“13. Te Reirei n Tabati,” Ake a Rineaki man te Aeniboki ni Kabuta (2023).
“13. Te Reirei n Tabati,” Ake a Rineaki man te Aeniboki ni Kabuta
13.
Reirei n Tabati
13.1
Kantaninga
Taan kairiiri n te Reirei n Tabati, taan reirei, ao kiraati:
-
A kakorakora te onimaki iroun Tamara are i Karawa ao Iesu Kristo man reiakinan “reirein te abanuea” (Reirei ao Berita aika Tabu 88:77).
-
Reiakinan ao reirein te euangkerio ae boboto n te mweenga ao e boutokaaki n te Ekaretia.
-
E buokiia membwa n anga reirei n ana kawai te Tia Kamaiu.
13.2
Kairiiri n te Reirei n Tabati n te Uoote
13.2.1
Bitiobiriki
Te bitiobiriki e tararua te Reirei n Tabati. N angiin te tai ao te bitiobi e mwiokoa temanna ana kauntira bwa e na karaoa te tabe aei iaan ana kairiiri.
13.2.2
Beretitenti ibukin te Reirei n Tabati
13.2.2.1
Wetean te Beretitenti n te Reirei n Tabati
Te bitiobi e wetea ao e kaokoroa temanna ae iai irouna te Nakoanibonga ae te Merekitereka bwa te beretitenti n te Reirei n Tabati. Ngkana a kainnanoaki kauntira, ao ngkana e tau mwaitia mwaane ni beku n nakoa aikai, te beretitenti n te Reirei n Tabati e na uotarake temanna ke uoman ana kauntira.
13.2.2.2
Taabe
-
Ngaia kaain te kauntira n te uoote.
-
E tararuai waaki ni katamaroa iaon reiakinan ao te anga reirei n te euangkerio n te mwenga ao n te taromauri.
-
E anga araia membwa aika ikawai nakon te bitiobiriki bwa a na beku bwa taan reirei n te Reirei n Taabati.
-
E boutokaia, e kaungaia, ao e reireiniia taan reirei n te Reirei n Taabati.
-
E kairi aia bowi ni kauntira taan reirei ngkana e mwiokoaki iroun te bitiobi (taraa Reirei n Ana Kawai te Tia Kamaiu, 3).
13.2.3
Taan reirei n te Reirei n Tabati
N aia katauraoi n anga reirei, taan reirei n te Reirei n Tabati a kabonganai booki aika a tabu, Nakomai, Iriirai—Ibukiia Aomata n Tatabemaniia ao Utuao Nakomai, Iriirai—Ibukin te Reirei n Tabati
13.3
Kiraati n Reirei n Tabati
Kiraati n te Reirei n Tabati a karaoaki ni moan ao kateniuan Tabatin te namwakaina.
N ana kariaia te bitiobiriki, E kona te beretitenti n te Reirei n Tabati ni bairei aia kiraati ikawai ao te roronrikirake.
E riai n iai uoman ikawai n aia kiraati nako te roronrikirake.
Ni kabane ikawai ake a mwakuri ma kairake a riai ni kabwanina anaan te reirei ibukin kamanoaia ataei ao kairake teuana te namwakaina man te tai are a kamatoaaki iai (ProtectingChildren.ChurchofJesusChrist.org
13.4
Karikirakean te Reiakinaki ao te Angareirei inanon te Uoote
A katabeaki taan kairiiri n te uoote ni katamaroa te reirei ao te anga reirei n aia bootaki nako. A kona ni karekea buokaia iroun te beretitenti n te Reirei n Tabati ngkana a kainnanoia.
13.5
Kamataroan te Reirei ao te Anga Reirei n te Mwenga
A katabeaki kaaro bwa a na reirei te euangkerio nakoia natiia. A kona ni butiia te beretitenti n te Reirei n Taabati bwa e na katamaroa aron aia anga reirei.