templo

25.

Buhat sa Templo ug Family History diha sa Ward ug Stake

25.0

Pasiuna

Ang buhat sa templo ug family history mao ang paagi sa paghiusa ug pagsilyo sa mga pamilya alang sa kahangtoran (tan-awa sa Mateo 16:19). Kini nga buhat naglakip sa:

• Paghimo og mga pakigsaad samtang kita modawat sa atong kaugalingong mga ordinansa sa templo (tan-awa sa Isaias 55:3; Doktrina ug mga Pakigsaad 84:19–23).

• Pagdiskobre sa atong namatay na nga mga katigulangan ug sa pagpahigayon og mga ordinansa alang kanila diha sa templo aron sila makahimo og mga pakigsaad uban sa Dios (tan-awa sa Malaquias 4:5–6; 1 Mga Taga-Corinto 15:29; Doktrina ug mga Pakigsaad 128:15–18).

• Pag-adto sa templo sa Ginoo kanunay, kon posible, sa pagsimba sa Dios ug sa pagpahigayon og mga ordinansa alang sa atong mga katigulangan (tan-awa sa Lucas 24:52–53; Doktrina ug mga Pakigsaad 109:13–14).

Dugang nga impormasyon anaa sa “Temples” ug “Family History” (Gospel Topics, topics.ChurchofJesusChrist.org).

25.1

Pag-apil sa Miyembro ug Lider diha sa Buhat sa Templo ug sa Family History

Ang mga miyembro sa Simbahan adunay mga pribilehiyo ug responsibilidad sa pagtabang sa paghiusa sa ilang mga pamilya alang sa kahangtoran. Sila moandam sa ilang kaugalingon sa paghimo og mga pakigsaad samtang sila modawat og mga ordinansa sa templo, ug maningkamot sila sa pagtuman niadto nga mga pakigsaad.

Ang mga miyembro sa Simbahan giawhag sa pag-ila sa ilang namatay na nga mga kaparyentihan kinsa wala makadawat sa mga ordinansa sa templo. Ang mga miyembro dayon mopahigayon sa mga ordinansa alang niadto nga mga kaparyentihan (tan-awa sa Doktrina ug mga Pakigsaad 128:18). Didto sa kalibotan sa espiritu, ang namatay na nga mga indibidwal makapili sa pagdawat o pagsalikway sa mga ordinansa nga gipahigayon alang kanila.

25.1.1

Indibidwal nga Responsibilidad alang sa Pagtambong sa Templo

Ang mga miyembro motino alang sa ilang kaugalingon kanus-a ug unsa ka sagad nga makasimba sa templo. Ang mga lider dili moestablisar og mga quota o sistema sa pag-report alang sa pagtambong sa templo.

25.2

Pag-organisar sa Buhat sa Templo ug Family History diha sa Ward

25.2.1

Bishopric

Ang bishopric makigsabot sa mga kapangulohan sa korum sa mga elder ug sa Relief Society samtang mangulo sila sa mga paningkamot sa ward alang sa templo ug family history. Kini nga mga lider magtinambagay kanunay.

Ang bishopric aduna usab sa mosunod nga mga responsibilidad sa buhat sa templo ug family history diha sa ward:

• Moseguro nga ang mga doktrina ug mga panalangin sa buhat sa templo ug family history gitudlo diha sa simbahan.

• Moseguro nga ang buhat sa templo ug family history nasabotan diha sa mga miting sa konseho sa ward ug sa konseho sa kabatan-onan sa ward.

• Modumala sa organisasyon sa mga kurso sa pagpangandam alang sa templo (tan-awa sa 25.2.8).

• Moisyu og mga rekomend sa templo (tan-awa sa kapitulo 26).

25.2.2

Mga Kapangulohan sa Korum sa mga Elder ug Relief Society

Ang mga kapangulohan sa korum sa mga elder ug Relief Society mangulo sa inadlaw-adlaw nga mga paningkamot alang sa templo ug family history diha sa ward (tan-awa sa 8.2.4 ug 9.2.4). Sila magtambayayong sa pagpangulo niini nga mga paningkamot uban sa konseho sa ward, ubos sa pagpakigsabot sa bishop.

Kini nga mga lider aduna sa mosunod nga mga responsibilidad:

• Motabang sa mga miyembro nga mangandam sa pagdawat og mga ordinansa sa templo ug sa paghimo og mga pakigsaad sa templo.

• Moawhag sa mga miyembro nga mosimba sa templo kanunay kutob sa itugot sa ilang mga sirkumstansiya.

• Moawhag sa mga miyembro nga magkat-on mahitungod sa ilang mga katigulangan ug magpahigayon og mga ordinansa sa templo alang kanila.

• Mogiya sa trabaho sa lider sa ward alang sa templo ug family history. Kon kini nga lider wala matawag, ang usa ka sakop sa kapangulohan sa korum sa mga elder ang motuman niini nga tahas (tan-awa sa 25.2.3).

Ang matag presidente sa korum sa mga elder ug presidente sa Relief Society mosangon og sakop sa kapangulohan sa pagtabang sa pagpangulo sa buhat sa templo ug family history diha sa ward. Kining duha ka sakop sa kapangulohan magtambayayong. Sila motambong og mga miting sa pakigsabot sa ward alang sa templo ug family history (tan-awa sa 25.2.7).

25.2.3

Lider sa Ward alang sa Templo ug Family History

Ang bishopric mokonsulta sa presidente sa stake sa pagtino kon motawag ba og lider sa ward alang sa templo ug family history. Kini nga tawo kinahanglan nga usa ka tighupot sa Melchizedek nga Pagkapari.

Ang lider sa ward alang sa templo ug family history mosuporta sa kapangulohan sa korum sa mga elder ug kapangulohan sa Relief Society sa ilang mga responsibilidad sa templo ug family history. Siya usab aduna sa mosunod nga mga responsibilidad:

• Mangulo sa mga miting sa pakigsabot sa ward alang sa templo ug family history (tan-awa sa 25.2.7

• Motudlo sa mga consultant sa ward alang sa templo ug family history. Makigsabot sa ilang mga paningkamot sa pagtabang sa mga miyembro sa buhat sa templo ug family history.

• Makigtambayayong sa lider sa misyon sa ward ug sa mga misyonaryo sa pagtabang niadtong nagkat-on sa ebanghelyo, sa bag-ong mga miyembro, ug sa mibalik nga mga miyembro nga moapil sa buhat sa templo ug family history.

25.2.4

Mga Consultant sa Ward alang sa Templo ug Family History

Ang mga consultant sa ward alang sa templo ug family history moserbisyo ubos sa direksyon sa lider sa ward alang sa templo ug family history o sa sakop sa kapangulohan sa korum sa mga elder kinsa mohimo niini nga tahas. Ang bishopric motawag niining mga miyembro sa pagserbisyo. Mga hamtong ug kabatan-onan mahimong tawagon.

Ang mga consultant aduna sa mosunod nga mga responsibilidad:

• Motabang sa mga miyembro nga makasinati sa mga panalangin sa pagdiskobre sa ilang mga katigulangan ug sa pagpahigayon sa mga ordinansa sa templo alang kanila.

• Motabang sa mga miyembro nga mangandam sa pagdawat og mga ordinansa sa templo ug sa paghimo og mga pakigsaad sa templo.

• Moapil sa mga miting sa pagpakigsabot alang sa templo ug family history (tan-awa sa 25.2.7).

25.2.7

Mga Miting sa Pagpakigsabot sa Ward alang sa Templo ug Family History

Mubo dili pormal nga mga miting sa pagsabot-sabot sa ward alang sa templo ug family history ang himoon kanunay. Kon ang lider sa ward alang sa templo ug family history gitawag, siya mopahigayon niini nga mga miting. Kon dili, ang mga sakop sa kapangulohan sa korum sa mga elder kinsa mohimo niini nga tahas mao ang mopahigayon.

Ang uban nga dapiton maglakip sa:

• Gisangonan nga mga sakop sa mga kapangulohan sa Relief Society ug sa korum sa mga elder.

• Usa ka kaabag sa korum sa mga priest.

• Usa ka sakop sa kapangulohan sa labing edaran nga klase sa Young Women.

• Mga consultant sa templo ug family history.

Ang katuyoan niini nga mga miting mao ang:

• Pagplano unsaon sa pagtabang sa piho nga mga miyembro sa ward sa ilang buhat sa templo ug family history sumala sa gihangyo.

Kini nga mga miting mahimong himoon nga personal nga magkita o dili personal nga magkita. Ang pagsabot-sabot mahimo usab nga mahitabo sa ubang mga paagi, lakip sa mga tawag sa telepono, mga text, ug mga email.

25.2.8

Kurso sa Pagpangandam alang sa Templo

Ubos sa direksyon sa bishop, ang kurso sa pagpangandam alang sa templo mahimong i-organisar aron sa pagtabang sa mga miyembro nga mangandam sa paghimo og mga pakigsaad samtang sila modawat sa mga ordinansa sa templo. Kini nga mga kurso himoon dili sa naandan nga mga miting sa Dominggo sa usa ka panahon nga hamugaway alang sa mga miyembro. Kini mahimong himoon sa meetinghouse o sa panimalay.

Ang mga leksiyon ug mga instruksiyon alang sa pag-organisar sa kurso anaa diha sa Gitugahan gikan sa Kahitas-an: Manwal sa Magtutudlo sa Seminar sa Pagpangandam alang sa Templo. Ang mga partisipante hatagan og mga kopya sa Pagpangandam sa Pagsulod sa Balaan nga Templo. Alang sa personal nga pagtuon ug mga kapanguhaan sa leksiyon, tan-awa sa temples.ChurchofJesusChrist.org.

25.4

Mga Kapanguhaan sa Family History

25.4.1

Akong Pamilya: Mga Istorya Nga Naghiusa Namo

Ang Akong Pamilya: Mga Istorya Nga Naghiusa Namo nagtabang sa mga tawo nga makadiskobre sa mga kabanay ug mga katigulangan ug pagkolekta sa ilang mga istorya. Kini nga gamay nga basahon makatabang usab sa mga miyembro nga magsugod sa pag-andam og mga ngalan sa pamilya sa mga ordinansa sa templo.

Ang gamay nga basahon mahimong ma-download sa ChurchofJesusChrist.org. Ang pisikal nga mga kopya mahimong ma-order sa store.ChurchofJesusChrist.org.

25.4.2

FamilySearch.org ug FamilySearch nga mga App

FamilySearch.org mao ang website sa Simbahan alang sa buhat sa templo ug family history. Makatabang kini sa mga tiggamit sa:

• Paghimo sa mga koneksyon ug mga relasyon sa family tree.

• Pagdiskobre sa mga katigulangan ug sa ilang mga istorya.

• Pagpaambit ug pagpatunhay sa mga istorya sa pamilya, mga litrato, ug mga kasaysayan.

• Pag-andam og mga ngalan sa pamilya alang sa mga ordinansa sa templo.

Ang FamilySearch Tree app ug FamilySearch Memories app makapahimo sa mga tawo nga moapil sa buhat sa templo ug family history gamit ang mobile nga mga himan.

25.5

Pagrekomendar ug Pagtawag og mga Temple Worker

25.5.1

Pagrekomendar og mga Temple Worker

Ang potensiyal nga mga temple worker mailhan sa mosunod nga mga paagi:

• Mga miyembro nga giila sa bishop o sa laing lider sa ward

• Mga miyembro kinsa moduol sa bishop mahitungod sa pagserbisyo

• Mga miyembro nga girekomendar sa presidente sa templo, sa matron, o sa laing lider sa templo

• Mga miyembro kinsa nangandam o bag-ong miuli gikan sa misyonaryo nga pagserbisyo (tan-awa sa kapitulo 24)

Ang mga ngalan sa potensiyal nga mga temple worker isumiter gamit ang Recommend Temple Worker tool. Kini nga himan anaa sa mga bishop, mga presidente sa stake, ug mga kapangulohan sa templo.