8.

Kuoramu ni iTalatala Qase

8.1

iNaki kei na Mataisoqosoqo

8.1.1

iNaki

Sa rawa ni ra ciqoma na Matabete i Melikiseteki na turaga bula kilikili yabaki 18 ka qase cake ka tabaki tu ki na itutu ni italatala qase. Na turaga e tabaki ki na itutu oya e sa vakayacora e dua na veiyalayalati tabu me vukea na Kalou ena kena rawati na Nona cakacaka (raica na Vunau kei na Veiyalayalati 84:33–44).

8.1.2

Lewe tu ni Kuoramu ni iTalatala Qase

Na tabanalevu yadua e tiko kina na kuoramu ni italatala qase. Era oka kina na turaga oqo:

• iTalatala qase taucoko ena tabanalevu.

• iTalatala qase namaki taucoko ena tabanalevu (raica na 8.4).

• O ira na bete levu taucoko ena tabanalevu, vakavo ga o ira ka veiqaravi tiko oqo ena mataveiliutaki ni iteki, ena matabisopi, ena matabose e cake, se peteriaki.

Sa rawa ni tekivu tiko ena soqoni ni kuoramu ni italatala qase e dua na cauravou ni sa yabaki 18, kevaka mada ga e se bera ni tabaki tu me italatala qase. Ni sa yabaki 19 se sa biubiu mai vale, me na curuma na univesiti se kaulotu, sa dodonu me na tabaki tu me dua na italatala qase ke sa bula kilikili.

Na turaga vakawati lailai mai na yabaki 18 era sa italatala qase namaki ka sa lewe talega ni kuoramu ni italatala qase.

8.2

Vakaitavi ena Nona Cakacaka ni Veivakabulai kei na Bula Vakacerecerei na Kalou

8.2.1

Bulataki ni Kosipeli i Jisu Karisito

8.2.1.2

Vulici ni Kosipeli ena Soqoni ni Kuoramu

Sa dau vakayacori na soqoni e nai karua kei nai kava ni Sigatabu ena veivula. E 50 na miniti na kena dede. E tuvalaka na veisoqoni oqo na mataveiliutaki ni kuoramu ni italatala qase. E liutaka e dua na lewe ni mataveiliutaki.

Na soqoni ni kuoramu e vakanamata ki na ulutaga ni dua se sivia na vosa mai na koniferedi raraba walega oqo.

8.2.1.3

iTaviqaravi eso

Sa rawa ni tuvalaka na itaviqaravi eso na mataveiliutaki ni kuoramu ni italatala qase. E levu na itaviqaravi e vakayacori ena siga tale eso ka sega ni Sigatabu se yakavi ni Moniti.

8.2.2

Nodra Vukei na Vakaleqai Tu.

8.2.2.1

Veiqaravi

Era taura na nodra ilesilesi ni veiqaravi na lewe ni kuoramu ni italatala qase mai na mataveiliutaki ni kuoramu. Me baleta na ikuri ni vakamacala, raica na wase 21.

8.2.2.2

Gagadre Vakalekaleka

Era qara na turaga dauveiqaravi mera kila deivaki ka sausaumi ki na nodra gagadre o ira era qarava. Era na rairai gadreva na lewenilotu na veivuke vakalekaleka ena gauna ni tauvimate, vakasucu, mate, leqa ni cakacaka, kei na ituvaki tale eso.

Ni sa gadrevi tu, era na kere veivuke na turaga dauveiqaravi ki na mataveiliutaki ni kuoramu ni italatala qase.

8.2.2.3

Gagadre Vakabalavu kei na Bula Rawati Koya

Ena ruku ni veidusimaki ni bisopi, e vukei ira na lewenilotu na mataveiliutaki ni kuoramu ni italatala qase kei na iSoqosoqo ni Veivukei ena gagadre vakabalavu eso kei na bula rawati koya.

Na peresitedi ni kuoramu ni italatala qase, peresitedi ni iSoqosoqo ni Veivukei, se dua tale na iliuliu e vukea na tamata se matavuvale ni yavutaka e dua na iTuvatuva ni Bula Rawati Koya. Sa rawa ni ra veivuke talega na turaga kei na marama dauveiqaravi ena ituvatuva.

8.2.2.4

Ni Mate e dua na Lewe ni Tabanalevu

Ni mate e dua na lewe ni tabanalevu, na dolele na mataveiliutaki ni kuoramu ni italatala qase kei na iSoqosoqo ni Veivukei me veivuke ka veivakacegui. Ena ruku ni veidusimaki ni bisopi, sa rawa ni ra veivuke ena veibulu.

Me baleta na ikuri ni ivakamacala, raica na 38.5.8

8.2.3

Sureti na Tamata Kecega me Ciqoma na Kosipeli

Na lesia na peresitedi ni kuoramu ni italatala qase e dua na lewe ni mataveiliutaki me veivuke ni liutaka na cakacaka vakaulotu ni lewenilotu ena tabanalevu. Na cakacaka vata o koya kei na lewe ni mataveiliutaki ni iSoqosoqo ni Veivukei sa lesi me tutaki kina na veisasaga oqo.

Raica na 23.5.1kei na 23.5.3

8.2.4

Vakaduavatataki na Matavuvale me Tawamudu

Na lesia na peresitedi ni kuoramu ni italatala qase e dua na lewe ni mataveiliutaki me veivuke ni liutaka na cakacaka ni valetabu kei na tuva kawa ena tabanalevu. Na cakacaka o koya vata kei na lewe ni mataveiliutaki ni iSoqosoqo ni Veivukei sa lesi me tutaki kina na veisasaga oqo.

Raica na 25.2.2

8.3

iLiuliu ni Kuoramu ni iTalatala Qase

8.3.1

Mataveiliutaki ni iTeki kei na Bisopi

Sa dau vakarorogo tu na peresitedi ni kuoramu ni italatala qase ki na mataveiliutaki ni iteki. Dau sota wasoma o koya kei na dua na lewe ni mataveiliutaki me tauri vakasala ka ripotetaka na nona itavi.

Na tauri vakasala talega na peresitedi ni kuoramu ni italatala qase mai vua na bisopi, ka sa daunivakatulewa ena tabanalevu. Rau dau sota wasoma.

8.3.2

Lewe ni Matabose e Cake

Sa lesia e dua na lewe ni matabose e cake na mataveiliutaki ni iteki me matataki iratou ena kuoramu ni italatala qase yadua. Na nona itavi sa tuvai koto ena 6.5.

8.3.3

Mataveiliutaki ni Kuoramu ni iTalatala Qase

8.3.3.1

Kacivi ni Mataveiliutaki ni Kuoramu ni iTalatala Qase

Ni veivosaki oti tu kei na bisopi, sa kaciva na peresitedi ni iteki e dua na talatala qase se bete levu me veiqaravi vaka peresitedi ni kuoramu ni italatala qase.

Ke levu vakarauta tu na tabanilotu, na vakatura na peresitedi ni talatala qase kivua na peresitedi ni iteki e dua se rua na talatala qase se bete levu me veiqaravi vaka nona daunivakasala.

8.3.3.2

iTavi

Sai koya oqo na itavi ni peresitedi ni kuoramu ni italatala qase. Rau vukei koya na nona daunivakasala.

• Veiqaravi ena matabose ni tabanalevu.

• Liutaka na sasaga ni kuoramu me vakaitavi ena cakacaka ni veivakabulai kei na bula vakacerecerei (raica na wase 1).

• Vakarautaka ka raica raraba na nodra veiqaravi na turaga dauveiqaravi.

• Ena veidusimaki nei bisopi, veitalanoa kei ira na lewe ni tabanalevu qasecake.

• Tutaka na sasaga ni kuoramu ni italatala qase me ra vaqaqacotaki na turaga itabagone qase cake, na dawai kei na vakawati.

• Sota vakayadua kei na lewe ni kuoramu yadua ena dua mada ga na yabaki.

• Vakatavulica na lewe ni kuoramu ena nodra itavi vakamatabete (raica na Vunau kei na Veiyalayalati 107:89). Oqo e oka kina na nodra vakavulici ena ivakarau ni kena cakacakataki na nodra matabete ena vakayacori ni cakacaka vakalotu kei na veivakalougatataki eso.

• Raica raraba na ivolatukutuku, ripote, kei na veika vakailavo (raica na LCR.ChurchofJesusChrist.org

8.3.3.3

Soqoni ni Mataveiliutaki

Na sota wasoma na mataveiliutaki ni kuoramu ni talatala qase kei na sekeriteri. Na peresitedi e liutaka na veisoqoni oqo. Na dau tiko vagauna na lewe ni matabose e cake e lesi tu ki na kuoramu.

Na lewe ni veivosaki sa rawa ni oka kina na veika oqo:

• Tuvalaka na sala me ra vaqaqacotaki kina na lewe ni kuoramu (ra oka kina na italatala qase namaki) kei na nodra matavuvale.

• Tutaka na cakacaka ni kaulotu kei na cakacaka ni valetabu kei na tuva kawa.

• Sausaumi ki na ilesilesi eso mai na soqoni ni matabose ni tabanalevu.

• Railesuva na itukutuku mai na veivakatarogi ni veiqaravi.

• Vakasamataki ira na turaga me veiqaravi ena veikacivi kei na ilesilesi eso.

• Tuvanaka na bose kei na itaviqaravi ni kuoramu.

8.3.4

Sekeriteri

Ena veivakadonui ni bisopi, sa rawa ni kaciva e dua na lewe ni mataveiliutaki ni kuoramu ni italatala qase e dua na lewe ni kuoramu me sekeriteri ni kuoramu.

8.4

Vukei na iTalatala Qase Namaki me ra Ciqoma na Matabete i Melikiseteki

Na italatala qase namaki e sa dua na tagane lewe ni Lotu ka se bera ni ciqoma na Matabete i Melikiseteki ka (1) sa yabaki 19 se qase cake se (2) sa gone mai na yabaki 19 ka vakawati tu.

Na vukei ni talatala qase namaki me ra vakavakarau ni ciqoma na Matabete i Melikiseteki e sa dua na ituvatuva cecere sara ni mataveiliutaki ni kuoramu.