tagata o loo talanoa

14.

Tagata Nofofua o le Ekalesia

14.0

Faatomuaga

O se vaega toatele naua o le faitau aofai o le Ekalesia, o alii ma tamaitai e le’i faaipoipo po ua tatala foi ia faaipoipoga pe ua maliliu taitoalua. E taua mo tagata uma ona maua le faamoemoe e ala i le Togiola a Iesu Keriso (tagai i le Eteru 12:4). O upumoni nei e faavavau e mafai ona fesoasoani e atiina ae lena faamoemoe:

• Ua faamautu mai e tusitusiga paia ma perofeta o aso e gata ai e faapea o tagata uma o e faamaoni i le tausiga o feagaiga o le talalelei o le a maua le avanoa mo le faaeaga.

• O le taimi tonu ma le ala e faaee atu ai faamanuiaga o le faaeaga e lei faaalia uma mai. Ae ui i lea, ua faamautinoa mai lava i latou (tagai i le Mosaea 2:41).

• O le faatalitali i le Alii e aofia ai le usiusitai faifai pea ma le alualu i luma faaleagaga e agai atu ia te Ia (tagai i le Isaia 64:4).

• Ua ofoina mai e le Atua le ola e faavavau i Ana fanau uma. O i latou uma o e agavaa mo le meaalofa tunoa a le Faaola o le faamagaloga ma ola i Ana poloaiga o le a maua le ola e faavavau. (Tagai i le Mosaea 26:30; Moronae 6:8.)

• O le talitonu mautinoa i nei faamautinoaga e mauaa i le faatuatua ia Iesu Keriso. E ala i Lona alofa tunoa, ua faatulaga sa’o ai mea uma e faatatau i le olaga faitino (tagai i le Alema 7:11–13).

E manaomia e le Atua tagata uma o le ekalesia e fesoasoani i Lana galuega mo le faaolataga i a latou uarota ma siteki (tagai i le 1 Korinito 12:12–27). Pe a taitaiina ai e le Agaga, e valaauina tagata nofofua o le ekalesia i tofiga faaleautaitai ma faafaiaoga.

I le mataupu lenei:

• O “tagata nofofua o le Ekalesia” e faasino i tagata matutua uma o le Ekalesia o e e le o faaipoipo i le taimi nei.

• O “talavou nofofua matutua” e faasino ia i latou o tausaga 18–30.

• O “tagata matutua nofofua” e faasino ia i latou e 31 tausaga ma matutua atu.

14.1

Tagata Nofofua o le Ekalesia i Iunite Faalefaafanua.

14.1.1

Taitaiga i le Siteki

14.1.1.2

O Komiti a Talavou Nofofua Matutua ma le Au Nofofua Matutua

E fatu e le au peresitene o le siteki se komiti a le au matutua nofofua i le siteki.

E mafai foi e le au peresitene o le siteki ona faatulaga se komiti a le au matutua nofofua.

E saili komiti e lagolago tagata e ala i faauoga ma avanoa e auai ai i le galuega o le faaolataga ma le faaeaga (tagai i le 14.2

14.1.2

Taitaiga o le Uarota

14.1.2.1

Au Epikopo

O le au epikopo o le ki lea i le faaauai o tagata nofofua i le galuega o le faaolataga ma le faaeaga. Latou te galulue ma le aufono a le uarota e faailoa mai ni valaauga anoa ma tofiga mo tagata nofofua. Latou te aloaia ma tauivi e fesoasoani e faafetaiaia manaoga o matua nofotoatasi.

• E feiloai se tasi o le au epikopo ma talavou nofofua matutua taitasi ia le itiiti ifo ma le faa-tasi i le tausaga.

• E mafai e le au epikopo ona faatulaga se komiti talavou nofofua matutua a le uarota.

14.1.2.2

O Sui o le Au Peresitene o le Korama a Toeaina ma le Aualofa ua Tofia i Talavou Nofofua Matutua

E mafai e peresitene o le korama a toeaina ma le Aualofa ona tofia se tasi o o latou au peresitene e lagolago atu i talavou nofofua matutua. E aoao e nei sui auai o le au peresitene ia malosiaga o talavou nofofua matutua ma fesoasoani e faafetaiaia o latou manaoga.

E mafai e le peresitene o le korama a toeaina ma le peresitene o le Aualofa ona lipoti atu nei taumafaiga i le fonotaga a le aufono a le uarota.

14.1.2.3

Taitai o Talavou Nofofua Matutua

I se uarota e toatele talavou nofofua matutua, e mafai e le au epikopo ona valaau se alii ma se tamaitai talavou nofofua matutua e avea o ni taitai o talavou nofofua matutua. O o la tiutetauave e aofia ai le:

• Fesoasoani i talavou nofofua matutua ia auai i le galuega o le faaolataga ma le faaeaga (tagai i le 14.2).

• Auauna atu i le komiti a talavou nofofua matutua a le siteki.

• Taitaiina o le komiti a talavou nofofua matutua a le uarota pe afai ua faatulaga se komiti.

• Fono e le aunoa ma le au peresitene o le korama a toeaina ma le au peresitene o le Aualofa. I nei fonotaga, latou te talanoaina ai malosiaga o talavou nofofua matutua ma le auala e fesoasoani ai e faafetaia’ia o latou manaoga. Latou te taulai atu foi i le auaunaga i talavou nofofua matutua.

14.2

Auai i le Faatinoina o le Galuega o le Faaolataga ma le Faaeaga

14.2.1

Ola i le Talalelei a Iesu Keriso

14.2.1.1

Afiafi Faaleaiga ma le Suesuega o le Talalelei

O taitai po o tagata o le ekalesia e mananao e auai, e mafai ona faatulagaina se afiafi faaleaiga se tasi pe sili atu foi mo tagata matutua nofofua ma isi vaega mo talavou nofofua matutua.

14.2.1.3

Gaoioiga

I lalo o le taitaiga a taitai o le uarota po o le siteki, e mafai e talavou nofofua matutua ona fuafua ma auai i gaoioiga faapitoa mo i latou. O faataitaiga e mafai ona aofia ai:

• Asiasiga i le malumalu.

• Galuega o talafaasolopito o aiga.

• Faasoaina atu o le talalelei.

• Auaunaga i le alalafaga.

• Musika ma gaoioiga faaleaganuu.

• Taaloga.

I lalo o le taitaiga a taitai o le siteki, e mafai e le au matutua nofofua ona fuafua ni gaoioiga faapena i le tulaga faalesiteki.