18.

Wiewia Tiahk Sarawi kan oh Kapai Kan en Prihsduhd

18.0

Mehn Kapehse

Tiahk sarawi kan oh kapai kan wia mehkot sarawi kei me kin wiawi sang ni manaman en prihsduhd oh ni mwaren Sises Krais. Tiahk sarawi kan oh kapai kan en prihsduhd kin ritingehng kitail sapwelimen Koht manaman (kilang Doctrine and Covenants 84:20).

Doadoahk en tiahk sarawi kan oh kapai kan kin anahne wiawi sang ni atail pwoson Samatail Nanleng oh Sises Krais oh kin idawehn kaweidpen Ngehn Sarawi. Kaun akan kin tehk mwahu me doadoahk pwukat kin wiawi ni mweimwei me pwung (wasahkan me konehng), sang mweimwei en prihsduhd me anahn, ni mwohmw me pwung, oh sang towehkan me warehng (kilang 18.3).

18.1

Tiahk Sarawi kan ong Komour oh Mour Soutuk

Prihsduhd pil kolokol mweimwei en wia tiahk sarawi kan me anahn ong komour oh mour soutuk. Aramas akan kin wiahda inou me sarawi kan ong Koht ni arail kin alehda tiahk sarawi pwukat. Tiahk sarawi kan ong komour oh mour soutuk kileledier pah:

• Pepdais

• Kasarawi en towehla Mwomwohdiso wet oh kisakis en Ngehn Sarawi

• Alahldi en Prihsduhd en Melkisedek oh kasarawiheng ehu ohpis (ong ohl akan)

• Endaumen en nan Tehnpas Sarawi

• Katengetengpene en nan Tehnpas Sarawi

Ma seri men me ipwidi nan inouo mehla mwohn eh lel sounpar 8,[waluh] sohte tiahk sarawi pahn anahne en wiawihong. Ma serio sohte ipwidieng nan inouo, ihte tiahk sarawi me pahn anahn iei en katengetengehng ah pahpa oh nohno. Pwehki Sapwellimen Sounkomouro tompen dihpo, seri koaros me mehla mwohn sounpar 8 [waluh] “alehdier komour nan wein celestial nanleng” (Doctrine and Covenants 137:10; pil kilang Moronai 8:8–12).

18.3

Patehng Doadoahk en Tiahk Sarawi de Kapai

Irail akan me wia de patehng doadoahk en tiahk sarawi de kapai pahn anahne en ahneki mweimwei en prihsduhd me anahno oh irail anahne warehng. Ni oaralap, uwen arail pahn kin warehng pahn duwehte arail pahn kin warehng kolokol temple recommend. Ahpw, sang kaweidpen Ngehn Sarawi oh kaweid kan nan iralaud wet, pisop oh preseden en steik kan kak mweidada papahkan oh ohl akan me arail pwoud pahn ale tiahk sarawi de kapai me kolokol dakehn prihsduhd me anahno en wia de patehng ekei tiahk sarawihkan oh kapai kan mendahte ma irail sohte nohn warehng nan tehnpas sarawi. Ohl emen me kolokol prihsduhd me dipkihda dihp laud me saik epwella sohte konehng patehng.

Mwohn aramas pahn wia de ale ekei tiahk sarawihkan de kapai kan, mweimwei pahn anahne en alahldi sang rehn kaun me kolokol kih en prihsduhd me anahn ong doadoahko (kilang 3.4.1). Ma mie anahnepe, mweimwei pahn kak alahldi sang rehn nah sounsawas me e kamanahieng. Kilang nan chart pwukat. Irehkan me ong preseden en steik pil duwehte ong preseden en misin. Irehkan me ong pisop pil duwehte ong preseden en prans.

Ihs Rehn Kaun Akan me Kolokol Kih en Mweidada Doadoahk de Alahlda en Tiahk Sarawihkan ong Komour oh Mour Soutuk kan?

Tiahk Sarawi	Isime Kolokol Kih kan
Tiahk Sarawi Pepdais	Isime Kolokol Kih kan Pisop (ong irail serihkan me sounpar 8 oh tohn Mwomwohdiso me sounpar 9 oh mahsang me arail pepdais kapwandala pwehki soumwahu en anahn tohrohr en pelien madamadau) Preseden en misin (ong me weliakapwalahkan)
Tiahk Sarawi Kasarawi en towehla Mwomwohdiso wet oh kisakis en Ngehn Sarawi	Isime Kolokol Kih kan Pisop (ong irail serihkan me sounpar 8 oh tohn Mwomwohdiso me sounpar 9 oh mahsang me arail pepdais kapwandala pwehki soumwahu en anahn tohrohr en pelien madamadau) Preseden en misin (ong me weliakapwalahkan)
Tiahk Sarawi Alahldi en Prihsduhd en Melkisedek oh kasarawiheng ehu ohpis (ong ohl)	Isime Kolokol Kih kan Preseden en steik
Tiahk Sarawi Endaumen en nan Tehnpas Sarawi	Isime Kolokol Kih kan Pisop oh preseden en steik
Tiahk Sarawi Katengetengpene en nan Tehnpas Sarawi	Isime Kolokol Kih kan Pisop oh preseden en steik

Ihs Rehn Kaun Akan me Kolokol Kih en Mweidada Doadoahk de Alahlda en Tiahk Sarawihkan me ong Komour oh Mour Soutuk kan?

Tiahk Sarawi de Kapai	Isime Kolokol Kih kan
Tiahk Sarawi de Kapai Kiheng Ahd oh Kapai ong serihkan	Isime Kolokol Kih kan Pisop
Tiahk Sarawi de Kapai Kamadipw Sarawi	Isime Kolokol Kih kan Pisop
Tiahk Sarawi de Kapai Alahldi en Prihsduhd en Melkisedek oh kasarawiheng ehu ohpis (ong mwahnakapw oh ohl akan)	Isime Kolokol Kih kan Pisop
Tiahk Sarawi de Kapai Kasarawihala memper kan en papah nan pwukoah kan	Isime Kolokol Kih kan Tehk 30.8
Tiahk Sarawi de Kapai Kasarawiala Leh	Isime Kolokol Kih kan Sohte anahne alehdi mweimwei
Tiahk Sarawi de Kapai Apwahpwali me Soumwahu kan	Isime Kolokol Kih kan Sohte anahne alehdi mweimwei
Tiahk Sarawi de Kapai Kapai kan en Kaloalamwahu oh Kaweid, iangahki kapai kan me sang rehn pahpa kan	Isime Kolokol Kih kan Sohte anahne alehdi mweimwei
Tiahk Sarawi de Kapai Kasarawih Imwen Peneinei kan	Isime Kolokol Kih kan Sohte anahne alehdi mweimwei
Tiahk Sarawi de Kapai Kasarawih Sousou kan	Isime Kolokol Kih kan Kaun en prihsduhd me moangehda kaudeko
Tiahk Sarawi de Kapai Kapai kan en Peitriark	Isime Kolokol Kih kan Pisop

18.4

Tiahk Sarawihkan ong Seri me Saikinte lel sounpar 18 kan

Seri me saik lel sounpar men kak ale kapai, pepdaisla, kasarawi ong Mwomwohdiso, kasarawiheng ohpis en nan prihsduhd de kasarawiheng pwukoah ma mweimwei pahn alahldi sang rehn (1) pahpa oh nohno me ahneki pwung mehlel en wiahda pilipilo de (2) aramas kan me pwukoahki epwelpe pahn manaman en kosonned.

18.6

Kihong Ede oh Kapaiada Serihkan

Serihkan kin alehdi ederail oh alehdi kapai ni sarawi en kaisihsol oh kadehde nan ward me arail pahpa nohno kin ieiang.

18.6.1

Ihs me Pahn Wia Kapai

Emen me kolokol Prihsduhd en Melkisedek me kin wia tiahk sarawi en kiheng ahd oh kapai ong serihkan, oh kin idawehn Doctrine and Covenants 20:70.

Aramas emen de peneinei ehu me men neirail seri en alehdi ahd oh kapai pahn kin wewehieng pisop ong ni koasoanepen tiahk sarawio. Ih me kolokol kih kan en prihsduhd ong kiheng ahd oh kapai ong serihkan nan wardo.

Pisop kak mweidehng pahpahmen me kolokol Prihsduhd en Melkisedek en kiheng ahd oh kapai ong nah seri mendahte ma pahpaho sohte nohn warehng nan tehnpas sarawi (kilang 18.3). Pisop kan pahn kin kangoange pahpahkan en kaunopirailda pwe irail en kak pein kiheng neirail serihkan kapai.

18.6.2

Wiepe kan

Pahn kaweid en pisoprik, irail akan me kolokol Prihsduhd en Melkisedek pahn kesihnen nan pwonopwon ehu pwe irail en kiheng serio ahd oh kapai. Irail pahn kiheng pehrail kan pahn serio, de ma seri laud mwo ah irail pahn kamarahdieng pehreil kan pohn moangen serio. Mwuri emen me weliandi irail:

1. Sekere Sahm Nanleng nan eh kapakap.

2. Patohwanda me kapai wet wiawi sang ni manaman oh mweimwei en Prihsduhd en Melkisedek.

3. Kiheng eden serio.

4. Koasoaieng serio.

5. Kiheng serio kapai sang ni kaweid en Ngehno.

6. Ritingedi Ni mwaren Sises Krais.

Naming and Blessing of Children

18.6.3

Doaropwehn Rekohd ong Seri oh Kisinlikoun Kapai

Mwohn serihmen pahn alehdi kapai, clerk pahn doadoahngki Leader and Clerk Resources (LCR) pwe en kaunopada ehu Doaropwehn Rekohd on Seri. Mwurin alahldi en kapaio, e pahn wiahda mempersip rekohd nan koampiuhder oh kaunopada ehu Kisinlikoun Kapai). Pisop pahn sain kisinlikouo oh kisinlikouo ahpw pahn kohieng rehn pahpa nohno de me pwukoahki epwelpen serio.

Ahd me mih nan mempersip rekohd oh kisinlikou pahn anahne en duehte ahd me mih nan kisinlikoun ipwidi, wasahn kileledi en ipwidi, de ahd me manaman ansouet.

18.7

Pepdais

Pepdais en keduhdi nan pihl sang rehn emen me kolokol mweimwei udahn anahn pwe en kak wiahla tohn Mwomwohdiso wet oh alehda Ngehn Sarawi Koaros me raparapahki mour soutuk anahne idawehn karasaras en Sounkomouro sang ni alehda tiahk sarawi pwukat.

18.7.1

Mweimwei ong Aramas Emen en kak Pepdaisla oh Kasarawiheng Mwomwohdiso wet

18.7.1.1

Serihkan me Miehier Neirail Rekohd

Pisop me kolokol kih kan en prihsduhd ong pelien pepdaisih irail kan nan ah ward me sounpar 8 oh ipwidieng nan Mwomwohdiso wet. E konehng serihkan en kin pepdaisla oh kasarawihla ni arail kawaluhn ipwidi de ekiste mwuri ma kak (kilang Doctrine and Covenants 68:27). Seri pwukat iei irail kan me miehier neiral mempersip rekohd nan Mwomwohdiso wet (kilang 33.6.2). Ni arail pahn lel sounpar 8[waluh], pisop pahn kin tehk me irail anehkier ansou mwahu koaros pwe irail en kak alehda rongamwahuo oh pepdaisla oh kasarawi ong Mwomwohdiso wet.

Pisop de emen sounsawas me e kapwukoahki pahn kapeidek serihkan me ipwidieng nan Mwomwohdiso ong pepdais oh kasarawi. Wiepehkan sansal nan 31.2.3.1.

Ong iren sawas ong audaudahn Rekohd en Pepdais oh Kasarawi, kilang 18.8.3.

18.7.1.2

Me Weliakapw Akan

Preseden en Misin me kolokol kih kan en prihsduhd nan misin ong pepdais en irail akan me weliakapwala kan nan misin. Pwehki met, full-time misineri kan me kin wia kapeidek en pepdais oh kasarawi ong irail akan me weliakapwala.

18.7.2

Sarawihn Pepdais

Sarawihn pepdais anahne en kin mengei, mwotomwot, oh en kin wia mehn kakehlepen palingehn. E kak audaudki mepwukat:

1. Koul en koasoamw

2. Mahsen en koasoamw me pahn sang rehn ohl me katakatanga sarawio

3. Koul oh kapakap en ritingada

4. Iren kaweid ehu de riau me pid iren rongamwaho, me pahn rasehng pepdais oh kisakis en Ngehn Sarawi

5. Koul pilipilda ehu

6. Pepdaiso

7. Ansoun meleilei oh awiawih soun pepdais oh me pepdaiso ara pahn kiemmadda (aramas kak kokoulki koul en sarawihkan de koul en Praimeri nan ansou wet)

8. Kasarawi en me sounpar waluh kan me miehier neirail rekohd; Kasarawi en towe kapw akan ma pisop me koasoanehdi (kilang 18.8)

9. Ansoun towe me kapw akan en wia arail kadehde, ma irail inangih

10. Koul oh kapakap en ritingedi

11. Koul en mwurin sarawi

Ansou me seri en nan rekohd me wie onohnopehng pepdais, emen tohn pisoprik oh presedensi en Praimeri pahn kin wehwehieng peneineio ong me pid koasoanepen sarawihn pepdais. Emen tohn pisoprik pahn kin katanga sarawio. Ma e tohtohsang emente seri me pahn pepdais nan sounpwungohte, irail kak ehukipene ehu sarawihn pepdais.

Nan steik me diren seri en nan rekohd, seri kan sang nan ward kan kak ehukipene ehute sarawihn pepdais. Emen tohn pwihn en presedensi en steik de emen kaunsel lapalap me irail kapwukoahki kak katanga sarawio.

Pepdais en emen tohn peneinei ehu sohte konehng awih lao pahpao alehdi prihsduhd pwe en kak pein wia pepdaiso.

Pahn kaweid en pisoprik, sounkaweid en ward misin (ma mie) de emen tohn presedensi en kohrumw en elder kan me kin kakaun doadoahk en misineri nan wardo kin koasoanehdi oh katanga sarawihn pepdais ong towe kapw kan. Irail kin ehuieng misineri kan ong ni koasoanepe.

18.7.3

Ihs Me Kin Wia Tiahk Sarawio

Prihsd de emen me kolokol Prihsduhd en Melkisedek me kin wia tiahk sarawi en pepdais. Aramas emen me pahn pepdaisih emen aramas pahn anahne mweimwei sang rehn pisop (de sang rehn preseden en misin ma full-time misineri me pahn wia pepdaiso).

Pisop kak mweidehng pahpahmen me wia prihsd de kolokol Prihsduhd en Melkisedek en pepdaisih nah seri mendahte ma pahpaho sohte nohn warehng nan tehnpas sarawi (kilang 18.3). Pisop pahn kin kangoange pahpahkan en kaunopirailda pwe irail en kak pein pepdaisih neirail seri kan.

18.7.4

Iawasa Tiahk Sarawio Kak Wiawie

Pepdais anahne wiawi nan wasahn pepdais en ni imwen sarawi ma mie. Ma sohte wasahn pepdais ni imwen sarawi, ah e kak wiawi nan pihl ehu me soanamwahu oh sohte keper.

Pwe en dehr keperieng aramas, emen aramas laud me koahiek pahn anahne mih wasao ansou me wasahn pepdaiso wie audaud lau lel ansoun kakusala pihlo, kamwakelehda oh loakehdi. Pilho pahn anahne en mwadangete kokusang loale mwurin sarawihn pepdaiso. Wenihmw en wasahn pepdais pahn kin loak ansoun me e sohte doadoahk.

18.7.5

Likou

Aramas me pahn pepdais oh aramas me pahn pepdaisiho pahn kin likawih likou pwetepwet me aramas sohte pahn kilangete pwar ansou me e pahn wisekesekala. Aramas emen me alehier ah endaumen kin likawih arail garment loalen likoun pepdais ansou me irail pahn wia doadoahk en pepdais. Ehu ehu prans de ward pahn kin doadoahngki mwohni sang nan budget oh pwainda likou kan oh aramas sohte pahn anahne pwain ma irail pahn doadoahngki likou pwukat.

Likoun pepdais kak oaht sang nan store.ChurchofJesusChrist.org.

18.7.6

Soun Kadehde kan

Soun kadehde riemen, me mweimwei sang me kakaun, pahn tehk ehu ehu pepdais pwe pepdaiso en wiawi ni pwungih. Memper en Mwomwohdiso koaros me pepdaislahr, iangahki seri oh me pwulopwul kan, kak wia soun kadehde.

Pepdaiso pahn anahne pwurehng wiawi ma lepin loakaiahkan sohte duwehte dahme sansal nan Doctrine and Covenants 20:73. E pahn pil anahne pwureng ma mie kisehn paliweren aramaso, pitenmoange, de ah likou me sohte keduhdieng nan pihlo.

18.7.7

Wiepe kan

Prihsd de emen me kolokol Prihsduhd en Melkisedek kin wia tiahk sarawi en pepdais ni arail kin:

1. Iangih me pahn pepdaislao kesihnen nan pihlo.

2. Soun pepdaiso pahn kolki peh sakoahiek peh koahiek en me pahn pepdaiso (pwe en soanamwahu oh sohte keper). Aramas me pahn pepdaislao pahn doadoahngki peh pali soakoahiek oh kol limwahn kumwut en peh pali soakoahiek en me pahn pepdaisiho.

3. Kauwada peh pali koahiek nin duwen square ehu.

4. Ndahda eden aramaso ni unsek oh nda, “Sang ni manaman en Sises Krais, i pepdaisihukala ni mwaren Sahm, oh Nah, oh Ngehn Sarawi. Ahmen” (Doctrine and Covenants 20:73).

5. Kiheng aramaso en kolekihdi tumwehu peh pali koahiek (pwe en soanamwahu); kiheng peh pali koahiek nan tihnsowen aramaso limwahn pwopwehkan oh kaduhdi paliweren aramaso unsek nan pihlo, iangahki ah likou.

6. Sowese kapwauradahsang aramaso nan pihlo.

Baptism of a New Member

18.8

Kasarawi en towehla Mwomwohdiso wet oh Kisakis en Ngehn Sarawi

Mwurin aramas emen ah kin pepdaisla, e kin kasarawiheng en towehla Mwomwohdiso wet oh alehdi Ngehn Sarawi sang ni pwildien pehn aramas pohn moange (kilang Doctrine and Covenants 20:41; Wiewia kan 19:1–6). Aramas kin wiahla tohn mwomwohdiso wet mwurin tiahk sarawi riauwet kin wiawi oh kiledi ni pwungih (kilang Sohn 3:5; Doctrine and Covenants 33:11; 3 Nihpai 27:20).

Pisop me kin kakaun oh tetehk doadoahk en kasarawihkan. Kasarawihn seri sounpar waluh kan kin kalapw wiawi ni rahn me irail pepdaiso. Kasarawihpen towe me kapw kan kin kalapw wiawi nan sarawihn kamadipw sarawi nan ward en arail wasahn kousoan, oh e keieu mwahu en kin wiawi ni rahn sarawi en mwurin arail pepdaiso.

Emen tohn pisoprik pahn kin idawehn wiepe me sansal nan 29.2.1.1 ni eh pahn kin kasalehda memper kapw kan.

18.8.1

Ihs Me Kin Wia Tiahk Sarawio

Ihte me kak weliandi ni sansal irail kan me pahn wia kasarawio iei mehmen me kolokol prihsduhd en Melkisedek oh warehng nan tehnpas sarawi. Ahpw, pisop kak mweidehng pahpahmen me kolokol Prihsduhd en Melkisedek en iang kesihnen nan pwonopwon en kasarawio mendahte ma pahpaho sohte nohn warehng nan tehnpas sarawi (kilang 18.3).

E anahne en mie tohn pisoprik me pahn iang patehng tiahk sarawi wet. Ma misineri elder kan padahkih aramas weliakapwalao, pisopo pahn kin luke irail en iang patehng.

18.8.2

Wiepe kan

Pahn kaweid en pisoprik, sang emen kohda me kolokol Prihsduhd en Melkisedek kak iang patehng kasarawio. Irail pahn kamarahdieng pehreil kan pohn moangen aramaso. Mwuri, me pahn weliandi irail oh:

1. Nda eden aramaso ni unsek.

2. Ndahda me tiahk sarawio e wiawi sang ni manaman oh mweimwei en Prihsduhd en Melkisedek.

3. Kasarawiala aramaso en wiahla towe mehlel en Mwomwohdiso en Sihses Krais en Souleng en Imwin Rahn Akan

4. Nda “ale Ngehn Sarawi” (kaidehn “ale kisakis en Ngehn Sarawi”).

5. Kiheng kapai sang ni kaweid en Ngehno.

6. Ritingedi Ni mwaren Sihses Krais.

Confirming a Recently Baptized Member

18.8.3

Rekohd oh Kisinlikoun Pepdais oh Kasarawi

Mwohn serihmen me miehier nah rekohd pahn kapeidek ong pepdais, klerk pahn doadoahngki LCR pwe en kaunopada ehu Doaropwehn Pepdais oh Kasarawi. Pisop de emen sounsawas me e kapwukoahki pahn wia kapeideko oh sain doaropweo. Mwurin pepdais oh kasarawi, klerk pahn doadoangki doaropwe wet oh audehieng nein serio mempersip rekohd nan LCR.

Ni ansou me full-time misineri pahn kqpeidek me pahn wiahla memper kapw kan ong pepdais, e pahn audehda Doaropwehn Pepdais oh Kasarawi ni ah doadoahngki Area Book PLanner (ABP) app. Mwurin pepdais oh kasarawi, misineri ko pahn kiheng audepehkan nan ABP oh kadarehng ward klerk nan internet. Ward klerk pahn tehktikih audepehkan nan LCR oh wiahda mempersip rekohd.

Mwurin mempersip rekohd ah pahn wiawihda, klerk pahn wiahda Kisinlikoun Pepdais oh Kasarawi. Pisop pahn sain kisinlikouo oh kiheng aramaso.

Ahd me mih nan mempersip rekohd oh kisinlikou pahn anahne en duehte ahd me mih nan kisinlikoun ipwidi, wasahn kileledi en ipwidi, de ahd me manaman ansouet.

18.9

Kamadipw Sarawi

Tohn Mwomwohdiso kin tuhpene rahn en Sapad pwe irail en kaudokieng Koht oh ale kamadipw sarawi (kilang Doctrine and Covenants 20:75; 59:9; Moronai 6:5–6). Nan tiahk sarawi wet, irail kin sakan pilawa oh pihl pwe irail en kin taman Sounkomouro Eh kitin tohnmeteikihla uduke oh intah oh kaweliakapwih arail inou me sarawihkan (kilang Madu 26:26–28; Joseph Smith Translation, Mark 14:20–25; Luk 22:15–20; 3 Nihpai 18; Moronai 6:6).

18.9.1

Mweimwei en Wiahda Kamadipw Sarawi

Pisop me kolokol kih kan en prihsduhd ong doadoahkepen kamadipw sarawi nan ward. Koaros me pahn iang kaunopada, kasarawi oh wapeseng kamadipw sarawi pahn anahne ale mweimwei sang rehn pisop de emen me e pahn kapwukoahki.

18.9.2

Ihs Me Kin Wia Tiahk Sarawio

• Teacher kan, prihsd kan, oh irail kan me kolokol Prihsduhd en Melkisedek kak kaunopada kamadipw sarawi.

• Prihsd kan oh irail kan me kolokol Prihsduhd en Melkisedek kak kasarawih kamadipw sarawi.

• Dihken kan, teacher kan, prihsd kan, oh irail kan me kolokol Prihsduhd en Melkisedek kak wapeseng kamadipw sarawi.

18.9.3

Koasoadihkan ong Kamadipw Sarawi

Pwehki kamadipw sarawi ah wia mehkot me kesempwal oh sarawi, kaun en prihsduhd kan pahn kin nantiheng pwe epwelpe en kin soanamwahu oh wiawi ni wahu.

Dipwisoun kamadipw sarawi kan kak oaht sang nan store.ChurchofJesusChrist.org.

Irail akan me pahn kin wiahda kamadipw sarawi pahn kin wia ni wahu, oh ese me irail weliwelian Kauno.

Wiepen pahs kamadipw sarawi pahn kin soanamwahute oh sohte anahne en kin nohn wiapan.

Kamadipw sarawi kin ong tohn mwomwohdiso ahpw kitail sohte kin irehdihsang mehteikan en iang ale de tungoale.

18.9.4

Wiepe kan

1. Iral kan me pahn kaunopada, kapaiada, oh pahs kamadipw sarawi pahn anahne mahs omwiomwki sohpw de widenki pehrail kan soangen mehn kamwakel teikan.

2. Teacher kan, prihsd kan, oh irail kan me kolokol Prihsduhd en Melkisedek pahn anahne kaunopada delen pilawa kan me irail saik pilingpeseng, delen pihl en kep kan me audaudki pihl, oh likoun tehpel me mwakelekel en soandi mwohn sarawi ah pahn tep.

3. Ni ansou me memper kan pahn kin koulki koul en kamadipw sarawi, irail akan me pahn kapaiada kamadipw sarawi pahn kin meleilei oh kesihnenda, pahkasang lepin likou me mih pohn tray en pilawao, oh pilingedi pilawao tikikit – iten aramas en kak kapwonehla.

4. Mwurin koulo, aramas me pahn kapaiada pilawao pahn kelepwikihdi oh wia kapakap en pilawa en kamadipw sarawio (kilang Doctrine and Covenants 20:77).

5. Pisop pahn kin tehk mwahu pwe kapakap akan en kamadipw sarawio en kin sansal, pwung, oh wiawi ni wahu. Ma mie lokaiahn nan kapakapo me aramas pahn nda sapwung ahpw pil pein kapwungala, ah sohte mehkot anahne wiawi. Ma aramaso sohte kapwungala ah sapwungo, pisop pahn kin pekihda ni karakarahk en pwurehng kapwurehieng kapakapo.

6. Mwurin kapakapo, irail akan me kolokol prihsduhd pahn mwekid ni meleilei oh wahu oh pahs pilawao ong memper kan. Ohl me kakaun sarawio me pahn tepin ale, ahpw e sohte lipilipil ihs me pahn ale mwuri. Ni ansou me memper kan alehier dahlo, irail kak pein kiheng memper teikan.

7. Ma kak, memper kan pahn kin alehki kamadipw sarawi pehrail pali koahiek.

8. Ni ansou me pilawao wesiklangehr memper koaros, irail akan me pahs kamadipw sarawi pahn kapwurehla dahlko ni tehpel en kamadipw sarawio. Irail akan me wia kapakap en kamadipw sarawi pahn pwainkihdi dahl en pilawao lepin likou ieu oh uhd pahkasang lepin likou me pwapwain delen pihlko.

9. Aramas me pahn kapaiada pihlo pahn kelepwikihdi oh wia kapakap en pihl en kamadipw sarawio (kilang Doctrine and Covenants 20:79). E weliankihdi lepin lokaia pihl ong wain.

10. Mwurin kapakapo, irail akan me kolokol prihsduhd pahn mwekid ni meleilei oh wahu oh pahs pihl ong memper kan. Ohl me kakaun sarawio me pahn tepin ale, ahpw e sohte lipilipil ihs me pahn ale mwuri.

11. Ni ansou me pilawao wesiklangehr memper koaros, irail akan me pahs kamadipw sarawi pahn kapwurehla dahl ko ni tehpel en kamadipw sarawio. Irail akan me wia kapakap en kamadipw sarawio pahn pwainkihdi delen pihl lepin likou ieu, oh irail akan me pahs oh me kapaiada kamadipw sarawio pahn kohla oh mwondi ni meleilei.

12. Mwurin kamadipw sarawio, irail akan me kaunopada kamadipw sarawio pahn kamwakelehda, welikpene lepin likou kan, oh kesehla luhwen pilawahko.

Blessing the Sacrament

18.10

Kiheng Prihsduhd oh Kasarawi ong nan ehu Ohpis

Mie pali riau nan Prihsduhd: Aron oh Melkisedek (kilang 3.3; Doctrine and Covenants 107:1, 6). Ni ansou me aramas kin alehdi prihsduhd, e pil kin kasarawiheng ehu ohpis nan paliwo nan prihsduhd. Mwurin aramas emen pahn alehdi ehu rehn prihsduhd pwukat, ma e pahn uhd anahne en mwekidlahng nan ehu ohpis en nan prihsduhd wo, ihte me e pahn anahne iei en kasarawihong.

18.10.1

Prihsduhd en Melkisedek

Preseden en Steik me kolokol kih kan en prihsduhd en kiheng ohl akan Prihsduhd en Melkisedek oh kasarawi irail ohng ohpis en elder oh prihsd lapalap. Ahpw, pisop me kin kalapw kihda eden aramas akan ong kasarawi pwukat.

18.10.1.1

Elder Kan

Ohl akan me warehng kak alehdi Prihsduhd en Melkisedek oh kasarawihong en wiahla elder men ni ansou me irail pahn lel sounpar 18 de mahsang. Pisop pahn kin teneki duen emen emen mwahnakapw akan oh pilada ma e konehng en kihla ederail de recommend irail en wiahla emen elder ekiste mwurin arail pahn lel sounpar 18 de irail en ieiangete kohrumw en prihsd kan.

Ni ah pahn wiahda pilipil wet, e pahn anahne en kin mie wehwepene nanpwungen ih oh en mwahnakapwo pahpa oh nohno de emen me pwukoahki epwelpen mwahnakapwo. Mwahnakapw akan me warehng konehng irail en kasarawiheng irail en wiahla elder mwohn arail pahn lel sounpar 19 de mwohn arail pahn mwekidsang nan arail peneinei pwe irail en iang college, wiahla full-time misineri, de iangala sounpei, de ale doadoahk me full-time.

Ohl akan em sounpar 18 de mahsang ahpw apwetehn pepdaisla kak kasarawiheng irail en wiahla elder mwurin arail pahn:

• Alehdier Prihsduhd en Aaron oh wiahla emen prihsd.

• Kaitarahlahr arail wehwehki rongamwahuo.

• Kasalehdahr me irail warohng.

E sohte lipilipil wen reirei en ansou me irail wiakiher tohn Mwomwohdiso wet.

18.10.1.2

Prihsd Lapalap Kan

Ohl akan kin kasarawihong irail en wiahla prihsd lapalap ni ansou me irail kin alehdi pwukoah en nan presedensi en steik, kaunsel lapalap. de pisoprik.

18.10.1.3

Wia Kapeidek oh Utuht

Sang pahn mweimwei en presedensi en steik, pisop pahn kapeidek ohlo nin duwen wiepe me sansal nan Melchizedek Priesthood Ordination Record. Mwuri, emen sang nan presedensi en steik pahn pil kapeidek ohlo. Pahn mweimwei en misin preseden, distrik preseden kak kapeidek ohl me pahn kasarawiheng en wiahla elder (kilang 6.3).

18.10.2

Prihsduhd en Aron

Pisop me kolokol kih kan en prihsduhd en kiheng aramas Prihsduhd en Aaron oh kasarawihong nan ohpis en dihken, teacher, oh prihsd. Mwahnakapw akan kin kasarawihong ohpis pwukat ni arail pahn lel sounpar pwukat, ahpw en dehr mwadangasang:

• Dihken ni tepin pahr me irail lel sounpar 12[eisek riau]

• Teacher ni tepin pahr me irail lel sounpar 14[[isek pahieu]

• Prihsd ni tepin pahr me irail lel sounpar 16[eisek wenou]

Pisop de nah sounsawas me e kapwukoahki pahn wia kapeidek ong iral kan me pahn kasarawihong dihken oh teacher pwe en teneki ma arail kaunopadahr palingenarail. Pisop me pahn wia kapeidek ong me pahn kasarawihong en wiahla prihsd.

Mwohn kapeidek en mwahnakapw men me pahn ale kasarawihn prihsduhd, emen sang nan pisoprik pahn anahne alehdi mahs mweimwei sang rehn ah pahpa, nohno, de emen me pwukoahki epwelpe. Ma ah pahpa oh nohno mweipeseng, e pahn ale mweimwei sang rehn emen rehra me ahneki pwuhng pahn menen kosonned.

18.10.3

Kihda eden Aramas Pwe en Alehdi Utuht mwohn Ah pahn Kasarawihla

Mwurin ohl emen ah kapeidek ier oh e kedierekdahr me e warohng en kasarawiheng nan ehu ohpis en nan prihsduhd, ede pahn kohda pwe memper kan en kasalehda arail utuht (kilang Doctrine and Covenants 20:65, 67). Eden ohl akan me pahn kasarawiheng elder de prihsd lapalap pahn kin kasansalda sang rehn presedensi en steik nan kapokon lap en steik (kilang 6.3 mehn kaweid ong distrik preseden kan). Kasalahdahn irail kan me pahn kasarawihong dihken, teacher, oh prihsd pahn kin sang rehn emen tohn pisoprik nan sarawihn kamadipw sarawi.

Aramas me pahn wia kasalepen utuht pahn peki rehn ohlo de pwutako en kesihnenda. E pahn pakairkihda kamwomwadao ong alahldi en Prihsduhd en Aron de Melkisedek (ma anahn) oh kasarawi en mwahnakapwo de ohlo ong nan ohpis en prihsduhd. Ih eri luke memper kan en utung kamwomwadao. Karasepe, ma e pahn kihda eden ohl emen me pahn kasarawihong elder, e kak nda lokaia pwukat:

“Se kamwomwadahr me [ahd] pahn alehdi Prihsduhd en Melkisedek oh kasarawiheng en wiahla elder. Koaros me pwungki en kauwada pehrail kan. [Awihki ansou mwotomwot] Ma mie me uhwong, kak pil kasalehda. [Awihki ansou mwotomwot,]”

Ma memper men me kin wiewia mwahu uhwong kasarawio, ohl me kakauno de emen kaun en prihsduhd me alehdier pwukoah pahn tuhwong mempero mwurin sarawio wasa me ira kak kelehpw. Soun kaweido pahn tehk oh songen wehwehki dahme mempero uhwongki. E pahn song esehda ma sou mie mehkot me mempero ese me ohlo wiahda me pahn kahrehieng ah pahn sohte konehng en kasarawihong nan ohpis en prihsduhdo.

Ekei pak, ohl emen pahn anahne en alehdi kasarawi ong elder de prihsd lapalap mwohn eh pahn kak kasansalada nan kapokon en steik. Ma met pahn wiawi, ede pahn kohda nan sarawihn kamadipw sarawi en ah ward pwe irail en kasalehda arail utuht. E pahn uhd kasansalda nan kapokon en steik mwuri pwe kamanamanpen kasarawio en kak wiawi (ekis wekid oh doadoahngki wiepen utuht, me sansal poweo).

18.10.4

Ihs Me Kin Wia Tiahk Sarawio

Preseden en Steik de emen me kolokol Prihsduhd en Melkisedek, me mih pahn kaweid en preseden en steik kak kasarawiheng ohlo nan ohpis en elder. Sang mweimwei en misin preseden, distrik preseden de emen me mih pahn ah kaweid kak wia kasarawio (kilang 6.3). Irail me kolokol Prihsduhd en Melkisedek kelehpw kak kesihnen nan pwonopwono.

Preseden en steik de emen prihsd lapalap me mih pahn ah kaweid kak kasarawiong ohl emen ong nan ohpis en prihsd lapalap. Prihsd lapalap kan kelehpw me kak iang kesihnen nan pwonopwono.

Aramas me pahn wia kasarawi ong ohpis ieu nan Prihsduhd en Melkisedek anahne en warehng nan tehnpas sarawi. Preseden en steik de emen me pilipilda pahn anahne iang mih mwo.

Prihsd men de emen me kolokol Prihsduhd en Melkisedek kak kasarawih mwahnankapw men de ohl emen ong nan ohpis en dihken, teacher, de prihsd. E pahn anahne ale mweimwei sang rehn pisop. Pisop de emen me e pilada pahn anahne iang mih mwo.

Aramas emen me pahn iang wia kasarawi en Prihsduhd en Aron, e pahn anahne wia prihsd de emen me kolokol Prihsduhd en Melkisedek.

Pisop kak mweidehng pahpa men me wia emen prihsd de kolokol Prihsduhd en Melkisedek en wia kasarawi en nah pwutak ong nan ohpis en dihken, teacher, de prihsd mendahte ma pahpao sohte nohn warehng nan tehnpas sarawi (kilang 18.3). Pisop pahn kin kangoange pahpahkan en kaunopirailda pwe irail en kak pein wia kasarawi en neirail pwutak kan.

18.10.5

Wiepe kan

Ni aramas emen pahn alehdi prihsduhd oh kasarawiheng ehu ohpis nan prihsduhd, emen de me tohtohsang me alehdi mweimwei oh kolokol prihsduhd pahn kamarahdieng pehrail pohn moangen aramaso. Mwuri, me pahn weliandi irail oh:

1. Nda eden aramaso ni unsek.

2. Ndahda mweimwei me pein Ih me kolokol pwe en kak wia tiahk sarawio (ma Prihsduhd en Aron de Melkisedek).

3. Kiheng Prihsduhd en Aron de Melkisedek, ma e saikinte alehdi.

4. Kasarawiala aramaso ong nan ohpis en Prihsduhd en Aron de Melkisedek oh kiheng pwuhng, manaman oh mweiwmei en ohpiswo.

5. Kiheng kapai sang ni kaweid en Ngehno.

6. Ritingedi Ni mwaren Sises Krais.

Ni aramas emen pahn kasarawiheng nan ohpis ehu nan prihsduhd me e alehdier, aramas me pahn kiehng kasarawio pahn sohte wia wiepe 3 (kesiluho).

Ordination to the Priesthood

18.10.6

Rekohd oh Kisinlikoun Kasarawi

Mwohn ohl emen de mwahnakapw emen pahn kapeidek pwe en kasarawihong nan ehu ohpis en Prihsduhd en Aron, klerk pahn doadoahngki LCR pwe en kaunopada Aaronic Priesthood Ordination Record. Pisop de emen sounsawas me e kapwukoahki pahn wia kapeidek oh sain doaropweo ma aramaso warehng.

Mwurin kasarawio, Pisop de emen sounsawas me e kapwukoahki pahn kanekehla daropweo oh kapwurelahng rehn klerk. Klerk pahn kilelehdi kasarawio nan LCR oh wiahda kisinlikou de certificate en kasarawio.

Eden aramaso me manaman pahn kosonned me pahn mih pohn rekohd en kasarawio oh certificate de kisinlikouo.

18.11

Kasarawihala Memper kan en Papah nan Pwukoah kan

Pali laud en pwukoah kan nan Mwohmwohdiso wet me memper kan kin kapwukoahieng oh alehdi kasalepen utuht anahne irail en kasarawihong pwe irail en kak papah nan pwukoaho (kilang Sohn 15:16; Doctrine and Covenants 42:11; pil kilang 3.4.3.1 nan pwuken kaweid wet). Nan kasarawihpen kepwukoaho, aramaso kin alehdi (1) mweimwei en wia pwukoaho oh (2) mahsen en kapai pahn kaweid en Ngehno.

Preseden en steik, pisop, oh preseden en kohrumw kin alehdi kih kan en presedensi ni ansou me irail kin kasarawiong pwukoah (kilang 3.4.1.1). Ahpw, lokaia me nda kih kan sohte pahn kin doadoahk ni ansou me memper kan pahn kasarawi ong pwukoah teikan, met pil iangahki sounsawas kan en nan presedensi kan.

18.11.1

Ihs Me Kin Wia Kasarawi en Kapwukoah

Emen me kolokol Prihsduhd en Melkisedek me kin wia kasarawi en kapwukoah E pahn anahne ale mweimwei sang kaun emen me kolokol kih me anahnko. Irail akan me alehier mweimwei en wia kasarawi en kepwukoah(set apart) sansaldahr nan 30.8. Elder men sohte kak wia soun koasoai de pil iang kesihnen nan pwonopwono ma ohl emen pahn ale kasarawihn kepwukoah me pahn anahne en wia prihsd lapalap men.

Pahn kaweid en me kakauno, sang emen kohda me kolokol Prihsduhd en Melkisedek kak iang wia kasarawi en kepwukoaho. Preseden kan kin kasarawihla mwohn neirail sounsawas kan.

Me kaunda kasarawio kak mweidehng pahpahmen de ohl pwopwoud men me kolokol Prihsduhd en Melkisedek en iang kesihnen nan pwonopwon en kasarawi ong ah pwoud de nah seri mendahte ma e sohte nohn warehng nan tehnpas sarawi (kilang 18.3).

18.11.2

Wiepe kan

Emen de me tohtohsang me kolokol Prihsduhd en Melkisedek pahn kamarahdieng pehrail pohn moangen aramaso. Mwuri, me pahn weliandi irailo pahn:

1. Nda eden aramaso ni unsek.

2. Ndahda me e wiewia tiahk sarawio sang ni manaman oh mweimwei en Prihsduhd en Melkisedek.

3. Kasarawiala aramaso ong nan pwukoah en steik, ward, kohrumw, de pwihn(class).

4. Kiheng aramaso kih kan ma e anahne alehdi kih kan.

5. Kiheng kapai sang ni kaweid en Ngehno.

6. Ritingedi Ni mwaren Sihses Krais.

18.12

Kasarawiala Leh

Irail me kolokol Prihsduhd en Melkisedek anahne kasarawiala lehn olip mwohn ah pahn kin doadoahk ong me soumwahu kan (kilang Seims 5:14). Sohte ehu soangen leh tohrohr me kak doadoahk.

Mie deupen leh kan nan store.ChurchofJesusChrist.org.

Memper kan sohte pahn kin tungoale de keiehki arail ohlahkan leh me kasarawiher.

18.12.1

Ihs Me Kin Wia Tiahk Sarawio

Emen de me tohtohsang me kolokol Prihsduhd en Melkisedek kak kasarawiala leh. Kitail sohte anahne alehdi mweimwei sang kaun en prihsduhd.

18.12.2

Wiepe kan

Pwe en kasarawiala leho, emen me kolokol Prihsduhd en Melkisedek pahn:

1. Pahn koloda lehn olipo me pweine saik kohieng.

2. Sekere Sahm Nanleng nan eh kapakap.

3. Nda me e wiewia tiahk sarawio sang ni manaman oh mweimwei en Prihsduh en Melkisedek.

4. Kasarawiala leho (kaidehn deupen leho) ong ni keiepen oh kapaipen me soumwahu kan.

5. Ritingedi Ni mwaren Sihses Krais.

Consecrating Oil

18.13

Kapaiada me Soumwahu Kan

Wiepen kapaiada me soumwahu kan “sang ni pwildi en peh kan” audaudki pali riau: keiehkihdi leh oh katengehdi keio iangahki kapai. Ma sohte leh sarawi, kapai kak wia sang rehn emen me kolokol Prihsduhd en Melkisedek ahpw sohte keidi wiawi.

18.13.1

Ihs me Pahn Kihda Kapai

Emen me kolokol Prihsduhd en Melkisedek oh warehngete me pahn kak kihda kapai ong me soumwahu. Kitail sohte anahne alehdi mweimwei sang kaun en prihsduhd. Ma kak, Pahpa men me kolokol Prihsduhd en Melkisedek kak kiheng kapai ong tohn ah peneinei kan me soumwahu.

Udahno, meh riemen de tohtohsang me kolokol Prihsduhd en Melkisedek pahn kin kihda kapai ong me soumwahu. Apw, emente pil kak keiehdi oh pil wia katengeteng.

18.13.2

Wiepe kan

Emente me kolokol Prihsduhd en Melkisedek me pahn keiehdi. E pahn:

1. Kadengedieng ehu dingiding en leh sarawi pohn moangen aramaso.

2. Kamarahdieng pehkan pohn moangen aramso oh ekerki aramso edeo ni unsek.

3. Nda me e wiewia tiahk sarawio sang ni manaman oh mweimwei en Prihsduhd en Melkisedek.

4. Nda me e keiehkihdi leh me kasarawihlahr ong keiepen oh kapaipen me soumwahu.

5. Ritingedi Ni mwaren Sises Krais.

Pwe keio en ketengetengdi, emen de me tohtohsang me kolokol Prihsduhd en Melkisedek pahn kamarahdieng pehrail pohn moangen aramaso. Mwuri, me pahn katengehdi keio pahn:

1. Nda eden aramaso ni unsek.

2. Ndahda me e katengehdi keio sang ni manaman oh mweimwei en Prihsduhd en Melkisedek.

3. Kiheng kapai sang ni kaweid en Ngehno.

4. Ritingedi Ni mwaren Sises Krais.

Administering to the Sick

18.14

Kapai en Kaloalamwahu oh Kaweid, iangahki Kapai me sang Pahpahkan.

18.14.1

Ihs me kin Kihda Kapai

Irail kan me kolokol Prihsduhd en Melkisedek kak kiheng kapai en kaloalamwahu oh kaweid ong tohn arail peneinei oh mehteikan me peki.

Pahpa men me kolokol Prihsduhd en Melkisedek kak kiheng kapai en pahpa ohng nah serihkan. Pahpa oh nohno kan en kin kangoange neirail serihkan en kin ale kapai sang pahpa ni ansou kan me irail anahne. Aramas kak intingiedi kapai kan sang pahpa ma pein irail me pahn naineki.

Mehmen me kolokol Prihsduhd en Melkisedek sohte anahne alehdi mweimwei sang kaun en prihsduhd pwe en kak kihda kapai en kaloalamwahu oh kaweid de kapai sang pahpa.

18.14.2

Wiepe kan

Ni aramas emen pahn kihda kapai en kaloalamwahu oh kaweid de kapai sang pahpa, emen de me tohtohsang me kolokol Prihsduhd en Melkisedek pahn kamarahdieng pehrail pohn mwoangen aramaso. Mwuri, me pahn koasoaio pahn:

1. Ekerki aramaso ede ni unsek.

2. Nda me kapai wet wiawi sang ni manaman oh mweimwei en Prihsduhd en Melkisedek.

3. Kiheng mahsen en kapai, kaloalamwahu, oh kaweid sang ni kaweid en Ngehno.

4. Ritingedi Ni mwaren Sises Krais.

18.15

Kasarawih Imwen Peneinei kan

Memper kan en Mwomwohdiso kak kasarawih imwarail kan sang ni manaman oh mweimwei en Prihsduhd en Melkisedek.

18.15.2

Wiepe kan

Pwe en kasarawiala ihmwo, emen me kolokol Prhsduhd en Melkisedek pahn:

1. Nan eh kapakap, eh pahn sekere Sahm Nanleng.

2. Nda me e wiewia tiahk sarawio sang ni manaman oh mweimwei en Prihsduhd en Melkisedek.

3. Kasarawiala ihmwo en wia wasa me Ngehn Sarawi kak ketketie oh kihda mahsen kan pahn kaweid en Ngehno.

4. Ritingedi Ni mwaren Sises Krais.

18.16

Kasarawih Sousou kan

18.16.1

Ihs me Pahn Kasarawih Sousou

Aramas me pahn kasarawih sousou anahne en kolokol Prihsduhd en Melkisedek oh alehdi mweimwei sang kaun en prihsduhd me katkatanga sarawi en mehlao.

18.16.2

Wiepe kan

Pwe en kasarawiala sousouo, emen me kolokol Priehsduhd en Melkisedek pahn:

1. Nan eh kapakap, eh pahn sekere Sahm Nanleng.

2. Nda me e wiewia tiahk sarawio sang ni manaman oh mweimwei en Prihsduhd en Melkisedek.

3. Kasarawiala sousouo en wia wasahn kommoal ong paliweren aramas me melahro.

4. Kapakapki me wasaho pahn wia wasa sarawi oh sohte mehkot pahn wiawihong lao lel ansoun Iasadao (ma e konehng).

5. Peki rehn Sahm Nanleng en kaloalamwahuih peneineio oh kasalehda madamadau teikan sang ni kaweid en Ngehno.

6. Ritingedi Ni mwaren Sises Krais.

Ma paliweren memper en Mwomwohdiso isihsla, me kakauno pahn pilada ma wasa me pehs en paliweren aramaso pahn nekinekie anahne kasarawihla.

Dedication of Graves

18.17

Kapai en Peitriark kan

Koaros memper me pepdaislahr oh warehng ahneki pwuhng en ale kapai en peitriark, me kin kihda kaweid sang rehn Sahm Nanleng (kilang Senesis 48:14–16; 49; 2 Nihpai 4:3–11).

Pisop de emen sounsawas me e kapwukoahki pahn kapeidak memper kan me men ale kapai en peitriark. Ma mempero warehng, me wia kapeideko pahn audehda Patriarchal Blessing Recommend. E pahn kadarala nan Patriarchal Blessing System nan ChurchofJesusChrist.org.

Aramas me pahn kihda Patriarchal Blessing Recommend anahne tehk mwahu ma mempero pahn kak wehwehki kesempwalpen kapaio oh uen ah wia mehkot me sarawi.

18.17.1

Alehdier Kapai en Peitriark

Mwurin ah pahn alehdi recommend, mempero pahn wehwehieng peitriark oh koasoanehdi ansou me e pahn kak ale kapai en peitriark. Ni rahn me koasoandio, mempero pahn kin ahneki karakarahk oh madamadau sarawi oh likawih likou en sarawi ni ansou me a pahn kohla tuwehng peitriark

Ehu ehu kapai en peitriark wia mehkot me sarawi, mehkot me aramas sohte pahn kin koasoaiaseli, oh e oangete pein ih. Pwehki met, e kin wiawi wasa me tohrohrsang aramas oh e kin itait uen tohtohn peneinei me pahn kin iang towe.

Aramas me alehdi kapai en peitriark anahne en kin kanaiehng oh kesempwalki lokaiahn nan kapaio, kin madamadau loalki, oh ahneki mour ehu me pahn warehng alehdi kapai me e alehdi inoupe nan mourwet oh mour soutuk.

Memper kan en Mwomwohdiso wet en dehr karasapene kapai kan oh dehr koasoaiahieng emen likin tohn arail peneinei tikitik. Kapai en Peitriark kan sohte pahn kin wadawad da nan ansoun sarawi kan en mwomwohdiso de pil ni kapokon teikan.