29.

Miting er a Ikelesia

29.0

Uchelel

A Ruriul-klebesei el Santo a blechoel mo kebetech e ngara omengull, e melisiich er a ta me a tang, e kasisechakl e mesuub er a ebangkelio (mesa Alma 6:6; Moroni 6:5–6). A Osobel a mle yaksok el kmo, “A terung a lechub a tedei el mo dmak el kldibel el ngara ngklek, a bok teloi er tir” (Mateus 18:20). A mo kebetech e dmak a tara rolel e a “rengud a mo uldak e kaukledem el ngara beltikereng” (Mosiah 18:21).

Eng di, a mo dmak er a miting a diak el kirel mtechir omesiou me a oldingel el uaia luruul Osobel.

29.1

Melib me a Mengetikaik a Miting

A roungerachel a melib e mengetikaik a miting lultuil er a Chedaol Reng, loltirakl a llechul me a chedaol ocholt er a Dios (Doctrine and Covenants 20:45; dirrek el mesa Moroni 6:9; Doctrine and Covenants 46:2). Te osiik rolel e a Chedaol Reng a mo teloi er tir er a ikel miting.

A roungerachel a mo kerekikl me a iidisel me a klemengetel a miting a diak bol berraod el mo er a rechad a lechub a telunglaek er tir.

29.2

Miting er a ward

29.2.1

Miting er a Sakrament

Moktek

Melbedebek er a Jesus Kristo lokiu omeliul a sakrament. A lmuut el bebil er a moktek a uldimukl er ngii a mo ngara omengull, meleketek er a klaumerang, me a kuk bebil er a ureor er a ward.

Rechad el mei

A rokui el chad a sebechir el mong.

Temel

Bek el Sandei

29.2.1.1

Melib a Miting er a Sakrament

A klebisop a melib e mengetikaik a miting er a sakrament. Te kerekikl me a moktek er a miting a ngara sakrament e meleketek a klaumera er a Jesus Kristo.

A miting er a sakrament a tal sikang a temel. Ng sebechel uldimukl aikakid:

1. Chelitakl er a uchelel (mesa 19.3.2 el kirel omesodel).

2. Oudkeu e mengemedaol

3. Oudkeu er ngike el ngarbab loungerachel a lechub a kuk bebil er a roungrachel el di oldingel.

4. Subed Aika kirel klebech a iidisel.

5. Chelitakl el mo omuchel me a nglunguuch. Mesa 19.3.2 me a 29.6.

6. tekingel a ward me a stake, el ua ikakid:

   • Kengei me a melubet er a re officer me a resensei (mesa 30.3 me a 30.6).

   • Odars a ngklir tirkel odam el mo moterekokl el mo er a Aaronic Priesthood (mesa 18.10.3).

   • Oudkeu er a rebeches el chedal a ward, me tirkel dirk ulebult.

7. Omngakl me a omekngeltengat er a rengalek (mesa 18.6). Tia blechoel mekedmokl er sel temel a miting er a sengerenger (mesa 29.2.2).

8. Olterekokl er a rebeches el mla obult (mesa 18.8).

9. Chelitakl er a sakrament me a kedmeklel a sakrament. A sakrament a kot el ngaruchei el moktek er a miting. Tial chedaol ruoll a techall el mo er a rechedal a ikelesia el ngmai a uldesuir el bedul Osobel me a tngakireng er Ngii el kirir.

   A lmuut el bebil er a omesodel a kedmeklel, omekngeltengat, me a omerusel a sakrament e, mesa 18.9.

10. Suobel er a ebangkelio me a omengitakl er a rokui el chad a lechub a kuk bebil er a chelitakl.

11. Chelitakl el mengesimer me a nglunguuch.

12. Chelitakl ruriul

29.2.1.4

Melilt er a re mo Mengedecheduch

A klebisop a melilt er a re mo mengedecheduch er a temel a miting er a sakrament. Te blechoel lolengit er a rechedal a ward, luldimukl er a rengeasek.

A re mo mengedecheduch ouchais el kirel a Jesus Kristo e olisechakl er a ebangkelio er Ngii lousbech chedaol llechukl (mesa Doctrine and Covenants 42:12; 52:9).

29.2.2

Miting er a Sengerenger

Moktek

Melai er a sakrament e melisiich er a ta me a tang lokiu chisel a klaumera er a Jesus Kristo me a ebangkelio er Ngii. A rechedal a ikelesia a olsengerenger e mei er a ikal miting a lsekum eng sebechir lolsengerenger.

Rechad el mei

A rokui el chad a sebechir el mei.

Temel

Tang er a tal buil, e a miting er a sakrament a kirel a sengerenger me a olchotel a klaumerang. Tia blechoel sel kot el Sandei er a buil.

Sel temel a miting er a sengerenger, eng diak a rtelutk el mo mengedecheduch a lechub el tokubets el chelitakl. Ng bai, ngike el chad el mengetikaik a ouchais er a kedeb el chisel a klaumera er ngii. E sola siotai er a rechad el me ouchais chisel a klaumera er tir. A chisel a klaumerang a belkul a kmo ke ouchais er a klemerang er a ebangkelio lokiu odbechel Chedaol Reng.

29.2.3

Ongdibel er a Ward

Moktek

Sel temel ongdibel er a ward, e a roungerachel er a stake olisechakl, olngeseu, e oldingel er a rechedal a ward. A rechedal a ward a kongei e oldubech er a roungerachel er a ikel basio lengarngii.

Rechad el mei

A rokui el chad a sebechir el mei.

Temel

Tang er a tal rak eng di diak el sel Sandei er a sengerenger.

29.2.4

Miting er a Klebisop

Moktek

Dmak el chadecheduch el melib a tekoi el kirel a ward.

Rechad el mei

Tikrel ngara klebisop, clerk er a ward, me a secretary.

Temel

Bek el sandei

A tekoi losaod a sebechel uldimukl a:

• Ureor el kirel a mo suobel me a ngar el mo cherechar er a rechedal a ward.

• Melisiich er a dersta el chad me a telungalek er a ward— oumesingd a rengeasek me a rengalek.

• Mesterir tirkel mla mo sebechir el mo ngmai chedaol ruoll, luldimukl er a re mo nguu a priesthood.

• Mesterir tirkel sebechir el mokedong el mo er a deruchall er a ward.

29.2.5

Ward Council Miting

moktek

Olngeseu er a ureor el kirel a mo suobel me a ngar el mo cherechar er a rechedal a ward (mesa 1.2).

Rechad el mei

• Rengara klebisop, clerk er a ward, me a secretari er a ward.

• Remerredel er a chelechad er a elders, Relief Society, Young Women, Primary, me a Sandei Skuul.

Temel

Blechoel bek el sandei (eng di sebechel mo kesai)

A bisop a melib, oungerachel, e mengetikaik a ward council miting. A council a diak a ngera el meklou el tekoi lolib a lak a bisop.

Tirkel loungerachel a chelechad er a ward a ngara ward council miting lolab eru el tekoi:

1. Te chedal a ward council lolngeseu lomekngeltengat er a rechedal a ward.

2. E omtechei aike el chelechad er tir.

Sel bol kebetech, e a rechedal a ward council a mesaod a tekoi el mo klungiolel a cherrengelel tial chelechad. A bek el chedal a chelechad a kirel louchais a ngara uldesuel me a rengul er a tekoi losaod.

A miting er a chelechad er a ward a diak el kirel lengelakl er a tal sikang a temel. Te omuchel loba nglunguuch me a kedeb el report el kirel a ureor er sel mlo merek el miting. A bisop a kirel lomes me a kot e te mesaod aikel meklou a belkul tekoi el ngii a mo klengeltengat er a dersta el chad me a telungalek.

• Oltirakl er a ebangkelio er a Jesus Kristo. Olngeseu er a rokui el chedal a ikelesia el meleketek er a klaumera er tir, ngmai chedaol ruoll er a mo suobel, e oltirakl a telbilir.

• Omekerreu er a rengesool. Ousbech aikel ngarngii klekedall me a duch el mo omekngeltengat er a dersta el chad, telungalek, me a buai. Ngosuterir a rechedal a ward el di mo tir el mesiou er tir. (Mesa bliongel 22.)

• Siotai er a rokui el chad el mo nguu ebangkelio. Omes a teletael er tirkel mesuub er a ebangkelio, me tirkel beches me a re luueta el mei el chedal a ikelesia. Mesaod a teletael el rechedal a ikelesia a sebechir lomerk er a ebangkelio el mo er a rebebil. (Mesa bliongel 23.)

• Omak a telungalek el mo er a ulebongel. Omes a teletael er tirkel mengedmokl er tir el mo melai chedaol ruoll er a templo. Melib a teletael el mo ngosuterir a rechdal a ikelesia el kirel a ngeiul a babier er a mo er a templo. Mesaod a teletael el rechedal a ikelesia a mo sebechir el mo er a templo e meruul a ureor er a reksi er a telungalek. (Mesa bliongel 25.)

A rechedal a chelechad a kirir lomart el diak losaod aikel lokedeldaol el tekoi (mesa 4.4.6).

29.2.6

Miting er a Chelechad er a Rengeasek er a Ward

Moktek

Melisiich er a rengeasek er a ward. Ngosuterir el mo meruul a ureor er a mo suobel me a ngar el mo cherechar (mesa 1.2).

Rechad el mong

• Klebisop

• Tara olngeseu er a bisop el ngara chelechad er a prist me a remerredel er a chelechad er a resensei me a re deacon.

• Remerredel er a klas er a Young Women (a lechub a cherengelel omerredel a lsekum eng di chimong a klas er a young women).

• Merredel er a Young Women

Temel

Blechoel bek el buil

Uchei er a bek el miting, e a bisop me a chad loungerachel a mes aikel tekoi el mo soadel.

• Ureor er a mo suobel me a ngar el mo cherechar.

• Usbechellir a rengeasek er a ward me a teletelel a bo losaod.

• Ureor el kirir a rengeasek el diak el sal mesisiich er a ikelesia a lechub e te beches el chedal a ikelesia.

• Omilil/omeruul luldimukl a techall er a omesiou er a rengesool. Oumesingd er a omelib a mekedmokl er a ikel miting er a chelechad a lechub a remerredel a klas (mesa bliongel 20).

• Oldingel (mesa bliongel 21).

• Olisechakl er a rebeches el mokedong el merredel a chelechad me a klas.

29.2.8

Iioter er a Miting sel Sandei

A ward ousbech er a tal sikang er a ikel eru el sikang er a Sandei el kirel a miting.

Melib 1

Okolem el bung	Miting er a Sakrament
teruich el bung	Delongelel a temel a klas me a miting
okeim el bung	Bek el Sandei: Primary, me a nursery Kot me a ongedei el Sandei er a buil: Sandei Skuul Ongeru me a ongeua el Sandei: miting er a chelechad er a priesthood, miting er a Relief Society, me a miting er a Young Women. Ongeim el Sandei: miting er a rengeasek me a remeklou el chad. A klebisop a ngiltii a suobel e melilt er a resensei.

Melib 2

Okeim el bung	Bek el Sandei: Primary me a nursery Kot me a ongedei el Sandei er a buil: Sandei skuul Ongeru me a ongeua el Sandei: miting er a chelechad er a priesthood, miting er a Relief Society, me a miting er a Young Women. Ongeim el Sandei: miting er a rengeasek me a remeklou el chad. A klebisop a ngiltii a suobel e melutk er a resensei.
teruich el bung	Delongelel a temel a miting er a sakrament
okolem el bung	miting er a sakrament

29.3

Miting er a stake

29.3.1

Ongdibel er a stake

Moktek

A kot el moktek er a ongdibel er a stake a mo melisiich a klaumera er a rechad er a Jesus Kristo.

Tirkel mong

A rokui el chad a sebechir el mo er a ikal ongdibel. A bebil er a ongdibel a kuk mo er a re tokubets el chad, a omesodel a ngariou.

Temel

Eru er a tal rak.

29.3.2

Miting er a Cherrengelel a Priesthood er a Stake

Moktek

Olisechakl e omekellomes er a roba priesthood er a ikel ngerchelir.

Tirkel mong

Tirkel rokui loba priesthood er a stake.

Temel

Tang er a tal rak.

29.3.3

Miting er tirkel Priesthood Loungerachel er a Stake

Moktek

Olisechakl er a roungerachel loba priesthood a ngerchelir, choisois a duch er tir, e melisiich a klaumera er tir.

Tirkel mong.

• Rengara omerredel er a stake

• Ngarbab el council.

• Clerk er a stake me a ward (me a rolngeseu a lengarngii).

• secretari er a stake me a ward.

• Rengara omerredel er a Young Men er a stake (me a secretary a le mokedong).

• Rengara Klebisop.

• Rengara omerredel er a chelechad er a elders me a re secretary.

• Tirkel adviser er a chelechad er a Aaronic Priesthood.

Temel

A miting er a roungerachel loba priesthood a ngarngii el telengtengil a bek el ongdibel er a stake.

29.3.4

Miting er a Roungerachel er a Stake

Moktek

Olisechakl er a roungerachel a chelechad er a ward a ngerchelir, e ngosuterir el mo ungil loungerachel e sensei, e melisiich a klaumera er tir er a Jesus Kristo. Chelsel a ikaikid el miting, e tirkal loungerachel a dirrek el chadecheduch e kebetech a uldasou.

Tirkel mong

Rokui el ngara Relief Society er a stake me a ward, Young Women, Primary, me a remerredel er a Sandei Skuul me a re secretary. A chedal omerredel er a stake a lechub a telutk el ngarbab el councilor a bdelul aika el miting. Resensei, advisers, re ngarbab el councilor, rechedal a klebisop loungerachel aika el chelechad a dirrek el mo er a ikal miting.

Temel

Tang er a tal rak.

29.3.5

Miting er a Chelechad er a Rengarbab el Prist er a Stake

Moktek

Olisechakl er a rechedal a chelechad er a ngerchelir me a suobel el melutk el kirel a prietshood.

Tirkel mong

Rokui el chedal a chelechad er a rengarbab el prist er a stake.

Temel

Kesengil eng tang er a tal rak.

29.3.6

Miting er a Remerredel er a Stake

Moktek

Dmak el chadecheduch e melib a kedmekill el tekoi el kirel a stake.

Tirkel mong

Rengara omerredel er a stake, clerk er a stake, me a secretary.

Temel

Kirel blechoel ngarngii (bek el sandei).

29.3.7

Miting er a Ngarbab el Council

Moktek

Dmak el chadecheduch el kirel a ureor er a mo suobel me a ngar el mo cherechar er a stake (mesa 1.2).

Tirkel mong

• Rengara omerredel er a stake.

• Ngarbab el Council.

• Clerk er a Stake me a secretary.

Temel

Eru er a tal buil a le sebechel.

29.3.8

Miting er a Stake Council

Moktek

Dmak el chadecheduch el kirel a ureor er a mo suobel me a ngar el mo cherechar er a stake (mesa 1.2).

Tirkel mong

• Remerredel er a stake.

• Ngarbab el council.

• Clerk er a stake me a secretary.

• Remerredel er a Stake Relief Society, Young Women, me a Primary.

• Roungerachel er a remesobil ngeasek er a stake me a roungerachel er a remesobil meklou el chad (a le mokedong).

Temel

Bek el buil a lsebechel.

29.3.9

Miting er a Chelechad er a Roungerachel er a Remeklou el Chad er a Stake

Moktek

Dmak el chadecheduch el kirel a ngesou el mo er a roungerachel er a ward el kirel a ureor er a mo suobel me a ngar el mo cherechar. Melib a teletael el ngosuterir a roungerachel er a ward er sel osengir er tial ureor er a stake.

Tirkel mong

• Remerredel er a stake.

• Remerredel er a Relief Society er a stake (me a secretary a le mokedong).

• Rengarbab el councilor loungerachel er a chelechad er a re elders.

Temel

Sel bo lusbechall.

29.3.10

Miting er a Chelechad er a Roungerachel er a Rengeasek er a Stake

Moktek

Dmak el chadecheduch el kirel a ngesou el mo er a roungerachel er a rengeasek el kirel a ureor er a mo suobel me a ngar el mo cherechar. Melib a teletael el ngosuterir a rengara chelechad er a stake er a osengir el kirir a rengeasek.

Tirkel mong

• Chedal omerredel er a stake

• Remerredel er a re Young Men (me a secretary a le mokedong).

• Remerredel er a Young Women (me a secretary a le mokedong).

• Tirkel ngarbab el councilor loureor lobengterir a re Young Women me a chelechad er a Primary.

Temel

Sel bo lusbechall.

29.3.11

Miting er a Rebisop er a Stake

Moktek

Kauchais a mla duubech e mesaod a ker el kuk kmal di melutk el kirir a re bisop.

Tirkel mong

Rokui el bisop me a remerredel a branch er a stake a chedal tial chelechad. A merredel er a stake a sebechel mo er a bebil er a ikal miting a lechub eng mo er ngii el rokui. A clerk er a stake meng dirrek el mong el rekord a ikel ngerachel me a metib.

Temel

Kesengil eng bek ledei el buil.

29.5

Kemeldiil me a Bebil er a Tekoi el kirir a re mla Mad

29.5.1

Beot el Osisechakl

A klou a belkul moktek er a kemeldiil er a Ikelesia a ouchais el kirel a uldasou er a mo suobel, oumesingd a Tngakireng me a Okiis er a kodall er a Osobel. Aika kirel kmal chetengakl, e chedaol teletael.

A roungerachel er a Ikelesia a diak el dechel a kuk teletael er a bebil er a klechelid a lechub a chelechad er a kemeldiil er a Ikelesia.

29.5.2

Oldars a Ngesou el mo er a Telungalek

Me kid loltirakl er a Jesus Kristo, e a roungerachel er a Ikelesia me a rechedal a ngara “klengitelreng lobengterir tirkel ngara klengitelreng … e mengelim er tirkel chelmongel” (Mosiah 18:9). Sel lemad a chedal a ikelesia, e a bsiop a mo odngelii a telungalek e mengelaod er tir.

A bisop odars a ngesou el mlara rechedal a ward, luldimukl a chelechad er a re elders me a Relief Society.

29.5.4

Teletelel a Kemeldiil (Lultuil er a Siukang)

A kemeldiil longetikaik er ngii a bisop, a le ngara omekedecheraol er a Ikelesia a lechub eng tara basio, a miting er a Ikelesia me kede ngara omengull el kirel. Ng kirel chedaol teletael.

A kemeldiil a kirel loltirakl a taem. Oumesingd, el diak el kirel lengelakl er a tal sikang me a tedobech a klemengetel, le kede melatk er a rechad el mlei.

A kemeldiil a diak el ngarngii sel Sandei.

29.6

Nglunguuch er a ikel miting er a Ikelesia

A nglunguuch er a miting er a Ikelesia a kirel mekedeb, beot, e bleketakl lokiu Chedaol Reng. Ngii di el chad el mla metecholb el chedal a Ikelesia a sebechel meluluuch. A rengalek el dirkak el metecholb a sebechir el meluluuch er a chelsel a Primary.

29.7

Ikel Miting el Di Okiu Melidiul el Diak a Klaseues er a Mad

A bisop a sebechel, a bo lusbechall, el kongei me a miting er a sakrament a mocholt loeak a klekedall er a melidiu luldimukl a kemeldiil me a merengel a chebechiil el ngarngii er a omekedecheraol er a ikelesia.

A omeliul a sakrament a diak el kirel mo chemolt lokiu a klekedall er a melidiul.

A bebil er a miting, e a bsiop a lechub a merredel er a stake a sebechel melutk er a rechad el diak el sebechel a bedengir el mei er a miting me te di mo ngara melidiul. Aika el miting a sebechel uldimukl er ngii a:

• Miting er a roungerachel, el uaia rengara omerredel a lechub a miting er a chelechad.

• Miting er a Chelechad, Relief Society, me a Young Women.

• Klas er a Sandei Skuul.

• Klas er a Primary me a temel omengitakl.