35.

Epwelpen oh Doadoahkpen Imwen Sarawihkan

35.1

Kahrepe

Mwomwohdiso kin kauwada imwen sarawihkan pwe koaros me pidelong kak:

• Wiahda oh pwurehng wiahda inou sarawihkan sang tiahk sarawi kesempwal akan (kilang Doctrine and Covenants 20:75; 59.9-12).

• Tuhpene (kilang 3 Nihpai 18:22-23).

• Pwohngih oh kapakap pene (kilang Mosaia 18:25; Moronai 6:9).

• Kaskuhlih oh minisder ong emen emen (kilang Moronai 6:4-5).

• Towehda soahng tei kan me mweimweida me kasansaladahr nan iralaud wet.

35.2

Doadoahk kan oh Pwukoah kan

35.2.2

Soun apwalih an Mwomwohdiso kepweh kan

Emen sounapwalih kepweh kan me doadoahk ong Mwomwohdiso kin sewese steik katanga imwen sarawihkan. Tohn doadoahk menet kin koasoanehdi kamwahu laud akan, kamwakel mengihtik, oh wiepen kamwakele nihmw akan nan ehu ehu rahn.

Ma mie anahnepe, soun apwalih menet kin kaskuhlih irail weliepen ihmwakan nan steik oh ward duwen kamwakele ihmw akan oh soangen doadoahk teikan. E pahn kin iang sawaski kaweid, dipwisou kan, oh misihn en kamwakel kan.

E pahn pil kin tuhkiheng pisoprik me pid pweipweikan en ihmw akan.

35.2.7

Pisoprik

Pisoprik (de weliepen ihmwakan nan ward) kin kaskuhlihki towehkan duwen doadoahngki, apwalih, oh loakepene ihmwakan. Pisoprik me kin kiheng kihkan en ihmwakan ong sounkaweid kan nan ward.

Irail kin tehk mwahu me kemwekid akan nan ihmw oh nan kehl wiawi ni keneinei (kilang 20.7).

Irail kin ehukiheng sounapwahpwalih kepwehn Mwomwhdiso duwen anahn akan en apwahpwalih oh katanga. Irail pil kak tuhkiheng sounapwalih kepweh kan ong pweipweikan.

35.2.9

Weliepen Ihmwakan nan Ward

Pisoprik kin pilahnehda ma e pahn malipe emen weliepen ihmwakan nan ward. Ma irail pilahnehda emen me pahn wia malipilip wet, pisoprik kak malipe emen ohl de lih me wia tohn mwomwohdiso. Ma sohte weliepen ihmw akan nan ward, piosp kak kapwukoahki pwukoah wet ong emen nah sounsawas akan, klerk nan ward de sounsawas ong klerk, de sekteri lapalap.

Weliepen ihmwakan nan ward me kin koasoanehdi tohwekan oh sounsawas akan en kamwakele oh apwalih ihmw akan. E pahn kin kaskuhlih kin irail duwen wia ehu ehu doadoahk kan ni ahr doadoahngki dipwisou oh mehn doadoahk kan me mie.

35.3

Sawaskihda Imwen Sarawihkan

Imwen sarawihkan wekpeseng nan sais oh mwohmw me doke anahn en wasahu oh mwomwen wasahu. Imwen sarawi ehu kak keukeuda sang Mwomwohdiso de wasahieu me pweipweida, imwen emen towehkan, imwen skuhl de en sender en kousoano, wasa ehu me lihs, de ehu mehkot mweimweida.

Ehria oh sounkaweidkan en wasahu kin nantiheng doadoahngki imwen sarawihkan me miehier oh kanaiehng ni arail pahn peki en kalaudla.

35.4

Apwahpwalih Imwen Sarawihkan

35.4.1

Kamwkamwakele oh Apwahpwalih Imwen sarawihkan

Sounkaweid kan en ehu ehu wasa oh towehkan, iangahki me pwulopwul kan, ahnki pwukoahn sewese kamwakele oh tehk me soahng koaros mwahute.

Sketuel en kamwakel sohte anahne en wia katoutou ehu ong tohwehkan. Ni karaspepe, ma tangalahng ni ihmwo kahpwal, towehkan kak kamwakel ni arail pwarpenehn wia ehu kemwekid tohrohr.

35.4.2

Pekipekpen Kamwahu

Towehkan en ward de steik kaunsel kan kak repwohtki ananhnakan ong kamwahupen ihmwakan. Met kak wiawi ni arail pahn doadoahngki Facilitiy Issue Reporting (FIR).

35.4.5

Seipdi oh Sikiuhridi

Soukaweid kan oh Towehkan anahne:

• Tehk mwahu me wasahn aluhkan, kehndake kan, wasahn pidohi kan, oh wasahn kepwehkan sohte ping ong wasahn pidelong oh pidohi en kak soanamwahu.

• Sohte doadoahngki de nekid mehkot me keper de mehkot me keh lul nan ihmw akan.

• Wiahda oh idawehn mwomwen loakepene ihmwakan.

• Apwalih mwahu dipwisou en Mwomwohdiso kan sang pirapala.

• Esehla duwen kemehla iudilidi kan me duwehte pihl, lioal, oh kahs de me duwehte kahs.

Ma mie anahnepe, sounapwahpwalih kepwehkan kak sawaskhda ehu map me pahn kasalehda mehn kakun kisiniei, mehn first aid, oh wasahn kemehla iudilidihkan. Ekei ire duwen perehre kak dierek nan “Security and Lockup Procedures” in “Maintaining Meetinghouses” (Meetinghouse Facilities Guide). Pil kilang 20.7.

35.5

Kosoned akan ong Doadoahngki Kepwehn Mwomwohdiso

35.5.1

Mahlen

Imwen sarawihkan anahne kasalehda wahu ong Sises Krais oh kadehdehki en towehkan ahr pwoson Ih. Kilel ehu me kasalehda Sises Krais anahne mih nan pwohier en imwen sarawihkan pwehn kasalehda pwoson Ih me mie.

35.5.2

Doadoahkpen Ihmw akan Me Sohte Mweimwei

35.5.2.1

Doadoahk kan ong Netinet

Kepwehkan en Mwomwohdiso sohte kak doadoahk ong kahrepen netinet. Ni karasepe, e sohte kak doadoahk ong utungada soangen pesnes ehu. Soangen doadoahk wet sohte pahrekehng kahrepehkan en kepwehkan en Mwomwohdiso. E pil kak uhwengada kosoned akan en wasahu de nasinal ma kin mweidada soh pweipweien daks ong kepwehn Mwomohdiso.

Oapwoalpen irail akan me pahn padahk oh Sounkaweid kan me kin kihdo irail akan me pahn patoahng, me pahn apwalih de mehteikan, de irail akan me ale isais en wia dodohk wet, iren kaweid kan (ihte kaidehn soun kasukuhl en piano de organ kan; kilang 19.7.2, class kan en exercise, oh songen kamwakid teikan sohtoa mweimweida.

35.5.2.2

Kahrepen Koapwerment kan

Kepwehkan en Mwomwohdiso sohte kak doadoahkehng kahrepekan en koapwerment. Mepwukat iangahki wia mihting me pid koapwerment de kampeinkan. Mwomwhdiso sohte utung emen emen nan koapwerment

35.5.2.3

Ekei Doadoahkpe Tohrohr

Ekei doadoahkpe tohrohr en Kepwehn Mwomwohdiso me sohte mweimweida iangahki:

• Wia praktis ong pwihn en kamwadong de ekei kemwekid tohrohr me sohte utuhtda sang Mwomwohdiso Pwihn en Koul en wasahn kousoan kan oh kapwopwoud kan kak mweimweida (kilang 38.3.4 me pid kapwopwoud kan).

• Mweidada wasahn pweidi (ihte ma anahn karuarukan; kilang 35.5.4).

• Kamp de kemwekid tohrohr kan me iangahki pweidimanda.

Soangen doadoahk pwukat kin sohte mweimweida. Sounkaweid kan en wasahu kak tuhkiheng sounapwahpwalih kepwehkan ma irail pehm me mie anahnepe.

• Rend de lihs imwen Mwomwhdiso kan oh Soahng teikan me en Mwomwohdiso

• Doadoahngki imwen Mwomwohdiso ong wasahn kileledi ong usuhs de wasahn usuhs; kahrepe ehu kak wiawihda sang pekipek en tohn doadoahk kan en koapwerment ma sohte ehu weliepe oh kemwekido sohte pahn kauwehla dewen mwomwohdiso ong me pid usuhs (kilang 38.8.30).

35.5.4

Anahn Karuaru kan

Nan ansoun anahn karuaru, steik preseden pahn medewehda ma konehng mie mihitng kan en steik oh ward. E pil kak mweidada ihmw akan oh soahngkan me wia en Mwomwohdiso en wia wasahn doadoahk ong pelien apwalih

35.5.10

Kilelkan oh Wie kasdo nan ansoun Mihting en Kamadipw Sarawihkan

Mihting kan en Kamadipw Sarawi me sarawi. Pwehki kahrepe wet, wie kilkilel de wie wie kasdo nan mihtng en kamadipw sarawi sohte mweimwei.

Rohngakan me pid kasansaldahn kasdo de wie kasdo nan kamadipw sarawihkan de mihting teikan, kilang 29.7.