“10. Mga Korum sa Aaronic nga Pagkapari,” Mga Pinili gikan sa Kinatibuk-ang Tamdanan nga Basahon (2023).
“10. Mga Korum sa Aaronic nga Pagkapari,” Mga Pinili gikan sa Kinatibuk-ang Tamdanan nga Basahon
10.
Mga Korum sa Aaronic nga Pagkapari
10.1
Katuyoan ug Organisasyon
10.1.1
Katuyoan
Ang katuyoan sa usa ka korum mao ang pagtabang sa mga naghupot sa pagkapari nga magtambayayong sa pag-apil sa buhat sa Dios sa kaluwasan ug kahimayaan.
10.1.2
Tema sa Korum sa Aaronic nga Pagkapari
“Ako hinigugmang anak nga lalaki sa Dios, ug Siya adunay ipabuhat kanako.
“Sa akong tibuok kasingkasing, gahom, hunahuna, ug kusog, akong higugmaon ang Dios, motuman sa akong mga pakigsaad, ug mogamit sa Iyang pagkapari sa pagserbisyo sa uban, sugod sa kaugalingon nakong panimalay.
“Samtang maningkamot ko sa pagserbisyo, magbaton og hugot nga pagtuo, maghinulsol, ug maglambo sa matag adlaw, ako mahimong angayan sa pagdawat sa mga panalangin sa templo ug sa malungtarong kalipay sa ebanghelyo.
“Ako mag-andam nga mahimong kugihan nga misyonaryo, maun[o]ngon nga bana, ug mahigugmaong amahan pinaagi sa pagkahimong tinuod nga disipulo ni Jesukristo.
“Ako motabang sa pag-andam sa kalibotan alang sa pagbalik sa Manluluwas pinaagi sa pagdapit sa tanan nga moduol ngadto ni Kristo ug modawat sa mga panalangin sa Iyang Pag-ula.”
10.1.3
Mga Korum
10.1.3.1
Korum sa mga Deacon
Ang mga batan-ong lalaki moapil sa korum sa mga deacon sugod sa Enero sa tuig nga sila mag-edad og 12. Niining higayona sila usab mahimo nang i-orden nga mga deacon kon sila andam ug takos.
Ang mga katungdanan sa usa ka deacon gihulagway diha sa Doktrina ug mga Pakigsaad 20:57–59; 84:111. Ang ubang mga katungdanan naglakip sa pagpaambit sa sakramento ug pagtabang sa bishop sa “pagpangalagad sa tanan nga temporal nga mga butang” (Doktrina ug mga Pakigsaad 107:68).
10.1.3.2
Korum sa mga Teacher
Ang mga batan-ong lalaki moapil sa korum sa mga teacher sugod sa Enero sa tuig nga sila mag-edad og 14. Niining higayona sila usab mahimo nang i-orden nga mga teacher kon sila andam ug takos.
Ang mga teacher adunay samang mga katungdanan sa mga deacon. Sila usab moandam sa sakramento ug moserbisyo isip tigpangalagad nga mga igsoong lalaki. Dugang nga mga katungdanan gihulagway sa Doktrina ug mga Pakigsaad 20:53–59; 84:111.
10.1.3.3
Korum sa mga Priest
Ang mga batan-ong lalaki moapil sa korum sa mga priest sugod sa Enero sa tuig nga sila mag-edad og 16. Niining higayona sila usab mahimo nang i-orden nga mga priest kon sila andam na ug takos.
Ang mga priest adunay samang mga katungdanan sa mga deacon ug mga teacher. Dugang nga mga katungdanan gihulagway diha sa Doktrina ug mga Pakigsaad 20:46–52, 73–79.
10.1.4
Mga Yawe sa Pagkapari
Alang sa dugang nga impormasyon mahitungod niini nga mga yawe, tan-awa sa 3.4.1.
10.1.5
Pagpahiangay sa mga Korum ngadto sa Lokal nga mga Panginahanglan
Sa usa ka ward o branch nga dunay pipila ka batan-ong lalaki, ang mga korum sa Aaronic nga Pagkapari mahimong maghiusa sa pagmiting alang sa instruksiyon ug mga kalihokan.
10.2
Pag-apil sa Buhat sa Dios sa Kaluwasan ug Kahimayaan
10.2.1
Pagsunod sa Ebanghelyo ni Jesukristo
10.2.1.2
Pagkat-on sa Ebanghelyo
Ang mga miting sa korum pagahimoon sa ikaduha ug ikaupat nga Dominggo matag bulan. Kini molungtad og 50 ka minuto. Usa ka sakop sa kapangulohan sa korum (o usa sa mga kaabag sa bishop diha sa korum sa mga priest) ang mopahigayon. Siya mangulo sa korum sa pag-recite sa tema ug magtinambagay mahitungod sa mga buluhaton, mga katungdanan, ug ubang mga butang.
Usa ka sakop sa korum o hamtong nga lider mangulo dayon sa instruksiyon sa ebanghelyo.
10.2.1.3
Serbisyo ug mga Kalihokan
Ang serbisyo ug mga kalihokan kinahanglan nga mopalambo og mga pagpamatuod, molig-on og mga pamilya, mopasiugda og panaghiusa sa korum, ug mohatag og mga oportunidad sa pagpanalangin sa uban.
Ang pipila ka serbisyo ug mga kalihokan kinahanglang maglakip sa mga batan-ong lalaki ug mga batan-ong babaye, ilabi na sa mas taas og edad nga kabatan-onan.
Tinuig nga mga Kalihokan. Agig dugang sa regular nga mga kalihokan sa kabatan-onan, ang mga batan-ong lalaki mahimong moapil sa mosunod matag tuig:
-
Usa ka kamping sa korum sa Aaronic nga Pagkapari (tan-awa sa Aaronic Priesthood Quorum Camp Guide
-
Usa ka komperensiya sa kabatan-onan sa ward o stake o komperensiya sa Alang sa Kalig-on sa mga Kabatan-onan (AKK).
10.2.1.4
Personal nga Kalamboan
Sa ilang mga paningkamot nga mahimong mas sama sa Manluluwas, ang kabatan-onan gidapit sa paghimo og mga tumong aron motubo sa espirituwal, sa sosyal, sa pisikal, ug sa intelektuwal nga paagi (tan-awa diha sa Lucas 2:52).
Alang sa dugang nga impormasyon, tan-awa sa ChildrenandYouth.ChurchofJesusChrist.org.
10.2.2
Pag-atiman Niadtong Nanginahanglan
Ang mga naghupot sa Aaronic nga Pagkapari motabang sa bishop sa “pagpangalagad sa tanan nga temporal nga mga butang” (Doktrina ug mga Pakigsaad 107:68). Sila kinahanglang dunay regular nga mga oportunidad sa pagserbisyo sa uban diha ug kuyog sa ilang mga pamilya, atol sa mga kalihokan sa kabatan-onan, ug sa ilang kaugalingon.
10.2.2.1
Pagpangalagad
Ang mga naghupot sa Aaronic nga Pagkapari modawat og mga buluhaton sa pagpangalagad sugod sa Enero sa tuig nga sila mag-edad og 14. Alang sa dugang nga impormasyon, tan-awa sa kapitulo 21.
10.2.3
Pagdapit sa Tanan nga Modawat sa Ebanghelyo
Ang mga naghupot sa Aaronic nga Pagkapari adunay katungdanan nga “magdapit sa tanan sa pagduol ngadto kang Kristo” (Doktrina ug mga Pakigsaad 20:59).
Ang mga ginikanan ug ang mga lider moawhag sa mga batan-ong lalaki nga mangandam sa pagserbisyo og full-time nga mga misyon ug sa pagpakigbahin sa ebanghelyo sa ilang tibuok kinabuhi.
10.2.4
Paghiusa sa mga Pamilya alang sa Kahangtoran
Ang mga naghupot sa Aaronic nga Pagkapari makatabang sa paghiusa sa mga pamilya alang sa kahangtoran sa daghang paagi.
-
Pagtahod sa ilang mga ginikanan ug pagpakita og ehemplo sa Kristohanong pagpuyo diha sa ilang panimalay.
-
Pagpangandam sa pagdawat sa mga ordinansa sa templo, lakip sa mahangturong kaminyoon.
-
Pag-ila sa mga katigulangan nga nagkinahanglan og mga ordinansa sa templo (tan-awa sa FamilySearch.org).
-
Pag-apil kanunay sa mga bunyag ug mga kompirmasyon alang sa mga patay kutob sa itugot sa sirkumstansiya.
10.3
Bishopric
Ang labing importante nga responsibilidad sa bishop mao ang pag-atiman sa mga batan-ong lalaki ug mga batan-ong babaye sa iyang ward. Siya moila sa ilang mga ngalan ug mosabot sa mga sirkumstansiya sa ilang panimalay. Siya motambong sa ilang mga kalihokan ug sa mga miting sa Dominggo kanunay.
Ang bishop mao ang presidente sa korum sa mga priest.
Ang unang magtatambag sa bishopric adunay responsibilidad alang sa korum sa mga teacher. Ang ikaduhang magtatambag adunay responsibilidad alang sa korum sa mga deacon.
Ang bishopric aduna sa mosunod nga dugang nga mga responsibilidad alang sa mga korum sa Aaronic nga Pagkapari:
-
Makigkita sa matag batan-ong lalaki nga dili mominos kaduha sa usa ka tuig (tan-awa sa 31.3.1
-
Motabang sa mga batan-ong lalaki nga mangandam sa pagdawat sa Melchizedek nga Pagkapari.
-
Modumala sa mga rekord, mga report, ug mga panalapi sa mga korum sa Aaronic nga Pagkapari.
Ang mga tigtambag ug mga espesyalista sa korum motabang niini nga mga responsibilidad kon hangyoon.
10.4
Mga Lider sa Korum sa Kabatan-onan
10.4.1
Pagtawag, Pagpaluyo, ug Pag-set Apart
Ang bishop motawag sa usa o duha ka mga priest nga mahimo niyang mga kaabag sa pagdumala sa korum sa mga priest.
Usa ka sakop sa bishopric motawag og mga presidente sa korum sa mga deacon ug mga teacher. Kon adunay igo nga mga naghupot sa Aaronic nga Pagkapari nga makaserbisyo, kining mga batan-ong lalaki magmainampoong mokonsiderar og mga sakop sa korum nga irekomendar isip mga magtatambag ug secretary.
Human sa paghatag niini nga mga calling, ang usa ka sakop sa bishopric mopresentar sa mga lider sa korum sa kabatan-onan alang sa pagpaluyo diha sa ilang miting sa korum. Ang bishop mo-set apart sa iyang mga kaabag ug sa mga presidente sa korum sa mga deacon ug mga teacher. Siya motugyan sa mga yawe sa pagkapari ngadto sa mga presidente sa korum. Siya mahimong mosangon sa iyang mga magtatambag sa pag-set apart sa laing mga sakop sa kapangulohan ug sa mga secretary.
10.4.2
Mga Responsibilidad
-
Mogiya sa mga paningkamot sa korum sa pag-apil sa buhat sa Dios sa kaluwasan ug kahimayaan (tan-awa sa kapitulo 1).
-
Moila-ila ug moserbisyo sa matag sakop sa korum, lakip niadtong wala magtambong og mga miting sa korum.
-
Moserbisyo diha sa konseho sa kabatan-onan sa ward (tan-awa sa 10.4.4).
-
Motudlo sa mga sakop sa korum sa ilang mga katungdanan sa pagkapari (tan-awa sa Doktrina ug mga Pakigsaad 107:85–88).
-
Moplano ug mopahigayon sa mga miting sa korum (tan-awa sa 10.2.1.2).
-
Moplano ug mopatuman sa serbisyo ug mga kalihokan sa korum (tan-awa sa 10.2.1.3).
10.4.3
Miting sa Kapangulohan sa Korum
Ang mga kapangulohan sa korum sa Aaronic nga Pagkapari regular nga magmiting. Ang presidente sa korum mopahigayon niini nga mga miting. Dili mominos sa duha ka hamtong ang motambong—usa ka sakop sa bishopric, usa ka tigtambag, o usa ka espesyalista.
10.4.4
Konseho sa Kabatan-onan sa Ward
Tan-awa sa 29.2.6 alang sa dugang nga impormasyon mahitungod sa konseho sa kabatan-onan sa ward.
10.8
Dugang nga mga Lagda ug mga Palisiya
10.8.1
Pagpanalipod sa Kabatan-onan
Kon ang mga hamtong adunay mga pakig-inter-aksiyon sa kabatan-onan diha sa Simbahan, dili mominos sa duha ka responsable nga hamtong ang kinahanglan nga anaa.
Ang tanang hamtong nga naglihok uban sa kabatan-onan kinahanglang mokompleto sa pagbansay sa pagpanalipod sa kabataan ug kabatan-onan sulod sa usa ka bulan human mapaluyohi (ProtectingChildren.ChurchofJesusChrist.org