“19. Musiek,” Seleksies uit die Algemene Handleiding (2023).
“19. Musiek,” Seleksies uit die Algemene Handleiding
19.
Musiek
19.1
Die Doel van Musiek in die Kerk
Gewyde musiek verhoog geloof in Jesus Christus. Dit nooi die Gees uit en leer leerstellings. Dit skep ook ʼn gevoel van eerbied, verenig lede en bied ʼn manier om Hemelse Vader en Jesus Christus te aanbid.
19.2
Musiek in die Huis
Die Here het individue en gesinne deur sy profete aangemoedig om opbouende musiek in hulle daaglikse lewe te gebruik.
Opnames van Kerkmusiek is beskikbaar by die volgende bronne:
-
Sacred Music app
-
Gospel Library app
19.3
Musiek in Kerkvergaderings
19.3.1
Beplanning van Musiek vir Kerkvergaderings
Wyk- en penmusiekkoördineerders werk saam met priesterskapsleiers om musiek vir nagmaaldienste te beplan. Hulle kies musiek wat die gees van aanbidding in die vergaderings verhoog.
19.3.2
Musiek in die Nagmaaldiens
Musiek in die nagmaaldiens sluit in gemeentelike sing van gesange om die vergadering te begin en af te sluit en voor die bediening van die nagmaal. Die nagmaalsgesang moet verwys na die nagmaal self of na die offerande van die Saligmaker.
Voorspelmusiek word gespeel terwyl lede voor die diens bymekaarkom. Na die slotgebed word ʼn instrumentele naspel gespeel terwyl lede die diens verlaat.
ʼn Nagmaaldiens kan ook ʼn bykomende gemeentelike gesang insluit wat in die middel van die diens gesing word—byvoorbeeld tussen gesproke boodskappe.
19.3.3
Musiek in Klasse en Ander Wyksvergaderings
Leiers moedig onderwysers aan om die gesange en ander gewyde musiek te gebruik om hul onderrig te verhoog.
19.3.6
Musiekinstrumente
Lewendige instrumente word gewoonlik gebruik vir voorspel- en naspelmusiek en vir gesangbegeleiding in Kerkvergaderings. Waar hulle beskikbaar is en waar lede dit kan bespeel, is orrels en klaviere die standaardinstrumente. Bisdomme kan die gebruik van ander instrumente goedkeur om gemeentelike sang te begelei, vir voorspel- en naspelmusiek en in ander musikale seleksies.
As ʼn klavier, orrel of begeleier nie beskikbaar is nie, kan opnames gebruik word (sien 19.2).
19.3.7
Kore
19.3.7.1
Wykskore
Waar daar genoeg lede is, kan wyke kore organiseer wat gereeld in nagmaaldienste sing.
Benewens die wykskoor, kan gesinne en groepe vroue, mans, jeugdiges of kinders genooi word om in Kerkvergaderings te sing.
19.4
Musiekleierskap in die Wyk
19.4.1
Bisdom
Die biskop is verantwoordelik vir musiek in die wyk. Hy mag hierdie verantwoordelikheid aan een van sy raadgewers toewys.
19.4.2
Wyksmusiekkoördineerder
Die wyksmusiekkoördineerder dien onder leiding van die bisdom. Hy of sy het die volgende verantwoordelikhede:
-
Wees ʼn hulpbron vir die bisdom en ander wyksleiers oor musieksake.
-
Werk saam met die bisdom om musiek vir nagmaaldienste te beplan (sien 19.3.1 en 19.3.2).
-
Wanneer versoek deur die bisdom, beveel lede aan om in wyksmusiekroepings te dien. Oriënteer diegene wat in hierdie roepings dien, en bied ondersteuning, onderrig en opleiding aan soos nodig.
19.4.3
Addisionele Roepings
Die bisdom kan lede roep om in die volgende roepings te dien:
19.4.3.1
Wyksmusiekleier
Die musiekleier lei die gemeentelike gesange vir nagmaaldienste en vir ander wyksvergaderings soos versoek.
19.4.3.2
Wyksbegeleier
Die wyksbegeleier verskaf voorspel- en naspelmusiek en begeleiding vir gesange tydens nagmaaldienste en ander wyksvergaderings soos versoek.
19.7
Addisionele Beleide en Riglyne
19.7.2
Gebruik van Byeenkomplekinstrumente vir Oefening, Privaatonderrig en Uitvoerings
As daar nie ʼn redelike alternatief is nie, kan priesterskapsleiers die gebruik van byeenkomplekklaviere en -orrels magtig vir oefening, betaalde privaat onderrig en uitvoerings waarby lede van die eenhede wat die byeenkomplek gebruik, betrokke is.