aomata ngke a ire wintoo ao ni vacuum

35.

Tararuan ao Kabonganakin Auti ni Bootaki

35.1

Kantaninga

E katauraoi auti n ibootaki te Ekaretia bwa aonga naake a rin inanona ni:

• Karaoi ao ni kaboui berita aika tabu rinanon otenanti aika tabu (taraa Reirei ao Berita aika Tabu 20:75; 59:9–12).

• Kaaitibo (taraa 3 Nibwaai 18:22–23).

• Nebonebo ao n tataro ni bootaki (taraa Motiaea 18:25; Moronaai 6:9).

• Reirei ao ibuobuoki i marenaia (taraa Moronaai 6:4–5).

• N irii waaki ni kabonganakina tabeua are e kariaiakaki inanon te mwakoro aei.

35.2

Aron Kabonganakina ao Tabena

35.2.2

Te Manatia Ibukin ana Kateitei te Ekaretia

Te manatia ibukin kateitei n te Ekaretia e na ibuobuoki ma titeiki ibukin aron waakin auti ni bootaki. Teuanne ke neienne e na bairei mwakuri ibukin karaoan uruaki, kaitiakan te kateitei ma bwaina nako, ao taian onobwai nakon kateitei.

Ngkana e kainanoaki, te manatia aei e buoka reiakinaia taan tei ibukin kateitei man titeiki ao uoote iaon aron kaitiakakin kateitei ao karaoan taabe riki tabeua. Teuanne ke neienne e na katauraoa aron waakinan te mwakuri, bwaai ni kateitei ao bwaai ni mwakuri.

E kona naba teuanne ke neienne n rinanoa te kabanemwane n te kateitei ma bitobiriki.

35.2.7

Bitiobiriki

Te bitobiriki (ke te tia tei ibukin tararuakin kateitei n te uoote) e reiakiniia membwa aron kabonganaakin, tararuaan ao kamanoan te kateitei. E tibwabwai kiingin kateitei naba te bitobiriki nakoia taan kairiri n te uoote.

A na kakoaua bwa a karaoaki raoi mwakuri inanon te kateitei ao aontano n te aro ae mano (taraa 20.7).

A reitaki n taainako ma te manatia ibukin ana bwai te Ekaretia iaon kawakinan ao mwakurian kateitei aika a kainanoaki. A kona naba n rinanoi kabanemwane n irekereke ma te kateitei ma te manatia ibukin ana bwai te Ekaretia.

35.2.9

Te Tia Tei ibukin ana Kateitei te Uoote

E na baireia te bitobiriki ngkana e na riai ni weteia taan tei ibukin tararuakin kateitei n te uoote. Ngkana a iangoia bwa a na anga te wewete aei, e kona te bitobiriki ni wetea te membwa te mwaane ke te aine ae ikawai. Ngkana e aki weteaki te tia tei ibukin tararuakin kateitei n te uoote, te bitiobi e kona n anga te mwiokoa nakon temanna ana kauntira, te kiraaka ke te kauoman ni kiraaka n te uoote, ke te tia koroboki ni kakoroi mooti nakon te mwakuri aei.

Te tia tei ibukin tararuakin kateitei n te uoote e barongaia membwa ao taan mwakuri n anganano ni kaitiaki ao n kateimatoa raoiroin te kateitei.

35.3

Karekean Auti ni Bootaki

Auti ni bootaki a tannako ma buburaia ao teia ni kaineti ma aron kainanoana irouia membwa. Te auti ni bootaki e kona n ae ana kateitei te Ekaretia ke te tabo ae kabooaki ae mwaawa, mwengan te membwa, te reirei ke kaomiuniti, taabo aika mwaawa aika a riitinaki, ke taabo ake a rineaki ao ni kariaiakaki.

Taan kairiri n te aono ke n taabo a kataia ni kabonganai ni kabane autinibootaki ake a tia ao ni bon uotakirakei riki taabo aika a mwaawa .

35.4

Kateimatoaan Tararuakin Autinibootaki

35.4.1

Kaitiaki ao Kateimatoaan Raoiroin Autinibootaki

Taan kairiri n taabo ao membwa, n raonaki ma roronrikirake, iai tabeia ni buoka kawakinan kateitei ni kabane bwa a na itiaki ao n tamaroa.

Bairean taai ibukin te kaitiaki e riai n aki riki bwa karawawataia membwa. Te katooto, ngkana e rang ni kangaanga aron te mwananga nakon kateitei, membwa a konaa ni karaoa te kaitiaki bwa kanoan te wiiki teuana ngkana a bon mena n te tabo ni kateitei.

35.4.2

Kainanoan Karaoan Uruaki

Kauntira man uoote ao titeiki a konaa n ribooti iaon kainanoan karaoan uruaki ibukin kateitei. E kona ni karaoaki aei man kabonganakin te Facility Issue Reporting (FIR) bwaai ni mwakuri.

35.4.5

Maurim ao Kamanoam

A riai taan kairiiri ao membwa:

• Ni kamwaawai kawai n nakonako aika a abwabwaki inanon kateitei, kaintamwarake, taabo n otinako, ao ruu aika a kakawaki ibukin mauriia ake a rinnako ma ake a otinako.

• N aki kabonganai ke ni kawakinii bwaai aika a na kona ni karekea te kabuanibwai ke bwaai aika a kona n ura inanon kateitei.

• Katean ao irakin kaetieti ibukin rokanakin kateitei.

• Kamanoan bwain te Ekaretia man te mwakuri ni kimoa.

• Ataa aron kainan mwiin bwaai aika a bongana n aron te ran, te iti ao taian bwaa.

Ngkana e kainanoaki, e kona te manatia ibukin tararuakin ana bwai te Ekaretia ni katauraoi mwaabe ni kaoti n nen bwaai n tiriai, bwaai ibukin te moan kamaiu, ao taabo are ana kaota n nen mwiin bwaai ake ana tiringaki. Tabeua riki rongorongo iaon maurin te aomata a reke n “Security and Lockup Procedures (Waakin te Tararua ao Rokanakin te Tabo)” n “Kateimatoaan Tararuakin Autinibootaki” (Te Kairi ibukin Kateitei n Autinibootaki). Taraa naba 20.7.

35.5

Kaetieti iaon Kabonganakin ana Auti ni Bootaki te Ekaretia

35.5.1

Tuua ao Bwaai aika Kainnanoaki ibukin Kabonganakin ana Auti ni Bootaki te Ekaretia

Kabongnakin ni kabane ana auti ni bootaki te Ekaretia a riai n iai irouia bwaai aikai:

• A riai ni mataata ma ana reirei, ana kaetieti, ao ana waaki te Ekaretia, n raonaki ma arona ae tabu ma kaantaninga n ana auti ni bootaki te Ekaretia.

• Ni mena inanon te tua.

• Ni mataata ma aron akean ana taekiti te Ekaretia n te tabo are e kariaiakaki iai.

• Karaoi kawai aika riai n totokoa, kabebetea, ao karaoi kamanoan kangaanga aika kona n riki, n raonaki ma ana kainibaire ao ana kaetieti te Ekaretia ibukin tararuakiia ataei ao kairake (taraa 12.5.1 ao 20.7.1)

• Irii kaetieti ake tabeua ao tianaki aika katauraoaki iroun te beretitenti n te titeiki ke te bitiobi.

35.5.2

Kabonganakin Auti ni Bootaki n te Ekaretia

Ana bootaki, burokuraem, ao ana waaki ni kakukurei te Ekaretia iai bwaai aika kakawaki riki iai iaon kabonganakin auti ni bootaki riki ake tabeua ngkana iai te aki boraoi n iango.

A kona naba uoote ao titeiki n anga ana burokuraem tabeua n te Ekaretia are a kabwaia iai membwa ao te komiuniti. A raonaki ma:

• Reirei n te Riki n Toronibwai.

• Reirei iaon katokan anua aika kareke.

• EnglishConnect.

• BYU–Pathway Worldwide.

35.5.3

Kabonganakin Auti ni Bootaki irouia Membwa—Ibukim ao te Utu

A kona membwa ni bubuti kabonganakin te auti ni bootaki inanon aia titeiki ibukin waaki ni kakukurei bon ibukiia ke aia utu. Ni karekean te kariaia, a na reitaki ma temanna kaain te bitiobiriki n te uoote are a bootaki n te auti ni bootaki anne (ke temanna are e anganna te kariaia). Aikai babaire aika a na iraki:

• E riai kabonganakina n taraaki iroun te aomata iroun te membwa ae ikawai ae onimakinaki n te uoote ae a bootaki inanon te auti ni bootaki.

• Bon tabeia taan kabongana te tabo ibukin uruaki nakon taian kateitei ke te ikuaki ke baeia ake a irekereke ma kabonganaana.

• A riai taan kabongana ni kaitiaka ao ni kaoki aron taabo nakon aroia imwain kabonganakina.

• A riai taan kabongana n irii kaetieti ao bubuti ake a roko mairouia taan kairiiri, n raonaki ma bubuti mairouia taan kairiiri n taraa aron kabonganaikina.

• A kona taan kairiiri n tuangiia n tatabemaniia ke te kurubu bwa a na katoka kabonganakin te tabo ngkana aki irii kainibaire.

• Ibukin waaki ni kakukurei ake a tia ni kariaiakaki, a riai taan kairiiri n te uoote ao n te titeiki ni karaoi babaire ibukin kabonganakin te auti ni bootaki. A riai kiing nakon kateitei n anganaki ti membwa n te uoote ke n te titeiki ake a tia ni kariaiakaki.

Taraa 38.3.4 ibukin kabonganakin auti ni bootaki ibukin maare ao taabo ni bootaki ibukin te bukamaru n te mare.

Taraa 29.5 ibukin kabonganakin auti ni bootaki ibukin te taunimate ao mwakuri tabeua ibukin te mate.

35.5.4

Kabonganakin Ana Auti ni Bootaki te Ekaretia irouia Bootaki aika Aki Karekeraka ke irouia Kurubu Tabeua ke irouia n Tatabemaniia

Te kairiiri n te aono e kona ni kariaia bootaki aika aki kareke mwane, komiuniti ao kurubu riki tabeua (n aron tiim n takakaro), ke irouia n tatabemaniia ae aki kabwarabwaraaki inanon 35.5.3 ni kabonganai ana auti ni bootaki te Ekaretia ibukin waaki ni kakukurei ke ibuobuoki n aekaia nako. Kangaanga ake a koreaki inanon 35.5.3 a kaineti ma ngaai.

Ni karekea te kariaia mairouia taan kairiiri n te aono ibukin kabonganakina, e na reitaki te beretitenti n te titeiki ma te manatia ibukin kateitei.

35.5.5

Kabuanibwai aika karina

A kona ni kabonganaaki ana auti ni bootaki te Ekaretia ibukin mwakuri n ibuobuoki n te komiuniti n tain te kangaanga ae karina. Ibukin te katooto, e kona te beretitenti n te titeiki ni kariaia kabonganakin auti ni bootaki n ana titeiki bwa bwaai n ibuobuoki i nanon tain te kangaanga ao tabeman n irekereke ma waaki ni boutoka (taraa 35.5.4).

35.5.6

Kabonganakin Auti ni Bootaki Ake Aki Kariaiakaki

35.5.6.1

Ibukin Karikirake

E aki riai ni kabonganaki bwain nako te Ekaretia ibukin waaki ni karikirake. Aekaki ni waaki aikai aki boraoi ma aron kabonganan raoi ana bwai te Ekaretia. E kona naba ni manga kaitaraa tuan te aono ke te aba ao ni kona ni manga kaakea ana taekiti te Ekaretia man ana bwai.

35.5.6.3

Ibukin Waaki n Tautaeka

E aki boutokaia te Ekaretia. Ana aki kabonganaaki bwain te Ekaretia ibukin waaki aika a irekereke ma te tautaeka ke kaantaninga ibukin te boutoka. Waaki ni kakukurei aika aki kariaiakaki e raonaki ma bootaki n te tautaeka ao ni kabonganaki n anainano ibukin te tautaeka ao kurubu ni boutoka.

E ngae n anne, kabonganakin bwaai ibukin kabaean aran te tia kan rineaki ke e na kona ni kariaiakaki te rinerine bwa te bwai ae onoti (taraa 38.8.30). E kona te beretitenti n te titeiki ni karekea te bwai ae onoti anne rinanon te manatia ibukin kateitei (taraa 35.5.4).