19.

Ngilen Koul en Keseng

19.1

Kahrepen Kokoul nan Mwomwohdiso

Ngilen koul en keseng Sarawi kan kin kalaudehla pwoson Sises Krais. E kin lukehdo Ngehno oh kaskuhlki padahk kan. E pil kin wiahda pepehm en wahu, kihpene toweh kan, oh kin kihdo ahl en pwongih Samatail Koht oh Sises Krais.

19.2

Kokoul nan Peneinei

Sang Sapwellime soukohp akan, Kauno ketin kangoangehki emen emen aramas oh peneinei kan en doadoahngki ngilen koul en keseng kan me pahn kin kakehlailih nan arail mour.

Rekohd en ngilen koul en keseng kan en Mwomwohdiso kak dierek nan mehn sawas pwukat:

• App en Ngilen Koul en Keseng

• App en Laiprehri en Rongamwahu

• Music.ChurchofJesusChrist.org

• CD kan ni store.ChurchofJesusChrist.org

19.3

Ngilen Koul en Keseng kan nan Kaudek kan en Mwomwohdiso

19.3.1

Pilada Ngilen Koul en Keseng kan ong Kaudek kan en Mwomwohdiso

Soun pilada ngilen koul en keseng kan en nan ward oh sdeik kan kin ehuong kaun en prihsduhd kan oh koasoanehdi ngilen koul en keseng kan me pahn wiawi nan kaudek kan. Irail kin pilada ngilen koul en keseng me pahn kalaudehla ngehn en pwongih nan kaudek kan.

19.3.2

Niglen Koul en Keseng nan Kaudek en Kamadipw Sarawi

Ngilen koul en keseng en kaudek en kamadipw sarawi kin wiawi ni tepdahn sarawi oh keimwseklahn sarawi oh mwohn kasarawialahn kamadipw sarawio. Koul en sarawi en kamadipw sarawio pahn anahne ong kamadipw sarawio de meironglahn Sounkomouro.

Ngilen koul en keseng kin wihwiawi ansou me toweh kan kin kohkohpene mwohn kaudeko ah pahn tepida. Mwurin kapakap en ritingedi, ngilen koul pil kin wihwiawi ansou me toweh kan kin mweselda.

Kaudek en kamadipw sarawi pil kak kapatahiong ehu koul nan werengen sarawio—ni karasepe, nan pwungen padahk kan.

19.3.3

Ngilen Koul en Keseng kan nan Wasahn Kaskuhl kan oh Wasahn Tuhpene teikan en nan Ward

Sounkaweid kan kin kangoangehki sounpadahk kan en doadoahngki ngilen koul keseng pwe en kakehlaka arail padahk kan.

19.3.6

Dipwisou en Ngilen Koul en Keseng kan

Dipwisou en ngilen koul en keseng kan kin doadoahk ong ngilen koul me kin wiawi ni tapi oh imwilahn kaudek oh kin sewese koul sarawih kan nan kaudek en Mwomwohdiso kan. Wasah kan me mie oh wasa me toweh kan kak doadoahngki, organ kan oh piano kan me wia dipwisoun doadoahk me mie. Pisoprik kan kak mweidada ekei soangen dipisou en keseng en doadoahk rehn irail pwihn en koul kan, ong tepida oh kaimwseklahn koul, oh nan soangen koul teikan.

Ma piano, organ, de soun sawas en koul sohte mie, rekohd kan kak doadoahk (kilang 19.2).

19.3.7

Pwihn en Koul kan

19.3.7.1

Pwihn en Koul kan nan Ward

Wasa me toweh kan tohto, ward kan kak wiahda pwihn en koul me kin koul nan kaudek en kamadipw sarawi nan ansou kan.

Mehn kapatapat ong pwihn en koul, peneinei kan oh pwihn en lih, ohl, me pwulopwul kan, de seri kan kak lukehng en koul nan kaudek en Mwomwohdiso kan.

19.4

Sounkaweid en Koul en Ward

19.4.1

Pisoprik

Pisop me pwukoahki koul kan nan ward. E kak kihong pwukoah wet ong emen nah soun sawas akan.

19.4.2

Sounkaweid en Koul nan Ward

Soun kaweid koul nan ward kin mih pahn kaweid en pisoprik. Aramas menet ahneki soangen pwukoah pwukat:

• Wia soun sawas ong pisoprik oh sounkaweid teikan ong palien koul.

• Sewese pisoprik pilada koul en nan kaudek en kamadipw sarawi kan (kilang 19.3.1 oh 19.3.2).

• Sang ni pekipek en pisoprik, pilada toweh kan en iang papah nan malipilip en koul nan ward. Kaweid irail akan me papah nan pwukoah pwukat, utung irail, kiheng irail kaweihd, oh sawaskihda kasukuhl ma mie anahnepe.

19.4.3

Pwukoah kapatapat Teikan

Pisoprik kak malipe toweh kan en papah nan pwukoah pwukat.

19.4.3.1

Sounkaweid en Koul nan Ward

Sounkaweid en koul kin kaweidih koul kan nan kaudek en kamadipw sarawi oh tuhpene teikan en ward ma mie anahnepe.

19.4.3.2

Soun sawas en Koul nan Ward

Sounsawas en koul kin kihda tapi oh imwilahn koul oh sawas en koul nan ansoun kaudek en kamadipw sarawi oh tuhpene teikan nan ward ma mie anahnepe.

19.7

Kosonned Kapatapat oh Kaweid kan

19.7.2

Doadoahngki dipwisoun wie koul kan ong mehn Kaiahn, Pein amw Kaskuhl, oh Kasansal kan

Ansou me sohte ehu kak doadaohk, sounkaweid kan en prihsduhd pahn mweidada piano oh organ en nan imwen kaudek ong mehn kaiahn, kaskuhl me pweipwei, oh kasansal kan me iangahki toweh kan en unit kan me kin iang doadoahngki wasahn kaudeko.