11.

Ataeinnaine

11.1

Te Kaantaninga ao Bootaki n Ataeinnaine

11.1.1

Kantaninga

Te Bootaki n Ataeinnaine e buokiia ataeinnaine ni karaoi ao ni kawakin berita aika tabu ao ni kakorakora rairakiia nakon Iesu Kristo ao Ana Euangkerio.

11.1.2

Aia Kibunikoora Ataeinnaine

“Ngai te nati aine ae tatangiraki irouia kaaro ake i karawa, ma rikiu mai karawa ao tokin kawaiu ae akea tokina.

“Ngkai ana reirei Iesu Kristo, I kataia n riki n ai Arona. I ukoukori ao ni mwakuriia oin au kaotioti ao ni buokiia tabeman n Arana ae tabu.

“N na tei bwa te tia kakoaua ibukin te Atua n taainako ao ni bwaai nako ao n taabo nako.

“Ngkai I kataia bwa N na tau ibukin te karietataaki, I kawakina te bwaintituaraoi ibukin te rairannano ao n ukoukora ae tamaroa riki ni katoa bong. Ma te onimaki, N na kakorakora mweengau ao au utu, ni karaoi ao ni kawakin berita aika tabu, ao ni karekei otenanti, ao kakabwaia man te tembora ae tabu.”

11.1.3

Taian Kiraati

Kairake n ataeinnaine a riki bwa kaain te Bootaki n Ataeinnaine ni moanaki man Tianuare n te ririki are koro iai 12 aia ririki.

Bitiobiriki ao taan kairiiri irouia Ataeinnaine aika ikawai ana iangoia bwa a na kanga ni bairea aia kiraati nakon aia ririki. Kiraati nako, n aki tabe ma buburaia, a riai n iai aia beretitenti ao, ngkana e kona, temanna ke uoman kauntira ao te tia koroboki.

11.2

Irakin Ana Mwakuri te Atua Ibukin te Kamaiu ao te Karietataaki

11.2.1

Maiuakinan Ana Euangkerio Iesu Kristo

11.2.1.2

Reiakinan te Euangkerio

Bowin te kiraati a kakaraoaki n te kauoua ao te kaaua n Taabati n te namwakaina. A na kabanea 50 te miniti. Te membwa n te beretitentii n te kiraati e kairia. E kaira te kiraati n taekina te kibunikoora ao te uaia ni marooro ibukin taabe ao bwaai riki tabeua.

Kaain te kiraati ke te tia kairiiri ae e ikawai e kaira te anga reirei.

11.2.1.3

Mwakuri n Ibuobuoki ao Waaki ni Kakukurei

A riai mwakuri n ibuobuoki ao waaki ni kakukurei ni karikirakei koaua, ni kakorakoraia utu, ni karekea te inanoi, ao ni karekei aanga ni kakabwaiaia tabeman.

Tabeua mwakuri n ibuobuoki ao waaki ni kakukurei a riai ni botiia Ataeinimwaane ao Ataeinnaine, riki ibukiia kairake ake a ikawai riki.

Waaki ni Kakukurei n te Ririki. N reita aia waaki ni kakukurei kairake are a kakaraoki, a kona naba ataeinnaine ni karaoi baikai ni katoa ririki:

• Aia Kabane Ataeinnaine (taraa Young Women Camp Guide

• Aia maungatabu kairake n te uoote ke te titeiki Ibukin Kakorakoraia Kairake (IKK).

11.2.1.4

Rikirakem I bon Iroum

N aia waaki ni kan riki n ai aron te Tia Kamaiu, a kaoaki kairake bwa a na katei kouru ni karikirakea, maiuia n tamnei, reitakiia ma aomata, marurungin rabwataia, ao wanawanaia (taraa Ruka 2:52).

Ibukin rongorongona riki, taraa ChildrenandYouth.ChurchofJesusChrist.org.

11.2.2

Tararuakiia Naake Iai Kainnanoia

Ataeinnaine a riai n iai aia tai ni beku ibukiia tabeman inanon ao ma aia utu, n tain aia waaki ni kakukurei kairake, ao i bon irouia.

11.2.2.1

Te Mwakuri n Ibuobuoki

Ataeinnaine a karekei tabeia n ibuobuoki ni moanaki i nanon Tianuare n te ririki are koro iai 14 aia ririki. Ibukin riki rongorongona, taraa mwakoro 21.

11.2.3

Kaoiia Ni kabane ni Karekea te Euangkerio

Ataeinnaine a na kaoiia ni kabane ni karekea te euangkerio ngkai a “tei bwa taan kakoaua ibukin te Atua n taai nako ao ni bwaai nako, ao n taabo nako” (Motiaea 18:9).

Kaaro ao taan kairiiri a na kaungaia ataeinnaine ni katauraoi n tibwaua te euangkerio rinanon nako maiua.

11.2.4

Katiteuanaakiia Utu ibukin te Tai ae Akea Tokina

Ataeinnaine a kona n ibuobuoki n katiteuanaia utu ibukin te tai ae akea tokina ni kawai aika a mwaiti.

• Ana karineia aia karo ao ni katea te katooto ni maiuakina maiun Kristo inanon mweengaia.

• Katauraoi ni karekei otenanti n te tembora, n ikotaki ma te mare ae akea tokina.

• Karekei araia aia bakatibu ake a kainnanoi otenanti n te tembora (taraa FamilySearch.org).

• Karaoi bwabetito ao kamatoa ibukiia maate n taai ake e angaraoi nakoia.

11.3

Aro ni Kairiiri ibukiia Ataeinnaine n te Uoote

11.3.1

Bitiobiriki

Taben te bitiobi are te kabanea ni kakawaki bon tabeakinaia ataeinimwaane ao ataeinnaine n ana uoote. Ngaia ao ana kauntira a reiakina araia ao a kamataataia n aron tein mwengaia. Rereitaki ma ataeinnaine n tatabemaniia tao uatai n te ririki (taraa 31.3.1).

Te bitiobi iai tabena ibukin te Bootaki n Ataeinnaine n te uoote. E reitaki n tainako ma te beretitenti n te Bootaki n Ataeinnaine.

Te bitiobi ao ana kauntira a na iriri n tainako n aia bootaki Ataeinnaine, mwakuri n ibuobuoki, ao waaki ni kakukurei.

11.3.2

Aia Beretitentii Ataeinnaine aika Ikawai

Te bitiobi e wetea ao e katabua te aine ae ikawai bwa e na beku bwa te beretitenti ibukin te Bootaki n Ataeinnaine n te Uoote. Ngkana e a tau buburan te iunite, e na anga aran temanna ke uoman aine aika a ikawai bwa ana weteaki bwa ana kauntira (taraa mwakoro 30

Inanon te iunite ae rangi ni uarereke, te beretitenti irouia Ataeinnaine e na kona n tii ngaia te ikawai ae te tia kairiiri inanon aia bootaki Ataeinnaine. N te keiti aio, e mwakuri ma kaaro ni bairea te reirei n tabati ao waaki ni kakukurei ibukiia ataeinnaine.

Ngkana akea te beretitenti n te Bootaki n Ataeinnaine n te mwaanga, te beretitenti n te Bootaki n Aine e na kona ni bairea te reirei ibukiia ataeinnaine ni karokoa are e weteaki te beretitenti n te Bootaki n Ataeinnaine.

Te beretitenti n te Bootaki n Ataeinnaine iai tabena aikai. A na buokia ana kauntira.

• Ngaia kaain te kauntira n te uoote.

• E beku bwa kaain te kauntira ni kairake n te uoote. (taraa 29.2.6).

• Mwakuri n ibuobuoki nakoia ataeinnaine n tatabemaniia.

• E na reireiniia aia taan kairiiri Ataeinnaine ao beretitentii n te kiraati tabeia.

• Marooro ma ataeinnaine i aon kakaewenako ake aki kainnanoa te bitiobi ke are irekereke ma te mwakuri n iowawa (taraa 32.3, 31.3.1, ao 38.6.2).

11.3.4

Beretitentii ao Tia koroboki ni Kiraati

11.3.4.1

Weteaia, Kamatoaaia, ao Kaokoroaia

Kiraati nako n te Bootaki n Ataeinnaine e riai n iai aia beretitentii.

Kaain te bitiobiriki e wetea te ataeinnaine are e na beku bwa te beretitenti n te kiraati. Ngkana e tau mwaitiia ataeinnaine ni beku, e tataroakinna bwa antai irouia kaain te Kiraati aika a kona ni beku bwa kauntira ao te tia koroboki.

Imwin kanakoan wewete aikai, te membwa n te bitiobiriki e na kaotiia ataeinnaine nakon aia kiraati ibukin kamatoakiia. Te bitiobi ke te kauntira are e katabeaki e na katabua ni kaokoroa te ataeinnaine.

11.3.4.2

Taabe

Beretitenti ni kiraati a beku n te kauntira n te uoote (taraa 11.3.4.4). Beretitentii ni kiraati iai naba tabeia aikai:

• Kaira ana waaki te kiraati n karaoa ana mwakuri te Atua ibukin te kamaiuaki ao te karietataaki. (taraa mwakoro 1).

• Kinaia ao ni beku ibukiia ataeinnaine n tatabemaniia, n ikotaki ma naake a aki kakaonimaki nakon taian kiraati.

• Bairei ao ni kairii bootaki n te kiraati (taraa 11.2.1.2).

• Bairei ao ni karaoi mwakuri n ibuobuoki ao waaki ni kakukurei (taraa 11.2.1.3).

11.3.4.3

Aia bowi Beretentii ni Kiraati

Beretitentii ni kiraati n te Bootaki n Ataeinnaine a kakaraoa aia bowi ni katoatai. Te beretitenti n te kiraati e kairi bootaki aikai. Taan kairiiri n te Bootaki n Ataeinnaine are a ikawai ake a katabeaki ni boutoka te beretitentii ni kiraati a iri naba.

11.3.4.4

Kauntira ibukiia Kairake n te Uoote

Taraa 29.2.6ibukin rongorongon riki te kauntira ni kairake n te uoote.

11.6

Kainibaire ao Kaetieti Aika Karinaki

11.6.1

Kamanoaia Kairake

Ngkana ikawai a reireiniia ataei ke kairake n ana tabo te Ekaretia, e riai n iai uoman ikawai aika a na mena i rarikiia. E na kona n riai bwa a na ikotaki kiraaki bwa e aonga ni kona ni koro nanon aei.

Ni kabane ikawai ake a mwakuri ma kairake a riai ni karaoa te reirei ibukin kamanoaia ataei ao kairake teuana te namwakaina man te tai are a katabuaki iai (ProtectingChildren.ChurchofJesusChrist.org).