երիտասարդ կինը ձեռք է բարձրացնում դասարանում

15.

Սեմինարիաներ և Կրոնի ինստիտուտներ

15.0

Նախաբան

Սեմինարիաները և Կրոնի ինստիտուտները (S&I) օգնում են ծնողներին և Եկեղեցու ղեկավարներին մեծացնել երիտասարդների և չափահաս երիտասարդների հավատքն առ Հիսուս Քրիստոսը և Նրա վերականգնված ավետարանը:

Յուրաքանչյուր ցցի համար նշանակվում է Ս&Ի ներկայացուցիչ՝ օգնելու առաջնորդներին կառավարել Ս&Ի ծրագրերը:

15.1

Սեմինարիա

Սեմինարիան քառամյա ծրագիր է, որի ընթացքում երիտասարդներն ուսումնասիրում են Հիսուս Քրիստոսի ավետարանը, ինչպես գրված է սուրբ գրություններում և վերջին օրերի մարգարեների ուսմունքներում: Սեմինարիայի ուսանողները հիմնականում 14-18 տարեկան են:

Եպիսկոպոսությունը, երիտասարդների ղեկավարները և քվորումի ու դասարանների նախագահությունները խրախուսում են յուրաքանչյուր երիտասարդի լիարժեք մասնակցել սեմինարիային:

15.1.1

Ուսուցիչները

Սեմինարիայի ուսուցիչները պետք է լինեն Եկեղեցու անդամներ, որոնք ունեն հավատք առ Տեր Հիսուս Քրիստոսը և վկայություն` Նրա վերականգնված ավետարանի մասին: Նրանք պետք է ապրեն իրենց ուսուցանած սկզբունքներով և լավ աշխատեն երիտասարդների հետ: Հնարավորության դեպքում ուսուցիչները պետք է ունենան գործող տաճարային երաշխավորագիր:

Ցցի նախագահության անդամը կամ նշանակված բարձրագույն խորհրդականը կանչում է, ի սպաս դնում և ազատում ցցի սեմինարիայի ուսուցիչներին և ցցի ՍԻ ղեկավարներին:

Ուսուցիչներին և ուսանողներին պաշտպանելու համար երկու չափահասներ պետք է ներկա լինեն շենքում կամ տանը, որտեղ ուսուցանվում է սեմինարիայի դասը:

15.1.2

Սեմինարիայի տարբերակները

Սեմինարիան առավել օգտակար է, երբ ուսանողները կարող են ամեն աշխատանքային օր հանդիպել ուսուցչի հետ: Այնուամենայնիվ, դա կարող է անհնարին լինել անվտանգության խնդիրների, ճանապարհի հեռավորության և այլ գործոնների պատճառով:

Եկեղեցու ղեկավարները խորհրդակցում են իրենց Ս&Ի ներկայացուցչի հետ՝ որոշելով, թե որ տարբերակը.

• Լավագույնս կօգնի ուսանողներին սովորելու ավետարանը և աճելու հոգևորապես:

• Կպաշտպանի ուսանողներին:

• Անտեղի չի ծանրաբեռնի ընտանիքներին:

Դասերը չպետք է անցկացվեն կիրակի օրը։

15.1.3

Շենքեր, սարքավորումներ և նյութեր

Ցցերի և ծխերի ղեկավարները հավաստիանում են, որ այնպիսի վայրերը, ինչպիսիք են ժողովատները կամ անդամների տները, հասանելի լինեն սեմինարիայի դասերի համար:

Ս&Ի ներկայացուցիչը յուրաքանչյուր դասարանի համար նյութեր է տրամադրում ուսուցիչներին և ուսանողներին: Ուսանողները պետք է բերեն իրենց տպագիր կամ թվային սուրբ գրությունները։

15.1.5

Միավոր և ավարտական

Սեմինարիայի ուսանողները կարող են ավելի արդյունավետ սովորել և խորացնել իրենց դարձը, եթե նրանք կանոնավոր հաճախեն դասին, մասնակցեն և ուսումնասիրեն սուրբ գրությունները դասից դուրս: Կատարելով այս քայլերը՝ նրանք ամեն տարի կվաստակեն նաև սեմինարիայի միավոր և կկարողանան ավարտել սեմինարիան:

Սեմինարիան ավարտելու համար ուսանողը պետք է չորս տարվա միավոր վաստակի և եպիսկոպոսության անդամից արժանավորության հաստատում ստանա:

15.2

Ինստիտուտ

Ինստիտուտը տրամադրում է ավետարանի ուսումնասիրության դասեր, որոնք ամրացնում են հավատքն ու վկայությունն առ Հիսուս Քրիստոսը և Նրա վերականգնված ավետարանը: 18-30 տարեկան բոլոր երիտասարդ ամուրիներին պետք է քաջալերել հաճախել ինստիտուտի դասերին, անկախ նրանից նրանք հաճախում են համալսարան, թե ոչ:

15.3

Եկեղեցու ուսումնական հաստատությունները և Եկեղեցու կրթական համակարգը

Եկեղեցու հիմնական և միջնակարգ ուսումնական հաստատությունների, BYU – Pathway Worldwide ծրագրի և բարձրագույն կրթության հաստատությունների մասին լրացուցիչ տեղեկություններ ստանալու համար տես CES.ChurchofJesusChrist.orgկայքը։ Արժանավորության հաստատումները լրացնելու մասին տեղեկությունները, որոնք ուսանողներին անհրաժեշտ են այդ ուսումնական հաստատություններ հաճախելու համար, նույնպես տրված են այդ կայքում:

Բացի այդ, CES Ecclesiastical Clearance Office-ի (ԵկՀ արժանավորության հաստատման գրասենյակ) միջոցով աշխատողների արժանավորության հաստատումների մասին տեղեկությունները կարելի է գտնել help.ChurchofJesusChrist.orgկայքում։