dalagita nga nagaalsa sang iya kamot sa klase

15.

Mga Seminary kag Institute of Religion

15.0

Introduksyon

Ang mga Seminary kag Institute of Religion (S&I) nagabulig sa mga ginikanan kag mga lider sang Simbahan sa pagbulig sa mga lamharon kag young adults nga magtubo ang ila pagtuo kay Jesucristo kag sa Iya ginpanumbalik nga ebanghelyo.

Isa ka S&I representante ang naasayn sa kada stake para buligan ang mga lider nga magpatuman sang S&I programa.

15.1

Seminary

Ang seminary apat-katuig nga programa kon sa diin ang mga lamharon nagatuon sang ebanghelyo ni Jesucristo suno sa makita sa balaan nga mga kasulatan kag sa mga pinanudlo sang mga propeta sa ullihing mga adlaw. Ang mga estudyante sa seminary masami nagapangidaron 14–18 anyos.

Ang bishopric, mga lider sang youth, kag mga pangulohan sang korum kag klase nagapaisog sa tagsa ka lamharon nga magpartisipar gid sa seminary.

15.1.1

Mga Titser

Ang mga titser sang seminary dapat mga miyembro sang Simbahan nga may pagtuo kay Ginuong Jesucristo kag may testimonya sang Iya ginpanumbalik nga ebanghelyo. Dapat ginapangabuhi nila ang mga prinsipyo nga ila ginatudlo kag maayo makigbagay sa mga lamharon. Kon posible, ang mga titser dapat may current nga temple recommend.

Isa ka miyembro sang stake presidency ukon naasayn nga miyembro sang high council ang naga-call, naga-set apart, kag naga-release sang mga titser sang seminary sa stake kag mga stake supervisor.

Para proteksyunan ang mga titser kag mga estudyante, duha ka hamtong ang dapat ara sa bilding ukon balay kon diin ginahiwat ang seminary class.

15.1.2

Mga Opsyon sa Seminary

Makabulig gid ang seminary kon ang mga estudyante makapakigkita sa isa ka titser kaisa tagsa ka semana nga wala natuon sa Sabado kag Domingo. Pero, basi indi ini pwede tungod sa peligro, kalayuon, kag iban pa nga konsiderasyon.

Ang mga lider sang Simbahan nagakonsulta sa ila S&I representante para madesisyonan kon diin ang opsyon nga:

• Makabulig gid sa mga estudyante nga magtuon sang ebanghelyo kag magtubo sa espirituhanon.

• Hilway ang mga estudyante sa katalagman.

• Indi makahatag sang kabudlayan sa mga pamilya.

Ang mga klase indi dapat hiwaton sa Domingo.

15.1.3

Mga Bilding, Gamit, kag Materyales

Ang mga lider sang stake kag ward nagasiguro nga ang mga lugar pareho sang mga meetinghouse ukon mga balay sang miyembro bakante para sa mga klase sang seminary.

Ang S&I representante nagahatag sang mga galamiton sang mga titser kag mga estudyante para sa kada klase. Dapat nga magdala ang mga estudyante sang ila kaugalingon nga balaan nga mga kasulatan, nga gin-imprinta ukon digital.

15.1.5

Credit kag Graduation

Ang mga estudyante sang seminary mas makatuon sang maayo kag mapabakod ang ila pagkahaylo kon regular sila nga nagasulod sa klase, nagapartisipar, kag nagatuon sang balaan nga mga kasulatan sa gwa sang klase. Sa paghimo nila sining mga butang, makabaton man sila sang seminary credit kada tuig kag makagradwar sa seminary.

Para maggradwar sa seminary, ang estudyante dapat nga makabaton sang apat ka tuig nga credit kag makabaton sang ecclesiastical nga pag-endorso halin sa isa ka miyembro sang bishopric.

15.2

Institute

Ang institute nagahatag sang semanal nga mga klase sa pagtuon sang ebanghelyo nga nagapabakod sang pagtuo kag testimonya kay Jesucristo kag sa Iya ginpanumbalik nga ebanghelyo. Ang tanan nga young single adult nga nagaedad 18–30 anyos dapat nga paisugon sa pagsulod sa mga klase sang institute, nagaeskwela man sila ukon wala.

15.3

Mga Eskwelahan sang Simbahan kag Church Educational System

Para sa impormasyon parte sa primarya kag sekondarya nga eskwelahan sang Simbahan, BYU–Pathway Worldwide, kag mga institusyon sang mataas nga edukasyon, tan-awa sa CES.ChurchofJesusChrist.org. Impormasyon parte sa pagkompleto sang ecclesiastical nga pag-endorso sa mga estudyante nga magsulod sa sining mga eskwelahan napahamtang man dira.

Dugang pa, ang impormasyon parte sa ecclesiastical nga mga clearance para sa pagpangita sang trabaho paagi sa CES Ecclesiastical Clearance Office makita sa help.ChurchofJesusChrist.org.