10.

Kworum niile nke Ọkwa nchụaja Erọn

10.1

Ebumnoobi na Otù

10.1.1

Ebumnoobi

Ebumnoobi nke kworum bụ inyere ndị ji ọkwa nchụaja aka rụkọọ ọrụ ọnụ iji mejupụta ọrụ nke nzọpụta na mbuli elu.

10.1.2

Isiokwu Kworum Ọkwa nchụaja nke Erọn

“A bụ m nwa nwoke nke Chineke hụrụ naanya, ma O nwere ọrụ nke m ga-arụ.

Site n’iji obi m niile, ikike, echiche, na ume, aga m ahụ Chineke naanya, debe ọgbụgba ndụ m niile, ma were ọkwa nchụaja Ya iji nyere ndị ọzọ aka, malite niime ebe obibi nke mụ onwe m.

“Dị ka m na-gbalịsie ike ije ozi, nwee okwukwe, chegharịa, ma na-aganiihu eme nke ọma ụbọchị ọbụla, aga m etozu oke ịnata ngọzi niile nke tempụl na ọńụ nke ozi ọma na-anọgide.

“Aga m akwado ị bụ onye mgbasa ozi ọma na-arụsị ọrụ ike, di dị umeala, na nna dị ịhụnaanya site n’ịbụ ezi onye na-eso ụzọ nke Jizọs Kraịst.

“Aga m enye aka kwadoo ụwa a maka nlọghachi nke Onye Nzọpụta site na-ịkpọku onye ọbụla ịbiakwute Kraịst ma nata ngọzi niile nke Aja mgbaghara mmehie Ya.”

10.1.3

Kworum niile

10.1.3.1

Kworum nke ndị Dikọn

Ndịikom nta na-esonye kworum ndị dikọn malite na Jenụwarị nke afọ ha ga-agba afọ 12. N’oge nke a ha eruwokwa ka echie ha echichi ndị dikọn ọ bụrụ ma ha akwadowo ma tozuo oke.

Ọrụ niile nke onye dikọn ka akọwara niime Ozizi na Ọgbụgba ndụ niile 20:57-59; 84:111. Ọrụ ndị ọzọ gụnyere ikesa oriri nsọ na ịnyere bishọp aka n’ịlekọta ihe niile nke anụ ahụ” (Ozizi na Ọgbụgb ndụ niile 107:68).

10.1.3.2

Kworum nke ndị Nkuzi

Ndịikom nta na-esonye kworum ndị nkuzi malite na Jenụwarị nke afọ ha ga-agba afọ 14. N’oge nke a ha eruwokwa ka echie ha echichi ndị nkuzi ọ bụrụ ma ha akwadowo ma tozuo oke.

Ndị nkuzi nwere otu ụdị ọrụ dị ka ndị dikọn. Ha nakwa akwado oriri nsọ ma jee ozi dị ka ụmụnne nwoke na-eje ozi nlekọta. Ọrụ ndị agbakwunyere ka akọwara niime Ozizi na Ọgbụgba ndụ niile 20:53-59; 84:111.

10.1.3.3

Kworum ndị Nchụaja

Ndịikom nta na-esonye kworum ndị nchụaja malite na Jenụwarị nke afọ ha ga-agba afọ 16. N’oge nke a ha eruwokwa ka echie ha echichi ndị nchụaja ọ bụrụ ma ha akwadowo ma tozuo oke.

Ndị nchụaja nwere otu ụdị ọrụ dị ka ndị dikọn na ndị nkuzi. Ọrụ ndị agbakwunyere ka akọwara niime Ozizi na Ọgbụgba ndụ niile 20:46–52, 73–79.

10.1.4

Ọtụghe niile nke Ọkwa nchụaja

Maka ozi ndị ọzọ banyere ọtụghe ndị a, lee 3.4.1.

10.1.5

Imegharị Kworum niile dị ka Otu Obodo si Chọọ

Na ngalaba ukwu ma ọ bụ ngalaba nta nwere ndịikom nta ole ma ole, kworum Ọkwa nchụaja nke Erọn nwere ike zukọta ọnụ maka nkuzi na ihe omume niile.

10.2

Isonye n’Ọrụ nke Nzọpụta na Mbuli elu

10.2.1

Ibi ndụ Ozi ọma nke Jizọs Kraịst

10.2.1.2

Ọmụmụ ihe nke Ozi ọma

Nzukọ kworum niile ka a na-eme na Sọnde nke abụọ na nke anọ nke ọnwa ahụ. A na-emeru ha ruo nkeji 50. Onye otù ndịisi kworum (ma ọ bụ otu niime ndị enyemaka bishọp nọ na kworum ndị nchụaja) na-atụzi aka. Ọ na-edu kworum na-ịgụ niisi isiokwu na ịdụkọta ndụmọdụ ọnụ banyere ọrụ niile enyere, ọrụ, na okwu ndị ọzọ.

Onye otù kworum ma ọ bụ onye ndu dimkpa mgbe ahụ na-edu nkuzi nke ozi ọma.

10.2.1.3

Ije ozi na Ihe omume niile

Ije ozi na ihe omume niile kwesịrị iwuli ịgba ama niile, gbaa ndị ezi na ụlọ ume, mee ka ịdị n’otu dịrị na kworum, ma wete ohere niile iji gọzie ndị ọzọ.

Ụfọdụ ozi na ihe omume kwesịrị ịgụnye ma ndịikom nta ma ndịinyom nta, kachasị nke maka ndị ntoroọbịa tọrọ eto.

Ihe omume niile Kwa afọ. Na mgbakwunye nye ihe omume niile nke ndị ntoroọbịa na-eme mgbe niile, ndịikom nta nwekwara ike isonye n’ihe ndị a sotere n’afọ ọbụla na-esote:

• Kamp kworum nke Ọkwa nchụaja Erọn (lee Ntuziaka Kamp nke Ọkwa Nchụaja Erọn).

• Ọgbakọ ndị ntoroọbịa na stek ma ọ bụ na ngalaba ukwu ma ọ bụ ọgbakọ Maka Ume nke Ndị Ntoroọbịa (FSY).

10.2.1.4

Uto Nke Onwe

Na mgbalị ha ịbụkarị dị ka Onye Nzọpụta, ndị ntoroọbịa ka a na-akpọku ihiwe Ebumnoobi niile iji too etoo na ime mmụọ, nke ọha, nke anụ ahụ, na nke ọgụgụ isi (lee Luk 2:52).

Maka ozi ndị ọzọ, lee ChildrenandYouth.ChurchofJesusChrist.org.

10.2.2

Ịlekọta Ndị Ahụ nọ na Mkpa

Ndị ji Ọkwa nchụaja nke Erọn n’enyere bishọp aka “n’ịlekọta ihe niile nke anụ ahụ” (Ozizi na Ọgbụgb ndụ niile 107:68). Ha kwesịrị inwe ohere mgbe niile iji jeere ndị ọzọ ozi niime ma ha na ndị ezi na ụlọ ha, n’oge ihe omume niile nke ndị ntoroọbịa, na n’onwe ha.

10.2.2.1

Ije ozi Nlekọta

Ndị ji Ọkwa Nchụaja nnke Erọn na-anata ọrụ ije ozi nlekọta na mmalite Jenụwarị nke afọ ha gbara afọ 14. Maka ozi ndị ọzọ, lee isi nke 21.

10.2.3

Ịkpọku Ndị niile Ịnata Ozi ọma

Ndị ji Ọkwa Nchụaja Erọn nwere ọrụ iji “kpọkuo ndị niile ịbịakwute Kraịst” (Ozizi na Ọgbụgbandụ niile 20:59).

Ndị nne na nna na ndị ndu na-agba ndịikom nta ume ịkwado ije ozi mishọn n’uju oge na ikesa ozi ọma n’oge ndụ ha niile.

10.2.4

Ịna ejikọta Ezi na ụlọ maka Mgbe Ebighị ebi

Ndị ji Ọkwa Nchụaja nke Erọn nwere ike inye aka jikọta ndị ezi na ụlọ ọnụ maka ebighị ebi n’ụzọ dị ọtụtụ.

• Sọpụrụ nne na nna ha ma gosipụta otu ọmụmaatụ nke ibi ndụ yiri nke Kraịst n’ebe obibi ha.

• Kwadoo ịnata emume nsọ niile nke tempụl, tinyere alụmdi na nwunye dị ebighị ebi.

• Chọpụta ndị nna nna ochi ndị e kwesịrị imere emume nsọ tempụl (lee FamilySearch.org).

• Sonye na baptizim niile na Emume Nnabata niile maka ndị nwụrụ anwụ mgbe ọbụla ọnọdụ niile kwere ka e mee.

10.3

Otu Bishọp

Ọrụ mbụ nke bishọp kachasị mkpa bụ ịlekọta ndịikom nta na ndịinyom nta dị na ngalaba ukwu ya. Ọ na-amụtacha aha ha ma ghọta ọnọdụ ebe obibi ha. Ọ na-abịa ihe omume ha niile ma nzukọ Sọnde niile mgbe ọbụla.

Bishọp bụ onyeisi nke kworum ndị nchụaja.

Onye ndụmọdụ nke mbụ niime otu ndị bishọp nwere oke na ọrụ maka kworum ndị nkuzi. Onye ndụmọdụ nke abụọ nwere oke na ọrụ maka kworum ndị dikọn.

Otu bishọp nwere oke na ọrụ ndị a agbakwunyere maka kworum niile nke Ọkwa nchụaja nke Erọn.

• Zukọta ya na onyeikom nta ọbụla opekampe ugboro abụọ n’afọ (lee 31.3.1)

• Nyeere ndịikom nta aka kwadoo ịnata Ọkwa Nchụaja Melkizedek.

• Na-elekọta ndekọihe niile, repọọtụ niile, na ego niile nke kworum Ọkwa Nchụaja nke Erọn niile.

Ndị ndụmọdụ niile nke kworum ma ndị ọkachamara na-enye aka n’oke na ọrụ ndị a dị ka esi rịọ.

10.4

Ndị ndu Kworum Ndị Ntoroọbia

10.4.1

Ọkpụkpọ okù, Inye nkwado, na Idopụ Iche

Bishọp na-akpọ otu onye nchụaja ma ọ bụ abụọ ịbụ ndị enyemaka ya n’idu kworum ndị nchụaja.

Onye otù nke otu ndị bishọp na-akpọ ndịisi kworum ndị dikọn na ndị nkuzi. Mgbe enwere ọtụtụ ndị ji Ọkwa Nchụaja Erọn ije ozi, ndịikom nta ndị a n’oke ekpere na-atụle ndị otù kworum a ga-akwado dị ka ndị ndụmọdụ na onye odeeakwụkwọ.

Mgbe akpọsịrị okù ndị a, onye otù otu ndị bishọp na-akpọpụta ndị ndu kworum ndị ntoroọbia maka nkwado na nzukọ kworum ha. Bishọp na-edopụ iche ndị enyemaka ya na ndịisi kworum ndị dikọn na ndị nkuzi. Ọ na-enyefe ndịisi kworum ọtụghe ọkwa nchụaja niile. O nwere ike nye ndị ndụmọdụ ya ọrụ idopụ iche ndị otù ndịisi ọzọ na ndị odeeakwụkwọ.

10.4.2

Oke na ọrụ niile

• Duo mbọ niile nke kworum ahụ iji sonye n’ọrụ nke nzọpụta na mbuli elu (lee isi nke 1).

• Bịa mara ma jeere onye otù kworum ọbụla ozi, gụnyekọta ndị ahụ na-anaghị abịa nzukọ kworum niile.

• Jee ozi na kansụl ndị ntoroọbịa nke ngalaba ukwu (lee 10.4.4).

• Kuziere ndị otù kworum ọrụ ọkwa nchụaja ha (lee Ozizi na Ọgbụgba ndụ niile 107:85–88).

• Tụọ atụmatụ ma duzie nzukọ kworum niile (lee 10.2.1.2).

• Tụọ atụmatụ ma mepụta ije ozi na ihe omume niile nke kworum (lee 10.2.1.3).

10.4.3

Nzukọ Otu Ndịisi Kworum

Otu ndịisi kworum nke Ọkwa nchụaja Erọn na-ezukọ mgbe niile. Onyeisi kworum ahụ na-eduzi nzukọ ndị a. Opekampe ndị dimkpa abụọ na-abịa—onye otù nke otu bishọp, onye na-enye ndụmọdụ, ma ọ bụ onye ọkachamara.

10.4.4

Kansụl ndị Ntoroọbia na Ngalaba ukwu

Lee 29.2.6 maka ozi ndị ọzọ banyere kansụl ndị ntoroọbia na ngalaba ukwu.

10.8

Ntuziaka na Atụmatụ niile Agbakwunyere

10.8.1

Ichekwa Ndị Ntoroọbịa

Mgbe ndị dimkpa na-ekwuru ndị ntoroọbia okwu na ntọ Nzukọ nsọ niile, opekampe dimkpa abụọ nwere akọ na uche kwesịrị ịnọ ebe ahụ.

Ndị dimkpa niile ha na ndị ntoroọbia na-arụ ọrụ ga-emezurịrị ọzụzụ nchekwa ụmụntakịrị na ndị ntoroọbịa niime otu ọnwa nke akwadoworo ha (ProtectingChildren.ChurchofJesusChrist.org).