bitir nibe kol ba envelop

34.

Babyoren Salpiy nge fapi Audits

34.0

Mornga’agen

Fapi tithing nge fapi maligach e ma ayuweg e Galasia ni ngan rrin’ e muruwel rok’ Somoel ko thapegnag nge n’uf ngalang ko bin th’abi tolang e falfalaen’ (muguy ko 1.2). Pi salpiy ney e bugi ban’en nib thothup. Be yipfan fare miligach nge mich rok’ fapi chongin ko Galasia (muguy ko Mark 12:41–44).

34.2

Fapi Tiyugang’ ko Salpiy ko Ward

34.2.1

Bishofric

Fare bishof e ba’aray rogon e muruwel rok’ nifan e salpiy ko ward. Ra pii’ boech e pi muruwel ney ngak fagli counselors rok’ nga fapi clerk.

Fare bishof:

• Ma machib nag ma kuma pii’ e athamgil ngak fapi members ni ngar pii’ed fapi tithing roraed nib polo’ mi yaed rrin’ u fithik’ e t’ufeg nge gol (muguy ko 34.3).

• Yaedra micheg ni fapi salpiy e yibe fanay ma yibe ayuweg nib fel’ rogon (muguy ko 34.5).

• Ra guy fapi statement ko salpiy ni gubin e puul me micheg ni fa’anra bay e oloboch riy ma ngan ni ngongliy rogon ni kachingiyal’ nem.

• Ra micheg ni fapi tiyuang’ ko ulung nge fapi clerks e ngar filed rogon e muruwel roraed nifan e salpiy ko Galasia nib thothup.

• Yaed ma fal’eg rogon mi yaed gagiyegnag urngin e salpiy nifan fare ward ulan reb e duw (muguy ko 34.6).

• Ma mada’ nag fapi members ko ward ni gubin e duw ni nge fith mornga’agen e tithing ni yaed be pii’.

34.2.2

Fapi Cerk ko Ward

Fare bishof era pii’ ngak fare clerk ko fare ward fa fare assistant clerk ko fare ward ni nge pii’ e ayuw ko cha’ariy mornga’agen e salpiy ko fare ward. Fapi clerk e ngar laked wo’en fapi yalen e motochiyel ni ngar ayuweged fapi babyoren e salpiy nifan e Galasia mi yaed guy ni fapi records ko Galasia e rib yala’uw rogon.

Fare clerk e ba’aray rogon e muruwel roraed:

• Ma record nag me deposit nag fapi salpiy nikan thapeg ni yow reb fare member ko bishopric.

• Ma guy fapi statement ko salpiy ni gubin e puul me micheg ni fa’anra bay e oloboech riy ma ngan ngongliy rogon ni kachingiyal’ nem.

• Ma pii’ e ayuw ngak e bishofric ni ngar ngongliyed urngin e salpiy ni nge fanay fare ward ulan reb e duw 34.6.1 nge 34.6.2.

• Ma micheg ni gubin fapi members ma rayag ni ngar thapegned fapi statement roraed ko salpiy nikar pii’ed ni paa’ raed me pii’ e ayuw ngoraed napanra tu’uf e ayuw roraed.

Fapi clerk e susun nibay e Melchizedek Priesthood roraed ma bay e temple recommend roraed.

34.3

Fapi Mukun Salpiy

34.3.1

TIthing

Tithing e ba salpiy ni yima pii’ u pilwom ni ta’areb guruy u ragag nifan e Galasia rok’ Got (muguy ko Doctrine and Covenants 119:3–4; interest e bugithin nibe yipfan pilwom). Gubin e members nibe muruwel ni bay pilwonraed e susun ni ngar pii’ed pilwon e tithing roraed.

34.3.1.2

Mornonga’agen e Tithing

Fare bishof era mada’ nag fapi chongin ko napan fare in i puul u tomuren fare duw ni nge fith ngoraed mornga’agen e tithing roraed.

Gubin e pi chongin ni yibe pinningraed ni ngar mada’ niged e bishof roraed ni ngar:

• Roged ngak fare bishof mornga’agen rogon ni yaed be pii’ pilwon e tithing roraed.

• Me guy ni fapi records roraed e ba yala’uw rogon.

Ma ngiyal’ ni rayag, gubin gathon fare tabinew, nib mu’un e bitir ngay, e susun ni ngar ranod u ta’babang.

34.3.2

Balaynag e Abich

Tiyugang’ ko Galasia e ngar pii’ed e athamgil ngak e members ni ngar fol gaed ko fare motochiyel ko balaynag e abich. Biney e mu’un fare fast offering ngay ni yibe rrin’ u fithik’ t’ufeg nge gol (muguy ko 22.2.2).

Rogon kanawo’en ni ngan fanay fapi salpiy ko fast-offering nikan pii’ 22.5.2.

34.3.3

Salpiy ko Missionary

Mukun salpiy nikan pii’ nifan e missionary ko ward e kemus ni yima fanay ngak e missionary nibe pigpig ko mission nib polo’ ga’agin ulan fare ward.

Mukun salpiy ko fare General Missionary Fund e ma fanay e Galasia nifan ga’angin e muruwel ko missionary ni gubin.

34.3.7

Mukun Salpiy ni Yibe Pii’ e Dabiyag ni Ngan Fulweg

Napan ni yira pii’ e thithing nge boech fapi maligach ngak e Galasia, ma arram nike milfan ngak Somoel. Kan yibliy nifan ngak.

Fapi stake presidents nge fapi bishof e yaedra yoeg ngak e pi’in nikar pii’ed fapi tithing nge fapi maligach ni dabiyag ni ngan fulweg e pi salpiy ney nikan pii’ed.

34.4

Mith Thibolngin i Pii’ e Tithing nge Maligach

Fare ga’angin fare tithing nge fapi maligach ni yibe pii’ pilwon e mith thibolngin mornaga’agen. Kemus ni fare bishof nge pi’in nikan pii’ mat’won ni nge pii’ e ayuw fa guy rogon e mukun salpiy e rayag ni nge nang mornga’agen e tiney.

34.5

Muruwliy e Salpiy ko Galasia

Fare stake president nge bishof ere guy ni gubin fapi salpiy ko Galasia e yira muruwliy nib mat’aw rogon. Fapi bishofric nge fapi clerk e kan pii’ e athamgil ngoraed ni ngar guyed ya’an fare video ko “Sacred Funds, Sacred Responsibilities” ta’abiyay ulan reb e duw.

34.5.1

Yalen ko L’agruw Nii’

Fare yalen ko l’agruw nii’ e ba tu’uf l’agruw nii’ ngay—reb e member ko bishofric nge clerk fa l’agruw nii’ ko fare bishofric—ni yow be un ko record nag ma yow be fo’od nag e salpiy ko Galasia.

Fapi tiyugang’ e susun ni nge yiroriy ma dabi yoeg fapi passwords rok’ (muguy ko 33.9.1.1).

34.5.2

Thapeg e Tithing nge Maligach

Somoel e ke pii’ ngak fapi boshof ba pagaen’ nib thothup ni ngar thapagned mi yaed ayuweg fapi tithing nge maligach nibe pii’ e Gidii’ rok’ Got (muguy ko Doctrine and Covenants 42:30–33; 119). Kemus ni fare bishof nge fagli counserlors rok’ e rayag ni ngar thapagned fapi tithing nge maligach. Dariy bi’id ni rayag ni figirnginraed, fa boech gidii’en e tabinaew roraed, fa fapi clerks, fa boech e members ko fare ward ni nge thapaeg e pi mukun salpiy ney nikan thapeg.

34.5.3

Micheg nge Record nag eTithing nge fapi Maligach

Mukun salpiy e susun ni ngan micheg nag mornga’agen min record nag ko fare Madnom nikan thapeg fapi salpiy riy. Reb e member ko fare bishofric nge reb fare clerk, fa l’agruw nii’ ko fare bishofric, e ngar bingew fagli envelop u ta’abang. Yowra micheg ni fapi salpiy e ta’areb urngin nikan yoloey ko fare form nifan e tithing nge fare maligach. Yowra record nag fapi mukun salpiy nib mat’aw rogon. Fa’anra fapi salpiy nikan yoloey urngin nga but’ e ba thil urngin, ma kachingiyal’ nem ni ngar nonow ngak facha’ nike pii’ fare salpiy ngan nangfan e biney.

34.5.4

Deposit nag e Tithing nge Maligach

Deposit e susun ni ngan ngongliy rogon u tomuren nikan micheg ni fapi urngin e tin nikan record nag e ba puluw ko urngin e salpiy nikan thapaeg.

Ko reb e bank nibay nima mab ni 24 e awa, reb e member ko fare bishofric nge bee’ nibay e Melchizedek Priesthood rok’ era deposit nag ere salpiy ney ngalan fare bank ulan fare rran nib ta’areb rogon ko ngiyal’ ni bing fapi salpiy nakan mu’ i micheg nag mornga’agen.

Fa’anra dariy e bank nib mab ni 24 e awa ma fare bank e dani mab ko Maadnom, ma fare bishof ere duugliy reb e Melchizedek Priesthood ni nge deposit nag fare salpiy ko bin migid e rran ngay. Susun ni:

• Ra micheg ni fapi salpiy e ngan ayuweg ngabang nib fel’ rogon nge mada’ ko ngiyal’ ni ngan deposit nag.

• Ra fek fare babyor ni pow riy nike deposit nag fare salpiy nibe dag fare rofen nge fare urngin fare salpiy nikan deposit nag.

34.5.5

Ayuweg e Salpiy ko Galasia

Fapi members nibay e muruwel roraed ni ngar ayuwegned fapi salpiy ko Galasia e susun ni dabi digey ko gin ni yima mo’olung riy ulan reb e nap fa digey ni dabi tiyan’ ngay, ni woed e ngiyal’ ni yibe mo’olung fa bay e tin ni yibe rrin’.

34.5.7

Gagiyegnag e Salpiy ni Yibe Pii’ ko Stake nge Ward

Dariy reb e stake fa ward ni rayag ni nge chuway’ fa pii’ pilwon ban’en ni dawri pii’ e en nib ga’ mat’won ni’ir e baga’ nibe gagiyeg.

L’agruw fagli tiyugang’ nibay mat’won era bagiyow mara pii’ mat’won reb e gali n’ey ni ngan pii’ pilwon. Bagiyow e susun ni reb fare member ko stake presidency fa bishofric. Bochingiyal’ ma yima pii’ mat’won fagli counselors ni nge pii’ mat’won fare salpiy ni ngan fanay nga pilwon ban’en, machane fare stake president fa bishof e thingari guy e pin’en ni ngan fanay e salpiy ngay. Fapi tiyugang’ e susun ni dabra pii’ed mat’wonraed ni ngar fanayed fapi salpiy.

Rib tu’uf nira pii’ fare stake president mat’won ni nge yoloey nga babyor e biney u mm’on ni nge fanay fare bishof fare maligach fa fare order nike fith fare bishof nifan ngak fa fan e tabinaew rok’. Ba form nikan yoloey mornga’agen nga but’ nike yib rok’ e Area Presidency e rib tu’uf mat’won u mm’on ni nge fanay fare bishof fare maligach fa ngan pii’ mat’won fare order ko fare bishof nifan fare stake president nge tabinaew rok’. Muguy ko 22.5.1.2 ko mornga’agen rogon ningan rrin’.

Member nira fith ni ngan fulweg e salpiy rok’ era tu’uf ni nge dag e copy fa reb e copy u online ko babyoren e salpiy nike chuway’ ngay. Mara uneg ngay fare fan, nge urngin ga’angin, nge rofen fare salpiy nike chuway’ ngay.

Fa’anra ke pii’ pilwon fare chugum u mm’on, ma fare member era pii’ reb e form ni nge fith e biney, me yoloey fan, urngin ga’angin, nge fare rofen. Tomuren nikan pii’ pilwon, ma fare member era (1) fulweg baboyren ni pow riy ko fare salpiy nikan chuway’ ngay me (2) fulweg e tin nike magay e salpiy ni dani fanay. Salpiy nikan sulweg e susun ni ngkun deposit nag biyay.

34.5.9

Ayuweg fapi Record ko Salpiy

Ra reb e stake nge ward ma susun nibe ayuweg babyoren fapi record ko salpiy, mornga’agen nib be’ech, nge mornga’agen nib yala’auw.

Mornga’agen rogon ni ngan fanay min ayuweg fapi record nge fapi report, fapi clerk e susun ni ngar gayed mornga’agen e tiney ko headquarters ko Galasia fa area office. Fapi record ko salpiy e susun ni ngan ayuweg ni dalip e duw nib mu’un fare duuw ni yibay riy.

34.6

Budget nge Expenditures

Fare budget allowance program e ma ayuweg e salpiy ko Galasia ni nge pii’ pilwon fapi activities nge fapi program nifan e stake nge ward.

Susun ni urngin e activities e dariy fa kemus ni buchu’uw pilwon.

34.6.1

Fapi Budget ko Stake nge Ward

Ra reb fapi stake nge ward make ngongliy rogon fare budget roraed nifan fare duw. Fare stake president e ire ma gagiyegnag fare budget ko stake, ma fare bishof e ire ma gagiyegnag fare budget ko ward.

Mornga’agen rogon ningan rrin’ e ba’aray u tanggin:

• Ra guy urngin ga’angin e salpiy nikan fanay ko fare duw nike thumur ni nge micheg nag ni gubin e tin nikan pii’ pilwon e gubin mornga’agen ma bay riy.

• Fith ko fapi ulung ni ngar susun niged urngin e tin nib tu’uf ko budget roraed.

• Ta’areb nag nga ta’abang fapi budget nikan pii’ mat’won ni rayag ni ngn fanay.

34.6.2

Budget Allowance

34.6.2.1

Fo’od nag fare Budget

Fapi salpiy nikan budget nag e yima fo’od nag ko anningeg yay ulan reb e duw nibe yaen u rogon e wub ko gidii’ ko tin ba’aray ban’en:

• Mo’olung ko sakrament.

• Pagal ni fal’yangren

• Bpin ni fal’yangren

• Bitir ko primary ni duw roraed e 7–10

• Gidii’ ko young single adult

Rib ga’fan ni ngan report nag urngin e gidii’ nibe un min rrin’ ko ngiyal’ riy 33.5.1.1).

34.6.2.2

Rogon ni ngan Fanay e Salpiy ko Budget nib Mat’aw Rogon

Fapi stake president nge fapi bishof e ngar guyed ni fapi salpiy nikan pii’ ko budget e ngan fanay nib gonop rogon.

Fapi salpiy ko budget ko stake nge ward e susun ni ngan fanay ni nge pii’ pilwon fapi activities, fapi program, babyor, nge tin nib tu’uf.

34.6.2.3

Tin nike Magay ko fare Budget

Tin nike magay ko fapi salpiy ko budget e susun ni dabin chuway’ ngay. Tin nike magay ko salpiy ko budget ko ward e susun ni ngan fulweg ko stake.

34.7

Fapi Audits

34.7.1

Audit Committee ko Council

Fare stake president era duugliy fare audit committee ko stake. Biney e commiittee era guy ni fapi salpiy ko stake nge ward e yibe fanay ni woed rogon nibay ko yalen e motochiyel ko Galasia.

34.7.3

Fare Audit ko Salpiy

Gidii’en e auditor ko stake e ma audit nag me guy rogon e record ko salpiy ko stake, ward, nge fapi FamilySearch centers l’agruw yay ulan reb e duw.

En nib ga’ nibe gagiyegnag fare unit nge fare clerk e ngan pii’row ko biney e muruwel ko tin nibay ni fith mornga’agen ko ngiyal’ ni yibe rrin’ fapi audit.

34.7.5

N’ag Ngabang, Irring, Mororo’nag, fa Gathaynag e Salpiy ko Galasia

Fare stake president fa fare chairman ko fare audit committee ko stake e ngan noeg ngoraed ni kachingyal’ nem ni fa’anra:

• Kan irring fa kan n’ag ngabang e salpiy ko Galasia.

• Reb e tiyugang’ nike mororo’ nag fake gathaynag e salpiy ko Galasia.