29.

Mihting kan en Mwomwohdiso

29.0

Kapehse

Souleng en Imwin-rahn Akan kin tuhpenehn kaudek, padahkih emen emen, oh kaskuhlih oh kaskuhlki rongamwahuo (kilang Alma 6:6: Moronai 6:5-6). Sounkomouro inoukiher, “Pwe wasa kis me riemen de silimen kin kohpene ie ni mwarei, I kin iang irail mih wasao” Madiu 18:20). Tuhpene wasahkis iei ehu elen atail mohngiong kan en kak “katengepene ar mohngiong kan oh limpoakpene” (Mosaia 18:21).

Ahpw, tuhpene nan mihting sohte kak weliandi papah oh minisder duwehte me Sises Krais ketin wiahier.

29.1

Pilipilahn oh Kaunda Mihting kan

Sounkaweid kan kin pilahne oh katanga mihting kan “ni arail ale kaweidpen Ngehn Sarawi, me doke kosoned akan oh kaudiahl akan en Koht” (Doctrine and Covenants 20:45; pil kilang Moronai 6:9; Doctrine and Covenants 46:2). Irail kin rapahki mwohmw akan pwehn luke kaweidpen Ngehno nan arail mihting kan.

Sounkaweid kan anahne tehk mwahu me tohtohn oh reirei en mihting kan sohte pahn wia katoutou ong tohn mwomwohdiso de arail peneinei kan.

29.2

Mihting kan en Ward

29.2.1

Mihting en Kamadipw Sarawi

Kahrepe kan

Tamataman Sises Krais sang ni omw pahn alehda kamadipw sarawi. Ekei kahrepe kan iangahki kaukaudek, kakairada pwoson oh kadehde, oh kawkaweid doadoahk en ward kan.

Me Towehda kan

Koaros luhkohng en iang towehda.

Ansoun mihting kan

Ehu ehu Rahn Sarawi

29.2.1.1

Pilipilahne Mihting en Kamadipw Sarawi

Pisoprik me kin pilahnehda oh kaunda mihting en kamadipw sarawi. Irail pahn tehk mwahu me dahme keioun kesempwalpen mihtingo iei kamadipw sarawi oh kalaude pwoson Sises Krais.

Mihting en Kamadipw sarawi kin reireiki awa ehu. E kak iangahki mepwukat:

1. Ngilen koul mwohn Sarawi (kilang 19.3.2 ong kaweidkan).

2. Rahnmwahu oh kasomwsomw.

3. Pohnese lapalap kan me kaunda de ekei sounkaweid kan me pwaredo.

4. Pakair kan. Mepwukat anahne en malaulaute.

5. Koulen ritingada oh kapakap. Kilang 19.3.2 oh 29.6.

6. Pisnes en ward oh steik me duwe met:

   • Kasarawihala oh kakomoalehdi me ahnki pwukoah kan oh sounpadahk kan (kilang 30.3 oh 30.6).

   • Kasalehda eden ohlakan mepahn kasarawiheng ehu dake nan Prihsduhd en Aron (kilang 18.10.3).

   • Pohnese tohn ward kapw kan, me iangahki irail kan me apwete weliakapwala.

7. Kiheng ede oh kapaiada serihkan (kilang 18.6). Met kin kalapw wiawi nan mihting en kaisihsol oh kadehde (kilang 29.2.2).

8. Kasarawi en me weliakapwala kapw kan (kilang 18.8).

9. Koulen kamadipw sarawi oh epwelpen kamadipw sarawi. Kamadipw sarawi iei me keioun kesempwal nan mihting wet. Tiahk sarawi wet iei ansou mwahu ong tohn mwomwohdiso kan en kauwalahng arail madamadau ong Sounkomouro oh Sapwelime tohnmetei ong irail.

   Ong ekei ire me pidada kaunopada, kapaiada, oh kapahpeseng en kamadipw sarawi, kilang 18.9.

10. Padahk kan en Rongamwahu oh tohn sarawi kokoul de ehu ngilen koul tohrohr.

11. Koul en ritingedi oh kapakap.

12. Ngilen koul mwurin sarawi.

29.2.1.4

Pilipil en me pahn padahk kan

Pisoprik me kin pilada irail kan me pahn padahk nan mihting en Kamadipw Sarawi. Pak tohto irail kin luke tohn ward, iangahki me pwulopwul kan.

Me padahk kan kin kadehdehki Sises Krais oh padahngki Sapwelime Rongamwahu ni ahr doadoahngki pwuhk sarawi kan (kilang Doctrine and Covenants 42:12;52:9).

29.2.2

Mihting en Kaisihsol oh Kadehde

Kahrepe

Alehda kamadipw sarawi oh kakehlaka emen emen sang ni kadehdepen Sises Krais oh Sapwelime rongamwahu. Tohn mwomwohdiso kan kin alehdi kangoang en kaisihsol oh kohdo ni mihting kan ma irail kak.

Me Towehda kan

Koaros luhkohng en iang towehda.

Ansoun mihting kan

Pak ehu nan ehu sounpwung, mihting en kamadipw sarawi wia mihting en kaisihsol oh kadehde. Met kin wiawi keioun Rahn Sarawi en sounpwung kan.

Nan mihting en kaisihsol oh kadehde, sohte soun padahk de koul me kin pilipilda. Me kin wiawi, me pahn kaundahu pahn wia ah kadehde mwotomwot. Ih eri kin lukehiong tohn kaudeko en wia arail kadehde. En wia kadehde wehwehki en kalohki mehlel kan en rongamwahu sang kaweidpen Ngehn Sarawi.

29.2.3

Kapokon lap en Ward

Kahrepe

Ni kapokon lap en ward, sounkaweid en steik kan me kin padahk, utung, oh minisder ong sounkaweid oh tohn ward kan. Tohn ward kin utung sounkaweid lapalap oh sounkaweid en wasahkan.

Me Towehda kan

Koaros luhkohng en towehda.

Ansoun mihting kan

Pak ehu nan ehu pahr ni Rahn Sarawi ahpw kaidehn rahn en kaisihsol.

29.2.4

Mihting en Pisoprik

Kahrepe

Koasokoasoaipene oh wiahda pilahn ong ireh kan me pid ward.

Me Towehda kan

Pisoprik, souninting en ward, oh sekteri.

Ansoun mihting kan

Nan wihk koaros.

Ireh kan me konehng madamadau oh pilahn mwahu iei:

• Katkatanga doadoahk en komourla oh lapalapala nan ward.

• Kangkakehlaka emen emen oh peneinei kan nan ward—mehlel me pwulopwul oh serih kan.

• Kilangada tohn ward kan me kak kaunopohng alehdi tiahk sarawi kan, me iangahki kasarawihn prihsduhd.

• Kilangada tohn ward kan me konehng malipe ong pwukoah kan nan ward.

29.2.5

Mihting en Pwihn en Ward

Kahrepe

Sawas kanekehla doadoahk en komourla oh lapalapala nan ward (kilang 1.2).

Me Towehda kan

• Pisoprik, souninting en ward, oh sekteri lapalap en ward.

• Presiden kan en pwihn en elder, Relief Society, Peinakapw, Praimeri, oh Santi Skuhl.

Ansoun mihting kan

Nan wihk koaros (ahpw kak tuhpene pak malaulau).

Pisoprik me kin pilahne, Pwihno sohte kak wiahda koasoandi laud ehu ma pisop sohte mie.

Sounkaweid kan en nan ward towehda ward kaunsel mihting nan pwukoah riau:

1. Ni arail wia tohn ward kaunsel me kin sewese kapaida tohn ward koaros.

2. Ni arail wia weliepen arail pwihn akan.

Ansou irail kin tuhpene, tohn kaunsel kin ehukipene ire kan me pahn mwahu pwehki ehupenehn koaros nan kaunsel. Emen emen tohn kaunsel kin kohieng ah ansou en ehukihda ah madamadau oh kamarain ong ire kan me sansal.

Mihting kan en ward kaunsel sohte kin reireisang awa ehu. Irail kin tepkihda kapakap oh repwoht mwotomwot ong pwukoah kan sang mihting en mwowehkan. Pisop kin keiou kesempwalki ire kan me anahnepe inenen laud pwehn kapaida emen emen oh peneinei kan.

• Momourki rongamwahu en Sises Krais. Sewsewese tohn ward koaros kakehlaka pwoson, alehdi tiahk sarawi kan, oh kolokol arail inou sarawi kan.

• Apwapwalih irail me anahne sawas kan. Ehukihda mehn sawas kan oh koahiek kan pwehn kapaida emen emen, peneinei kan, oh tohn kousoan. Sewsewese tohn ward en kak uhtohr. (Kilang iralaud 22.)

• Lukeluke koaros en alehda rongamwahu. Tetehk mwahu mwekmwekid en irail kan me kaskaskuhlki rongamwahu, pil iangahki tohn ward kapw oh me pwurpwurdo kan. Ehukipene soangen mwohmw kan me tohn ward kan kak kalohngki rongamwahu ong mehtei kan. (Kilang iralaud 23.)

• Kapwurepene peneinei kan ong mour poatoapoat. Tetehk mwahu mwemwekid en tohn ward kan me koukounop ong ale tiahk sarawihkan en tehnpas sarawi. Pilahneda ahl akan mehn sewese tohn ward tohto en warohng kisin likoun mweimwei ong nan tehnpas sarawi. Koaskoasoia elen sewese tohn ward en towehda doadoahk en tehnpas sarawi oh poadoapoad en peneinei. (Kilang iralaud 25.)

Tohn kaunsel anahne kolokol ong pein irail ire kan me pidada emen de sohte konehng kohla liki (kilang 4.4.6).

29.2.6

Mihting en Me pwulopwul nan Ward

Kahrepe

Kakehlaka me pwulopwul nan ward. Sewese irail en towehda doadoahk en komourla oh lapalapala (kilang 1.2).

Me Towehda kan

• Pisoprik

• Emen nein pisop sounsawas kan nan pwihn en prihsd oh sounpadahk kan oh dihken presiden kan.

• Presiden en ehu ehu pwihn ong Peinakapw akan (de presidensi pwon ma ehute pwihn en peinakapw nan ward).

• Presiden en Peinakapw akan.

Ansoun mihting kan

Nan Sounpwung kan.

Mwohn ehu mihting, pisop oh aramas me pahn kaunda ehukipene irehkan me pahn koaros pahn ehukipene.

• Doadoahk en komour oh lapalapala.

• Anahn akan en me pwulopwul oh mwohmw akan en apwalihala.

• Pilahnakan en pwarek me pwulopwul kan me wereisang sarawi de wia tohn ward kapwkei.

• Kemwekid kan, iangahki ansou mwahu kan en papah irailkoa me ahhnki anahn. Pali lauden pilpilahn kin wiawi nan kohrumw de mihting kan ong presidensi en pwihn (kilang iralaud 20).

• Wia Minisder (kilang iralaud 21).

• Kapehse ong presiden kan en kohrumw oh pwihn me kapwkan.

29.2.8

Sketuel kan en Mihting en Rahn Sarawi

Ward kan kin doadoahngki ehu rehn sketuel en awa riau pwukat ong mihting ekan n Rahn Sarawi.

Pilahn 1 [keiou}

Minit 60 [weneisek]	Ansou en Sarawih en Ale Kamadipw Sarawi
Minit 10 [eisek]	Keseula nan wasahn kaskuhlkan oh mihting kan
Minit 50 [limeisek]	Rahn Sarawi Koaros: Praimeri, iangahki nerseri Keiou oh kesiluhn Rahn Sarawi nan sounpwung kan: Santi Skuhl Keriau oh kapahieu en Rahn Sarawi kan: mihting en relief Society, oh mihting en Peinakapw akan Kelimauen Rahn Sarawihkan: mihting en me pwulopwul oh me laudkan. Pisoprik kin kihda iren kaskuhl oh pilada sounpadahk kan.

Pilahn 2 [keriau]

Minit 50 [limeisek]	Rahn Sarawi koaros: Praimeri, ianghki nerseri Keiou oh kesiluhn Rahn Sarawi kan en nan sounpwung: Santi Skuhl Keriau oh kapahieu en Rahn Sarawi kan: mihting en prihsduhd kohrumw, mihting en Relief Society, oh mihting kan en peinakapw akan. Kelimau en Rahn Sarawihkan: mihting kan en me pwulopwul oh melaud kan. Pisoprik kin pilada iren kaskuhl oh kiheng sounpadahk kan.
Minit 10 [eisek]	Keseulahng nan mihting en kamadipw sarawi
Minit 60 [weneisek]	Ansou en Sarawih en Ale Kamadipw Sarawi

29.3

Mihting kan en Steik

29.3.1

Kapokon lap en Steik

Kahrepe

Kahrepe keioun kesempwalpen kapokon lap en steik iei en kakehlaka en tohn steik arail pwoson Sises Krais.

Me towehdahkan

Koaros luhkehng iang towehda tiepene lap. Ekei tiepene iei ong towehkei me pilipilda, me kawehwehdi pah.

Ansoun mihting kan

Pak riau ehu pahr.

29.3.2

Mihting en Prihsduhd nan Steik

Kahrepe

Padahkih oh kamarainih me ahnki prihsduhd kan ong arail pwukoah kan.

Me Towehdahkan

Koaros me ahnki prihsduhd nan steik.

Ansoun mihting kan

Pak ehu nan ehu pahr.

29.3.3

Mihting en Sounkaweid Prihsduhd nan Steik

Kahrepe

Kaskuhlihki sounkaweid prihsduhd kan arail pwukoahkan, kalaude arail koahiek kan, oh kakehlaka arail pwoson.

Me Towehdahkan

• Presidensi en Steik

• Pwihn en Kaunsel Lapalap akan.

• Souninting en steik oh ward (oh sounsawas ong souninting kan ma mie anahnepe).

• Sekteri kan nan steik oh ward.

• Presidensi en Mwahnakapw akan nan steik (oh sekteri ma mie me malipilip).

• Pisoprik kan.

• Presidensi oh sekteri kan en pwihn en elders kan.

• Mihting kan en Pwihn en Prihsduhd en Aron.

Ansoun mihting kan

Ehu mihting en sounkaweid kan en prihsduhd kin wiawi me wia kisehn kapokon lap en steik.

29.3.4

Mihting kan en Sounkaweid kan en Steik

Kahrepe

Kaskuhlihki sounkaweid kan en pwihn akan nan ward arail pwukoah kan, sewese irail pwe irail en kak keirda ni arail wia sounkaweid oh sounpadahk, oh kakehlaka arail pwoson Sises Krais. Nan mihting pwukat, sounkaweid kan pil kin kaweid pene oh ehukihda pilahn akan.

Me Towehdahkan

Koaros steik oh ward presidensi oh sekterikan ong Relief Society, Peinakapw akan, oh Santi Skuhl. Emen tohn presidensi en steik de emen kaunseler lapalap pilipilda iang towehda oh kaunda. Sounpadahk kan, sounkaweid kan, kaunseler lapalap kan, oh tohn pisoprik me pwukoahki pwihn pwukat kak iang luhkehng.

Ansoun mihting kan

Pak ehu nan ehu pahr.

29.3.5

MIhting en Prihsd Lapalap nan Steik

Kahrepe

Kaskuhlihki tohn kohrumw arail pwukoahkan oh padahk kan me doke prihsduhd.

Me Towehdahkan

Koaros tohn kohrumw en prihsd lapalap nan steik.

Asoun mihting kan

Pak ehu nan ehu pahr.

29.3.6

MIhting en Presidensi en Steik

Kahrepe

Kaweidpene nan pwungarail oh wiahda pilahn akan me pid irehkan nan steik.

Me Towehdahkan

Presidensi en steik, souninting en steik, oh sekteri lapalap.

Ansoun mihting kan

Ansou koaros (pak tohto nan wihk koaros).

29.3.7

Mihting en Pwihn Lapalap

Kahrepe

Kaweidpene nan pwungarail me pid doadoahk en komour oh lapalapala nan steik. (kilang 1.2).

Me Towehdahkan

• Steik Presidensi.

• Pwihn en Kaunsel Lapalap akan.

• Souninting en steik oh sekteri lapalap.

Ansoun mihting kan

Pak riau nan ehu sounpwung ma konehng.

29.3.8

Mihting en kaunsel en Steik

Kahrepe

Kaweidpene nan pwungarail duwen doadoahk en komour oh lapalapala nan steik.1.2).

Me Towehdahkan

• Steik Presidensi.

• Pwihn en Kaunsel Lapalap akan.

• Souninting en steik oh sekteri lapalap.

• Presiden kan en Relief Society, Peinakapw akan, oh Praimeri nan Steik.

• Sounkaweid kan ong me Pwulopwul oh kiripw kan oh sounkaweid ong me kiripwkan nan steik (ma mie me malipilip).

Ansoun mihting kan

Nan sounpwung koaros ma kak

29.3.9

Mihting en Koamidien Sounkaweid en Melaud nan Steik

Kahrepe

Kaweidpene nan pwungarail me pid duwen utung sounkaweid kan nan ward ong doadoahk en komour oh lapalapala. Pilahnehda mwohmw akan ong sewese sounkaweid en steik kan doadoahngki arail pilahn ong doahkwet nan steik.

Me Towehdahkan

• Steik Presidensi.

• Presidensi en Relief Society nan Steik (oh sekteri ma mie).

• Pwihn en Kaunsel Lapalap akan me ahnki pwukoahn kohrumw en elder kan.

Ansoun mihting kan

Ma mie anahnepe.

29.3.10

Mihting ong Koamidi en Sounkaweid en me Pwulopwul nan Steik

Kahrepe

Kaweidpene me pid duwen utuht ong sounkaweid kan en ward ong iangahki me pwulopwul nan doadoahk en komour oh lapalapala. Pilahnehda ahl akan en sewese doadoahngki en steik kaunsel arail pilahn ong me pwulopwul nan steik.

Me Towehdahkan

• Emen tohn presidensi nan steik.

• Presidensi en Mwahnakapw akan nan Steik (oh sekteri ma mie me malipilip).

• Presidensi en Peinakapw akan nan Steik (oh sekteri ma mie me malipilip).

• Pwihn en kaunsel lapalap akan me pwukoahki pwihn en Peinakapw akan oh Praimeri.

Ansoun mihting kan

ma mie anahnepe.

29.3.11

Mihting en Pisop kan nan Steik

Kahrepe

Ehukihda kemwekid kan ke lelehr oh kasalehda peidek kan me doke mehlel pisop kan.

Me Towehdahkan

Pisop koaros oh president en branch nan steik wia tohn kaunsel. Presiden en steik kak pilada en towehda ekei de koaros mihting. Souninting en steikk pahn pil patehng oh wiahda rekoht en pwukoah kan oh audepen nan mihtingo me irail koasoanehdi me wiawihdah kan.

Ansoun mihting kan

Nan kuarder kan.

29.5

Doadoahk en Mehla oh Doadoahk Tohrohr ong me Mehla

29.5.1

Padahk kan

Ehu kahrepe kesempwal en Mwomwohdiso ong doadoahk en me melahr iei en kadehdehki pilahn en komour, ni mehlel sapwelimen Sounkomouro Tomw oh Iasada. Doadoahk pwukat anahne mie wahu, kemwekid en ngehn kan.

Sounkaweid kan en Mwomwohdiso sohte kak kapatahieng kasarawi en ekei pelien lamalam nan doadoahk en Mwomwohdiso ong me mehla kan.

29.5.2

Kihda Sawas ong Peneinei

Ni ahr wia tohnpadahk en Sises Krais, sounkaweid kan en Mwomwohdiso oh towehkan “mwahiei rehn me kin mwahiei kan … oh koaloalamwahuwih irail akan me anahne koaloalamwahu” (Mosaia 18:9). Ma emen tohn mwomwohdiso mehla, pisop kin mwamwaitih peneinei pwehn kaloalamwahu.

Pisop kin kihda sawas sang tohn ward, me iangahki kohrumw en elder kan oh Relief Society.

29.5.4

Sarawihn Mehla (Ma Konehng)

Doadoahk en mehla me pisop kaunda, menda ma nan imwen Mwomwohdiso de ekis wasa, wia mihting en Mwomwohdiso ehu oh sarawi ehu. E anahne wia ansou ehu me ngehno mie.

Doadoahk en mehla kan anahne tepida ni kiloaken tep. Doadoahk en mehla sohte kak reireisang awa 1.5, en wia kamwahupen me towehdahkan.

Doadoahk en mehla kan sohte kin wiawi Rahn Sarawi.

29.6

Kapakap kan nan Mihting kan en Mwomwohdiso

Kapakap en nan mihting en Mwomwohdiso anahne mwotomwot, mengei, oh kaweid sang Ngehno. Mehmen me pepdaislahr nan Mwomwohdiso kak wia kapakap en ritingada de ritingedi. Serihkan me saik pepdais kak kapakap nan Praimeri.

29.7

Kasdohih Mihting oh Wia Mihting nan Koampiuhder

Pisop kak, ma mie kahrepe, mweidada kasdo laip en kamadipw sarawi oh en mehla de koapwopwoud me wiawi nan imwen mihting.

Kasdohn kamadipw sarawi me laip sohte kak iangahki ansoun doadoahken kamadipw sarawio.

Ong ekei mihting, pisop de presiden en steik kak mweidehng tohn ward me sohte kak iang pwarala en towehda nan koampiuhder. Mihting pwukat kak iangahki:

• Mihting kan en Sounkaweid, me rasehng presidensi de mihting en pwihn akan.

• Mihting kan en Kohrumw, Relief Society, oh Peinakapw akan.

• Wasahn Kasukuhl kan en Santi Skuhl.

• Wasahn kaskuhlkan nan praimeri oh ansoun koul.