“29. Mga Miting sa Simbahan,” Mga Pinili gikan sa Kinatibuk-ang Tamdanan nga Basahon (2023).
“29. Mga Miting sa Simbahan,” Mga Pinili gikan sa Kinatibuk-ang Tamdanan nga Basahon
29.
Mga Miting sa Simbahan
29.0
Pasiuna
Ang mga Santos sa Ulahing mga Adlaw magpundok aron sa pagsimba, paghatag og kaayohan sa usag usa, ug sa pagtudlo ug pagkat-on sa ebanghelyo (tan-awa sa Alma 6:6; Moroni 6:5–6). Ang Manluluwas misaad, “Kay kon may duha o tulo nga magkatigom sa akong ngalan, anaa ako uban kanila” (Mateo 18:20). Ang panagtigom mao ang usa ka paagi nga ang atong mga kasingkasing “nabugkos diha sa pagkahiusa ug diha sa gugma” (Mosiah 18:21).
Hinoon, ang paghimo og miting kinahanglang dili mopuli sa pagserbisyo ug pagpangalagad sama sa gibuhat ni Jesukristo.
29.1
Pagplano ug Pagpahigayon og mga Miting
Ang mga lider magplano ug mopahigayon og mga miting “samtang sila gigiyahan sa Espiritu Santo, sumala sa mga sugo ug pagpadayag sa Dios” (Doktrina ug mga Pakigsaad 20:45; tan-awa usab sa Moroni 6:9; Doktrina ug mga Pakigsaad 46:2). Sila mangita og mga paagi sa pagdapit sa impluwensya sa Espiritu sa ilang mga miting.
Ang mga lider moseguro nga ang gidaghanon ug gitas-on sa mga miting dili makahatag og kabug-at alang sa mga miyembro o sa ilang mga pamilya.
29.2
Mga Miting sa Ward
29.2.1
Panagtigom alang sa Sakramento
29.2.1.1
Pagplano sa Panagtigom alang sa Sakramento
Ang bishopric moplano ug mopahigayon sa panagtigom alang sa sakramento. Sila moseguro nga ang gitutokan sa miting mao ang sakramento ug pagpalig-on sa hugot nga pagtuo diha kang Jesukristo.
Ang panagtigom alang sa sakramento molungtad og usa ka oras. Kini mahimong maglakip sa mosunod:
-
Prelude nga musika (tan-awa sa 19.3.2 alang sa mga lagda).
-
Pagtimbaya ug pag-abi-abi.
-
Pag-ila sa tigdumalang mga awtoridad o ubang mga lider kinsa nagbisita.
-
Mga Pahibalo. Kini kinahanglang dili kaayo daghan.
-
Atimanonon sa ward ug stake, sama sa mosunod:
-
Paghatag og ngalan ug pagpanalangin sa mga bata (tan-awa sa 18.6). Kini sa kasagaran himoon sa miting sa pagpuasa ug pagpamatuod (tan-awa sa 29.2.2).
-
Pagkompirma sa bag-ong mga kinabig (tan-awa sa 18.8).
-
Himno sa sakramento ug pagpangalagad sa sakramento. Ang sakramento mao ang importante nga bahin sa miting. Kini nga ordinansa mao ang usa ka oportunidad alang sa mga miyembro sa pagtumong sa ilang mga hunahuna ngadto sa Manluluwas ug sa Iyang sakripisyo alang kanila.
Alang sa dugang pa mahitungod sa pagpangandam, pagpanalangin, ug pagpaambit sa sakramento, tan-awa sa 18.9
-
Mga mensahe sa ebanghelyo ug pagpanganta sa kongregasyon o ubang musika.
-
Panapos nga himno ug pag-ampo.
-
Postlude nga musika.
29.2.1.4
Pagpili og mga Mamumulong
Ang bishopric mopili og mga mamumulong sa panagtigom alang sa sakramento. Sa kasagaran modapit sila og mga miyembro sa ward, lakip na sa kabatan-onan.
Ang mga mamumulong mopamatuod ni Jesukristo ug sa Iyang ebanghelyo gamit ang mga kasulatan (tan-awa sa Doktrina ug mga Pakigsaad 42:12; 52:9).
29.2.2
Miting sa Pagpuasa ug Pagpamatuod
Sa usa ka miting sa pagpuasa ug pagpamatuod, walay gisangonan nga mga mamumulong o espesyal nga mga pinili nga musika. Hinoon, ang tawo nga nagpahigayon mohatag og mubo nga pagpamatuod. Dayon siya modapit sa mga miyembro sa kongregasyon sa paghatag sa ilang mga pagpamatuod. Ang paghatag og pagpamatuod nagpasabot sa pagpahayag sa mga kamatuoran sa ebanghelyo pinaagi sa Espiritu Santo.
29.2.3
Komperensiya sa Ward
29.2.4
Miting sa Bishopric
Ang mga butang nga ikonsiderar maglakip sa:
-
Pagpakigsabot sa buhat sa kaluwasan ug kahimayaan diha sa ward.
-
Pagpalig-on sa mga indibidwal ug mga pamilya diha sa ward—ilabi na sa kabatan-onan ug kabataan.
-
Pag-ila sa mga miyembro kinsa makaandam sa pagdawat og mga ordinansa, lakip sa mga ordinasyon sa pagkapari.
-
Pag-ila sa mga miyembro nga tawagon ngadto sa mga katungdanan sa ward.
29.2.5
Miting sa Konseho sa Ward
Ang bishop moplano, modumala ug mopahigayon sa mga miting sa konseho sa ward. Ang konseho dili mohimo og dagkong mga desisyon kon wala ang bishop.
Ang mga lider sa organisasyon sa ward motambong sa mga miting sa konseho sa ward sa duha ka mga kapasidad:
-
Isip mga sakop sa konseho sa ward kinsa motabang sa pagpanalangin sa tanang miyembro sa ward.
-
Isip mga representante sa ilang mga organisasyon.
Kon sila magpundok, ang mga sakop sa konseho sa ward maghisgot sa mga butang nga makahatag og kaayohan sa hiniusang mga paningkamot sa tibuok konseho. Ang matag sakop sa konseho giawhag sa pagpaambit sa iyang mga hunahuna ug inspirasyon niini nga mga butang.
Ang mga miting sa konseho sa ward sa kasagaran dili molapas sa usa ka oras. Sila magsugod sa pag-ampo ug mubo nga mga report sa mga buluhaton sa miaging mga miting. Ang bishop mohatag og prayoridad sa mga butang nga labing gikinahanglan sa pagpanalangin sa mga indibidwal ug mga pamilya.
-
Pagsunod sa ebanghelyo ni Jesukristo. Pagtabang sa tanang miyembro nga molig-on sa hugot nga pagtuo, modawat sa makaluwas nga mga ordinansa, ug motuman sa ilang mga pakigsaad.
-
Pag-atiman niadtong nanginahanglan. Pagpakigbahin sa mga kapanguhaan ug mga kahanas aron mopanalangin sa mga indibidwal, mga pamilya, ug sa komunidad. Pagtabang sa mga miyembro sa ward nga makabarog pinaagi sa kinaugalingon nga paningkamot. (Tan-awa sa kapitulo 22.)
-
Pagdapit sa tanan nga modawat sa ebanghelyo. Pagrebyo sa kalamboan niadtong kinsa nagkat-on sa ebanghelyo, ingon man usab sa bag-o ug mibalik nga mga miyembro. Paghisgot og mga paagi nga ang mga miyembro makapaambit sa ebanghelyo ngadto sa uban. (Tan-awa sa kapitulo 23.)
-
Paghiusa sa mga pamilya alang sa kahangtoran. Pagrebyo sa kalamboan sa mga miyembro kinsa nag-andam nga modawat sa mga ordinansa sa templo. Pagplano og mga paagi sa pagtabang og dugang nga mga miyembro nga makakuha og rekomend sa templo. Paghisgot og mga paagi nga ang mga miyembro moapil sa buhat sa templo ug family history. (Tan-awa sa kapitulo 25.)
Ang mga sakop sa konseho kinahanglan nga mohimo nga kompidensyal sa bisan unsa nga pribado o sensitibo nga impormasyon (tan-awa sa 4.4.6
29.2.6
Miting sa Konseho sa Kabatan-onan sa Ward
Sa dili pa ang matag miting, ang bishop ug ang tawo nga nagpahigayon morebyo sa mga butang nga hisgotan.
-
Ang buhat sa kaluwasan ug kahimayaan.
-
Mga panginahanglan sa kabatan-onan sa ward ug mga paagi sa pagtubag niini.
-
Mga paningkamot sa pagtabang sa kabatan-onan kinsa dili kaayo aktibo o bag-o nga mga miyembro.
-
Mga kalihokan, lakip sa mga oportunidad sa pagserbisyo niadtong nanginahanglan. Kadaghan sa pagplano himoon diha sa mga miting sa kapangulohan sa korum o klase (tan-awa sa kapitulo 20).
-
Pagpangalagad (tan-awa sa kapitulo 21).
-
Pagtudlo sa bag-ong gitawag nga mga kapangulohan sa korum o klase.
29.2.8
Mga Eskedyul sa mga Miting sa Dominggo
Ang mga ward mogamit sa usa sa mosunod nga duha ka oras nga mga eskedyul alang sa mga miting sa Dominggo.
Plano 1
|
60 minutos |
Panagtigom alang sa sakramento |
|---|---|
|
10 minutos |
Pagbalhin ngadto sa mga klase ug mga miting |
|
50 minutos |
Sa tanang Dominggo: Primary, lakip sa nursery Una ug ikatulo nga mga Dominggo sa bulan: Sunday School Ikaduha ug ikaupat nga mga Dominggo: mga miting sa korum sa pagkapari, mga miting sa Relief Society, ug mga miting sa Young Women Ikalima nga mga Dominggo: mga miting alang sa kabatan-onan ug mga hamtong. Ang bishopric motino sa hilisgotan ug mosangon og mga magtutudlo. |
Plano 2
|
50 minutos |
Sa tanang Dominggo: Primary, lakip sa nursery Una ug ikatulo nga mga Dominggo sa bulan: Sunday School Ikaduha ug ikaupat nga mga Dominggo: mga miting sa korum sa pagkapari, mga miting sa Relief Society, ug mga miting sa Young Women Ikalima nga mga Dominggo: mga miting alang sa kabatan-onan ug mga hamtong. Ang bishopric motino sa hilisgotan ug mosangon og mga magtutudlo. |
|---|---|
|
10 minutos |
Pagbalhin ngadto sa panagtigom alang sa sakramento |
|
60 minutos |
Panagtigom alang sa sakramento |
29.3
Mga Miting sa Stake
29.3.1
Komperensiya sa Stake
29.3.2
Kinatibuk-ang Miting sa Pagkapari sa Stake
29.3.3
Miting sa Pagpangulo sa Pagkapari sa Stake
29.3.4
Mga Miting sa Pagpangulo sa Stake
29.3.5
Miting sa Korum sa mga High Priest sa Stake
29.3.6
Miting sa Kapangulohan sa Stake
29.3.7
Miting sa High Council
29.3.8
Miting sa Konseho sa Stake
29.3.9
Miting sa Komitiba sa Pagpangulo sa mga Hamtong diha sa Stake
29.3.10
Miting sa Komitiba sa Pagpangulo sa Kabatan-onan diha sa Stake
29.3.11
Miting sa Konseho sa mga Bishop sa Stake
29.5
Mga Lubong ug Ubang mga Tulumanon alang sa Patay
29.5.1
Kinatibuk-ang mga Baroganan
Ang importante nga katuyoan sa mga tulumanon sa Simbahan alang sa mga namatay mao ang pagpamatuod bahin sa plano sa kaluwasan, ilabi na sa Pag-ula ug Pagkabanhaw sa Manluluwas. Kini nga mga tulumanon kinahanglan nga ligdong, espirituwal nga mga kasinatian.
Ang mga lider sa Simbahan kinahanglan dili molakip sa mga ritwal sa ubang mga relihiyon o mga grupo diha sa mga tulumanon sa Simbahan alang sa namatay.
29.5.2
Pagtanyag og Tabang ngadto sa Pamilya
Isip disipulo ni Jesukristo, ang mga lider ug mga miyembro sa Simbahan kinahanglan nga “[mag]bang[o]tan uban niadto nga nagbang[o]tan; … ug [mo]hupay niadtong nagkinahanglan sa kahupayan” (Mosiah 18:9). Kon ang usa ka miyembro mamatay, ang bishop mobisita sa pamilya aron sa paghatag og kahupayan.
Ang bishop motanyag og tabang gikan sa mga miyembro sa ward, lakip sa korum sa mga elder ug Relief Society.
29.5.4
Mga Tulumanon sa Haya (Kon Naandan)
Ang haya nga gipahigayon sa bishop, sa gambalay man sa Simbahan o sa laing lugar, usa ka miting sa Simbahan ug usa ka relihiyoso nga tulumanon. Kinahanglan nga kini usa ka espirituwal nga okasyon.
Ang mga haya kinahanglang magsugod sa saktong oras. Sa kasagaran, dili kini molungtad og sobra sa 1.5 ka oras, isip usa ka katahoran niadtong kinsa motambong.
Ang mga tulumanon sa haya kasagaran dili himoon sa Dominggo.
29.6
Mga Pag-ampo sa mga Miting sa Simbahan
Ang mga pag-ampo kinahanglan nga mubo, yano, ug gigiyahan sa Espiritu. Si bisan kinsa nga nabunyagan nga miyembro sa Simbahan mahimong mohalad og pangbukas o panapos nga pag-ampo. Ang mga bata kinsa wala mabunyagi mahimong mag-ampo diha sa Primary.
29.7
Pagsibya sa mga Miting ug Paghimo og Virtual nga mga Miting
Ang bishop, isip usa ka eksepsiyon, motugot sa pagsibya [livestream] sa mga panagtigom alang sa sakramento ug sa mga lubong ug mga kasal nga himoon diha sa meetinghouse.
Ang pagsibya sa usa ka panagtigom alang sa sakramento kinahanglang dili maglakip sa pagpangalagad sa sakramento.
Alang sa pipila ka miting, ang bishop o presidente sa stake mahimong motugot sa mga miyembro kinsa dili personal nga makatambong nga moapil sa virtual nga paagi. Kini nga mga miting mahimong maglakip sa:
-
Mga miting sa pagpangulo, sama sa kapangulohan o mga miting sa konseho.
-
Mga miting sa Korum, Relief Society, ug Young Women.
-
Mga klase sa Sunday School.
-
Mga klase ug panahon sa pagpanganta sa Primary.
29.8
Mga Litrato ug mga Pagrekord og Video atol sa mga Miting
Aron mapreserbar ang kasagrado sa mga miting sa Simbahan, kinahanglan nga walay usa nga molitrato o morekord pinaagi sa video sa mga panagtigom alang sa sakramento o sa mga komperensiya sa stake.
Alang sa dugang nga impormasyon mahitungod sa mga pagrekord sa pagsibya sa mga miting, tan-awa sa 29.7.