mga tawo nga nag-istorya

14.

Dili Minyo nga Mga Miyembro

14.0

Pasiuna

Ang mga lalaki ug mga babaye nga wala pa maminyo o kinsa nagdiborsiyo o nabalo naglangkob sa ubay-ubay nga bahin sa mga miyembro sa Simbahan. Importante nga ang tanan makakaplag og paglaom pinaagi sa Pag-ula ni Jesukristo (tan-awa sa Ether 12:4). Ang mosunod nga mahangtorong mga kamatuoran makatabang nga mapalambo kana nga paglaom:

• Ang mga kasulatan ug ang mga propeta sa ulahing mga adlaw nagpamatuod nga ang tanan kinsa matinud-anon sa pagtuman sa mga pakigsaad sa ebanghelyo adunay oportunidad alang sa kahimayaan.

• Ang tukma nga panahon ug pamaagi diin ang mga panalangin sa kahimayaan ihatag wala pa ipadayag ang tanan. Apan bisan pa man kini sigurado (tan-awa sa Mosiah 2:41).

• Ang paghulat sa Ginoo nagpasabot og padayon nga pagkamasulundon ug espirituhanong pag-uswag paingon Kaniya (tan-awa sa Isaias 64:4).

• Ang Dios nagtanyag og kinabuhing dayon ngadto sa tanan Niya nga mga anak. Ang tanan nga kwalipikado sa maloloy-on nga gasa sa Manluluwas sa pagpasaylo ug nagsunod sa Iyang mga sugo makadawat og kinabuhing dayon. (Tan-awa sa Mosiah 26:30; Moroni 6:8.)

• Ang pagsalig niini nga mga kasiguroan naggikan sa hugot nga pagtuo diha ni Jesukristo. Pinaagi sa Iyang grasya, ang tanang butang nga may kalabotan sa pagkamortal napahimutang sa saktong paagi (tan-awa sa Alma 7:11–13).

Ang Dios nanginahanglan sa tanang miyembro nga motabang diha sa Iyang buhat sa kaluwasan diha sa ilang mga ward ug mga stake (tan-awa sa 1 Mga Taga-Corinto 12:12–27). Kon gigiyahan sa Espiritu, ang dili minyo nga mga miyembro tawagon ngadto sa mga katungdanan sa pagpangulo ug pagtudlo.

Dinhi nga kapitulo:

• Ang “dili minyo nga mga miyembro” nagpasabot ngadto sa tanang hamtong nga mga miyembro sa Simbahan nga sa kasamtangan wala pa maminyo.

• Ang mga “young single adult” nagpasabot niadtong nag-edad og 18–30.

• Ang mga “single adult” nagpasabot niadtong nag-edad og 31 ug pataas.

14.1

Dili Minyo nga mga Miyembro diha sa Kaugalingong mga Yunit

14.1.1

Pagpangulo sa Stake

14.1.1.2

Mga Komitiba sa Young Single Adult ug sa Single Adult sa Stake

Ang kapangulohan sa stake maghimo og komitiba sa young single adult sa stake.

Ang kapangulohan sa stake mahimo usab nga mag-organisar og komitiba sa single adult.

Ang mga komitiba magtinguha sa pagsuporta sa mga miyembro pinaagi sa pagpakighigala ug sa mga oportunidad sa pag-apil sa buhat sa kaluwasan ug kahimayaan (tan-awa sa 14.2

14.1.2

Pagpangulo sa Ward

14.1.2.1

Bishopric

Ang bishopric mao ang yawe sa pagpaapil sa dili minyo nga mga miyembro sa buhat sa kaluwasan ug kahimayaan. Sila makigtinabangay sa konseho sa ward sa pagpangita og makahuloganon nga mga calling ug mga buluhaton alang sa dili minyo nga mga miyembro. Sila moila ug maningkamot sa pagtabang nga matubag ang mga panginahanglan sa nag-inusara nga mga ginikanan.

• Ang usa ka sakop sa bishopric makigkita sa matag young single adult labing minos kausa sa usa ka tuig.

• Ang bishopric mahimong mag-organisar og komitiba sa mga young single adult sa ward.

14.1.2.2

Mga Sakop sa Kapangulohan sa Korum sa mga Elder ug sa Relief Society nga Gisangon ngadto sa mga Young Single Adult

Ang mga presidente sa korum sa mga elder ug sa Relief Society mahimong mosangon og usa ka sakop sa ilang mga kapangulohan sa pagsuporta sa mga young single adult. Kini nga mga sakop sa kapangulohan magkat-on bahin sa mga kalig-on sa mga young single adult ug motabang nga matubag ang ilang mga panginahanglan.

Ang presidente sa korum sa mga elder ug ang presidente sa Relief Society mahimong mo-report niini nga mga paningkamot sa miting sa konseho sa ward.

14.1.2.3

Mga Lider sa mga Young Single Adult

Sa usa ka ward nga adunay daghang young single adult, ang bishopric mahimong motawag og young single adult nga lalaki ug babaye isip mga lider sa mga young single adult. Ang ilang mga responsibilidad naglakip sa:

• Pagtabang sa mga young single adult nga moapil sa buhat sa kaluwasan ug kahimayaan (tan-awa sa 14.2).

• Pagserbisyo diha sa komitiba sa young single adult sa stake.

• Pagdumala sa komitiba alang sa young single adult sa ward kon adunay usa nga naporma.

• Pakigmiting kanunay sa kapangulohan sa korum sa mga elder ug sa kapangulohan sa Relief Society. Niini nga mga miting, sila maghisgot sa mga kalig-on sa mga young single adult ug kon unsaon nga matubag ang ilang mga panginahanglan. Sila mopokus usab sa pagpangalagad ngadto sa mga young single adult.

14.2

Pag-apil sa Buhat sa Kaluwasan ug Kahimayaan

14.2.1

Pagsunod sa Ebanghelyo ni Jesukristo

14.2.1.1

Home Evening ug Pagtuon sa Ebanghelyo

Ang mga lider o mga miyembro kinsa nagtinguha nga moapil mahimong mag-organisar og usa o daghan pang grupo sa home evening alang sa mga single adult ug laing mga grupo alang sa mga young single adult.

14.2.1.3

Mga Kalihokan

Ubos sa direksyon sa mga lider sa ward o stake, ang mga young single adult mahimong magplano ug moapil sa mga kalihokan nga alang lamang nila. Ang mga ehemplo mahimong maglakip sa:

• Mga pagbisita sa templo.

• Buhat sa family history.

• Pagpakigbahin sa ebanghelyo.

• Pagserbisyo sa komunidad.

• Mga kalihokan bahin sa musika ug kultura.

• Mga sport.

Ubos sa direksyon sa mga lider sa stake, ang mga single adult mahimong magplano og susama nga mga kalihokan diha sa lebel sa stake.