14.

Membwa Aika Tuai ni Iein

14.0

Kabwarabwaraana

Mwaane ao Aine aika tuai ni iein ke a raure ke aika mate buuia a karekea te mwaiti ae kakaawaki ni kaainakin te Ekaretia. E kakawaki ibukiia aomata ni kabane bwa a na kunea te kantaninga rinanon Ana Mwakuri ni Kamaiu Iesu Kristo (taraa Ita 12:4). Koaua aika akea tokiia aikai a kona n ibuobuoki ni karikirakea te kantaninga anne:

• Booki aika tabu ao burabeti ni boong aika kaitira a kamatoa bwa ni kabane ake a kakaonimaki ni kawakin ana berita te euangkerio aika tabu a na kona ni karietataaki.

• Ningai raoi taina ao te anga are a na karekeaki iai kakabwaia n te karietataaki a tuai bane ni kaotaki. Ma a kakoauaaki bwa a na bon riki (taraa Motiaea 2:41).

• Te tataninga nakon te Uea e nanonaki bwa te ongotaeka ae teimatoa ao te kekeiaki n tamnei Nakoina (taraa Itaia 64:4).

• E anga te Atua te maiu ae akea tokina nakoia Natina ni kabane. Ni kabane ake a tau ni karekea ana bwaintituaraoi ni kabwarabure te Tia Kamaiu ao ni maiuakin Ana tua a na karekea te maiu ae akea tokina. (Taraa Motiaea 26:30; Moronaai 6:8.)

• Te aki nanokokoraki ni koaua aikai aanaki n te onimaki iroun Iesu Kristo. Man Ana nanoanga, ao a kanakoraoaki bwaai ni kabane n te maiu aei (taraa Aramwa 7:11–13).

E kainnanoia membwa ni kabane te Atua bwa a na ibuobuoki n aia mwakuri ni kamaiu n aia uoote ao n aia titeiki (taraa 1 I-Korinto 12:12–27). N aron are kairaki iroun te Tamnei, membwa aika tuai iein a weteaki nakon nakoa ni kairiiri ao n tia reirei.

Inanon te mwakoro aei:

• “Membwa aika a tuai ni iein” e kaineti nakoia kaain te Ekaretia aika ikawai aika a tuai ni iein.

• “Kairake ni ikawai aika a tuai ni iein” e kaineti nakoia aika 18–30 aia ririki.

• “Ikawai aika tuai iein” e kaineti nakoia aika 31 aia ririki ao iaona riki.

14.1

Membwa aika Tuai Iein Inanon Iunite n Aono nako

14.1.1

Kairiiri n te Titeiki

14.1.1.2

Komete Ibukiia Kairake ni Ikawai aika Tuai Iein ao Ikawai aika Tuai Iein n te Titeiki

Te beretitentii n te titeiki e na katea te komete ibukiia kairake ni ikawai aika tuai n iein.

Te titeiki beretitentii e kona naba ni katea aia komete ikawai aika tuai ni iein.

Komete aikai a kataia ni boutokaia membwa rinanon te iraorao ao aanga ni ira buakon te mwakuri ni kamaiu ao ni karietataaki (taraa 14.2

14.1.2

Kairiiri n te Uoote

14.1.2.1

Bitiobiriki

Taben te bitiobiriki bon katabeaia membwa aika tuai iein inanon te mwakuri ni kamaiu ao ni karietataaki. A mwakuri ma kauntira n te uoote n atai wewete ao katabeakiia aika a uaana membwa aika tuai iein. A kinai ao ni kataia ni buoka kainnanoia kaaro aika akea buuia.

• E na marooro te membwa n te bitiobiriki ma kairake n ikawai aika a tuai ni iein n tatabemaniia teuana te tai n te ririki.

• Te bitiobiriki e na kona ni katea naba aia komete kairake n ikawai aika tuai ni iein n te uoote.

14.1.2.2

Aia Kooram Unimwaane ao te Beretitentii n te Bootaki n Aine a Katabeaki nakoia Kairake n Ikawai Aika Tuai ni Iein

Te beretitenti n te kooram n unimwaane ao te Bootaki n Aine a kona ni mwiokoa temanna kaain aia beretitentii bwa a na boutokaia kairake ni ikawai aika a tuai ni iein. Kaain te beretitentii aikai ana reiakin korakoraia aia kairake n ikawai aika a tuai ni iein ao ni buokiia ni karekei kainnanoia.

Te beretitenti n aia kooram unimwaane ao te beretitenti n te Bootaki n Aine ana ribooti iaon te mwakuri aio inanon boowin kauntira n te uoote.

14.1.2.3

Taan kairiiri irouia Kairake n Ikawai Aika Tuain ni Iein

Inanon te uoote ae a mwaiti iai kairake n ikawai aika a tuai ni iein, e kona te bitobiriki ni wetea temanna mai ibuakoia kairake n ikawai aika a tuai ni iein ae te mwaane ke te aine bwa e na mataniwi irouia kairake n ikawai aika a tuai ni iein. Aikai naba tabeia:

• Buokaia kairake n ikawai aika tuai n iein bwa a na ira waakin te mwakuri ni kamaiu ao te karietataaki (taraa 14.2).

• Te beku n aia komete kairake n ikawai aika a tuai ni iein n te titeiki.

• E na kaira aia komete kairake n ikawai aika tuai ni iein ngkana iai ae e a tia n tei.

• Teboowi n tainako ma te beretitentii n aia kooram unimwaane ao te beretitentii n aia Bootaki Aine. Inanon boowi aikai, a na marooroakin korakoraia kairake n ikawai aika a tuai ni iein ao aron buokaia ni kaitarai kainnanoia. A kabanea naba aia tai iaon te mwakuri n ibuobuoki nakoia kairake ni ikawai aika a tuai iein.

14.2

Karaoan te Mwakuri ni Kamaiu ao te Karietataaki

14.2.1

Maiuakinan Ana Euangkerio Iesu Kristo

14.2.1.1

Bootaki n te Tairiki ao Kamatebwaian te Euangkerio

Taan kairiri ke membwa ake iai nanoia ni kan iria a kona ni bairea teuana ke e raka riki kurubu ibukin bootaki n te tairiki ibukiia ikawai aika a tuai ni iein ao kurubu tabeua ibukiia kairake ni ikawai aika a tuai iein.

14.2.1.3

Waaki ni Kakukurei

Iaan ana kairiri te tia kairiri n te uoote ke te titeiki, a kona kairake n ikawai aika a tuai ni iein ni bairei ao n irii waaki ni kakukurei ake a kaineti ibukiia. A kona katooto n aron aikai ni karinaki:

• Kawaran te tembora.

• Rongorongon te mwakuri n te utu.

• Tibwaua te euangkerio.

• Mwakuri n Ibuobuoki n te Komiuniti.

• Katangitang ao Katei.

• Takakaro.

Iaan aia kairiri taan kairiri n te titeiki, ikawai ake a tuai iein a kona ni iangoi waaki ni kakukurei aika bon titebo ma ake n ana karinan te titeiki.