“15. Tieminari ao Intitute n Taekan te Aro,” Ake a Rineaki man te Aeniboki ni Kabuta (2023).
“15. Tieminari ao Intitute n Taekan te Aro,” Ake a Rineaki man te Aeniboki ni Kabuta
15.
Tieminari ao Intitute n Taekan te Aro
15.0
Moantaeka
Tieminari ao Intitiute n Taekan te Aro (T&I) e buokiia kaaro ao taan kairiiri n te Ekaretia ni buokiia kairake ao ikawai ni karikirakea aia onimaki iroun Iesu Kristo ao Ana euangkerio ae kaokaki.
Te tia tei n te T&I e katabeaki n titeiki nako ni buokiia taan kairiiri ni karaoi T&I burokuraem.
15.1
Tieminari
Te tieminari bon te burokuraem ae aua ririkina ike kairake a kamatebwaia Ana euangkerio Iesu Kristo ae kaokaki n aron are a kuneaki ni koroboki aika tabu ao n aia taeka burabeti ni bong aika kaitira. Ataein te tieminari a bwaka iaan 14–18 te ririki.
Te bitiobiriki, taan kairiiri irouia kairake, beretitentii ni kooram ao ni kiraati a kaungaia kairaike ni kabane bwa a na ira te tieminari.
15.1.1
Taan Reirei
Taan reirei n te tieminari bon kaain te Ekaretia are iai aia onimaki iroun Iesu Kristo ao aia koaua n Ana euangkerio are kaokaki. A riai ni maiuakin reirei ake a reiakin ao ni mwakuri raoi ma kairake. Ngkana e kona, a riai taan reirei ni iai aia beeba ni kariaia nakon te tembora ae tuai bane taina.
Te membwa n te beretitentii n te titeiki ke te kauntira ae rietaata ae katabeaki e wetea, kamatoa, ao ni kamotirawaia taan reirei n te tieminari ibukin te titeiki ao tubwawaitia n titieki
Ni kamanoaia taan reirei ao ataei, uoman ikawai a riai ni mena n te kateitei ke te mweenga n te tabo are e boo iai te tieminari.
15.1.2
Waakin te Tiemenari aika Kona ni Kataaki
Te tieminari e na rangi n ibuobuoki ngkana ataei a kaitibo ma te tia reirei ni katoa wiiki. Ma, ngkana e aki kona ni karaoaki aei n iteran mauria aomata, te raroa, ao bwaai riki tabeua.
Taan kairiiri n te Ekaretia a marooro ma aia tia tei n te T&I n motikia bwa te waaki raa ae na:
-
Rangi ni buokiia ataei n reiakina te euangkerio ao n rikirake n te maiu n tamnei.
-
E kamanoaia ataei.
-
E aki karawawataia utu.
Kiraati a riai n aki karaoaki n te Tabati.
15.1.3
Kateitei, Bwaai ni mwakuri, ao Bwaai n reirei
Taan kairiiri n titeiki ao uoote a taraia bwa taabo n aron taabo n taromauri ke mwengaia membwa a tauraoi ibukin karaoan te tieminari.
Te tia tei n T&I e katauraoi bwaai n reirei ibukiia taan reirei ao ataei ni kiraati nako. Ataei a riai n roko ma oin aia boki aika tabu, boretiaki ke iaon bwaai n rabakau aika boou.
15.1.5
Bwii ao te Angabeba
Ataein te tieminari a kona n tamaroa aia reirei ao n nano rairakiia ngkana a kakaonimaki ni kaea te kiraati, n ira buakon, ao ni kamatebwai koroboki aika tabu i tinanikun te kiraati. Ngkai a karaoi bwaai aikai, a karekea naba aia bwii ni katoa ririki ao a kona n angabeba man te tieminari.
N angabeba ma te tieminari, te ataei e riai ni karekea ana bwii n te aua n ririki ao ni karekea ana kariaia te tia kairiiri mairoun kaain te bitiobiriki.
15.2
Te Intitute
Te intitiute e anga te kiraati ni kamatebwaian te euangkerio ni katoa wiiki are kakorakora te onimaki ao te koaua iroun Iesu Kristo ao Ana euangkerio ae kaokaki. Ni kabane ikawai are bwaka n te ririki 18–30, a riai ni kaungaaki bwa a na kaei kiraati n te intitiute, tao ngkana a reirei ke a aki.
15.3
Reirein te Aro ao Ana Bootaki n Reirei te Ekaretia
Ibukin riki rongorongon ana moanrinan ao ana kauarinan te Ekaretia, BYU–Pathway Worldwide, ao reirei ake a rietaata riki, taraa CES.ChurchofJesusChrist.org. Rongorongo ni kabwaninan kanakoan beba ni kariaia ibukiia ataein te reirei mairouia taan kairiiri ni kaei reirei aikai a kuneaki naba ikanne.
Irarikin anne, rongorongo i aon kanakoan kariaia n te mwakuri mairouia taan kairiiri rinanon te CES Ecclesiastical Clearance Office e kona ni kuneaki n help.ChurchofJesusChrist.org.