8.

Korum sa mga Elder

8.1

Katuyoan ug Organisasyon

8.1.1

Katuyoan

Ang takos nga mga lalaki nga 18 ug pataas mahimong modawat sa Melchizedek nga Pagkapari ug i-orden ngadto sa katungdanan sa elder. Ang usa ka lalaki nga gi-orden ngadto niana nga katungdanan misulod ngadto sa usa ka sagrado nga pakigsaad sa pagtabang sa Dios sa pagtuman sa Iyang buhat (tan-awa sa Doktrina ug mga Pakigsaad 84:33–44).

8.1.2

Pagkasakop diha sa Korum sa mga Elder

Ang matag ward adunay korum sa mga elder. Kini naglakip sa mosunod nga kaigsoonan:

• Tanang elder diha sa ward.

• Tanang umaabot nga mga elder diha sa ward (tan-awa sa 8.4).

• Ang tanang high priest diha sa ward, gawas niadtong kinsa kasamtangan nga nagserbisyo sa kapangulohan sa stake, sa bishopric, o sa high council, o isip usa ka patriyarka.

Ang usa ka batan-ong lalaki mahimong magsugod sa pagtambong sa mga miting sa korum sa mga elder kon siya mag-edad og 18, bisan kon wala pa siya ma-orden nga usa ka elder. Sa edad nga 19 o kon mobalhin gikan sa panimalay aron moeskwela sa unibersidad o moserbisyo og misyon, siya kinahanglang i-orden nga usa ka elder kon siya takos.

Ang minyo nga mga lalaki nga ubos sa 18 mga umaabot nga mga elder ug mga sakop usab sa korum sa mga elder.

8.2

Pag-apil sa Buhat sa Dios sa Kaluwasan ug Kahimayaan

8.2.1

Pagsunod sa Ebanghelyo ni Jesukristo

8.2.1.2

Pagkat-on sa Ebanghelyo diha sa mga Miting sa Korum

Ang mga miting pagahimoon sa ikaduha ug ikaupat nga mga Dominggo sa bulan. Kini molungtad og 50 ka minuto. Ang kapangulohan sa korum sa mga elder moplano niini nga mga miting. Usa ka sakop sa kapangulohan ang mopahigayon.

Ang mga miting sa korum nagtutok sa mga hilisgotan sa usa o daghang mga pakigpulong gikan sa labing bag-o nga kinatibuk-ang komperensiya.

8.2.1.3

Mga Kalihokan

Ang mga kapangulohan sa korum sa mga elder mahimong magplano og mga kalihokan. Kadaghanan sa mga kalihokan pagahimoon sa mga panahon nga dili sa Dominggo o mga gabii sa Lunes.

8.2.2

Pag-atiman Niadtong Nanginahanglan

8.2.2.1

Pagpangalagad

Ang mga sakop sa korum sa mga elder modawat og mga buluhaton sa pagpangalagad gikan sa kapangulohan sa korum. Alang sa dugang nga impormasyon, tan-awa sa kapitulo 21.

8.2.2.2

Mubo og Tagal nga mga Panginahanglan

Ang tigpangalagad nga mga igsoong lalaki magtinguha sa pagsabot ug motubag sa mga panginahanglan niadtong ilang giserbisyohan. Ang mga miyembro tingali manginahanglan og mubo og tagal nga tabang sa mga panahon nga masakit, manganak, mamatyan, mawad-an og trabaho, ug ubang mga sirkumstansiya.

Kon gikinahanglan, ang tigpangalagad nga mga igsoong lalaki mangayo og tabang sa kapangulohan sa korum sa mga elder.

8.2.2.3

Taas og Tagal nga mga Panginahanglan ug Pagbarog pinaagi sa Kinaugalingong Paningkamot

Sumala sa gisabotan sa bishop, ang mga kapangulohan sa korum sa mga elder ug Relief Society motabang sa mga miyembro nga dunay taas og tagal nga mga panginahanglan ug pagbarog pinaagi sa kinaugalingong paningkamot.

Ang presidente sa korum sa mga elder, ang presidente sa Relief Society, o laing lider motabang sa tawo o pamilya sa pagpalambo og Plano sa Pagbarog pinaagi sa Kinaugalingong Paningkamot. Ang tigpangalagad nga mga igsoong lalaki ug mga igsoong babaye makatabang usab sa plano.

8.2.2.4

Kon ang usa ka Miyembro sa Ward Mamatay

Kon ang usa ka miyembro sa ward mamatay, ang mga kapangulohan sa korum sa mga elder ug Relief Society mohatag og kahupayan ug tabang. Ubos sa giya sa bishop, sila makatabang sa lubong.

Alang sa dugang nga impormasyon, tan-awa sa 38.5.8

8.2.3

Pagdapit sa Tanan nga Modawat sa Ebanghelyo

Ang presidente sa korum sa mga elder mosangon og sakop sa kapangulohan sa pagtabang sa pagpangulo sa misyonaryo nga buhat sa mga miyembro diha sa ward. Siya makigtambayayong uban sa gisangonan nga sakop sa kapangulohan sa Relief Society sa pagpakigsabot niini nga mga paningkamot.

Tan-awa sa 23.5.1 ug 23.5.3.

8.2.4

Paghiusa sa mga Pamilya alang sa Kahangtoran

Ang presidente sa korum sa mga elder mosangon sa usa ka sakop sa kapangulohan sa pagtabang sa pagpangulo sa buhat sa templo ug family history diha sa ward. Siya makigtambayayong uban sa gisangonan nga sakop sa kapangulohan sa Relief Society sa pagpakigsabot niini nga mga paningkamot.

Tan-awa sa 25.2.2

8.3

Mga Lider sa Korum sa mga Elder

8.3.1

Kapangulohan sa Stake ug Bishop

Ang presidente sa korum sa mga elder mao ang direkta nga responsable ngadto sa kapangulohan sa stake. Siya makigmiting kanunay uban sa usa ka sakop sa kapangulohan aron modawat og direksyon ug mo-report kalabot sa iyang mga responsibilidad.

Ang presidente sa korum sa mga elder modawat usab og giya gikan sa bishop, kinsa mao ang tigdumalang opisyal diha sa ward. Sila magmiting kanunay.

8.3.2

High Councilor

Ang kapangulohan sa stake mosangon og usa ka high councilor nga morepresentar nila sa matag korum sa mga elder. Ang iyang mga responsibilidad gilatid diha sa 6.5.

8.3.3

Kapangulohan sa Korum sa mga Elder

8.3.3.1

Pagtawag og usa ka Kapangulohan sa Korum sa mga Elder

Human mokonsulta sa bishop, ang presidente sa stake motawag og usa ka elder o high priest nga moserbisyo isip presidente sa korum sa mga elder.

Kon ang yunit may igong gidak-on, ang presidente sa korum sa mga elder morekomendar ngadto sa presidente sa stake og usa o duha ka elder o high priest nga moserbisyo isip iyang mga magtatambag.

8.3.3.2

Mga Responsibilidad

Ang presidente sa korum sa mga elder aduna sa mosunod nga mga responsibilidad. Ang iyang mga magtatambag moabag kaniya.

• Moserbisyo diha sa konseho sa ward.

• Mogiya sa mga paningkamot sa korum sa pag-apil sa buhat sa kaluwasan ug kahimayaan (tan-awa sa kapitulo 1).

• Moorganisar ug modumala sa pagserbisyo sa tigpangalagad nga mga igsoong lalaki.

• Ubos sa giya sa bishop, mopakigtambag uban sa hamtong nga mga miyembro sa ward.

• Makigsabot sa mga paningkamot sa korum sa mga elder sa paglig-on sa kaigsoonan nga mga lalaki nga young adult, dili minyo ug minyo.

• Makigmiting sa matag indibidwal nga sakop sa korum dili mominos makausa sa usa ka tuig.

• Motudlo sa mga sakop sa korum sa ilang mga katungdanan sa pagkapari (tan-awa sa Doktrina ug mga Pakigsaad 107:89). Kini naglakip sa pagtudlo kanila unsaon sa paggamit sa ilang pagkapari sa pagpahigayon sa mga ordinansa ug mga panalangin.

• Modumala sa mga rekord, sa mga report, ug sa mga panalapi sa korum (tan-awa sa LCR.ChurchofJesusChrist.org

8.3.3.3

Miting sa Kapangulohan

Ang kapangulohan sa korum sa mga elder ug ang secretary magmiting kanunay. Ang presidente mopahigayon niini nga mga miting. Ang high councilor nga gisangonan ngadto sa korum motambong matag karon ug unya.

Ang mga hisgotanan mahimong maglakip sa mosunod nga mga aytem:

• Magplano unsaon sa paglig-on sa mga sakop sa korum, (lakip sa umaabot nga mga elder) ug sa ilang mga pamilya.

• Makigsabot sa misyonaryo nga buhat ug sa buhat sa templo ug family history.

• Motuman sa mga buluhaton gikan sa mga miting sa konseho sa ward.

• Morebyo sa impormasyon gikan sa mga interbiyo sa pagpangalagad.

• Mokonsiderar og kaigsoonan nga mga lalaki nga moserbisyo sa mga calling ug mga buluhaton.

• Moplano og mga miting ug mga kalihokan sa korum.

8.3.4

Secretary

Uban sa pagtugot sa bishop, ang usa ka sakop sa kapangulohan sa korum sa mga elder mahimong motawag og sakop sa korum nga mahimong secretary sa korum.

8.4

Pagtabang sa Umaabot nga mga Elder nga Mangandam sa Pagdawat sa Melchizedek nga Pagkapari

Ang umaabot nga elder usa ka lalaki nga miyembro sa Simbahan kinsa wala makadawat sa Melchizedek nga Pagkapari ug (1) nag-edad og 19 o pataas o (2) mas bata pa sa 19 ug minyo na.

Ang pagtabang sa umaabot nga mga elder nga mangandam sa pagdawat sa Melchizedek nga Pagkapari mao ang usa sa labing taas nga mga prayoridad sa kapangulohan sa korum.