34.

Doadoahk pen Mwohni oh Doupen Pwuhk kan

34.0

Kapehse

Meiroang en eisekis ehu oh meiroang teikan elehda Mwomwohdiso en kadoahke Sapwelimen Kauno doadoahk en komour oh lapalapala (kilang 1.2). Mohni pwukat me sarawi. Irail wia kasalepen tohnmetei oh pwoson en tohn Mwomwohdiso (kilang Mark 12:41–44).

34.2

Sounkaweid Mwohni kan en Ward

34.2.1

Pisoprik

Pisop ahnki soangen pwukoah pwukat ong wiepen mwohni nan ward. E kak kapwukoahki ekei pwukoah doadoahk pwukat ong nah sounsawas kan de klerk kan.

Pisop:

• E kin padahkiheng toweh kan en kin pwain arail meirong en eisekis ehu ni unsek oh kihda meirong laud (kilang 14.4.

• Tehk mwahu mwohni kan en ward epwel pwung oh koaros mie (kilang 34.5).

• Petehk mwahu en repwohten mwohni nan ehu ehu sounpwung oh tehk mwahu me sapwung akan kopwungpwungla mwadang.

• Tehk mwahu me sounkaweid en pwihn kan oh klerk kan kaskuhlki arail pwukoah ong nein Mwomwohdiso mwohni sarawi pwukat

• Kaunopada oh apwalih wen mwohni me mie nan ward nan ehu ehu pahr (kilang 34.6).

• Kin tuhweng towehkan en ward nan ehu ehu pahr pwehn alehdi arail repwoht en meiroang en eisekis ehu.

34.2.2

Klerk kan en Ward

Pisop kin kapwukoahki klerk en ward de sawasepen klerk en ward en sawas nan pelien apwahpwali ntingdien rekohd kan en palien mwohni. Klerk kan kin ni keneinei idawehn kosoned kapw akan ong epwel mwahu en mwohnihn Mwomwohdiso oh tehk mwahu me rekohd kan en Mwomwhdiso pwung.

Klerk men ahnki soangen pwukoah pwukat:

• Kilelehdi oh nekidala mwohni koaros me alahldi ni emen tohn pisoprik ah iangih.

• Petehk mwahu en repwoht en mwohni nan ehu ehu sounpwung oh tehk mwahu me sapwung koaros kopwungpwungla ansou mwadang.

• Sewese pisop kaunopada doadoahk en mwohni nan pahr (kilang 34.6 oh 34.6).

• Tehk mwahu me towehkan kak kilang neirail doaropwehn arail sawas akan oh sawas ma mie anahnepe.

Klerk kan anahne ahnki Prihsduhd en Melkisedek oh nainki dempel rekemen kapw.

34.3

Sawas akan

34.3.1

Meirong en Eisekis Ehu

Meiroang iei pein kihda eisekis ehu en neirail mwohni ong sapwelimen Koht Mwomwohdiso (kilang Doctrine and Covenants 119:3-4; Towehkan koaros me mie nah elen mwohni anahne pwain meiroang en eisekis ehu.

34.3.1.2

Repwoht en Meiroang en eisekis ehu

Pisop kin tuhweng emen emen tohwehkan nan sounpwung en imwin pahr akan pwehn alehdi ah repwoht en meiroang en eisekis ehu.

Towehkan koaros luhkehng en tuhweng pisop pwehn:

• Repwoht kiheng pisop deurail ni arail kin pwain arail meiroang.

• Tehk mwahu me kileledihn arail sawas akan pwung.

Ansou me kak, koaros tohn ehu peneinei, iangahki serihkan, anahne iang towehda.

34.3.2

Meirong en Kaisihsol Kan

Sounkaweid kan en Mwomwohdiso en koangoange toweh kan en momouriki kosonned en kaisihsol. Met iangahki kihda meiroang en kaisihsol laud (kilang 22.2.2).

Kaweid kan en wiepen doadoahngki mwohni kan en meirong en kaisihsol sansal nan 22.5.2.

34.3.3

Mwohni kan en Misineri

Sawas akan ong ni mwohni en misineri kin doadoahkehte pwehn kak lel inou en sawas akan me mie ong misineri kan en ward.

Sawas akan ong nan Kopwou Lap en Mwohnihn Misineri kin doadoahkla sang Mwomwohdiso ong ni kemwekid pweida koaros en misineri.

34.3.7

Sawas akan Sohte kak Kopwurupwursang

Ni ansou me meirong en eisekis ehu oh meirong teikan kohiengehr Mwomwohdiso, e wialahr sapwellimen Kauno. Irail kasarawihengehr Ih.

Steik presiden oh pisop kan anahne kawewehieng irail kan me kihda sawas en meirong en eisekis ehu oh meirong teikan me sawas pwukat sohte pahn kak en kopwurpwurieng irail.

34.4

Epwel Mwahu en Meirong en Eisekis Ehu oh Meirong Teikan

Wen mwohnihn meirong en eisekis ehu oh meirong teikan me pweipweidi sang toweh inenen kesemwpwal en neknekla ni rir. Pisopte oh irail kan me mweimweida en apwalih de kilang sawas akan me kak kilang soangen rohng pwukat.

34.5

Apwahpwalih Mwohni kan en Mwomwohdiso

Steik preseden oh pisop anahne tehk mwahu me nein Mwomwohdiso mwohni koaros epwel pwung. Pisoprik kan oh klerk kan alehdi kangoang en kilang kasdo wet “Mwohni Sarawi, Pwukoah Sarawihkan” pak ehu nan ehu pahr.

34.5.1

Padahk en Peliali

Padahk en peliali anahne aramas riemen—emen tohn pisoprik oh emen klerk, de tohn pisoprik riemen—en iang towehda ansoun kilelehdi oh doadoahngki mwohnihn Mwomwohdiso.

Sounkawed kan anahne kanaiehng oh sohte kak ehukiheng emen neirail pahswerd kan (kilang 33.9.1.1).

34.5.2

Alahldi en Meirong en Eisekis Ehu oh Meirong Teikan

Kauno ketin ketkihengehr pisop kan likilik sarawi en kak alehda oh apwalih meirong en eisekis ehu oh meirong teikan en Soulen kan (kilang Doctrine and Covanents 42:30-33; 119). Ihte pisop oh nah sounsawas akan me pahn kak ale meirong en eisekis ehu kan oh meirong teikan. Sohte pak ehu me arail pwoud akan, towe teikan en nan arail peneinei, klerk kan, de ekei toweh kan en ward pahn kak alehda sawas en mwohni pwukat.

34.5.3

Tehk Mwahuih oh Kilelehdi Meiroang en Eisekis Ehu oh Meirong Teikan

Sawas akan anahne petehk mwahu en kohweng oh kileledi ni Rahn Sarawi me re alahldi. Emen tohn pisoprik oh emen klerk, de riemen tohn pisoprik, pahn ehupene kadingada enpelop kan. Irail kin tehkmwahu me wen mwohnihkan me mih loale duwehte me intingdi pohn doaropwehn Meiroang en eisekis ehu oh meiroang teikan. Irail kin kilelehdi ehu ehu sawas akan ni pwung. Ma wen mwohni kan oh dahme ntingdi sohte duwepene, irail pahn anahne eker me wiahda meirongo pwehn kak epwelahte ansouo.

34.5.4

Nekidala nan Bank Meirong en Eisekis Ehu oh Meirong Teikan

Neknekilahn mwohni anahne wiawihda mwurin petehk mwahu en wen mwohnio me kileledi duwehte.

Wasa me mie wasahn nekidala mwohni kin langalangki awa 24, tohn pisopriko iangahki emen me kolokol prihsduhd, pahn nekidala mwohni kau nan banko rahnohte me mwohnih kau ohpenda oh petehkmwahui wiawiheng.

Wasa me sohte wasahn nekidala mwohni kin langalangki awa 24 oh banko kin ritidi Rahn Sarawi, pisopo pahn kapwukoahki emen Melkisedek Prihsduhd, mehlel emen tohn pisoprik en kin wahla oh nekidala mwohni kan mandahn rahno ansou me banko pahn ritida. E pahn anahne:

• Tehk mwahu me mwohni pwukat kin neknekla mwahu lau lel rahn me e pahn nekidala nan banko.

• Alehdi kisin likou en kadehde rahn oh uwen mwohni me nekinekla nan banko.

34.5.5

Epwel Keneinei en Mwohni kan en Mwomwohdiso

Toweh kan me pwukoahki mwohni en Mwomwohdiso sohte pahn pak ehu pwilikihdi mwohnih kan nan wasahn mihting kan pwehn pweidieng mwo de wasah kis me sohte me pahn apwahpwalih ni ansou sohte lipilipil, me duwehte ansoun mihting kan de kemwekid teikan.

34.5.7

Apwahpwalih Pweipweikan en Steik oh Ward

Sohte steik de ward pahn kak pwainla de pwaindi dipisou kan ma sohte mweimwei sang irail kan me ahniki mweimwei en mweidada pweipweila kan.

Sounkaweid riemen me mweimweida anahne mweidada ehu ehu pweipwei. Emen ira anahne wia tohn steik presedensi de pisoprik. Mendahte ma sounsawas akan mweimweida en kamanahla soahngkan me anahne pweipwei, steik preseden de pisop anahne tehk ehu ehu pweipwei. Sounkaweid kan sohte kak kamanahla pweipwei ehu ong peinirail.

En steik preseden ah mweimwei me intingdi anahn mwohn pisop men ah kak doadoahngki meiroangen kaisihsol de kamana en pisop ah oaht ong pein ih de ah peneinei. Kamanaman me intingdi sang emen tohn Area presidensi anahn mwohn pisop men ah kak doadoahngki meiroangen kaisihsol de kamanahla en pisop men ah oaht ong steik preseden de ah peneinei. Kilang 22.5.1.2 ong irenkaweid kan.

Towehmen me peki nah mwohni en kopwurpwurieng kin kihda koapihn risiht de inpois me doaropwe de nan nah sehlpwohn. E pil iangahki kahrepe, ia uwe, oh rahn me e pweipweidahu.

Ma mwohni kan kohieng mwowe, tohwehu pahn kapidolong ehu doaropwehn pweipwei, intingihedi kahrepe, ia wen pweine, oh rahn. Mwurin ah pweipweilahr , towehu eri (1) kihda risihtkan de doaropwehn mwohni me netilahu oh (2) kapwurehdo mwohni me sohte doadoahkla. Mwohni kan me kopwurpwurdohkan anahne neknekila.

34.5.9

Kolokol Rekohd kan en Mwohni

Ehuehu steik oh ward pahn anahne kolokol rekohd unsek oh pwung kan en neirail mwohni.

Ong me pid duwen doadoahngki oh kolokol rekohd kan oh repwoht kan, klerk kan pahn anahne kilang mahs duwen kaweid kan sang ohpis laud en Mwomwohdiso de ohpis kan me sansal. Repwoht en mwohni kan pahn kin anahne wie mihmihki ereihn sounpar silu patehng pahr me e mihmi loale.

34.6

Wen Mwohni me Mie oh Wen me Doadoahkla

Mwohni me kamanamanla kin kohieng nan kopwou lap en Mwomwohdiso pwehn pwain kemwekid kan oh prokrahm kan en Mwomwohdiso kan en steik oh ward kan.

Palilaud en kemwekid kan me kin wiawi ahnane en mengei oh pweitikitik de sohte mie pweine.

34.6.1

Wen Mwohni me Koasondi ong Steik oh Ward

Steik oh ward koaros kin kaunopada oh doadoahk kowei ni wen mwohni ehu me koasondier. Steik preseden kin apwalih wen mwohni me koasoandi ong steik, oh pisop kin apwalih wen mwohni me koasoandi ong ward.

Irenkaweid kan sansal pah:

• Dawih wen mwohni kan me doadoahkla nan pahr me apwtehn nekiero pwehn kak kasalehda dahme pwurehng pweipweilah kan en kak iang mih nan repwoht.

• Peki pwihn akan en kaunopada neirail anahn en wen mwohnio ni pisetik.

• Wiahda doadoahk en wen mwohni me mie ni omw doadoahngki wiepe me kamanamanla.

34.6.2

Mwohni me Kamanamanla

34.6.2.1

Nehnehn Wen mwohni me mie

Wen mwohni kan me mie kin nehnepeseng sang wen tohtohkan nan soangen pwihn pwukat:

• Ansou en Sarawih en Ale Kamadipw Sarawi

• Mwahnakapw Akan

• Peinakapw Akan

• Serihn praimeri kan sounpar 7–10

• Me Pwulopwul Kiripw kan

E kesempwal en repwohtki tohtohn me towehdahkan ni pwung oh ansoun repwoht (kilang 33.5.1.1).

34.6.2.2

Doadoahk pwung en Wen Mwohni me mie

Steik presiden kan oh pisop kan pahn anahne tehk mwahu pwe mwohni kan en kin doadoahkla ni keneinei.

Mwohni kan en steik oh ward pahn kin doadoahkehng kemwekid koaros me kin wiawi, pirokram kan, pwain pwuhk en kaskuhl kan, oh dipisou kan koaros.

34.6.2.3

Luhwen wen mwohni me mie

Dahme sohte anahnepe ong nan mwohni me nehnehla kan udahn sohte pahn doadoahkla. Mwohni kan en ward me sohte anahnepe pahn anahne kopwurupwurla rehn steik.

34.7

Doupen Pwuhk

34.7.1

Kamidi en Dawih Pwuhk en Steik

Steik preseden kin idihada ehu koamidihn dawih pwuhk nan steik. Koamidi wet kin tehk mwahu me doadoahkpen nein steik oh ward mwohni pwakpwakih kosoned en Mwomwohdiso.

34.7.3

Doupen Pwuhk en Mwohni

Sounropirop kan en steik kin dawih rekohd kan en mwohni en steik, ward kan, prans kan, oh wasahn kadaudok en peneinei kan pak riau nan pahr ehu.

Me kin katakatanga kisin wasah kan de iunit kan oh klerk me pwukoahki pelien mwohni kan udahn anahne en mih wasahu pwehn sapeng iren peidek kan ni ansou en ropiropo.

34.7.5

Wen mwohni me Sohla, Pirapala, Salongalla, de Epwel Sued en Mwohni en Mwomwohdiso

Anahne pakair en lel Steik preseden de sehrmen en koamidien dawih pwuhk nan steik ansou mwadang ma:

• Mwohnihn Mwomwohdiso salongalahr de pirapalahr.

• Mie sounkaweid me pirapalahr de kasapwungelahr mwohni kan en Mwomwohdiso.