kan en idahwen Ira. Mihting pwukat anahne wia ansou kei me kin kakehlaka palingehn.

31.3.2

Tuhweng me Pwulopwul Kiripw kan

Pisop kiheng keirdahn palingehn en me pwulopwul kiripw kan nan ah ward mehkot kesempwal laud. Pisop de emen kaunsel me pilipilda kin tuhweng emen emen me pwulopwul pak ehu nan ehu pahr.

31.3.3

Tuhweng Towehkan en Koasoaia Arail Malipilip kan oh Pwukoahkan

Steik presidensi kan, pisoprik kan, oh ekei sounkaweid kan kin tuhweng emen emmen tohn mwomwohdiso me kin repwohtki arail malipilip kan.

Sounkaweido kin kapingehng tohn mwomwhdiso pwehki ah papah oh kangoange ih.

31.3.6

Sounkaweid Semen oh Derapi

Sounkaweid kan en Mwomwohdiso sohte alehdi malipilip pwehn wia sounkaweid semen kei de kak wia derapi. Sawas irail kin wia iei sawas en palingehn, tetehkete kakehlepen, kaloalamwahuen, oh doarepen manaman en Sises Krais. Patehngete sawas kesempwal oh kamarain wet, ekei tohn mwomwohdiso kak alehdi sawas me konehng sang semen en sounkaweid kan wasahkan me mie.

31.4

Mihting en Tohn Mwomwohdiso kan nan Koampiuhder

Pak tohto, sounkaweid kan kin tuhweng neirail tohn mwomwhdiso kan ong ansoun kapeidek kan oh en sawaski kakehlepen palingehn oh wia minisder. Ahpw, mie ekei ansou, irail kak mihting nan koampiuhder ma aramaso sohte kak pwarala.