9.

Relief Society

9.1

Katuyoan ug Organisasyon

9.1.1

Katuyoan

Si Propeta Joseph Smith mitudlo nga ang katuyoan sa Relief Society mao ang pagluwas sa mga kalag ug paghupay sa nag-antos.

Ang motto sa Relief Society mao “Ang gugma dili gayod matapos” (1 Mga Taga-Corinto 13:8

9.1.2

Pagkasakop diha sa Relief Society

Ang usa ka batan-ong babaye mahimong mosugod sa pagtambong sa Relief Society kon siya mag-edad na og 18. Sa edad nga 19 o kon mobiya sa panimalay, sama sa pag-eskwela sa unibersidad o moserbisyo og misyon, siya kinahanglang moapil sa Relief Society.

Ang minyo nga mga babaye nga ubos sa 18 mga sakop usab sa Relief Society.

9.2

Pag-apil sa Buhat sa Dios sa Kaluwasan ug Kahimayaan

9.2.1

Pagsunod sa Ebanghelyo ni Jesukristo

9.2.1.2

Pagtuon sa Ebanghelyo diha sa mga Miting sa Relief Society

Ang mga miting pagahimoon sa ikaduha ug ikaupat nga mga Dominggo sa bulan. Kini molungtad og 50 ka minuto. Ang kapangulohan sa Relief Society moplano niini nga mga miting. Usa ka sakop sa kapangulohan ang mopahigayon.

Ang mga miting sa Relief Society nagtutok sa mga hilisgotan sa usa o daghang mga pakigpulong gikan sa labing bag-o nga kinatibuk-ang komperensiya.

9.2.1.3

Mga Kalihokan

Ang mga kapangulohan sa Relief Society mahimong moplano sa mga kalihokan. Kadaghanan sa mga kalihokan pagahimoon sa mga panahon nga dili sa Dominggo o mga gabii sa Lunes.

9.2.2

Pag-atiman Niadtong Nanginahanglan

9.2.2.1

Pagpangalagad

Ang mga igsoong babaye modawat og mga buluhaton sa pagpangalagad gikan sa kapangulohan sa Relief Society. Alang sa dugang nga impormasyon, tan-awa sa kapitulo 21.

9.2.2.2

Mubo og Tagal nga mga Panginahanglan

Ang tigpangalagad nga mga igsoong babaye magtinguha sa pagsabot ug motubag sa mga panginahanglan niadtong ilang gialagaran. Ang mga miyembro tingali manginahanglan og mubo og tagal nga tabang sa mga panahon nga masakit, manganak, mamatyan, mawad-an og trabaho, ug ubang mga sirkumstansiya.

Kon gikinahanglan, ang tigpangalagad nga mga igsoong babaye mangayo og tabang sa kapangulohan sa Relief Society.

9.2.2.3

Taas og Tagal nga mga Panginahanglan ug Pagbarog pinaagi sa Kinaugalingong Paningkamot

Sumala sa gisabotan sa bishop, ang mga kapangulohan sa Relief Society ug korum sa mga elder motabang sa mga miyembro nga adunay taas og tagal nga mga panginahanglan ug pagbarog pinaagi sa kinaugalingong paningkamot.

Ang presidente sa Relief Society, presidente sa korum sa mga elder, o laing lider motabang sa tawo o pamilya sa paghimo og Plano sa Pagbar[o]g pinaagi sa Pagpaningkamot sa Kaugalingon

9.2.2.4

Kon ang usa ka Miyembro sa Ward Mamatay

Kon ang usa ka miyembro sa ward mamatay, ang mga kapangulohan sa Relief Society ug sa korum sa mga elder motanyag og kahupayan ug tabang. Ubos sa giya sa bishop, sila makatabang sa lubong.

Alang sa dugang nga impormasyon, tan-awa sa 38.5.8

9.2.3

Pagdapit sa Tanan nga Modawat sa Ebanghelyo

Ang presidente sa Relief Society mosangon og usa ka sakop sa kapangulohan sa pagtabang sa pagpangulo sa misyonaryo nga buhat sa mga miyembro diha sa ward. Siya makigtambayayong uban sa gisangonan nga sakop sa kapangulohan sa korum sa mga elder sa pagpakigsabot niini nga mga paningkamot (tan-awa sa 23.5.1).

9.2.4

Paghiusa sa mga Pamilya alang sa Kahangtoran

Ang presidente sa Relief Society mosangon og usa ka sakop sa kapangulohan sa pagtabang sa pagpangulo sa buhat sa templo ug family history diha sa ward. Siya makigtambayayong uban sa gisangonan nga sakop sa kapangulohan sa korum sa mga elder sa pagpakigsabot niini nga mga paningkamot (tan-awa sa 25.2.2).

9.3

Mga Lider sa Relief Society

9.3.1

Bishop

Ang bishop sa kasagaran makigmiting sa presidente sa Relief Society labing minos kausa sa usa ka bulan. Sila maghisgot sa buhat sa Dios sa kaluwasan ug kahimayaan, lakip sa pagserbisyo sa tigpangalagad nga mga igsoong babaye.

9.3.2

Kapangulohan sa Relief Society

9.3.2.1

Pagtawag sa Kapangulohan sa Relief Society

Ang bishop motawag og usa ka babaye nga moserbisyo isip presidente sa Relief Society sa ward. Kon ang yunit may igong gidak-on, ang presidente sa Relief Society morekomendar ngadto kaniya og usa o duha ka mga babaye nga moserbisyo isip iyang mga magtatambag.

Ang pipila ka gagmayng mga yunit tingali walay presidente sa Young Women o sa Primary. Niini nga mga yunit, ang presidente sa Relief Society mahimong motabang sa mga ginikanan sa pagplano og panudlo alang sa kabatan-onan ug kabataan.

9.3.2.2

Mga Responsibilidad

Ang presidente sa Relief Society aduna sa mosunod nga mga responsibilidad. Ang iyang mga magtatambag moabag kaniya.

• Moserbisyo diha sa konseho sa ward.

• Mangulo sa mga paningkamot sa Relief Society sa pag-apil sa buhat sa kaluwasan ug kahimayaan (tan-awa sa kapitulo 1).

• Mo-organisar ug modumala sa serbisyo sa tigpangalagad nga mga igsoong babaye.

• Ubos sa giya sa bishop, mopakigtambag uban sa hamtong nga mga miyembro sa ward.

• Makigsabot sa mga paningkamot sa Relief Society sa paglig-on sa mga sister nga young adult diha sa ward, dili minyo ug minyo.

• Makigmiting sa matag sakop sa Relief Society sa tinagsa dili mominos makausa sa usa ka tuig.

• Modumala sa mga rekord, mga report, ug mga panalapi sa Relief Society (tan-awa sa LCR.ChurchofJesusChrist.org

9.3.2.3

Miting sa Kapangulohan

Ang kapangulohan sa Relief Society ug ang secretary magmiting kanunay. Ang presidente mopahigayon niini nga mga miting. Ang mga hisgotanan mahimong maglakip sa mosunod nga mga aytem:

• Magplano unsaon sa paglig-on sa mga igsoong babaye ug sa ilang mga pamilya.

• Makigsabot sa misyonaryo nga buhat ug sa buhat sa templo ug family history.

• Motuman sa mga buluhaton gikan sa mga miting sa konseho sa ward.

• Morebyo sa impormasyon gikan sa mga interbiyo sa pagpangalagad.

• Maghunahuna og mga igsoong babaye nga moserbisyo sa mga calling ug mga buluhaton diha sa Relief Society.

• Moplano sa mga miting ug mga kalihokan sa Relief Society.

9.3.3

Secretary

Ang kapangulohan sa Relief Society morekomendar og usa ka igsoong babaye nga moserbisyo isip secretary sa Relief Society.

9.4

Pagtabang sa Young Women nga Makaandam sa Pag-apil sa Relief Society

Ang kapangulohan sa Relief Society makigtambayayong sa mga batan-ong babaye, sa ilang mga ginikanan, ug sa mga lider sa Young Women aron sa pagtabang sa mga batan-ong babaye nga mangandam sa pag-apil sa Relief Society.

Ang mga lider mohatag usab og nagpadayon nga mga oportunidad alang sa mga batan-ong babaye ug sa mga igsoong babaye sa Relief Society sa pagpalambo og mga relasyon. Ang dungan nga pagserbisyo isip tigpangalagad nga mga igsoong babaye usa ka bililhon nga paagi aron magkasuod.

9.6

Dugang nga mga Lagda ug mga Palisiya

9.6.2

Literacy [Kahibalo sa pagbasa ug pagsulat]

Kon gikinahanglan, ang kapangulohan sa Relief Society makigtambayayong sa bishop, sa kapangulohan sa korum sa mga elder, ug sa konseho sa ward sa pagtabang sa mga miyembro nga makat-on sa pagbasa ug pagsulat.