Irehkan me pilipilsang nan Pwuken Kaweid

Audepe kan
Eden Pwuhk
Doadoahngki Irehkan me Pilipilsang nan Pwuken Kaweid
Poahsoan en Padahk
- 0.
- 1. Sapwelimen Koht Pilahn oh Omw Pwukoah nan Doadoahkpen Komourla oh Lapalapala
- 2. Utuhtung Emen Emen oh Peneinei kan nan Doadoahk en Komourla oh Lapalapala
- 3. Kosonned akan en Prihsduhd
- 4. Sounkaweid kan en Mwomwohdiso en Sises Krais
Pwihn en Mwomwohdiso
- 5. Sounkaweid Lap oh Ehria
- 6. Sounkaweid kan nan Steik
- 7. Pisoprik
- 8. Kohrumw en Elder kan
- 9. Pwihn en Sawas en Lih
- 10. Kohrumw en Prihsduhd en Aron akan
- 11. Peinakapw akan
- 12. Praimeri
- 13. Santi Skuhl
- 14. Memper Kiripw kan
- 15. Semineri oh Instituht kan ong Palien Lamalam
Doadoahkpen Komourla oh Lapalapala
- Momourki Rongamwahu en Sises Krais
  - 16. Momourki Rongamwahu en Sises Krais
  - 17. Padapadahngki Rongamwahuo
  - 18. Tiahk Sarawi oh Kapai kan en Prihsduhd
  - 19. Kokoul
  - 20. Kemwekid kan
- Apwahpwalih Irailkan me Ahniki Anahn
  - 21. Doadoahk en Minisder
  - 22. Sewese Anahn en Paliwar oh Kalaude Uhtohr
- Lukehieng Koaros en Alehda Rongamwahu
  - 23. Padpadahngki Rongamwahu oh Kakehlaka Memper Kapw oh Me Pwurodohkan
  - 24. Me pilipilieng wia misineri oh misineri en papah
- Kihpene Peneinei kan ong Mour Soutik
  - 25. Doadoahk en Tehnpas Sarawi oh Poadoapoad en Peneinei nan Ward oh Steik
    - 25.0. Kapehse
    - 25.1. Memper oh Sounkaweid Towehda Doadoahk en Tehnpas Sarawi oh Poadoapoad en Peneinei
    - 25.2. Koasoanehdi Doadoahk en Tehnpas Sarawi oh Poadoapoad en Peneinei nan Ward
    - 25.4. Mehn Sawas akan ong Poadoapoad en Peneinei
    - 25.5. Pilpilda oh Malipilipieng en wia Tohn Doadoahk nan Tehnpas Sarawi
  - 26. Kisinlikoun Mweimwei ong nan Tehnpas Sarawi
  - 27. Tiahk Sarawihkan ong me Momour
  - 28. Tiahk Sarawih kan ong me Melahr akan
Ohpis en Mwomwohdiso
- 18. Mihting kan en Mwomwohdiso
- 30. Malipilip kan nan Mwomwohdiso
- 31. Ansou kapeidek kan oh Mihting teikan ong Memper kan
- 32. Koluhla oh Tohn Kaunsel kan en Mwomwohdiso
- 33. Rekohd oh Repwoht kan
- 34. Wiepen Mwohni oh Doupen Pwuhk
- 35. Epwelpen oh Doadoahkepen Imwen Kaudek kan
- 36. Wiahda, Wekidala, oh Kiheng Eden Wasa Kapw akan
  - 36.0. Kapehse
- 37. Steik kan, Ward kan, oh Prans kan me Semen nan palihkei
- 38. Kosonned oh Mehn Kaweid kan en nan Mwomwohdiso

25. Doadoahk en nan Tehnpas Sarawi oh Poadoapoan Peneinei nan Ward oh Steik

“25. Doadoahk en nan Tehnpas Sarawi oh Poadoapoan Peneinei nan Ward oh Steik,” Pilipilsang nan Pwuken Kaweid Doadoahk (2023).

“25. Doadoahk en nan Tehnpas Sarawi oh Poadoapoan Peneinei nan Ward oh Steik,” Ire kan me Pilipilsang nan Pwuken Kaweid Doadoahk

25.

Doadoahk en nan Tehnpas Sarawi oh Poadoapoan Peneinei nan Ward oh Steik

25.0

Kapehse

Doadoahk en nan tehnpas sarawi oh poadoapoan peneinei iei ahlen kihpene oh katengepene peneinei kan ong mour soutuk (kilang Madiu 16:19). Doadoahk wet iangahki:

Wiahda inou kan ni atail alehdi pein atail tiahk sarawi kan en tehnpas sarawi (kilang Aiseis 55:3; Doctrine and Covenants 84:19–23).
Rapahkihda atail keinek me melahr akan oh wiahda tiahk sarawi kan ong irail nan tehnpas sarawi pwe irail en kak wia arail inou ong Koht (kilang Malakai 4:5–6; 1 Korint15:29; Doctrine and Covenants 128:15–18).
Kohkohla ni tehnpas sarawi nan ansou kan, wasahkan me kak, pwe en kaudok ong Koht oh wiahda tiahk sarawi kan ong Sapwelime seri kan (kilang Luke 24:52–53; Doctrine and Covenants 109:13–14).

Iren kapatapat teikan kak dierek nan “Tehnpas Sarawi” oh “Poadoapoan Peneinei” (Gospel Topics, topics.ChurchofJesusChrist.org).

25.1

Towe men oh Kaun me kin patehng nan Doadoahk en Tehnpas Sarawi oh Poadoapoan Peneinei

Towe kan en Mwomwohdiso ahneki ansou mwahu oh pwukoahn kihpene arail peneinei kan ong mour soutuk. Irail kin kounopada pein irail pwe en wiahda arail inou kan ni arail ale tiahk sarawi kan, oh irail kin nantiong kolokol inou kan koaros.

Towe kan en Mwomwohdiso kin alehdi kangoang en rapahkihda arail peneinei me melahr akan me saikinte alehdi arail tiahk sarawi kan nan tehnpas sarawi. Towe kan eri kin weliandi arail peneinei kan oh wiahda arail tiahk sarawi kan (kilang Doctrine and Covenants 128:18). Nan sapwen ngehno, irail me melahr akan kak pilada en alehda de soikala tiahk sarawi me wiawiher ong irail.

25.1.1

En Emen Pwukoah ong Kohla ni Tehnpas Sarawi

Towe kan pahn pein koasoanehdi ansou oh ia wen dod me irail kak kohla kaudek nan tehnpas sarawi. Kaun akan sohte kin wiahda mwekid ehu de mehn repwoht ehu ong amw kin towehda doadoahk en tehnpas sarawi.

25.2

Koaskoasoane Doadoahk en Tehnpas Sarawi oh Poadoapoan Peneinei nan Ward

25.2.1

Pisoprik

Pisoprik iangahki presedensi en Quorum en elder kan oh Pwihn en Sawas en Lih kan kin kahluhwa wardo nan doadoahk en tehnpas sarawi oh wia poadoapoan peneinei kan. Kaun kat kin tuhpene nan ansou kan,

Pisoprik pil pwukoahki mepwukat ong doadoahk en tehnpas sarawi oh poadoapoan peneinei nan ward o.

Tehk mwahu pwe padahk oh kapai kan ong doadoahk en tehnpas sarawi oh poadoapoan peneinei en kin kasukuhlki nan mwomwohdiso.
Tehk mwahu me koasoanepen doadoahk en tehnpas sarawi oh poadoapoan peneinei en kin wiawi nan mihting kan en ward kaunsel oh kaunsel en me pwulopwul kan.
Kaunda koasonepen kaskuhl kan ong kaunopehng tehnpas sarawi kan (kilang 25.2.8).
Kihda kisin likou en mweimwei ong tehnpas sarawi (kilang chapter 26).

25.2.2

Presedensi en Quorum en Elder kan oh Pwihn en Sawas en Lih

Presedensi en Quorum en elder kan oh Pwihn en Sawas en Lih kan kin kaweid ngoang en nan rahn akan ong doadoahk en tehnpas sarawi oh poadoapoan peneinei nan ward (kilang 8.2.4 oh 9.2.4). Irail kin doadoahk pene, me iangahki kaunsel en ward, pwe irail en katanga mwekid pwukat pahn kaweidpen pisop.

Kaun pwukat ahneki pwukoah kan me pahn sansalda kan:

Sewese towe kan en kounopada oh ale tiahk sarawi kan en tehnpas sarawi oh wiahda arail inou en tehnpas sarawi.
Koangongehki towe kan en kaudek nan tehnpas sarawi nan ansou kan koaros me re kak.
Koangongehki towe kan en esehla duwen arail keinek kan oh weliandi irail oh wiahda tiahk sarawi kan.
Kaweid doadoahk en sounkaweid en tehnpas sarawi oh poadoapoan peneinei nan ward. Ma sounkaweid menet sohte malipilipda, towe men nan elder Quorum presedensi pahn wia pwukoah wet. (kilang 25.2.3).

Preseden en elder Quorum oh Pwihn en Sawas en Lih pahn pilada emen neira soun sawas en kaweid doadoahk en tehnpas sarawi oh poadoapoan peneinei nan ward. Tohn Presedensi riau wet kin doadoahkpene. Ira kin patehng mihting kan en koasoanepen doadoahk en tehnpas sarawi oh poadoapoan peneinei nan ward (kilang25.2.7).

25.2.3

Sounkaweid en Tehnpas Sarawi oh Poadoapoan Peneinei nan Ward

Pisoprik kin tuhweng steik preseden ong ma e konehng en pilada emen sounapwalih palien tehnpas sarawi oh poadoapoan peneinei nan ward. Aramas menet pahn anahne kolokol Melkisedek Prihsduhd.

Sounkaweid en palien tehnpas sarawi oh poadoapoan peneinei kin utung presedensi en elder kohrumw oh Pwihn en Sawas en Lih nan arail pwukoah kan en tehnpas sarawi oh poadoapoan peneinei kan. E pil ahneki pwukoah pwukat:

Pahn kin katanga mihting kan me pid tehnpas sarawi oh poadoapoan peneinei kan nan ward (kilang 25.2.7).
Kaskuhlih soun sawas akan ong tehnpas sarawi oh poadoapoan peneinei kan. Koasone arail mwekid kan pwe en sewese towe kan ong doadoahken tehnpas sarawi oh poadoapoad en peneinei.
Doadoahk ong sounkaweid en misin nan wardo oh misineri kan pwe en sewese irail akan me kaskasukuhlki rongamwahuo, towe me kapw kan, oh towe kan me apwtehn pwurodo patehng doadoahk en tehnpas sarawi oh poadoapoad en peneinei.

25.2.4

Soun sawas kan ong palien Tehnpas Sarawi oh Poadoapoad en Peneinei en nan Ward

Sounsawas kan ong tehnpas sarawi oh poadoapoad en peneinei nan ward kin doadoahk pahn kaweid en kaun en tehnpas sarawi oh poadoapoad en peneinei de tohn elder Quorum presedensi me kin wia pwukoah wet. Pisoprik kin malipehda towe pwukat en papah. Me laud oh me pwulopwul kak alehdi pwukoah.

Soun sawas kan ahneki pwukoah pwukat:

Sewese towe kan en iang kehn kapai kan en rapahkihda arail keinek kan oh wia arail tiahk sarawi kan nan tehnpas sarawi.
Sewese towe kan en kounopada alehdi tiahk sarawi kan oh wiahda inou kan nan tehnpas sarawi.
Towehda mihting kan en koasoanepen tehnpas sarawi oh poadoapoad en peneinei kan (kilang 25.2.7).

25.2.7

Mihting kan en Koasoanepen Tehnpas Sarawi oh Poadoapoan Peneinei nan ward.

Mihting mwotomwot kan duwen koasoanepen tehnpas sarawi oh poadoapoad en peneinei en nan ward o kin wiawi nan ansou kan. Ma mie kaun en ward temple oh family history me malipilipda, e pahn kin katanga tuhpene pwukat. Ma soh, emen tohn elder quorum presedensi me kin wia pwukoah wet pahn kin katanga.

Pil iangahki mehtei kan me lukedoh:

Pilada tohn presedensi en Pwihn en Sawas en Lih oh elders Quorum presidensi.
Soun sawas en nan prihsd quorum.
Emen tohn presedensi en serepein pwulopwul kan sang pwihn me keiou mah.
Soun Sawas ong nan Tehnpas Sarawi oh Poadoapoad en Peneinei

Kahrepen mihting pwukat iei en:

Koasoanehdi ia mwomwen sewese towen wardo ong doadoahk en nan tehnpas sarawi oh poadoapoad en peneinei kan me pekipek miehier.

Tuhpene pwukat kin kak wiawi sang ni arail kin tuhpene de doadoahngki internet. Koasoandi kan pil kak wiawi ni soangen ahl teikan, me iangahki delepwohn, texts, oh pil email kan.

25.2.8

Kasukuhl pen Kounopadahn kohla nan Tehnpas Sarawi

Sang kaweid en pisop, kasukuhlpen kounopadahn tehnpas sarawi kak koasondi pwe en sewese towe kan en kounopada wia inou kan ni arail pahn alehdi tiahk sarawi kan en tehnpas sarawi. Kasukuhl pwukat kin wiawi likin ansoun tuhpene en sarawi ni ansou me mwahu ong towe kan. Irail kak wiawi nan wasahn tuhpene de pil nan wasahn kousoan ehu.

Mehn kaskuhl kan oh kaweid kan ong kosonehdi kaskuhl wet mih nan Endowed from on High: Temple Preparation Seminar Teacher’s Manual. Irail akan me pahn towehda pahn ale neirail koapi kan ong Koukounopadahn Pidelong Nan Wasa sarawi iei Tehnpas Sarawi. Ong ni pein amw onop oh mehn sawas teikan, kilang temples.ChurchofJesusChrist.org.

25.4

Mehn Sawas akan ong Poadoapoan Peneinei

25.4.1

Soai pen ahi Peneinei Kan Me kin Kih kiht Pene

Soai pen ahi Peneinei Kan Me Kin Kih kiht Pene kin sewese aramas en rapahkida arail peneinei oh keinek kan oh kihpene arail soai kan. Pwuhk wet kak sewese towe kan en tepida kounopada eden peneinei kan ong tiahk sarawi kan en tehnpas sarawi.

Pwuhk wet kak alahldi ni ChurchofJesusChrist.org. Pwuhk pwukat kak oahtdo sang store.ChurchofJesusChrist.org.

25.4.2

FamilySearch.org oh pil FamilySearch Apps

FamilySearch.org me wia nein Mwomwodiso website ong doadoahk en tehnpas sarawi oh poadoapoad en peneinei. E kak sewese irail akan:

Wiahda tuhke en peneinei oh mwomwen arail ehu te.
Rapahkida keinek kan oh soaiparail kan.
Ehukiwei oh nekidala soai en peneinei kan, kilel kan, oh poadoapoad kan,
Kounopada eden peneinei kan ong tiahk sarawi kan en tehnpas sarawi.

FamilySearch Tree app oh FamilySearch Memories app kahreiong aramas arail kak patehng nan doadoahk en tehnpas sarawi oh poadoapoad en peneinei sang nan neirail mobile devices kan.

25.5

Pilada oh Malipehda Tohn Doadoahk En nan Tehnpas Sarawi

25.5.1

Pilada Tohn Doadoahk kan en nan Tehnpas Sarawi

Irail kan me kak wia tohn doadoahk nan tehnpas sarawi kan kin sansalada ni ahl pwukat:

Towe kan kin pilipilda sang pisop de emen sounkaweid nan ward
Towe men me kin pein tuhkiheng pisop me pid papah
Towe kan kin pilipilda sang preseden en tehnpas sarawi, soun apwalih tehnpas sarawi, de emen kaun en tehnpas sarawio
Towe kan me koukounop ong de apwtehn pwurasang ah wia doadoahk en misineri men (kilang iralaud 24)

Ahd akan en irail kan me kak doadoahk nan tehnpas sarawi kin kapidelong sang ni arail doadoahngki Recommend Temple Worker tool. Dipwisoun doadoahk wet kin sansal ong pisop kan, steik preseden kan, oh presedensi en tehnpas sarawi kan.