Mga Pinili nga Bahin halin sa Libro sang Pangkabilogan nga Pagsulundan

Mga Kaundan
Pahina sang mga Tig-ulo
Paggamit sang Mga Pinili nga Bahin halin sa Libro sang Pangkabilogan nga Pagsulundan
Pundasyon sang Doktrina
- 0. Pangbukas nga Paathag
- 1. Ang Plano sang Dios kag ang Imo Papel sa Buluhaton sang Kaluwasan kag Pangkahitaasan
- 2. Pagsuporta sang mga Indibidwal kag mga Pamilya sa Buluhaton sang Kaluwasan kag Pangkahitaasan
- 3. Mga Prinsipyo sang Priesthood
- 4. Pagkalider kag mga Konseho sa Simbahan ni Jesucristo
Organisasyon sang Simbahan
- 5. Pagkalider sa Pangkabilogan kag sa Area
- 6. Pagkalider sa Stake
- 7. Ang Bishopric
- 8. Elders Quorum
- 9. Relief Society
- 10. Mga Korum sa Aaronic Priesthood
- 11. Young Women
- 12. Primary
  - 12.1. Katuyuan kag Organisasyon
  - 12.2. Pagpartisipar sa Buluhaton sang Kaluwasan kag Pangkahitaasan
  - 12.3. Mga Lider sang Primary sa Ward
  - 12.5. Dugang nga mga Pagsulundan kag Polisiya
- 13. Sunday School
- 14. Single nga mga Miyembro
- 15. Mga Seminary kag Institute of Religion
Ang Buluhaton sang Kaluwasan kag Pangkahitaasan
- Pagpangabuhi sang Ebanghelyo ni Jesucristo
  - 16. Pagpangabuhi sang Ebanghelyo ni Jesucristo
  - 17. Pagtudlo sang Ebanghelyo
  - 18. Paghikot sang mga Ordinansa kag mga Bendisyon sang Priesthood
  - 19. Musika
  - 20. Aktibidades
- Pag-atipan sang mga Nagakinahanglan
  - 21. Ministering
  - 22. Paghatag sang Temporal nga mga Kinahanglanon kag Pagpatubo sang Self-Reliance
- Pag-imbitar sang Tanan nga Magbaton sang Ebanghelyo
  - 23. Pagpaambit sang Ebanghelyo kag Pagpabakod sang Bag-o kag Nagabalik nga mga Miyembro
  - 24. Pagrekomendar kag Pag-alagad sang Misyonero
- Pag-isa sang mga Pamilya sa Wala Katubtuban
  - 25. Buluhaton sa Templo kag Family History sa Ward kag Stake
  - 26. Mga Temple Recommend
  - 27. Mga Ordinansa sang Templo para sa Buhi
  - 28. Mga Ordinansa sa Templo para sa mga Patay
Pagdumala sang Simbahan
- 29. Mga Miting sa Simbahan
- 30. Mga Calling sa Simbahan
- 31. Mga Interbyu kag Iban Pa nga mga Miting sa mga Miyembro
- 32. Paghinulsol kag mga Church Membership Council
- 33. Mga Rekord kag mga Report
- 34. Kuwarta kag mga Awdit
- 35. Paghalong kag Paggamit sang mga Meetinghouse
- 36. Paghimo, Pag-ilis, kag Paghatag sang Ngalan sa Bag-o nga mga Yunit
  - 36.0. Introduksyon
- 37. Pinasahi nga mga Stake, Ward, kag mga Branch
- 38. Mga Polisiya kag mga Pagsulundan sang Simbahan

12. Primary

“12. Primary,” Mga Pinili nga Bahin halin sa Libro sang Pangkabilogan nga Pagsulundan (2023).

“12. Primary,” Mga Pinili nga Bahin halin sa Libro sang Pangkabilogan nga Pagsulundan

Litrato

pamilya nga nagakapot sang balaan nga mga kasulatan

12.

Primary

12.1

Katuyuan kag Organisasyon

Ang Primary isa ka nasentro-sa-puluy-an, suportado-sang-Simbahan nga organisasyon. Para ini sa mga kabataan nga nagaedad 18 ka bulan hasta 11 anyos.

12.1.1

Mga Katuyuan

Ang Primary nagabulig sa kabataan nga:

Mabatyagan ang pagpalangga sang ila Amay nga Langitnon kag magtuon sang Iya plano sang kalipayan.
Magtuon parte kay Jesucristo kag sa Iya papel sa plano sang Amay nga Langitnon.
Tun-an kag ipangabuhi ang ebanghelyo ni Jesucristo.
Mabatyagan, makilala, kag mag-akto sa impluwensya sang Balaan nga Espiritu.
Maghanda para sa, maghimo, kag magtuman sang sagrado nga mga kasugtanan.
Magpartisipar sa buluhaton sang kaluwasan kag pangkahitaasan.

12.1.3

Mga Klase

Kon hustohan ang kadamuon sang kabataan, ginatunga sila sa mga klase base sa ila edad.

Ang mga kabataan sa kabilogan nagasaylo halin sa Primary pakadto sa Young Women ukon sa korum sang deacon sa Enero sang tuig nga magaedad sila sing 12 anyos.

12.1.4

Oras sang Pagkinanta

Ang oras sang pagkinanta nagabulig sa mga kabataan nga mabatyagan ang pagpalangga sang Amay nga Langitnon kag magtuon parte sa Iya plano sang kalipayan. Samtang nagakanta ang mga bata parte sa mga prinsipyo sang ebanghelyo, ang Balaan nga Espiritu nagapamatuod parte sa kamatuoran sang mga ini.

Ang Primary presidency kag music leader nagapili sang mga kanta kada bulan nga nagapabaskog sang mga prinsipyo sang ebanghelyo nga ginatun-an sang mga kabataan sa ila mga klase kag sa balay.

12.1.5

Nursery

Ang nursery nagabulig sa mga kabataan nga nagaedad 18 ka bulan hasta 3 ka tuig nga mabatyagan ang pagpalangga sang Amay nga Langitnon kag matun-an ang Iya plano sang kalipayan.

12.2

Pagpartisipar sa Buluhaton sang Kaluwasan kag Pangkahitaasan

12.2.1

Pagpangabuhi sang Ebanghelyo ni Jesucristo

12.2.1.2

Pagtuon sang Ebanghelyo

Mga Miting sang Primary kon Domingo. Isa ka miyembro sang Primary presidency ang nagapamuno sa pangbukas.

Ang iskedyul amo ang masunod:

Parte sang Miting	Kalawigon
Parte sang Miting Pangbukas (pangamuyo, balaan nga kasulatan ukon Artikulo sang Pagtuo, kag mensahe—tanan ginahatag sang kabataan)	Kalawigon 5 ka minutos
Parte sang Miting Oras sang pagkinanta	Kalawigon 20 ka minutos
Parte sang Miting Pagsaylo sa mga klase	Kalawigon 5 ka minutos
Parte sang Miting Mga klase kag panghingapos nga pangamuyo	Kalawigon 20 minutos

Ang nursery para sa kabataan nga nagaedad 18 ka bulan hasta 3 ka tuig nagalawig sang 50 ka minutos. Ang Behold Your Little Ones nagahatag sang ginapanugyan nga iskedyul.

Presentasyon sang mga Kabataan sa Sacrament Meeting. Ang tuigan nga presentasyon sang kabataan sa sacrament meeting ginahiwat sa nabilin nga mga binulan sang tuig.

Mainampuon nga ginaplano sang Primary presidency kag music leader ang presentasyon. Ang bishopric ang nagahatag sang direksyon para diri. Ang mga bata pwede nga magkanta, maghatag sang mensahe, kag magpaambit sang mga istorya, balaan nga mga kasulatan, ukon mga testimonya.

Miting sa Paghanda para sa Templo kag Priesthood. Ang Primary presidency nagaplano sang miting sa Paghanda para sa Templo kag Priesthood kada tuig. Ang bishopric ang nagahatag direksyon para diri. Ang miting para sa kabataan nga nagaedad 10. Imbitado ang mga ginikanan.

12.2.1.3

Pagserbisyo kag mga Aktibidades

Pagsugod sang Enero sa tuig nga magaedad na sila sang 8 anyos, pwede na nga magsugod ang kabataan sa pag-upod sa aktibidades sang Primary.

Ang aktibidades sang Primary ginahiwat sa mga adlaw magluwas sang Domingo ukon Lunes sang gab-i.

Ang aktibidades sang Primary ginahiwat kaduha sa kada bulan kon mahimo.
Ang kabataan nga lalaki kag babayi separado nga nagatipon. Pero, pwede sila magdungan sa pila ka aktibidades ukon sa mga lugar nga pila lang ang kabataan.

Ginasiguro sang bishopric nga ang badyet kag aktibidades para sa kabataan nga lalaki kag babayi sa Primary igo kag patas.

12.2.1.4

Personal nga Pag-uswag

Sa ila pagpaninguha nga mangin mas pareho sa Manluluwas, ang kabataan—sugod sa tuig nga magaedad sila sang 8 anyos—ginaagda nga magpahamtang sang lalab-uton para magtubo sa espiritwal, sosyal, pisikal, kag sa kinaalam (tan-awa sa Lucas 2:52).

Pwede nila gamiton ang Personal Development: Children’s Guidebook para maghimo kag magrekord sang mga lalab-uton.

12.3

Mga Lider sang Primary sa Ward

12.3.1

Bishopric

Ang mayor nga responsibilidad sang bishop amo ang mga ulihing tubo, pati na ang kabataan. Pwede nga mag-asayn ang bishop sang manuglaygay nga magbulig sa iya responsibilidad sa Primary. Ang bishop ukon ang naasayn nga manuglaygay regular nga nagamiting sa Primary president.

Ang bishop kag ang iya mga manuglaygay regular nga nagasulod sa Primary.

12.3.2

Primary Presidency

Naga-call kag naga-set apart ang bishop sang hamtong nga babayi para magserbisyo bilang Primary president.

Sa gamay nga yunit, pwede nga ang Primary president lang ang i-call nga lider sa Primary. Sa sini nga kaso, nagabuligay sia kag ang mga ginikanan sa pag-organisar sang mga leksyon, oras sang pagkinanta, kag aktibidades. Kon dako ang yunit, pwede nga magdugang sang mga calling sa sini nga pasunod: mga manuglaygay, music leader, mga titser kag lider sa nursery, sekretarya, kag mga lider sa aktibidades.

Ginabuligan sang Primary presidency ang mga ginikanan nga ihanda ang mga kabataan nga magsulod kag mag-abante sa dalan sang kasugtanan.

Para mahimo ini, pwede ang Primary president mag-asayn sang isa ka miyembro sang pangulohan nga buligan ang mga ginikanan nga ihanda ang ila mga kabataan nga mabunyagan kag makumpirmahan. Pwede ang Primary president mag-asayn sang isa pa ka miyembro sang pangulohan nga buligan ang mga ginikanan sa pagpanghanda para sa templo kag priesthood sang ila kabataan.

Ang Primary president may masunod pa nga mga responsibilidad. Ginabuligan sia sang iya mga manuglaygay.

Magserbisyo sa ward council.
Maghiwat sang regular nga mga miting sa Primary presidency kag magkigkita sa bishop ukon sa iya naasayn nga manuglaygay.
Magbulig sa pagplano sang mga programa sa bunyag sang children of record kon pangabayon (tan-awa sa 18.7.2).
Magplano kag magpamuno sang pagsugod sang mga klase sang Primary kon Domingo.
Magminister sa kada bata, mga titser, kag mga lider sa Primary.
Magtudlo sa mga lider kag titser sang Primary sang ila mga responsibilidad kag suportahan sila sa sini nga mga responsibilidad paagi sa paghanas sa ila sa ila mga calling (tan-awa sa Pagtudlo sa Paagi sa Manluluwas [2016], 38).
Magdumala sang mga rekord, report, badyet, kag pinansyal sang Primary.

12.3.4

Music Leader kag Pianist

Ang music leader kag pianist nagatudlo sa kabataan sang ebanghelyo ni Jesucristo paagi sa musika sa oras sang pagkinanta.

Kon wala sang pianist ukon piano, pwede ang mga lider maggamit sang mga recording.

12.3.5

Mga Titser kag mga Lider sang Nursery

Ang Primary presidency nagarekomenda sa bishopric sang mga lalaki kag babayi nga magserbe nga mga titser kag nursery leader sa Primary. Ini nga mga miyembro ginatawag nga magtudlo kag magminister sa partikular nga pangidaron sang kabataan.

Ang mga titser kag nursery leader nagatudlo halin sa libro nga Come, Follow Me—For Primary [Dali, Magsunod sa Akon—Para sa Primary (mga edad 3–11) kag Behold Your Little Ones (nursery).

12.3.6

Mga Activity Leader

Ang mga lider sang aktibidades sa Primary nagaminister sa kabataan samtang nagaplano sila sang pagserbisyo kag aktibidades pagsugod sang Enero sa tuig nga magaedad 8 ang kabataan (tan-awa sa 12.2.1.3). Ang pagserbisyo kag aktibidades nagatutok sa buluhaton sang kaluwasan kag pangkahitaasan. Makalilingaw ang mga ini kag makagalanyat.

12.5

Dugang nga mga Pagsulundan kag Polisiya

12.5.1

Pag-amlig sang mga Kabataan

Kon makigsimpon ang mga hamtong sa mga kabataan sa Simbahan, dapat may ara gid sang duha ka responsable nga mga hamtong.

Ang tanan nga mga hamtong nga nagatrabaho upod sa mga kabataan kinahanglan makatapos sang children and youth protection training sa sulod sang isa ka bulan pagkatapos nga ma-sustain (ProtectingChildren.ChurchofJesusChrist.org).