11.

Peinakapw Akan

11.1

Kahrepe oh Pwihn

11.1.1

Kahrepe

Pwin en Young Women de Peinakapw Akan kin sowese peinakapw akan ren kapwaiada inou me sarawihkan oh kaloalehla arail weliakapwong Sihses Krais oh Sapwellime rongamwahuo.

11.1.2

Oaralap en Peinakapw Akan

Ngehi Sapwellimen Sahm oh Ihn Nanleng serepein, ieias en Koht kin ketket rehi oh imwilahn ei mour i pahn ale mour soutik.

Nin duwen ei wia tohnpadahk en Sises Krais, I pahn nantihong pwehn duwehla Ih. I pahn rapahki oh mwekidki pein ei kaudiahl kan oh papah mehteikan ni Sapwellime lengleng sarawi.

I pahn wia sounkadehde men en Koht ansou koaros oh ni mehkoaros oh ni wasa koaros.

Ni ei nantiheng en warohng en kesepwildahng mour soutuk, I kesempwaliki kisakis en koluhla oh nantiheng en mwahula rahn koaros. Sang ni pwoson, I pahn kakehlailih nan imwei oh ei peneinei, inoukihda oh kapwaiada inou sarawi kan, oh alehda tiahk sarawi kan oh kapai kan en tehnpas sarawi kan.

11.1.3

Pwihn Akan

Peinakapw akan pahn kin tep towehla Young Women nan Senweri en pahr me re pahn lel sounpar 12.

Pisoprik oh kaun en Young Women me mah kan kin kilang sounpar en peinakapw akan oh kapakapki mwomwen arail pahn koasoanehdi pwihn de class akan nan Young Women. Ehu ehu pwihn de class, menda ma re tohto de malaulau, pahn anahne en mie presiden oh, ma kak, ah en pil mie emen de riemen counselor oh emen secretary.

11.2

Patehng Doadoahk en Komour oh Mour Soutuk

11.2.1

Momourki Rongamwahu en Sihses Krais

11.2.1.2

Kasukuhlkpen Rongamwahuo

Mihting en pwihn de class akan kin wiawi ni rahnsarawi keriau oh kapahieu en sounpwong kan. Re kin reireiki minit 50. Emen tohn presidency en pwhino me kin kaweid. E pahn kin tiakada arail pahn kin koaros ndapene de recite aoralapo oh pil kaunda arail pahn kin koasoakoasoaia me pid pwukoah kan oh pil soahng teikan.

Emen tohn quorum de emen sounkaweid me mah pahn kin katanga kasukuhl en pelien rongamwahuo.

11.2.1.3

Service(Sawas) oh Activity kan

Sawas oh activity kan pahn kin konehng en kairada arail kedehde, kakehlaka peneinei, kakehlaka nanpwungen tohn pwihn de class kan, oh pil elehieng arail en kak kapaiada mehteikan.

E konehng ekei sawas de activity kan en kin kapatapene mwahnakapw oh peinakapw akan, apw mehlel irail pwihn pwulopwul me laud kan.

Activity en Nan Pahr Koaros Pwe en pil patehng activity me kin kalapw wiewiawihkan, peinakapw akan kak iang pateng me pwukat nan ehu ehu pahr:

• Ehu Young Women camp (kilang Young Women Camp Guide).

• En ward de stake kapokon lap en For the Strength of Youth (FSY) de Ong Kakehlepen me Pwulopwul kan.

11.2.1.4

Keirdahn Emen Emen Peinakapw

Ni arail kin songosong en ekis duwehla Sounkomouro, irail me pwulopwul kan lukehng ren wiahda arail goal pwe irail en keirda ni pali ngehn, pelien arail kin ehuieng mehteikan, paliwar, oh pelien kasukuhl (de spiritually, socially, physically, oh intellectually) (kilang Luhk 2:52).

Ong iren kaweid kapatapat, kilang ChildrenandYouth.ChurchofJesusChrist.org.

11.2.2

Sewese Irail me Mihlahr nan Anahn

E konehng en kin mie diren ansou me re pahn kak sowese tohn arail peneinei de pil iangih arail peneinei oh sowese mehteikan, sawas nan ansoun activity en me pwulopwul kan, oh pil ansou me re pahn kelehpw wia sawas.

11.2.2.1

Doadoahk en Papah

Peinakapw akan pahn kin tep alehdi kepwukoah en papah de ministering assignment nan Senweri en pahr me re pahn lel sounpar 14. Ong iren kaweid kapatapat, kilang iralaud 21.

11.2.3

Lukehieng Koaros en Iang Alehda Rongamwahuo

Peinakapw akan kin luke koaroes en alehda rongamwahuo ni arail kin “wia sounkadehde en Koht ahnsou koaros oh ni mehkoaros, oh wasa koaros” (Mosaia 18:9).

Pahpahkan, nohnohkan, oh kaun akan en kin kangoange peinakapw akan ren kin kalohki rongamwahuo erein arail mour.

11.2.4

Kihpene Peneinei kan ong Mour Soutik

Soahng tohto me peinakapw akan kak wia me pahn sawas kihpenen peneinei kan ong mour soutuk,

• Wauneki arail pahpa oh nohno oh wia karasaras en Momour en Krais nan imwarail kan.

• Ohnopehng arail pahn alehdi tiahk sarawihkan nan tehnpas sarawi, iangahki kapwopwoud soutuk.

• Rapahkihda peneinei en mahs akan me anahne tiahk sarawihkan en nan tehnpas sarawi (kilang FamilySearch.org).

• Iang pepdaiski oh kasarawihki me melahr akan oh wen doden arail pahn kin kohla pahn kin pahsan wen me re kakahng.

11.3

Sounkaweid en Peinakapw kan en Ward

11.3.1

Pisoprik

En pisop pwukoah keiou kesempwal iei en apwalih peinakapw akan oh mwahnakapw akan nan ah ward. E kin esehla ederail kan oh wehwehki duen arail mour ni imwarail kan. Tuweng de mihtingieng emen emen peinakapw akan sohte malaulaukihsang pak riau nan pahr ehu (kilang 31.3.1).

Pisop me kin pwukoahki Pwihn en Peinakapw akan. E kin kalapw mihtingieng president en Young Women en nan ward.

Pisop oh nah counselor kan kin poaden patehng en Young Women mihting kan, service de sawas akan, oh activity de kemekid kan.

11.3.2

Presidency en Young Women me Mah(Adult Young Women Presidency)

Pisop kin idiada emen lih en wiahla presiden en Young Women nan wardo. Ma e itar towehkan, e kak kieheng(recommend) pisorik eden emen de riemen lih akan pwe en/ira en wiahla nah counselor (kilang chapter 30).

Nan unit me tikitik, presiden en Young Women kakete kelehpw wia aramas mah me pahn kapwukoahieng pwihn en Young Women. Ma ih duehn met, E pahn kin ehuieng pahpahkan oh nohnohkan oh koasoanedhi duen kasukuhl kemwekid de activity kan ong peinakapw akan.

Ma sohte presiden en Young Women nan brancho, presiden en Relief Society kak koasoanehdi kasukuhlpen peinakapw akan loa miehda presiden en Young Women.

Presiden en Young Women ahneki pwukoah pwukat: Nah counselor kan pahn kin sowese.

• Wia emen tohn ward council

• Wia emen tohn ward youth council (kilang 29.2.6).

• Papah emen emen peinakapw akan.

• Padahkiheng sounkaweid en Young Women kan oh peinakapw akan arail pwukoah kan.

• Kaweid peinakapw akan ong me pid arail kahpwal akan, likin soangen kahpwal me anahne pisop en piserieng de ma mie me kamedekeirailla (kilang 32.3, 31.3.1, oh 38.6.2).

11.3.4

Presidency en Pwihn(class) oh Secretary

11.3.4.1

Malipilip, Utuht, oh Kasarawi ong Pwukoah

E konehng mie presiden en ehu ehu pwihn en Young Women kan.

Emen nan pisoprik pahn kin idiada emen peinakapw en wia presiden en pwihn de class. Ma e itar tohtohn peinakapw akan me kak sawas, peinakapwo pahn kapakapki oh pilada peinakapw kei sang nan ah pwihn de class me pahn kakete wiala nah counselor oh secretary.

Mwurin tohn pisoprik pahn kiheng peinakapw pwukat calling de pwukoah, e pahn uhd kihda ederail pwe iengerail kan en kasalehda arail utuht(sustaining). Pisop de emen nah counselor me e kapwukoahki kak set apart de wia kasarawi en pwukoah oang peinakapw pwukat.

11.3.4.2

Pwukoah kan

Presiden en pwihn de class pahn iang wia tohn ward youth council (kilang 11.3.4.4). Presidency en class pwukat ahneki pwukoah pwukat:

• Kaunda arail pahn patehng Doadoahk en Komour oh Mour Soutuk (kilang chapter 1).

• Esehla emen emen peinakapw akan oh papah irail, pil iangahki irail me sohte kin iang mihting de class kan.

• Pilahnehda oh katanga en pwihno mihting en Rahn Sarawihkan (kilang 11.2.1.2).

• Pilahnehda oh wia de patehng en pwihno sawas akan oh activity kan (kilang 11.2.1.3).

11.3.4.3

Mihting en Presidency en Pwihn(Class)

Presidency kan en pwihn akan nan Young Women kin kalapw tuhpene. Presideno me kin katanga mihting pwukat. Sounkaweid(me mah) ong Young Women me pwukoahki sowese presidency en class kan kin iang mihting pwukat.

11.3.4.4

Ward Youth Council

Kilang 29.2.6 ong iren kapatapat me pid ward youth council.

11.6

Kaweid on Kosonned Kapatapat kan

11.6.1

Uhpoarki Me Pwulopwul Kan

Ni ansou me aramas mah pahn kin patehng me pwulopwul kan, e pahn anahne en sohte malaulausang me mah meh riemen me pahn anahne iang. Mwein pwihn akan pahn anahne patpene pwe met en kak wiawi.

Aramas mah koaros me pwukoahki epwelpen seri kan de me pwulopwul kan anahne kanekehla kaiahn en apwali seri oh me pwulepwul nan irair en sounpwong ehu mwurin arail kasarawi ong pwukoa (ProtectingChildren.ChurchofJesusChrist.org).