մարդիկ զրուցում են

14.

Ամուրի անդամները

14.0

Նախաբան

Դեռ չամուսնացած, ամուսնալուծված կամ այրի տղամարդիկ և կանայք Եկեղեցու անդամության զգալի մասն են կազմում: Բոլորի համար կարևոր է հույս գտնել Հիսուս Քրիստոսի Քավության միջոցով (տես Եթեր 12.4): Հետևյալ հավերժական ճշմարտությունները կարող են օգնել զարգացնել այդպիսի հույսը.

• Սուրբ գրություններն ու վերջին օրերի մարգարեները հաստատում են, որ յուրաքանչյուր ոք, ով հավատարիմ է ավետարանական ուխտերը պահելու գործում, վեհացման հնարավորություն կունենա:

• Վեհացման օրհնությունների ստացման ստույգ ժամանակը և եղանակը հայտնի չեն։ Սակայն դրանք երաշխավորված են (տես Մոսիա 2․41)։

• Տիրոջը սպասելը ենթադրում է շարունակական հնազանդություն և հոգևոր առաջընթաց դեպի Նա (տես Եսայիա 64․4)։

• Աստված Իր բոլոր զավակներին առաջարկում է հավերժական կյանք: Բոլոր նրանք, ովքեր արժանի են Փրկչի ներման ողորմած պարգևին և ապրում են Նրա պատվիրաններով, կստանան հավերժական կյանք: (Տես Մոսիա 26.30, Մորոնի 6.8:)

• Այս հավաստիացումների հանդեպ վստահությունը հիմնված է Հիսուս Քրիստոսի հանդեպ հավատքի վրա: Նրա շնորհով մահկանացու կյանքին վերաբերող բոլոր բաները ճիշտ են դարձվում (տես Ալմա 7.11–13):

Տերը կարիք ունի, որ բոլոր անդամները իրենց ծխերում և ցցերում օգնեն փրկության աշխատանքում (տես Ա Կորնթացիս 12.12–27): Առաջնորդվելով Հոգուց՝ ամուրի անդամները ղեկավարման և ուսուցման կոչումներ են ստանում:

Այս գլխում.

• «Ամուրի անդամները» վերաբերում է Եկեղեցու բոլոր չափահաս անդամներին, որոնք ներկայումս ամուսնացած չեն:

• «Երիտասարդ ամուրիները» վերաբերում է 18-30 տարեկաններին:

• «Չափահաս ամուրիները» վերաբերում է 31 և բարձր տարիքի մարդկանց։

14.1

Միայնակ անդամներ աշխարհագրական միավորներում

14.1.1

Ցցի ղեկավարություն

14.1.1.2

Ցցի երիտասարդ ամուրիների և չափահաս ամուրիների հանձնախմբեր

Ցցի նախագահությունը ստեղծում է երիտասարդ ամուրիների հանձնախումբ:

Ցցի նախագահությունը կարող է նաև ստեղծել չափահաս ամուրիների հանձնախումբ:

Հանձնախմբերը ձգտում են աջակցել անդամներին ընկերությամբ և փրկության ու վեհացման աշխատանքին մասնակցելու հնարավորությունների միջոցով (տես 14.2):

14.1.2

Ծխի ղեկավարություն

14.1.2.1

Եպիսկոպոսություն

Եպիսկոպոսությունը առանցքայի դեր է կատարում ամուրի անդամներին փրկության և վեհացման աշխատանքում ներգրավելու գործում: Նրանք աշխատում են ծխի խորհրդի հետ՝ գտնելու պիտանի կոչումներ և հանձնարարություններ ամուրի անդամների համար: Նրանք ծանոթանում և ձգտում են բավարարել ամուրի ծնողների կարիքները:

• Եպիսկոպոսության անդամը հանդիպում է բոլոր երիտասարդ ամուրիների հետ առնվազն տարին մեկ անգամ:

• Եպիսկոպոսությունը կարող է կազմակերպել ծխի երիտասարդ ամուրիների հանձնախումբ:

14.1.2.2

Երիտասարդ ամուրիներին կցված Երեցների քվորումի և Սփոփող միության նախագահության անդամները

Երեցների քվորումի և Սփոփող միության նախագահներից յուրաքանչյուրը կարող է նշանակել իրենց նախագահության անդամներից որևէ մեկին՝ աջակցելու երիտասարդ ամուրիներին։ Նախագահության այս անդամները իմանում են երիտասարդ ամուրիների ուժեղ կողմերը և օգնում են բավարարել նրանց կարիքները:

Երեցների քվորումի նախագահը և Սփոփող միության նախագահը կարող են այս ջանքերի մասին զեկուցել ծխի խորհրդի ժողովում:

14.1.2.3

Երիտասարդ ամուրիների ղեկավարները

Շատ երիտասարդ ամուրիներ ունեցող ծխում եպիսկոպոսությունը կարող է երիտասարդ ամուրի տղամարդու և կնոջ կանչել որպես երիտասարդ ամուրիների ղեկավարներ: Նրանց պարտականություններն են.

• Օգնել երիտասարդ ամուրիներին մասնակցել փրկության և վեհացման աշխատանքին (տես 1․2)։

• Ծառայել ցցի երիտասարդ ամուրիների հանձնախմբում։

• Ղեկավարել ծխի երիտասարդ ամուրիների հանձնախմբերը, եթե այդպիսիք ստեղծվեն:

• Պարբերաբար հանդիպել երեցների քվորումի նախագահության և Սփոփող միության նախագահության հետ: Այս ժողովներում նրանք քննարկում են երիտասարդ ամուրիների ուժեղ կողմերը և թե ինչպես բավարարել նրանց կարիքները: Նրանք նաև կենտրոնանում են երիտասարդ ամուրիներին սպասավորելու վրա:

14.2

Մասնակցել փրկության և վեհացման աշխատանքին

14.2.1

Ապրել Հիսուս Քրիստոսի ավետարանով

14.2.1.1

Ընտանեկան երեկո և ավետարանի ուսումնասիրություն

Այն ղեկավարները կամ անդամները, որոնք ցանկանում են մասնակցել, կարող են կազմակերպել ընտանեկան երեկոների մեկ կամ մի քանի խմբեր՝ չափահաս ամուրիների և երիտասարդ ամուրիների այլ խմբերի համար:

14.2.1.3

Միջոցառումներ

Ծխի կամ ցցի ղեկավարների ղեկավարության ներքո երիտասարդ ամուրիները կարող են պլանավորել և մասնակցել հատուկ իրենց համար նախատեսված միջոցառումներին: Օրինակները կարող են ներառել.

• Տաճարային այցելություններ։

• Ընտանեկան պատմության աշխատանք։

• Կիսվել ավետարանով։

• Համայնքային ծառայություն։

• Երաժշտական և մշակութային միջոցառումներ։

• Սպորտ։

Ցցի ղեկավարների ղեկավարության ներքո չափահաս ամուրիները կարող են պլանավորել նմանատիպ միջոցառումներ ցցի մակարդակում: