38

Kosonned oh Koasondi kan en Mwomwohdiso

38.1

Towehda Mwomwohdiso

Samatail Nanleng ketin poakohng Sapwellime serihkan koaros. “Koaruhsie duwepene rehn Koht,” oh E ketin luke koaros “en kohdo reh oh ale sapwellime kalahngan” (2 Nihpai 26:33

38.1.1.

Ieiang Mihting kan en Mwomwohdiso

Irail koaros lukehng en iang kamadipw sarawi, mihting teikan en Rahn Sarawi, oh mwekid kan en Mwomwohdiso en Sises Krais en Souleng en Imwin Rahn-akan. Opsihr me kakaun me kin pwukoahki kilang pwe koaros me kin iang en kin wauneki wasa sarawi kan.

Irail kan me kin iang anahne dehr kedirapwa de wiahda mehkoat me sohte kin wiawi nan ansoun kaudek de mihting teikan. Wahu en kohieng songosongen dih oh aramas koaros me kin ieiang mihting oh mwekid kan en Mwomwohdiso. Met irehdi aramas en wia soangen mwohmw kan de likauwi soangen likou kan me pahn kahrehda katiamau. Met pil iangahki wia koasoi en politic de koasoia duwen limpoak en nan pwungen lih oh ohl ni soangen mwohmw ehu me pahn kerempwa koasoiepen Sounkomouro nan mihting kan.

Ma mie wiewia suwed pwarada, pisopo de steik presiden pahn kin wia kaweid tohrohr ni mwohmw ehu me pahsonki limpoak. E pahn kangoange irail kan me kasalehda wiewia suwed ni ansouo pwehn sewese kolokol wahu ong koaros me ieiang mihting pwe ren kak kaudekiong Sahm Nanleng oh Sounkomouro.

Imwen kaudek kan en Mwomwohdiso wia dipwsou kei me mih pahn kosonned en Mwomwohdiso. Aramas akan me sohte idawehn koasondi pwukat pahn kapidohi ni wahu oh sohla pwurehng iang mihting oh mwekid kan en Mwomwohdiso.

38.2

Kosonned akan ong Tiahk Sarawih kan oh Kapai kan

Rohng lap akan me pid duwen tiahk sarawihkan oh kapaidahkan mie nan iralaud 18. Rohngkan ong tiahk sarawi en nan tehnpas kan mie nan iralaud 27 oh . Pisop kak lokaiahng steik presieden ma mie ah kalelapak. Steik preseden kan kak lokaiahng Ehria presedensi ma mie arail kalelapak.

38.3

Kapwopwoud en Pelien Kosonned

Sounkaweid kan en Mwmomwohdiso kangoange towehkan en warehng kopwopwoud en nan tehnpas sarawi oh en pwopowudla oh katengeteng nan tehnpas sarawi. Ma mweimweidahsang kosonned en koapwerment, sounkaweid kan en Mwomwohdiso kak wia kopwopwoud en pelien kosonned.

Kapwopwoud en pelien kosonned kan anahne idawehn kosonned en wasa me kasarawi wet pahn wiawi ie.

38.3.1

Isime Kak Wia Kopwopwoud

Ansou me pelien kosonned mweidada, irail oahpiser kan me wie papah nan Mwomwohdiso kak wia kasarawihn kapwopwoud en pelien kosnned.

• Misin Presiden

• Steik preseden

• Distrik preseden

• Pisop

• Prans preseden

Ihte kapwopwoud me oahpiser pwukat kak wia iei nan pwungen ohl emen oh lih emen. Ire pwukat koaros anahne en doke:

• Lih me pahn kapwopwoudo de ohlo wia tohn Mwomwohdiso de mie ah rahn en pepdais.

• Emen rehn ohlo de liho nah rekohd en nan mwomwohdiso miher, de pahn mwurin pepdais, miher nan unit en Mwomwohdiso wasa me oahpisero kin kaunda.

• Oahpiser en Mwomwohdiso mweimweida en wia kapwopwoud en kosonned nan wasa me kapwopwoudo pahn wiawi ie.

38.3.4

Kapwopwoud en kosonned kan me wiawi nan Imwen Mwomwohdiso

Kasarawih en kapwopwoud ehu kak wiawi nan ihmwen Mwomwohdiso ma e sohte pahn kedirapwa sketuel en kemwekid kan en Mwomwohdiso. Kapwopwoudkan sohte kak wiawi Rahn Sarawi de soutik en Niehd akan. Kapwopwoud me wiawi nan imwen Mwomowhdiso anahne en mwahu oh wahun. Koul kan anahne sarawi, meleilei, oh mie popohl.

Kapwopwoud kan kak wiawi nan wasahn kaudek kan, nan cultural hall kan, de ehu wasa soanamwahu. Kapwopwoud kan anahne idawehn irenkaweid kan ong doadoahngki imwen mihting kan ni pwung.

38.3.6

Kasarawihn Kapwopwoud en Pelien Kosonned

En wia kapwopwoud en pelien kosonned, Oahpiser en Mwomwhdiso pahn eker pwopwoudo oh inda, “Emente koledi peh pali koahiek en emen emen.” E pahn doula, “[Eden ohlo unsek] oh [eden liho unsek], emen emen kumwa koledier pali koahiek en pehn mehteio pwehn wia kilelepen inoukan me kumwa pahn wiadahr mwohn Koht oh soun kadehde pwukat.” (Pwopwoudo kak pilada de kaunopada soun kadehde pwukat mwohn ansouo.)

Oahpisero pahn uhd lokaiahng ohl pwopwoudo oh idek, “[Eden ohlo unsek], ke alehda [eden liho unsek] en wia omw pwoud, oh sang ni pein ahmw pilipil inoukihda ni omw wia ienge oh ah pwoud me ke pahn tengeteng ong ihete oh sohte emen palahsang; me ke pahn kolokol kosonned oaros, pwukoah kan, oh inoukan me doke pwopwoud sarawi; oh me ke pahn poakehng, wauneki, kesempwalki ih erein amwa pahn momour?”

Ohlo pahn sapeng, “Ei” de “I inoukihda.”

Oahpiser en Mwomwohdiso eri lokaiahng lih pwopwoudo oh idek, “[Eden liho unsek], ke pahn ale [eden ohlo unsek] en wia ahmw pwoud, oh ke inoukihda sang ni pein omw pilipil ni ahmw wia ienge oh ah pwoud me ke pahn tengeteng ong ihete oh sohte emen palahsang; me ke pahn kolokol kosonned koaros, pwukoah kan, oh inoukan me doke pwopwoud sarawi; oh me ke pahn poakehng, wauneki, kesempwalki ih erein amwa pahn momour?”

Liho pahn sapengki, “Ei” de “I inoukihda.”

Oahpiser en Mwomowhdiso pahn uhd indahng pwopwoudo, “Sang ni manaman me I tungoalenki ni ahi wia elder men nan Mwomwohdiso en Sises Krais en Souleng en Imwin rahn akan, I pakairkihda me komwi, [eden ohlo] oh [eden liho], wialahr ehu pwopwoud, me manaman erein amwa mour.”

(Welian lokaiahkan ong emen taplen me sohte wia weliepen oahpiser en Mwomowhdiso: “Sang ni manaman me I tungoalenki ni ahi wia taplen nan [pali en sounpei de ehu pwihn], I pakairkihda me komwi, [eden ohlo] oh [eden liho], wialahr ehu pwopwoud, me manamanlahr erein amwa mour.”)

“Kauno en ketin kapaikihda amwa pwopwouden diren popohl nan kadaudokamwahkan oh mour werei me diren insenamwahupene, oh Kauno en ketin kapai kumwa en kolokol inou sarawihkan kumwa wiadahr. Kapai pwukat I lukehieng kumwa ni mwaren Kaun Sises Krais, ahmen.”

Luhk ong irahn kis emen emen ni ara wia pwopwoud ehu sohte lipilipil, e doke ara tiahk.

38.4

Kosonned akan ong Katengteng

Tiahk sarawi en katengteng nan tehnpas sarawi kak kolpene peneineikan ong mour soutik ni memper kan ahr pahn poadidien kesempwalki inou sarawihkan me irail wiahdahr ni arail alehdi tiahk sarawio. Tiahk sarawih kan en katengteng iangahki:

• Katengteng en ohl oh lih pwopwoud.

• Katengteng en serihkan ong pahpa oh nohno kan.

Irail koa me kolokol arail inou sarawihkan pahn alehdi kapai kan koaros me ah katengtengo kasalehda. Met mehlel mendahte ma lih pwopwoudo kauwehla ah inou sarawihkan de mweisangehr nan pwopwoudo.

Seri poadidihkan me katengtengehng arail pahpa oh nohnokan de ipwidieng nan inou sarawio kolokolete kapai en pwopwoud soutiko. Met pil mehlel ma arail pahpa oh nohnokan kauwehla arail inou en katengtengo, kihsang adarail nan Mwomwohdiso, de sohla wia memper men.

Towehkan anahne ale kaweid sang pisop ma mie arail kalelapak duwen kosonned akan en katengteng. PIsop kak alehdi steik preseden ma mie ah kalelapak. Steik preseden kan kak alehdi presedensi en tehnpas sarawi nan arail distrik, Ehria presedensi, de Ohpis en Keioun Presedensi ma mie arail kalelapak.

38.5

Likou oh Karment kan en nan Tehnpas Sarawi

38.5.1

Likouen nan Tehnpas Sarawi

Nan ansoun tiahk sarawihkan en endaumen oh katengteng, tohn Mwomwohdiso kan kin likauih likou pwetepwet. Lih akan kin likauih soangen likou pwetepwet pwukat: likou pehreirei de peh me reireiki pahkis siluh (de urohs oh seht pehreirei de pahkis siluh), sdakin de ohs, oh suht de sohri.

Ohl akan kin likauih soangen likou pwetepwet pwukat: seht pehreirei, nektahi de poutahi, rausis, sdakin, oh suht de sohri.

Nan ansoun tiahk sarawi en endaumen oh katengteng, memper kan kin likauwihada ekei likoun kasarawi pohn arail likou pwetepwetkan.

38.5.2

Alehdi Likou oh Karment kan en nan Tehnpas Sarawi

Sounkaweid kan en ward oh steik kin kangoange memper kan me alehier endaumen en alehda pein arail likouen nan tehnpas sarawi. Likoun nan tehnpas sarawihkan oh karmend kan kak pweipweidahsang ehu sdohwahn Mwomwohdiso de store.ChurchofJesusChrist.org. Steik oh ward klerk kan kak sewese memper kan oahte likoukan.

38.5.5

Liklikauwih oh Apwahpwalih Karmend

Memper kan me alehdier arail endaumen inoukidahr ren likauwih likoun tehnpas sarawihkan erein arail mour.

Likauwih karmend en tehnpas sarawihkan wia ehu paiamwahu kesempwal. Likauwih karmend en nan tehnpas sarwihkan wia kasalepen poadidien idawehn Soukomour Sises Krais.

Karmend wia ketemenpen inou sarawihkan me wiawihda nan tehnpas sarawi. Ni ahmw pahn likauwih ni pwung erein ahmw mour, e pahn wia perepen ahmw mour.

Karmend anahne mih pahn ahmw likou en likihkan. E wia insenen emen emen ma e men likauwih ah likoun loalehkan pohn karmend kan de pahnangi.

Karmend kan sohte anahne kohsang pwehki kemwekid kan ma e kakete mihmihte. E sohte kak wekidekla mwomwe pwehn mwahueng soangen sdailen likoukan.

Karmend kan wia likou sarawi oh anahne epwel ni wahu. Memper kan me alehier arail endaumen anahne rapahki kaweidpen Ngehn Sarawi ong pasapengpen arail kalelapak kan me pid likauwih karmend.

38.5.7

Kesehla Karmend kan oh Liokoun Tehnpas Sarawihkan

Pwehn kesehla karmend kan me tokilahr, memper kan anahne sisetehsang oh kauwehla kilelkan. Memper kan eri pahn sisetepeseng luhwen likoukan pwehn sohte kak sansal me e wia karmend. Luhwen likouo kak koskosla.

Memper kan kak kiheng karmend kan oh likoun tehnpas sarawihkan me mwamwahute ong ekei memper me alehier arail endaumen.

38.5.8

Liokoun Serdihn Tehnpas Sarawi

Ma kak, memper kan me mehla me wiahier arail endaumen anahne en serdi de isihsla nan likoun tehnpas sarawi. Ma tiahk de mwohmwakan en serdi wiahda en sohte soanamwahu de apwal, likoukoa kak limilimpene oh kohweng limwahn paliwaro.

Palinweren ohl emen pahn likauwih likoun tehnpas sarawi oh soangen likou pwetepwet pwukat: ehu seht pehreirei, nektahi de poutahi, rausis, sdakin, oh suht de sohri. Palinweren lih emen pahn likauwih likoun tehnpas sarawi oh soangen likou pwetepwet pwukat: likou me pehreirei de pehreireiki pahkis siluh (de ehu urohs oh seht pehreirei de peh me reireiki pahkis siluh), sdakin de hosiery,oh suht de sohri.

Likoun kasarawihn tehnpas sarawihkan pahn kohweng ni palinwaro ni mwohmw me kasansalada nan endaumen kan. Rohpo pahn kohweng pohn pwopwe koahiek oh sahlakoa pahn pirapirpene ni pali sakoahiek en likopehu. Eiprono pahn katengtengehng nan likopehu. Sahso pahn kohweng nan likopehu oh pirapirpene ni mwomwen pohu ni pali sakoahieko. En ohl lisaropo kin kohdieng limwahn palinwaro lau lel ansoun pwaindi kohpwahu de koandeinero. Lisaropo eri kohweng pohn moangehu ni pohuo ah mih pohnangin salenge pali sakoahieko. En lih ah mehn keduhpwalo kak kohweng pohn ah uluhlo ni kepin moangehu. Kadupwaldi mesen lih emen mwohn serdi de isihsla sohte lipilipil, insenen peneinei.

38.6

Kosonned kan en Iren Mour kan

38.6.1

Kawehla Liseian

Kauno mahsani, “Ko dehr kemehla aramas, de wia mehkoat me duwehte” (Doctrine and Covenants 59:6). Mwomwohdiso uhwong wiepen kawehla liseian ong emen aramas de aramas emen me sohte inoangieng en kawehla liseian. Towe kan sohte pahn utung, wia, koasone, pwain, pwungki, de kangoange kowehla lisean. Ihte ansou me kitail kak kawehla liseian iei:

• > Liseiano wiawihda sang ni angkehlail de tuhpenehn en peneinei.

• > Emen semen en pali en roson mwahu kadierekda me mour en aramas liseiano patohier nan kahpwal en mehla.

• > Emen semen en tohkte kadierekda me kisin serio ahneki soumwahu me sohte pahn mweidohng en kak wie momour mwurin ah ipwidi.

Ahpw ire pwukat sohte kasalehda me aramas kak ouhdahte kawehla liseiano. Kauwehla liseian wia ehu ire toutou. E anahne e wia iren madamadau ehu mwurin aramas koa me pwukoahki ahr alehdier pasapengpe sang ni kapakap. Memper kan kak tuhweng arail pisop kan pwehn wia kisehn wiepe wet.

38.6.2

Wiakawe

Wiakaw iei mwamwaleki de sohte katapaniki mehteikan ni mwoahmw ehu me kahrehda olahn paliwar, nenek, sengiseng loal oh paisuwedila. Mwomwohdiso kamehlele me wiakaw sohte konehng en wiawi. Irail kan me kin wiakawe arail pwoud kan, seri kan, tohn peneinei teikan, de sohte lipilipil aramas, kawelahr kosonned akan en Koht oh aramas.

Towe koaros, mehlel pahpa/nohno oh kaun kan anahne tetehk mwahu oh nantiong wia uwen arail kak koaros en pere serih kan oh mehteikan sang ni wiakaw. Ma towe kan pehmada mwekid en wiakau, irail anahne tuhkihong pisop. Kaun en Mwomwohdiso kan anahne tehk mwahu oh sohte pohnsehsehla repwoht kan en wiakau.

Aramas mah koaros me pwukoahki epwel pen seri kan de me pwulepwul kan anahne kanekehla kaiahn en apwali seri oh me pwulepwul nan irair en sounpwong ehu mwurin arail kasarawi ong pwukoa (kilang ProtectingChildren.ChurchofJesusChrist.org). Irail pahn anahne pwurehng ale kaiahno nan irair en pahr silu koaros.

Ansou me wiakau wiawi, keieun pwukoah me kaun en Mwomwohdiso kan anahne wia iei en sewese irail me alehier wiakau oh pere meteikan sang wiakau me pahn pwarada mwhur. Sounkaweid kan sohte konehng kangoange aramas emen en koukouson nan ihmw ehu de wasa me kin wiakau de keper.

38.6.2.1

Wasahn Apwali irail akan me kin wiakau.

Nan ekei wehi laud kan, Mwomwohdiso kawadahr ehu pwihn me pahn kin apwalih ahl kan me pid wiakau pwehn sewese pisop kan oh steik preseden kan. Kaun pwukat pahn anahne en eker nempehn wasahu ansouohte me pid duwen soahng koaros me pidada aramas me miher nan kahpwal en wiakau—de me miher ni keper pen wiakau (kilang 38.6.2.1). Irail anahne pil pakairki ma irail esehda toweh men me kin kilekilang, pwapwain, de kihkiseli kilel suwed en seri.

Nan wehi laud teikan me sohte sawas en delepwohn wet, pisop meno me esehier me mie kahpwal en wiakau pahn anahne eker ah steik preseden. Steik presiden anahne rapahki kaweid sang semen en kosonned nan ohpis en ehria.

38.6.2.2

Kaweid ong Aramas me alehdi Wiakau

Aramas me wiakau kin kalap ahneki soumwahu oh pepehm me irail me sapwung. Steik presiden kan oh pisop kan pil kin kihda sawas ong tohn peneinei kan me anahne. Kaun kan anahne pohnese irail oh kiong irail kaweid mwahu oh sawas pwehn sewesei irail powehdi kasohwahu suwed kan en wiakaw.

Ekei pak irail kin ahneki namenek oh medewe me re dipada. Aramas pwukat sohte dipekihda dihp ehu. Kaunakan kin sewese irail oh arail peneinei kan wehwehkihda duen sapwelimen Koht limpoak oh kamwahu kan me kin kohsang ni an Sihses Krais kamatalahu (kilang Alma 15:8; 3 Nephi 17:9).

Steik presiden kan oh pisop kan anahne sewese irail kan me dipekidahr wiakaw en koluhla oh uhdi sang arail wiewiahn wiakau kan. Ma aramas mah men dipekidahr ah neneki seri men, wiewia wet pahn inenen apwal en kamwahula. Mwekid en koluhla kak wiewiawi ki ansou reirei. Kilang 38.6.2.3.

Me patehng sawas sarawi sang kaun kan, ekei toweh kan kak ale sawas sang rehn semen en sawas ong pali wet. Ong iren kaweid kapatapat, kilang 31.3.6.

38.6.2.3

Wiakaue Seri de Me Pwulepwul

Kamwamwahli seri de me pwulepwul wia ehu dihp me inenen laud (kilang Luke 17:2). Me sansal wasakiset, wiakaue seri oh me pwulepwul: pil iangahki mepwukat:

• Wiakaupen paliwar: Kawehla paliwar sang ni kamakam de pei. Ekei ohla kakete sohte sansal.

• Dipen nenek de mwersued: Wia dipen nenek ong seri men de me pwulepwul men de mweidohng de sewese mehteikan en wia songen tiahk o. Nin duwen ire wet, nenek nan pwungen me pwulepwul riemen me pwungkidahr oh ara sounpar kan keren pene sohte wia tiahk en idihd ong nenek,

• wiakaulahn amw pepehm Doadoahngki mwekid oh lokaia kosukloal kin kawehla en seri men oh me pwulepwul men ara wahu oh likilik. Met iangahki mwekid kan me kin wiewiawi ansou koaros pwehn kasaroh, sohte kamelele, oh lipahned me kin kanameneki oh kamwamwalihla. Met kak iangahki soukautih.

• Kilelen Seri Kilel Suwed: Kilang 38.6.6.

Ma pisop men de steik presiden men esehda de lemelemehngki me seri men de me pwulepwul men kamwamwahlla, e anahne idawehn kaweid kan nan 38.6.2.1. E pil pahn sawas pwe wiakau en dehr pwurehng wiawi mwuhr.

Kakommoldi oh ntingdi en dihpo pahn uhdahn wiawi ong nan rekohd en towe men me kamwamwahli seri men de me pwulepwul men nin duwen me sansal nan pali wet. Pil tehk 32.6.2.5.

Ma emen me pwulepwul kamwamwahli emen seri, steik presiden pahn alehdi Ohpis en Presidensi Keieu pwehn ale kaweid.

38.6.2.4

Wiakawe ahmw Pwoud de Emen Aramas Tohrohr

Pak tohto e sohte kin sansal soangen wiakau da me kin wiawi nan ansou koaros. Ahpw, wiewiahn wiakau kan kin inenen doar. Soangen wiewia pwukat me kin wiawi iei lokaia kamedek lel ohla laud.

Ma pisop men de steik presiden men esehda duwen kamwamwahlahn en emen tohn pwopwoud de emen me mah, e anahne mwadang doadoahngki kaweid kan nan 38.6.2.1. E pil pahn wia mehkot me pahn kauhdi wiakau wet en dehr pwurehng wiawi mwuhr.

Kaun kan pahn rapahki kaweid en Ngehno pwehn diarada ma kaweid de koakommoldi en toweh men me konehng wiawi pwehn kahudi wiakau. Irail pil kak ale kaweid sang arail kaun en prihsduhd me pid mwekido. Ahpw, soangen wiakau ong emen aramas de emen me mah tohrohr me pahrekiong irehkan me sansal pah pahn anahne tenek sang pwihn en kaweid kan.

• Wiakaupen paliwar: Kawehla paliwar sang ni kamakam de pei. Ekei ohla kakete sohte sansal.

• Wiakau en nenek: Tehk irehkan me sansal nan 38.6.18.3.

• Wiakaulahn amw pepehm Doadoahngki mwekid oh lokaia me kin kawehla wahu oh katep en aramas emen. Met iangahki mwekid kan me kin wiewiawi ansou koaros pwehn kasaroh, sohte kamelele, oh lipahned me kin kanameneki oh kamwamwalihla.

• Kamwamwahlli mwohniKihsang en emen tohrohr ah pai oh nah mwohni. Met kak iangahki doadoahngki ni sohte mweimwei en emen tohrohr ah dipwisou, mwohni, de dipwisou kesempwal teikan. Met pil kak iangahki alehdi manaman ni sapwung pwehn doadoahngki nein emen tohrohr nah mwohni. iangahki doadoahngki mwohni pwehn iding emen tohrohr.

38.6.2.5

Malipilip kan en Mwomwohdiso, Doropwehn Mweimwei ong Tehnpas Sarawi, oh Rekohd en Toweh kan

Towehkan me wiakawe mehteikan sohte pahn ale malipilip sang Mwomwohdiso oh sohte pil pahn ale doropwhen mweimwei ong nan tehnpas sarawi lau irail koluhlahr, oh arail kalikilikdi kan kemwekid sangehr.

Ma aramas emen neneki seri men de me pwulepwul men, de wiakawe seri men de me pwulepwul men kahrehda ah pepehm ohla de ohlahn paliwar, mwekid en wiakau o pahn kileledi nan en aramaso rekohd en towehkan. Aramaso sohte pahn ale malipilip de pwukoah me pid seri oh me pwulepwul kan. Met iangahki pwukoa en kalohk de kasukuhl ong peneinei me mie seri oh me pwulepwul ni imwarail kan, Pil sohte me pwulepwul pahn pilipilda pwehn iang aramaso kalohk de kasukuhl. Kalikilikdi pwukat pahn wie manaman oh doadoahk lao Presidensi Keieu kamanahla irihrlahn kalikilikdi pwukat.

38.6.2.6

Kaunsel kan nan Steik oh Ward

Nan kaunsel mihting kan en steik oh ward, steik presedensi oh pisoprik kan kin tehk mwahu kosonned akan oh irenkaweid kan en Mwomwohdiso ong perepen oh epwelpen wiakau. Soounkaweid kan oh tohn kaunsel kan kin peki kaweidpen Ngehno ni arail kaskuhlih oh ehukipene ire kesempwal wet.

Tohn kaunsel kan anahne kanekehla kaskuhlen apwalih serihkan oh me pwulopwul kan (kilang 38.6.2).

38.6.2.7

Iren Kosonned akan Me Pid duwen Wiakau

Ma en toweh men ah mwekid en wiakau kan kawelahr ehu kosonned, pisop oh steik presiden anahne kangoangehki toweho en padahkihong palien kakehlaka kosonned de pali teikan me konehng duwen iren wiakau o.

Kaun kan en Mwomwohduso oh toweh kan anahne kapwaiada ilek en kosonned koaros oh repwohtki wiakau kan ong pali en kakehlaka kosonned.

38.6.4

Mehn Kamalau

E wia kapai ehu ong me pwopwoud kan me kak nainki seri en naitikihdi serihkan pwehn kiheng sapwelimen Koht seri ngehnkan palinwararail, me irail uhd pwukoahki en kairada oh kaskuhlihads (kilang 2.1.3). Pilahn ong seri depe emen pahn nainki oh iahd e pahn nainki wia pein en emen emen koasoandi. E anahne wia mehkot me nan pwungen pwopwoudo oh Kauno.

38.6.5

Mwakelekel oh Loallopwot

Kosonned en Kauno me pid mwakelekel iei:

• Sohte wia insenen nenek likin pwopwoud nan pwungen ohl emen oh lih emen nin duwen kosonned en Koht,

• > Loallopwot pene nan pwopwoud

Tuhpenehn paliwar nan pwungen pwopwoud ehu wia mehkoat lingang oh sarawi. Ire wet kasarawilahr sang Koht pwehn wiahda seri oh kasalehda limpoak nan pwungen ehu pwopwoud

38.6.6

Kilel de Kasdo en Seri Kilisou

Mwomwohdiso keinepwihdi kilel en seri kilisou ni soangen mwohmw sohte lipilipil. Ma pisop men de steik presiden men esehda me emen tohweo kin kilekilang de wiewia kilel en seri kilisou, e pahn mwadangete idawehn irehkan nan 38.6.2.1.

38.6.8

Kauwehla Nein Lih me Sarawi

Mwomowhdiso wet kin keriahla tiahk en kauwehla nein lih me sarawihkan.

38.6.10

Nenek nan pwungen peneinei

Mwomwohdiso keinepwihdi nenek nan pwungen peneinei ni soangen mwohmw sohte lipilipil. Pil duwehte wasaht, nenek nan pwungen peneinei me kin wiawi nan pwungen:

• >Pahpa de nohno oh seri men.

• > Emen rehn pahpa/nohno kahlap oh emen nein nah.

• > Nan pwungen perian kan.

• > Emen rien ah pahpa de nohno iangahki seri me re pahn naineki.

Pwehn sansal, seri, nein nah, perienkan, nein riei serepein, oh nein riei pwutak iangahki uhdan nain serihkan, seri pwekpwekda, step de seri me wie epwehpwel nan ehu peneinei.

Ansou me emen me pwulepwul alehdi kahpwal en nenek nan pwungen peneinei, pisopo de steik presiden pahn eker pali en sawas en Mwomwohdiso wasa me pali wet mie 38.6.2.1). Nan wehi teikan, steik presiden pahn rapahki kaweid sang rehn loahier en ehria ni ohpis en ehria. Nan wasa teikan, kaun kan kak alehdi semen en Family Services de manager en pali en welfare oh self-reliance sang opis en ehria.

Kaunsel en towehkan en Mwomwohdiso anahne ntingiedi mwekid wet nan nein mempero rekohd ma e dipekihda dipen nenek nan pwungen peneinei. Mwomwohdiso kin kalap anahne kakommolehdi towe men me dipekihda dipen nenek nan pwungen peneinei.

Ma emen me pwulepwul dipekihda dipen nenek nan pwungen peneinei steik presiden pahn alehdi Ohpis en Presidensi Keieu pwehn ale kaweid.

Aramas me alehdi kahpwal en nenek nan pwungen peneinei kin ahneki kahpwal en sengiseng loal oh medemedewe me irail me sapwung. Steik presiden kan oh pisop kan pil kin kihda sawas ong tohn peneinei kan me anahne. Kaun kan anahne apwalih irail mwahu oh kihong irail kaweid keneinei oh sawas pwehn sewese irail powehdi kotoutou laud en nenek nan pwungen peneinei.

Ekei pak irail kin ahneki namenek oh medewe me re dipada. Aramas pwukat sohte dipekihda dihp ehu. Kaunakan kin sewese irail oh arail peneinei kan wehwehkihda duen sapwelimen Koht limpoak oh kamwahu kan me kin kohsang ni an Sihses Krais kamatalahu (kilang Alma 15:8; 3 Nephi 17:9).

Me patehng sawas sarawi sang kaun kan, ekei toweh kan kak ale sawas sang rehn semen en sawas ong pali wet. Ong iren kaweid kapatapat, kilang 31.2.6.

38.6.12

Kamehlelepen wie manaman

Kamehlelepen wie manaman kin kilenglahngete me rotorot oh elehda likamw. E kin kauwehla pwoson Krais.

Kamehlelepen wie manaman iangahki pwohngih Sehdan. E pil iangahki kemwekid manaman kan me sohte pwungehng rongamwahu en Sises Krais. Soangen kemwekid pwukat iangahki (ahpw kaidehn ihte) indahda soahngkan me pahn wiawi nan en emen ah mour, karaiahla, oh doadoahk en kamwahulahkan ma wia mwomwen manaman en prihsduhd en Koht (kilang Moronai 7:11-17).

Memper kan en Mwomwohdiso en dehr patehng kaudek ehu me pwohngih Sehdan de towehda ni mwohmw ehu kamehlelepen wie manaman. Irail en dehr medewe soangen rotorot pwukat nan arail koasoai de nan mihting kan en Mwomwohdiso.

38.6.13

Kilel de Kasdo Suwed

Mwomwohdiso keinepwihdi kilel suwed ni soangen mwohmw sohte lipilipil. Doadoahngki kilel suwed kin kauwehla mour en aramas, peneinei kan, oh wehi. E pil kin kalipehda Ngehn en Kauno. Tohn Mwomwohdiso anahne liksang soangen kilel suwed koaros oh uhwong wiawihda, nehnepeseng oh doadoahngki mepwukat.

Kaweid en peneu oh irairdi kan me sohte kin ntingdi nan rekohd kin kak en itar ong apwalih aramas emen en koluhla oh sohla doadoahngki kilel suwed. Tuhpenehn kaunsel en towehkan sohte kin kalap wiawi nan ire wet. Ahpw, ehu tuhpenehn kaunsel kak wiawi ma toweh men doadoahngki kilel suwed uklahr oh kahrehiong kahpwal nan pwungen ih oh ah pwoud pil iangahki ah peneinei. (see 38.6.5). Kaunsel en towehkan en Mwomwohdiso pahn uhdahn kilelehdi nan en toweho rekohd ma toweho kin wiahda, ehukihda, kolokol, de kilekilang kilel en seri kilisou (kilang 38.6.6).

38.6.14

Poupoar

Aramas koaros seri en Koht. Koaros wia pirien ehu me wia kisehn Sapwelime peneinei sarawi (kilang “ Peneinei: Kalohk Ehu Ong Sampah”). Koht “ketin wiahda kadaudok koaros sang rehn ohltehmen” Wiewia kan 17:26). “Koaros duwepene” rehn Koht 2 Nihpai 26:33). Oh uwen “kesempwal en aramas men mwohn sihlangi pahrekiong mehteio” (Seikop 2:21).

Poupoar sohte pwungehng sapwelimen Koht mahsen kasansaladahrkan. Perenki de sohte perenki ong Koht pidada uwen loaloapwoat ong Ihr oh Sapwelime kosonned akan, kaidehn pwehki pohn kilin aramas de soahng teikan.

Mwomwohdiso kangoahngehki aramas koaros en kesehla lamalam oh wiewiahn poupoar ong ehu pwihn de emen aramas. Memper kan en Mwomwohdiso anahne tihengki kalaudehla wahu ong sapwelimen Koht seihkan koaros, Memper kan idawehn Sapwekimen Sounkomouro kosonned en poakehng mehteikan (kilang Madiu 22:35-39). Irail kin nantiheng wia aramas me ehuong koaros, sohte alehda poupoar ni soangen mwohmw ehu. Met iangahki poupoar pwehki ih mehn ia, iawasa e kohsang ie, keinek, ohl de lih, sounpar, anahn tohrohr, pelien lamalam, de sohte patehng ehu, oh ma e kin mwahuki lih de ohl.

38.6.15

Ohl Mwahuki Ohl de Lih Mwahuki Lih oh Arail Tiahk kan

Mwomwohdiso kin kangoange peneinei oh memper kan en tehk irail kan (ohl de lih )me kin mwahuki me duwe irail (ohl mwahuki ohl de lih mwahuki lih). Mwomwohdiso pil kin utung wehwepene nan pwungen aramas me kasalehda ah padahk kan duwen kadek, Mwomwohdiso sohte uhki de kasohwe kahrepe kan ong kahrepehkan en lih mwahuki lih oh ohl mwahuki ohl.

Sapwelimen Koht kosonned akan kainapwih koaros mwohmw suwed, menda ma na pwungen ohl oh lih de lih lih , ohl ohl. Sounkaweid kan en Mwomwohdiso kin kaweid memper kan me kauwehla kosonned en mwakelekel. Sounkaweid kan kin sewese irail en wehwehki mehlel me pwoson Sises Krais oh Sapwelime Tomwo, me wia wiepen koluhla, oh kahrepen mour pohn sampah.

Ma memper kan pehm me re mih nan irair en ohl mwahuki ohl de lih mwahuki lih oh wie nanantiheng momourki kosonned en mwakelekel, sounkaweid kan ahahne utung oh kangoange irail. Memper pwukat kak ale malipilip nan Mwomwohdiso, nainki dempel rekemend, oh alehdi tiahk sarawihkan en tehnpas sarawi ma irail warehng. Ohlakan me memper en Mwomwohdiso kak alehdi oh doadoahngki arail prihsduhd.

Memper koaros me kolokol arail inou saraihkan pahn alehdi kapaikan koaros me inouehng irailehr nan mour soutik menda ma arail irair kan mweidada irail en alehdi kapai kan en pwopwoud soutik oh wia peneinei nan mour wet de soh (kilang Mosaia 2:41).

38.6.16

Pwopowud en ohl ohl de lih lih

Ni ah wia padahk ehu, sang nan pwuhk sarawihkan, Mwomwohdiso ketihtihki me pwopwoud nan pwungen ohl emen oh lih emen anahn ong Sapwelimen Soun Kepikipiko pilahn en mour soutik ong Sapwelime serihkan. Mwomwohdiso wet pil ketihtihki me Sapwelimen Koht kosonned kawehwehda pwopwoud me e wia ehupene pwung oh mweimweida nan pwungenohl emen oh lih emen.

38.6.17

Kaskuhlpen Nenek

Pahpa oh nohno kan ahniki pwukoahn kaskuhlihki neirail serihkan duwen nenek. Pahpa oh nohno kan anahne ehukiheng neirail serihkan duwen nenek me mwakelekel oh pwung ni ahr pahn lokaia mehlel, sansal, oh kapwkapwurehieng arail kaweid kan.

38.6.18

Wiakau en nenek, Angkehlail, oh sohng mwekid sakanakan kan koaros ong palien tuhpene en palliwar

Mwomwohdiso kainapwih wiakau en nenek. Nin duwe met, wiakau en nenek me wehweki wia insenen tuhpenen paliwar ni aramas teio ah sohte mwahuki. Tiahk en nenek me wiawihong aramas emen me sohte kak pwungki kin wehwehki wiakau en nenek . Wiakau en nenek pil kin kak wiawi nan pwungen ehu pwopwoud de nan pwungen riemen me kin wie mwemweitpene. Ong irehkan me pid nenek kamwamwahl ong emen seri de me pwulepwul, kilang 38.6.2.3.

Nenek kamwamwahl iangahki soangen ire tohto kei, sang kamasak lel kamakam. E kin kak wiawi ong paliwar, ni lokaia, oh ni soangen mwohmw teikan. Kaunsel en towehkan anahne tuhpene ma emen toweo dipekihda dipen nenek me idihd de dipekihda dipen nenek kamwamwahl 38.6.18.2.

Ma towehkan esehda duwen nenek kamwamwahl, irail anahne mwekid karwaru pwehn pere irail kan me alehdi doahk suwedo oh meteikan ni ansou mwadang. Met iangahki pakair ong pisop de steik presiden. Ma seri men lelohng nan songen irair en wiakau wet, towe kan pahn anahne idawen kaweid kan nan 38.6.2.

38.6.18.2

Sewese Irail akan me mihla nan kahpwal en Nenek me Wiakau, Angkehlail, oh songen mwohmw suwed akan duwen Wiakau en Nenek.

Irail akan me mihla pahn kahpwal en wiakau en nenek, angkehlail, de songen mwohmw teikan me pidada suwed en nenek kin kakete lelohng lapalahn kahpwal en soumwahu. Ni ansou me toweh men kin wehkada dipe, pisop de steik preseden kin kasalehiong irail duwen poakehla oh kasalehiong duwen limpok. Kaun kan anahne pohnese irail oh kiong irail kaweid mwahu oh sawas pwehn sewesei irail powehdi kasohwahu suwed kan en kamwamwahl. E pil pahn eker nein Mwomwodiso delepwohn en sawas nan wasa me miehkan.

Ekei pak irail kin ahneki namenek oh medewe me re dipada. Aramas pwukat sohte dipekihda dihp ehu. Kaun akan sohte pahn kapwokonkin irail mwekid suwed wet. Kaun akan kin sewese irail oh arail peneinei kan wehwehkihda duen sapwelimen Koht limpoak oh kamwahu kan me kin kohsang ni an Sises Krais Kamatalahu (kilang Alma 15:8; 3 Nephi 17:9).

Ni ansou me towe kan pahn pilada en ehukiwei mwekid en wiakau wet, kaun kan sohte pahn kilangete mwomwen arail kosoi kan. Met e pahn kak kamadekihla aramas me wia mwekid o.

Me patehng sawas sarawi sang Kaun en Mwomwodiso kan, aramas ko iangahki arail peneinei kan pahn anahne ale palien sawas soamoan kan. Ong iren kaweid kapatapat, kilang 31.2.6.

38.6.18.3

Tohn Ward Kaunsel

Tuhpenehn kaunsel pahn anahnepe wiawi ong aramas emen me wia mwekid en wiewia suwed de wiakawehla aramas emen. Kaunsel en towehkan anahne tuhpene ma emen toweo dipekihda dipen nenek me idihd de dipekihda dipen nenek kamwamwahl.

38.6.20

Kihsang Pein Mour

Momour en pohn sampah wia kisakis kesempwal ehu sang Koht—kisakis ehu me anahn en kesempwalki oh kanaiehng me laud. Mwomwohdiso kin inenen utung perepehkan ong kahpwal en kihsang pein mour.

Pali tohtohn aramas me ahniki madamadau en kihsang pein ah mour men diar sawasepen medek en paliwar, madamadau, pepehm, oh palingehn. Soangen aramas pwukat anahne limpoak, sawas, oh utuht sang peneinei, sounkaweid kan en Mwomwohdiso, oh semenkan.

Pisop kin sawaski utuht en mwomwohdiso ma memper men kin medemedewe kihsang pein ah mour de sohngadahr. E pil kin ni ansouohte sewese mempero ong sawas en me semen kan.

Mendahte uwen nantiheng en irail kan me poakehng kan, sounkwaeid kan, oh semen kan, kihsang pein ah mour kin kaidehn ansou koaros kak kauhdi. E kin kiheng me poakehng oh mehteikan me momourte mohngiong ohla, pingiping en pepehm, oh kalelapak kan me sohte pasapengpe. Sounkaweid kan anahne kaweid oh kaloalamwahuih peneineio. Irail kin sawaski kangoang oh utuht.

E sohte pwung aramas emen en pein kihsang ah mour. Ahpw, Koht kelehpw kak teneki en emen aramas ah madamadau kan, wiewia kan, oh ia wen ah kak pwukoahki (kilang 1 Samuel 16:7;Doctrine and Covenants 137:9).

Irail kan me luhsangehr emen me re poakehng pwehki kahpwalpen kihsang pein mour kak diar koapwoaroapwoar oh insenamwahu rehn Sises Krais oh Sapwelime Tomwo.

38.6.23

Aramas me Wekidala Arail Kepikipik

Aramas me wekidala arail kepikipik kin sohpai kahpwal liseliping kei. Towe kan oh irail me sohte kin iang wia towe en mwomwodiso kan me kin wekidala duwen arail kapikipik— oh arail peneinei oh kompokepah rail kan— pahn anahne aramas en kin pohnese kin irail pohmwahu, kadek, apwal mwahu, oh duwen limpok en Krais. Irail koaros lukehng en iang kamadipw sarawi, mihting teikan en Rahn Sarawi, oh mwekid kan en Mwomwohdiso (kilang 38.1.1).

Wia ohl oh lih wia ehu mehkot kesempwal nan en Sahm Nanleng koasondi en popohl. Uhdahn wehwehn ohl oh lih nan family proclamation iei dahme ke ipwikihdi ma ke wie ohl de lih. Ekei aramas kehn me mie sou pwungpene ehu nan pwungen mwomwarail ni ahr ipwidi oh uhdahn mwomwarail. Ihme kahrehda, irail kin wekidala mwomwen arail kepikipik. Mwomwohdiso sohte uhki de kasohwe kahrepe kan me aramas wekidkihla ahr kepikipik.

Pali tohtohn mwekid kan en Mwomwohdiso oh ekei tiahk sarawi kan en prihsduhd kin doke sohte lipilipil ma ohl de lih. Aramas me wekidala arail kepikipik kak pepdaisla oh kasarawihla nin duwen me sansal nan 38.2.8.10. Irail kak pil iang ale kamadipw sarawi oh ale kapai kan en prihsduhd. Ahpw, kasarawi ong prihsduhd oh alahldi en tiahk sarawi nan tehnpas sarawi kin wiawi ong mwomwen aramaso ni ah neitikdi.

Kaun kan en Mwomwohdiso sohte kin kaweidki aramas en koadoahki pwe ren wekidala mwomwarail sang ni mwohmw me re neitingkihdi. (“sex reassignment”). Kaun kan kin kaweidki me soangen mwekid pwukat pahn kahrehda kakommoldi sang tohn Mwomwohdiso.

Kaun kan pil sohte kangoange mwekid pwukat en wiawi. Mwekid pwukat iangahki wekidala mwomwen likou de mwomwe, de wekidala ahd de mwohmw kan me pahn kasalehda aramaso eh sohla pahrekiong mwomwe ni eh ipwidi. Kaun kan kaweidki me towehkan me wiewia soangen mwekid pwukat pahn kakommoldi sang Mwomwohdiso erein ansou me re wiewia soangen mwekid pwukat.

Kakommoldi iangahki sohla ale de doadoahngki prihsduhd, sohla ale de doadoahngki doropwehn mweimwei ong tehnpas sarawi, oh sohla ale malipilip en Mwomwohdiso. Detehn towehkan pahn sohla ale ekei pwuhkoa kan irail pil lukehng en iang mwekid teikan en Mwomwohdiso.

Ma towe men medewehda en wekidala ede de wiepen ede, ahd kapwo pahn uhd ntingdi nan wasa me ahd pilipilda kin ntingdi ie nan nah rekohd en towehkan. Aramaso pahn doadoahngki, oh ihme mehteikan pan ekerki, ahd kapwo nan ward.

Mwekid kan kin wekpeseng laud nan wasa kan oh rehn aramas akan. Towehkan oh kaun kan kin kaweid pene pahn kupwuren Kauno. Presidensi Keieu pahn kin sewese kaun teikan apwalih ehu ehu mekid pwukat. Pisop kan kin ale kaweid rehn steik presiden. Steik presiden kan oh mission presiden kan uhdahn pahn kin ale kaweid sang Ehria Presidehsi (kilang 32.6.3).

38.7

Kosonned me Pid Duwen Palien Roson oh Soumwahu

38.7.2

Serdi oh Isihsla

Peneinei en me melahro pahn pilahnehda ma paliwaro pahn serdi de isihsla. Irail kin kesempwalki anahn en me melahro.

Nan sahpw tohto, kosonned kin anahne isihsla. Nan ekei irair, serdi sohte kin wiawi de peneinei sohte kak pwain. Nan irair koaros, paliwaren me mehlahu anahne epwel ni wahu oh meleilei. Memper kan anahne kaopwoaroapwoarki me manaman en Iasadahu pahn ansou koaros doke (kilang Alma11:42-45).

Wasahkan me kak, paliwaren memper me mehlahu me alehier ah endaumen anahne likauih likoun nan tehnpas sarawi ohng kasarawihkan ansoun serdi de isihsla (kilang 38.5.8).

38.7.3

Serihkan Me Mehla mwohn Ipwidi (Mehla nan kapehd oh Serihkan me sohte lel ansoun ipwidi)

Pahpa oh nohno kan kak pilahnehda ma re men wia ketemenpe de sarawi ni sousouo.

Tiahk sarawihkan en nan tehnpas sarawi sohte anahnepe de wiawiheng serihkan me kin mehla mwohn ipwidi. Met sohte kauwehla pilahn me serihkan kak wia kisehn peneinei ehu nan mour soutik. Pahpa oh nohno kan anahne likih Kauno oh rapahki Sapwelime kaloalamwahu.

38.7.4

Kamakamalahn aramas me soumwahu laud ni ah sohte kehn weirek

Mour wia kisakis kesempwal ehu sang Koht. Euthanasia iei pein kauhdi en emen aramas mour me wie lokolok pwehki soumwahu me sohte kak kamwahula de ehusoangen soumwahu. Aramas emen me iang towehda nan tiahk en kihsang mourwet, me iangahki sewese emen en pein kihsang ah mour, kauwehla kosonned akan en Koht oh kak kauwehla kosonned akan. en wasahu.

Kauhdi de Sohla ale sawasepen mour kehlail ong emen aramas n imwin ah mour sohte wehwehki euthanasia (kilang 38.7.11).

38.7.5

Alehdi soumwahu en HIV oh AIDS

Memper kan me alehdier soumwahu en HIV (human immunodeficiency virus) de me ahnki soumwahu en AIDS (acquired immunodeficiency virus) anahne alehdi kasomwsomw ni mihting oh kemwekid kan en Mwomwohdiso. Arail iang towehda sohte wia keperpen mour ong mehteikan.

38.7.8

Palien Roson oh Epwelpen Roson

Rapahki sawasepen palein roson, doadoahngki pwoson, oh alehdi kapai en prihsduhd kin sawaspene ong kamwahula, sang ni koasoandihn Kauno.

Memper kan sohte anahne doadoahngki de pakairki palien roson de doadoahk kan en roson me sohte nohn dehde ni pwung, palingehn, oh ni palien kosonned. Irail kan me ahniki kahpwal en soumwahu anahne tuhweng toahkte koahiek kan me alehier neirail laisin nan pali me re wie doadoahk loale.

38.7.9

Mariwahna ong palien roson

Mwomwohdiso kin uhweng doadoahkepen mariwahna ong me sohte pid pelien roson. Tehk 5.2.6.

38.7.11

Kawaraih Mour (Iangahki Doadoahngki misihn kan pwehn kawairai mour)

Memper kan sohte anahne pehm me re anahne kawairai mour sang ni mwohmw kehlail kan. Koasoandi pwukat pahn wiawihda keioun mwahu sang pein aramaso, ma kak, de sang tohn peneinei. Irail anahne rapahki kaweid sang semenkan en palien roson oh kaweid en nanleng sang ni kapakap.

38.7.13

Doken silasil kan

Doken silasil kan me kohsang semen en palien roson kan wia perehrehn roson oh kin kolokol mour. Kangoang kin kohieng Memper kan en Mwomowhdiso en pere pein irail, neirail serihkan, oh tohn arail kousoankan sang ni doken silasil.

Ni imwio, emen emen pahn pein pwukoahki pein arail koasoandi ong doken silasil. Ma memper kan ahnki kalelapak, irail anahne ale kaweid sang semenkan en palien roson oh pil peki kaweidpen Ngehn Sarawi.

38.7.14

Mahsen en Erpit oh Wiepen kan en Roson

Mahsen en erpit wia kosonned ehu en Koht. Soukohpa akan kasaledahr me padahk kan nan Doctrine and Covenant 89 iangahki sohte alehda tupaker, mehn nimpil kehlail (sakau), oh mehn nimpil karakar (dih oh koahpi).

Mie ekei wini me keper oh wiewiahkan me sohte sansalada nan Mahsen en Erpit de sang sounkaweid kan en Mwomwohdiso. Memper kan anahne doadoahngki erpit oh kosoandi ni kapakap nan wiahda pilipil kan en kalaude ah kehlail en paliwar, palingehn, oh palien pepehm.

38.8

Kosonned kan en Apwahpwali

38.8.1

Pwok seri oh Epwelpen Seri me sohte mih rehn nohno oh pahpa

Pwekada serihkan oh sawaskihda epwelpen seri me sohte mihmi rehn pahpa oh nohno kak kapaida serihkan oh peneinekan. Peneinei soutik me poak kak wiawihda sang pwek seri. Menda me serihkan kohdo nan peneinei sang ni pwek seri de ipwidieng nan peneinei, irail pil wia kapai kesempwal.

Memper kan me men pwek seri de apwalih seri me anahne epwel anahne peikieng kosonned koaros en wasahkan oh koapwerment me pwukoahki.

38.8.4

Arail sikneter oh Kilelen Sounkaweid Lapalap akan, Oahpiser Lapalap akan, oh Ehria Seventy kan

Memper kan sohte kak rapahki en ale sikneter en Kaun Lapalap akan, Oahpiser lapalap akan, de Ehria Seventy kan. Ma re wia met re pahn kihsang wahupen arail malipilip kan oh ngehn me iang mihting koa. E pil kak kahudihsang irail ansou mwahu en kasamwoh memper teikan.

Memper kan en dehr wiahda kilel en Kaun Lapalap akan, Oahpiser Lapalap kan, de Ehria alapalap kan nan imwen kaudek kan.

38.8.7

Makasihn kan en Mwomwohdiso

Makasihn en Mwomwohdiso iangahki

• Kempoakepah ong serihkan.

• Ong Kakehlepen Me Pwulopwul ong me pwulopwul.

• Liahona ong me laud akan.

Keioun Presedensi kangoange memper kan koaros en wadek makasihn kan en Mwomwohdiso. Makasihn kan kak sewese memper kan esehla rongamwahu en Sises Krais, onopki padahk kan en soukohp momour akan, pehm me re wia kisehn peneinei en Mwomwohdiso nan sampah, sohpai kahpwal akan ni pwoson, oh karanihala Koht.

38.8.8

Eden Mwomwohdiso, Wordmark, Sansal

Eden Mwomwohdiso, wordmark,

Wordmark oh sansal En Mwomwohdiso wordmark oh sansal (kilang kasansal powe) pahn doadoahk ongete ansoou mweimweida sang Keioun Presedensi oh Pwihn en Wahnpoaron Ehk Riemeno. Irail sohte kak wia mehn kapwat kei. Irail pil sohte kak doadoahkehng pein emen emen, wia mehn netila, de mehn kasansal.

38.8.10

Koampiuhder

Ohpis lap en Mwomwohdiso de ohpis en ehria me kihda oh apwalih koampiuhder kan oh software me kin doadoahk ni imwen kaudek kan en Mwomwohdiso. Sounkaweid kan oh memper kan kin doadoahngki mehn kaskuhl pwukat ong uthtpen kahrepekan en Mwomowhdiso, me iangahki doadoahk en poadoapoad en peneinei.

Software koaros nan koampiuhder kan anahne alehdi laisen ong Mwomwohdiso.

38.8.12

Mehn Kaskuhlkan

Mwomwohdiso kin kihda mehn kaskuhlkan mehn sewese memper kan en esehla oh momourki rongamwahu en Sises Krais. Metakan iangahki pwuhk sarawihkan, padahk kan sang kapokon lap, makasihn kan, pwuken kaskuhlkan, pwuhk kan, oh mehn sawas teikan. Sounkawedi kan kin kangoange memper kan en doadoahngki pwuhk sarawihkan oh mehn sawas teikan ma mie anahnepe pwehn onopki rongamwahu nan imwarailkan.

38.8.14

Likou oh Mwohmw

Kangoang kohieng memper kan en Mwomwohdiso en kasalehda wahu ong paliwar sang ni pilipilen likoukan me konehng oh mwomwarail. Dahme konehng wekpeseng nan tiahk kan oh pwehki kahrepehkan.

38.8.16

Rahn en Kaisihsol

Memper kan kak kaisihsol ansou koaros. Ahpw, pak tohto irail kin wauneki keioun Sapad en sounpwung kan ong rahn en kaisihsol.

Rahn en kaisihsol kin iangahki kapakap, sohte mwenge oh nimpil erein awa 24 [rieisek-pahieu] (ma paliwar kak), oh kihda meiroang en kaisihsol laud. Meiroang en kaisihsol wia mehn sawas ong irail kan me anahne (kilang 22.2.2).

Pak tohto mihting kan en Mwomwohdiso pwon de nan wasahkan kin wiawi ni keioun Sapad en sounpwung. Ansou me met wiawi, steik presedensi kin pilahnehda ehu Rahn en Sapad ong rahn en kaisihsol.

38.8.17

Kamwadong en Mwohni kan

Mwomwohdiso kin uhweng oh kin kaweid me uhweng sohte lipilipil kamwadongen mwohni. Met iangahki pet ong kamwadongkan oh mwadong en mwohni me koapwerment wiahda.

38.8.19

Kohkohla mihla nan ehu sahpw

Memper kan me mihmihte nan pein sapwarailkan pali laud ahniki paiamwahu en kauwada oh kakehlaka Mwomwohdiso wasahu. Ahpw, kohla oh mihmihla nan ehu sahpw pein en emen emen pilipil.

Memper kan me kohkohla nan ehu sahpw anahne kapwaiada kosonned koaros (kilang Doctrine and Covenants 58:21).

Misineri kan sohte kak pein insenkihda sewese en ekei men kohkohla ekis wasa oh kousoanla ie.

38.8.22

Kosonned akan en Sahpw

Memper kan anahne peikieng, waunki, oh utung kosonned akan en nan sahpw sohte lipilipil wasa irail kousoan ie de seiloakla ie Doctrine and Covenants 58:21–22;Iren Pwoson Akan 1:12). Met iangahki kosonned akan me kainapwih kalohk.

38.8.25

En Memper kan Lokaialahng Ohpis Lap en Mwomwohdiso

Memper kan en Mwomwohdiso sohte ale kaweid ren koahl, email, de inting silikou ong Kaun Lapalap kan en Mwomwohdiso me pid arail kalelapak ong padahk kan, pein arail kahpwal kan, de pekipek. Koangoang kohieng memper kan en tuhweng arail sounkaweid kan, me iangahki preseden en Pwihn en Lih de Kohrumw en Elder kan, ansou re raparapahki kaweidpen palingenarail (kilang 31.3).

38.8.27

Memper kan me ahniki anahn tohrohr

Kangoang kohieng sounweid kan oh memper kan en tehkada anahnakan en irail kan me mihmi nan arail unit. Memper kanme ahniki anahn tohrohr inenen kesempwal oh kak sawas nan soahng tohto. Anahn tohrohr kan kak ianghki pelien lamalam, patehng mehteikan, pepehm, oh paliwar.

38.8.29

Ekei pelien lamalam akan

Soahng tohto me kamarainda, mehlel, oh warehng wahu laud kak dierek nan pelien lamalam tohto. Misineri kan oh towe teikan anahne kesempwalki oh wauneki dahme mehteikan kamehlele oh arail tiahk kan.

38.8.30

Kemwekid kan en pelien koapwerment oh wehi

Kangoang kohieng memper kan en Mwomwohdiso en towehda nan doadoahkan nan pelien usuhs oh koapwerment. Nan sahpw tohto, met kak iangahki:

• Wie usuhs.

• Towehda de papah nan palihkan en koapwerment.

• Sawaskhda utuht en mwohni.

• Wehwehieng tohwehkan en ehu ehu pwihn oh kandideid kan.

• Wie papah nan pwukoah kan me usuhda de idihda nan koapwerment en wehi oh sahpw laud akan.

Kangoang pil kohieng memper kan en towehda nan kahrepe katapan kan pwehn sewese arail washn kousoankan en wia wasa mwahu en mihmi ie oh kakairada peneinei kan.

Sounkaweid kan nan Mwomwohdiso sohte kak koasoanehieng memper kan en towehda nan irair kan en palien koapwerment. Irail pil sohte kak songen kaweid duwen en memper kan arail pahn towehda.

Sounkaweid kan oh memper kan anahne soik wia koasoai de wia mwohmw ehu me aramas kak inda me Mwomwohdiso wet utung ehu pwihn, ehu kosonned, pilahn, de kandideid.

38.8.31

Neknek mwahu en rongen memper kan

Sounkaweid kan nan Mwomwohdiso ahnki pwukoahn nekidala mwahu rohngkan en memper kan. Rekohd kan en Mwomowhdiso, kileledihn ahdakan, oh soahng teikan me duwehte sohte kak doadoahk ong pein insenen emen, mehn netila, de ong kahrepekan nan koapwerment.

38.8.35

Aramas me tangasang sapwarail pwehki kahpwal akan

Kisehn arail pwukoahn apwalih me anahne sawas akan (kilang Mosaia 4:26). Memper kan kin kihda arail ansou, koahiek kan, oh wia kempoakepah pwehn kasamwoh irail aramas me apwal akan ong nan arail wasahn kousoankan.

38.8.36

Pekipek kan en Sawasen Mwohni sang Mwomwohdiso

Kangoang kohieng memper kan me anahne sawas en lokaiahng arail pisop ah kaidehn koahl Ohpis Lap en Mwomwohdiso de peki mwohni rehn ekei sounkaweid nan Mwomwohdiso de ekei memper.