Tusitaulima ma Valaauga
12. Peraimeri

“12. Peraimeri,” Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai (2024).

“12. Peraimeri,” Tusitaulima Aoao,

o le aiga o loo ‘u’u ia tusitusiga paia

12.

Peraimeri

12.1

Faamoemoega ma le Faatulagaga

E fesoasoani le faalapotopotoga o le Peraimeri i fanau a le Atua e sauniuni e toe foi atu i Lona afio’aga. A o latou taliaina le talalelei a Iesu Keriso, o le a latou ”mausali ma lē masiiese, ma tumu i galuega lelei i taimi uma” (Mosaea 5:15).

12.1.1

Faamoemoega

E fesoasoani le Peraimeri i tamaiti ia:

  • Lagonaina le alofa o lo latou Tama Faalelagi ma a’oa’o e uiga i Lana fuafuaga o le fiafia.

  • A’oa’o e uiga ia Iesu Keriso ma Lana matafaioi i le fuafuaga a le Tama Faalelagi.

  • Aoao ma ola i le talalelei a Iesu Keriso.

  • Lagona, iloa, ma faatino e ala i le tosinaga a le Agaga Paia.

  • Saunia mo, osia, ma tausia feagaiga paia.

  • Auai i le faatinoina o le galuega a le Atua mo le faaolataga ma le faaeaga.

12.1.2

Autu a le Peraimeri

O le autu a le Peraimeri o se faamanatu o faamanuiaga o le auauna atu i le Peraimeri:

“O le a aoaoina au fanau uma e le Alii; ma o le a tele lava le filemu o lau fanau” (Isaia 54:13; 3 Nifae 22:13).

12.1.3

Vasega Pepe

O le Vasega Pepe e fesoasoani i tamaiti ua ta’i 18 masina e oo i le 3 tausaga ia lagonaina le alofa o le Tama Faalelagi ma aoao ai e uiga i Lana fuafuaga o le fiafia.

O taitai o le Vasega Pepe e alolofa, aoao atu, ma auauna atu i tamaiti. Latou te faamautinoaina foi lo latou saogalemu ma le soifua manuia.

Ia le itiiti ifo ma le toalua tagata e tatau ona tofia mo vasega pepe taitasi. Afai o taitai o le vasega pepe e le o se tane ma se ava, e tatau la o ni itupa tutusa.

O le vasega pepe e faia i le taimi atoa ua faatulagaina mo le Peraimeri. Mo nisi faamatalaga, tagai i le 12.1.4 ma le 12.3.5.

12.1.4

aikona, taiala mo fetuunaiga
 Vasega

E fesoasoani vasega o le Peraimeri i tamaiti ia lagonaina le alofa o le Tama Faalelagi ma a’oa’o ai e uiga i Lana fuafuaga o le fiafia. E mulimuli lesona i le mataupu aoaoina o le Sau, Mulimuli Mai ia te A’u . I Aso Sa lona lima, e fautuaina faiaoga e faaaoga le ”Faaopoopoga E: Mo Le Peraimeri—Sauniaina o Fanau mo se Olaga Atoa i luga o le Ala o Feagaiga a le Atua.”

O vasega o le Peraimeri ua faatulagaina i tausaga ma le numera o faiaoga e avanoa. O iunite e toalaiti tamaiti po o faiaoga e mafai ona tuufaatasi ni vaitausaga se lua pe sili atu i se vasega e tasi. I iunite e toatele atu, e mafai e taitai o le Peraimeri ona faia ni vasega e sili atu ma le tasi mo se vaitausaga ma ni vasega pepe e sili atu ma le tasi.

Pe a lava tamaiti, e vaevae i latou i vasega e fua i o latou tausaga i le aso 31 o Tesema o le tausaga ua te’a atu, e pei ona faaalia i luga o le siata lenei:

Tausaga i le aso 31 o Tesema o le Tausaga ua Te’a

Vasega i le aso 1 o Ianuari

Tausaga i le aso 31 o Tesema o le Tausaga ua Te’a

2

Vasega i le aso 1 o Ianuari

Vasega Pepe (e auai atu tamaiti i le vasega pepe pe a 18 masina)

Tausaga i le aso 31 o Tesema o le Tausaga ua Te’a

3

Vasega i le aso 1 o Ianuari

Aveolela

Tausaga i le aso 31 o Tesema o le Tausaga ua Te’a

4

Vasega i le aso 1 o Ianuari

FMT 4

Tausaga i le aso 31 o Tesema o le Tausaga ua Te’a

5

Vasega i le aso 1 o Ianuari

FMT 5

Tausaga i le aso 31 o Tesema o le Tausaga ua Te’a

6

Vasega i le aso 1 o Ianuari

FMT 6

Tausaga i le aso 31 o Tesema o le Tausaga ua Te’a

7

Vasega i le aso 1 o Ianuari

FMT 7

Tausaga i le aso 31 o Tesema o le Tausaga ua Te’a

8

Vasega i le aso 1 o Ianuari

Valiana 8

Tausaga i le aso 31 o Tesema o le Tausaga ua Te’a

9

Vasega i le aso 1 o Ianuari

Valiana 9

Tausaga i le aso 31 o Tesema o le Tausaga ua Te’a

10

Vasega i le aso 1 o Ianuari

Valiana 10

E masani ona sii atu tamaiti mai le Peraimeri i Tamaitai Talavou po o le korama a tiakono ia Ianuari o le tausaga e atoa i ai lo latou ta’i 12. E mafai ona latou mauaina se tusi faamaonia o le siitaga. O nei tusi faamaonia e mafai ona fatuina i le polokalama o Punaoa mo Taitai ma Failautusi.

I nisi o tulaga, e ono lei saunia ai se tamaitiiti e 11-tausaga e tuua le Peraimeri. O le epikopo, matua, ma le tamaitiiti e fefautuaai faatasi e uiga i le taimi.

Atonu e le mae’a le Peraimeri a tamaiti a o lei oo ia Ianuari o le tausaga e atoa i ai lo latou ta’i 12. Atonu foi e le mafai ona faauuina alii talavou e avea ma tiakono a o lei oo i lena taimi.

12.1.5

Taimi o Pesepesega

O le taimi o pesepesega e fesoasoani i tamaiti ia lagonaina le alofa o le Tama Faalelagi ma a’oa’o ai e uiga i Lana fuafuaga o le fiafia. Ao pepese tamaiti e uiga i mataupu faavae o le talalelei, e molimau atu le Agaga Paia e uiga i lo latou moni. O upu ma fati o le a tumau i mafaufau ma loto o tamaiti i o latou olaga atoa.

O le taimi o pesepesega e ese mai le taimi o vasega. I le taimi o pesepesega, e aoao ai taimaiti a o latou auai atoatoa i pesepesega. E aoao atu e taitai musika o le Peraimeri ia mataupu faavae o le talalelei, ae latou te faia patino e ala i musika.

O le au peresitene o le Peraimeri ma le taitai musika e filifilia pese mo masina taitasi e toe faamalosia ai mataupu faavae o loo aoaoina e tamaiti i totonu o a latou vasega ma i le aiga. O pese e faamalolosia ai nei mataupu faavae o loo fautuaina atu foi i le Sau, Mulimuli Mai ia te A’u.

tamaiti o loo pepese

Mo nisi faamatalaga, tagai i le “Faatonuga mo le Taimi o Pesepesega ma le Polokalama a Tamaiti i le Sauniga Faamanatuga.” Tagai foi i le 12.1.6 ma le 12.3.4 i le tusitaulima lenei.

12.1.6

Polokalama a Tamaiti mo le Sauniga Faamanatuga

O le polokalama faaletausaga a tamaiti mo le sauniga faamanatuga e faia i le aluga o nai masina mulimuli o le tausaga. E tuuina mai e tamaiti mea na latou a’oa’oina i le fale ma i le lotu i le aluga o le tausaga. Latou te fesoasoani i le potopotoga ia taulai atu i le Tama Faalelagi, le Faaola, ma a La’ua a’oa’oga.

E fuafuaina ma le agaga tatalo e le au peresitene o le Peraimeri ma le taitai musika le polokalama. E tuuina atu e le au epikopo le taitaiga. E mafai ona pepese ia tamaiti, fai ni lauga, ma faasoa mai ni tala, mau, po o molimau.

aikona, taiala mo fetuunaiga O le polokalama e mafai ona ave uma ai le taimi po o se vaega foi o le taimi o le sauniga pe a uma le faamanatuga. O iunite e toalaiti tamaiti e mafai ona valaaulia tagata o aiga o tamaiti e auai ai i le faatinoga.

Ona o le paia o le sauniga faamanatuga, o lea e le tatau ai ona i ai i le polokalama ni mea faitino, toniga, po o ni polokalama faasalalau.

Mo nisi faamatalaga, tagai i le “Faatonuga mo le Taimi o Pesepesega ma le Polokalama a Tamaiti i le Sauniga Faamanatuga” i le Sau, Mulimuli Mai ia te A’u.

12.1.7

Fonotaga o le Sauniuniga mo le Malumalu ma le Perisitua.

Ua i ai i matua le uluai tiutetauave e a’oa’o a latou fanau e uiga i le malumalu ma le perisitua. Ina ia lagolagosua atu ia te i latou, e fuafua e le au peresitene o le Peraimeri se fonotaga o le Sauniuniga mo le Malumalu ma le Perisitua i tausaga taitasi. E tuuina atu e le au epikopo le taitaiga. O le fonotaga e mo tamaiti e i le vasega Valiana 10. E valaaulia ai matua. O faamoemoega nei o lea fonotaga:

  • Fesoasoani i tamaiti ia malamalama i faamoemoega, tiutetauave, ma faamanuiaga o le perisitua.

  • Fesoasoani i tamaiti e auai i le faatinoina o le galuega o malumalu ma talafaasolopito o aiga ma saunia e osia ma tausia feagaiga paia.

  • Fesoasoani i tama e sauniuni ia maua le Perisitua Arona.

  • Fesoasoani i tamaiti e saunia ia maua se pepa faataga o le malumalu.

E mafai ona faia le fonotaga i le taimi o le Peraimeri i le Aso Sa, i se isi taimi i le Aso Sa, po o se isi taimi e ese ai. O se tasi o le au epikopo e taitai. A itiiti ia tasi se sui o le au peresitene o le Peraimeri e auai ai.

aikona, taiala mo fetuunaiga Afai o se iunite e toalaiti tamaiti, e mafai ona faia le fonotaga i lalo o le taitaiga a le au peresitene o le siteki. O ni nai uarota po o uarota uma i le siteki e fono faatasi.

Mo nisi faamatalaga, tagai i le Sauniuniga mo le Malumalu ma le Perisitua i le ChurchofJesusChrist.org.

12.2

Auai i le Faatinoina o le Galuega a le Atua mo le Faaolataga ma le Faaeaga

Ua valaaulia e le Atua tagata uma e o mai ia Keriso ma fesoasoani i Lana galuega e ala i le:

  • Ola i le talalelei a Iesu Keriso.

  • Tausiga o i latou e le tagolima.

  • Valaaulia tagata uma ia talia le talalelei.

  • Tuufaatasia o aiga mo le faavavau.

E fesoasoani le Peraimeri i tamaiti, aiga, taitai, ma faiaoga e auai i le faatinoina o lenei galuega. Mo nisi faamatalaga e uiga i le galuega a le Atua mo le faaolataga ma le faaeaga, suesue le mataupu 1.

12.2.1

Ola i le Talalelei a Iesu Keriso

12.2.1.1

O Matafaioi a Matua ma Taitai

Ua i ai i matua le tiutetauave e a’oa’o a latou fanau i le talalelei ma fesoasoani ia i latou e ola ai (tagai i le Mataupu Faavae ma Feagaiga 68:25–28). O taitai ma faiaoga o le Peraimeri latou te lagolagoina matua i lenei tiutetauave pei ona ta’ua i lalo:

  • Faamautinoa o lesona a le Peraimeri, taimi o pesepesega, ma auaunaga ma gaoioiga e fesoasoani ai i tamaiti e mulimuli i faataitaiga a le Faaola.

  • Fesoasoani i tamaiti ia saunia mo le papatisoga ma le faamauga.

  • Fesoasoani i tama ia saunia mo le faauuga i le perisitua.

  • Fesoasoani i tamaiti ia maua se pepa faataga o le malumalu faapea ma sauniga o le malumalu.

  • A’oa’o atu tamaiti e uiga i faamanuiaga o le faasoaina atu o le talalelei e aofia ai ma le auauna atu o se faifeautalai faamisiona.

E tatau i taitai ona nofouta i tamaiti e le o maua se lagolago mai le aiga mo le ola ai i le talalelei.

E tinou matua ma taitai ia avea ma ni faataitaiga lelei i tamaiti. Latou te uunaia tamaiti i a latou taumafaiga ia avea atili e faapei o Iesu Keriso. O le polokalama a Tamaiti ma le Autalavou o se punaoa e fesoasoani i tamaiti ua ta’i 8–11 tausaga (tagai i le ChildrenandYouth.ChurchofJesusChrist.org).

o se tamaitiiti ma se tamaloa o loo iliina laupapa

12.2.1.2

A’oa’oina o le Talalelei

E uunaia e taitai ma faiaoga o le Peraimeri ia tamaiti ma o latou aiga e a’oa’o le talalelei i le fale. E suesue e nei taitai ma faiaoga le talalelei ma faasoa atu i tamaiti mea latou te a’oa’oina. Latou te valaaulia tamaiti e faasoa mai i le lotu mea latou te a’oa’oina i le fale.

O sauniga a le Peraimeri i le Aso Sa e fesoasoani i tamaiti e faataunuu ai faamoemoega o le Peraimeri (tagai i le 12.1.1). O se tasi o le au peresitene o le Peraimeri e taitai i le tatalaina. O le taitai musika e taitaia le taimi o pesepesega. O faiaoga o le Peraimeri e aoaoina tamaiti i le taimi o vasega.

O sauniga a le Peraimeri mo tamaiti e ta’i 3–11 e faia i Aso Sa uma mo le 50 minute a o auai le au matutua ma le autalavou i a latou vasega. O le faasologa lenei o taimi:

Vaega o le Sauniga

Umi

Vaega o le Sauniga

Tatalaina i le (tatalo, mau po o se Mataupu Faavae o le Faatuatua, ma se lauga—e faia uma e tamaiti)

Umi

5 minute

Vaega o le Sauniga

Taimi o pesepesega

Umi

20 minute

Vaega o le Sauniga

Fesuiaiga i vasega

Umi

5 minute

Vaega o le Sauniga

Vasega ma le tatalo faaiu

Umi

20 minute

aikona, taiala mo fetuunaiga I uarota e toatele tamaiti, e mafai e taitai o le Peraimeri ona vavae tamaiti i ni vaega se lua. O le tasi vaega e i ai i vasega, a o le isi vaega e i ai i le taimi o pesepesega. Ona fesuiai lea o vaega e lua. E fetuunai e taitai le taimi pe a manaomia.

Vasega pepe mo tamaiti ua ta’i 18 masina e oo i le 3 tausaga e 50 minute. Vaai Ia I O Outou Tamaiti o loo avatu ai se faasologa fautuaina. E mafai ona amata auai tamaiti i le vasega pepe pe a atoa lo latou ta’i 18 masina.

12.2.1.3

Auaunaga ma Gaoioiga

E amata atu ia Ianuari o le tausaga e atoa ai lo latou ta’i 8, e mafai ona amata auai tamaiti i gaoioiga a le Peraimeri. Mo taiala lautele o gaoioiga, tagai i le mataupu 20.

E fuafua e taitai o gaoioiga a le Peraimeri ia auaunaga ma gaoioiga ia e fesoasoani ai i tamaiti e auai i le faatinoina o le galuega a le Atua mo le faaolataga ma le faaeaga. O auaunaga ma gaoioiga e tatau ona malie ma tosinaloto. E fausia ai molimau, faamalolosia ai aiga, ma faafaileleina ai le tuputupu a’e faaletagata lava ia.

O gaoioiga a le Peraimeri e faia i taimi e ese mai le Aso Sa po o afiafi o Aso Gafua. O taitai matutua e fesoasoani e faamautinoa e saogalemu ia gaoioiga (tagai i le safety.ChurchofJesusChrist.org; tagai foi i le 20.7 i le tusitaulima lenei). Ia le itiiti ifo i le toalua ni taitai matutua faatuatuaina e tatau ona i ai i gaoioiga uma (tagai i le 12.5.1).

aikona, taiala mo fetuunaiga O taiala nei e mafai ona fetuunaia i tulaga i le lotoifale:

  • O gaoioiga a le Peraimeri e faia ta’i lua i se masina pe a mafai. E mafai ona tele atu pe itiiti ifo taimi e fai ai. E manatunatu taitai i tulaga o aiga, mamao e femalagaai ai ma le tau, ma le saogalemu.

  • E masani lava, e faatulagaina tamaiti i vaega o vaitausaga. E masani ona potopoto eseese tama ma teine. Peitai, e mafai ona tuufaatasia i latou mo gaoioiga patino pe i nofoaga e toalaiti ai tamaiti.

  • E mafai e taitai ona filifili e fuafua ma faia tolauapiga faaletausaga i le ao mo tamaiti o le Peraimeri e ta’i 8–11 tausaga. O gaoioiga a le Peraimeri, e aofia ai tolauapiga i le ao, e le aofia ai faatasiga e moea.

O sapalai ma gaoioiga uma, e aofia ai tolauapiga i le ao, e totogiina i le paketi a le uarota. O femalagaaiga ma tupe faaalu e le tatau ona soona faia.

E faamautinoa e le au epikopo o le paketi ma gaoioiga mo tama ma teine i le Peraimeri e lava ma fuatutusa. E faasoasoa le paketi e tusa ma le numera o tamaiti.

Mo nisi faamatalaga, tagai i le ChildrenandYouth.ChurchofJesusChrist.org. Tagai foi i le JustServe.org, i nofoaga o loo maua ai. O nei punaoa o loo maua atu ai aitia po o manatu mo auaunaga ma gaoioiga.

12.2.1.4

Atinaega Faaletagata Lava Ia

I a latou taumafaiga ia avea atili e faapei o le Faaola, o tamaiti—e amata i le tausaga e atoa i ai lo latou ta’i 8—e valaaulia e faatutu ni sini ia tuputupu ae faaleagaga, faaleagafesootai, faaletino, ma faaleatamai (tagai i le Luka 2:52). Faatasi ai ma le fesoasoani mai matua, e saili e tamaiti ia musumusuga e iloa ai le mea e galulue ai. Latou te faia fuafuaga, faatino a latou fuafuaga, ma mafaufau i mea latou te aoaoina. E ofo atu e taitai le lagolagosua pe a manaomia. Peitai, e le tatau ona latou tulitulia ia sini po o le alualu i luma o tamaiti.

E amata atu i le tausaga e atoa i ai lo latou ta’i 8, e fautuaina tamaiti ia faamae’a a itiiti ia tasi se sini i vaega taitasi e fa i tausaga taitasi. E mafai ona latou faaaogaina le Atinaega Faaletagata Lava Ia: Tusitaiala a Tamaiti e seti ma faamaumau ai sini.

Mo nisi faamatalaga, tagai i le ChildrenandYouth.ChurchofJesusChrist.org.

12.2.2

Tausiga o i Latou e Lē Tagolima

E tatau ona maua e tamaiti ni avanoa masani e auauna atu ai i isi i totonu ma faatasi ai ma o latou aiga ma i le taimi o gaoioiga a le Peraimeri. O loo maua aitia mo auaunaga i le ChildrenandYouth.ChurchofJesusChrist.org. I nofoaga e maua ai, o le JustServe.org o loo fautuaina mai ai avanoa mo auaunaga i nuu.

12.2.3

Valaaulia Tagata Uma e Talia le Talalelei

E mafai e tamaiti ona valaaulia tagata uma ia talia le talalelei i le tele o auala. O nisi o nei auala o loo lisi atu i lalo:

  • Fai se faataitaiga lelei o ni so’o o Iesu Keriso.

  • Faasoa atu a latou molimau i uo ma tagata o aiga.

  • Auauna atu i uso o le vasega ua le o toaaga mai.

  • Valaaulia uo e o mai i le lotu, gaoioiga, po o papatisoga pe a’oa’o foi e faifeautalai.

  • Valaaulia uo e auai ai i le polokalama a Tamaiti ma le Autalavou. E galulue vavalalata taitai ma matua o nei tamaiti ina ia fesoasoani ia latou malamalama i le polokalama ma fuafua ai le auala latou te mananao e faaaofia ai i latou ma a latou fanau.

  • Valaaulia uo ma tagata o aiga e auai atu i le polokalama faaletausaga a tamaiti mo le sauniga faamanatuga.

12.2.4

Tuufaatasia o Aiga mo le Faavavau

E mafai e tamaiti ona fesoasoani e tuufaatasia aiga mo le faavavau i le tele o auala. O nisi o nei auala o loo lisi atu i lalo:

  • Ia āva i o latou matua ma faia se faataitaiga lelei o le ola e faapei o Keriso i totonu o o latou aiga.

  • Ia saunia e fai o latou lava aiga e faavavau.

  • Tauivi ia agavaa e maua se pepa faataga o le malumalu i le matua talafeagai.

  • Saunia e osia ma tausia feagaiga ma maua sauniga o le malumalu, e aofia ai le faaipoipoga e faavavau.

  • Aoao e uiga i o latou aiga lautele ma tuaa (tagai i le O Lo’u Aiga: O Tala e Aumai Faatasi ai i Matou).

  • Faailoa tuaa e manaomia sauniga o le malumalu (tagai i le FamilySearch.org).

  • Sauniuni e auai i papatisoga ma faamauga o e ua maliliu.

  • Auai ma se tagata o le aiga i le faatinoga o faavasegaga o igoa (tagai i le FamilySearch.org/indexing).

tamaitai ma le tamaitiiti o loo tilotilo i le komepiuta

12.3

Taitaiga o le Peraimeri i le Uarota

12.3.1

Au Epikopo

O le tiutetauave aupito taua o le epikopo e mo le tupulaga faia’e i lana uarota. O le epikopo po o sona fesoasoani ua tofia, e fono e le aunoa ma le peresitene o le Peraimeri.

E vave ona tali atu le epikopo ma ona fesoasoani i fautuaga mai le au peresitene o le Peraimeri mo i latou e ao ona valaauina e auauna atu i le Peraimeri. E galulue le au epikopo faatasi ma le au peresitene e faatumauina le i ai pea o faiaoga ma taitai musika. Pe a mafai, e tatau i tagata o i nei valaauga ona lava le umi e auauna atu ai ina ia faavaeina ai ni sootaga alofa, ma faatuatuaina ma tamaiti. O na sootaga e fesoasoani e faafailele ai molimau i loto o le fanau.

O le epikopo ma ona fesoasoani e auai atu e le aunoa i le Peraimeri. Latou te aoaoina foi igoa ma malamalama i tulaga o i ai tamaiti taitasi o le uarota i o latou fale.

12.3.2

aikona, taiala mo fetuunaiga
 Au Peresitene o le Peraimeri

E valaau ma vaetofia e le epikopo se tamaitai matua e auauna o se peresitene o le Peraimeri i le uarota. Afai e lava le telē o le iunite, e fautua atu e le [peresitene] se tamaitai matua se toatasi pe toalua ina ia valaauina e avea ma ona fesoasoani (tagai i le mataupu 30). E iloiloina e le au epikopo ē na ia fautuaina atu ma tuuina atu ia valaauga.

E maua e le au peresitene o le Peraimeri se aoaoga faamasani ma le lagolagosua faifai pea mai le au peresitene o le Peraimeri a le siteki.

I se iunite laitiiti, e mafai ona avea le peresitene o le Peraimeri na o ia lava le taitai valaauina i le Peraimeri. I le tulaga lea, e galue faatasi o ia ma matua e faatulaga ia lesona, taimi o pesepesega, ma gaoioiga. Na te faamautinoaina foi ia le itiiti ifo i le toalua tagata matutua faatuatuaina e i ai i fonotaga/sauninga ma gaoioiga uma. Afai e lava le telē o le iunite, e mafai ona faatumu ia valaauga faaopoopo i le faatulagaga lenei: fesoasoani, taitai musika, faiaoga ma taitai o le vasega pepe, failautusi, ma taitai o gaoioiga.

Afai e leai se peresitene o le Peraimeri i se paranesi, e mafai e le peresitene o le Aualofa ona fesoasoani i matua e faatulaga ia aoaoga mo tamaiti seia valaauina se peresitene o le Peraimeri.

E fesoasoani le au peresitene o le Peraimeri i matua e saunia fanau e ulu atu ma alualu i luma i luga o le ala o feagaiga. O se tasi lenei o o latou tiutetauave sili ona taua.

Ina ia ausia lenei mea, e mafai e le peresitene o le Peraimeri ona tofia se tasi o le au peresitene e fesoasoani i matua e saunia a latou fanau ina ia papatisoina ma faamauina. E mafai e le peresitene o le Peraimeri ona tofia se isi sui o le au peresitene e fesoasoani i matua i sauniuniga mo le malumalu ma le perisitua mo a latou fanau.

E faailoa atu e sui nei o le au peresitene i matua ia punaoa i le Potutusi o le Talalelei lea e mafai ona fesoasoani. Mo se faataitaiga, tagai i le “Sauniaina o Lau Fanau mo se Olaga Atoa i luga o le Ala o Feagaiga a le Atua” i le Sau, Mulimuli Mai ia te A’u. E mafai e uso o le au peresitene ona galulue faatasi ma uso ma tuafafine o auaunaga, faiaoga, ma isi e lagolagoina matua.

Ua i ai i le peresitene o le Peraimeri ia tiutetauave faaopoopo nei. E lagolago atu ona fesoasoani ia te ia.

  • E auauna atu o ia i le aufono a le uarota. E auauna atu o ia o se (1) sui auai o le aufono a le uarota e fesoasoani e talanoaina manaoga i totonu o le uarota, ma sue ni vaifofo ma (2) o se sui o le Peraimeri. E fesoasoani o ia i le aufono a le uarota ia iloa le igoa ma tulaga o le aiga o tamaiti taitasi ina ia mafai ai ona faaleleia le auaunaga i tamaiti ma aiga. Tagai i le 29.2.5.

  • E faia e le aunoa fonotaga a le au peresitene o le Peraimeri ma fono ma le epikopo po o lona fesoasoani ua tofia i ai.

  • Tuuina atu fautuaga i le au epikopo mo alii ma tamaitai matutua e auauna atu i le Peraimeri.

  • Fesoasoani i le aufono a le uarota ia iloa tamaiti o le a agavaa mo le papatisoina i le tausaga a sau (tagai i le 18.7.1.1).

  • Fesoasoani e fuafua sauniga o le papatisoga mo tamaiti ua i ai pepa faamaumau pe a talosagaina ai (tagai i le 18.7.2).

  • Fuafua ma taitai sauniga amata a le Peraimeri i Aso Sa.

  • Auauna atu i tamaiti taitoatasi, faiaoga, ma taitai i le Peraimeri.

  • Aoao atu ia taitai ma faiaoga o le Peraimeri i o latou tiutetauave ma lagolagosua atu ia i latou i na tiutetauave e ala i le aoaoina faamasani o i latou i o latou valaauga (tagai i le Aoao Atu i le Ala a le Faaola [2016], 38).

  • Fesoasoani i taitai ma faiaoga o le Peraimeri i le taimi o vasega, taimi o pesepesega, ma fesuiaiga.

  • Asiasi atu i vasega o le Peraimeri ma fuafua mo faiaoga ia auai atu i fonotaga a le aufono a faiaoga.

  • Fesoasoani e faailoa atu le polokalama a Tamaiti ma le Autalavou i tamaiti ua ta’i 8 tausaga ma i o latou matua. E mafai ona faia lenei mea i o latou fale po o a latou vasega Peraimeri (tagai i e 12.5.7).

  • Vaaia ia faamaumauga, lipoti, paketi, ma mea tautupe a le Peraimeri.

12.3.3

aikona, taiala mo fetuunaiga
 Failautusi

Afai e lava le telē o le iunite, e fautuaina atu e le peresitene o le Peraimeri i le au epikopo se tamaitai matua e avea ma failautusi. Ua ia te ia foi tiutetauave nei:

  • Fesoasoani i le au peresitene o le Peraimeri e saunia lisi o mataupu mo fonotaga a le au peresitene. E auai o ia i nei fonotaga, tusia minute, ma tulitatao ia tiute atofaina.

  • E galulue vavalalata ma faiaoga ma taitai e tausia ni faamaumauga sa’o o le auai.

  • I le faaaogaina o le PTF, galulue faatasi ma failautusi a le korama a toeaina ma le Aualofa e tausia faamaumauga o le auai mo tagata matutua o loo auauna atu i le Peraimeri.

  • Ia mautinoa e silafia e le au peresitene o le Peraimeri mea nei:

    • Tamaiti fou ma ē asiasi mai.

    • Tamaiti e o mai i totonu o le vasega pepe ma tamaiti e siitia atu mai le vasega pepe i le vasega o le Aveolela.

    • Tamaiti ua agavaa [tausaga] mo le papatisoga.

    • Tamaiti o le a siitia i luga mai le Peraimeri.

  • Tofi tamaiti e faia tatalo, mau, ma lauga i le taimi o sauniga amata a le Peraimeri i Aso Sa (i lalo o le taitaiga a le au peresitene). Na te faailoa atu foi i matua.

  • Fesoasoani i le au peresitene o le Peraimeri e saunia se paketi, tusifaamaumau tupe faaalu, ma tulitatao anomea mo Tamaiti ma le Autalavou.

12.3.4

Taitai Musika ma le Tapiano

O le taitai musika ma le tapiano e aoao atu i tamaiti le talalelei a Iesu Keriso e ala i musika i le taimi o pesepesega. O musika e faamalosia ai suesuega faalevaiaso o tusitusiga paia e pei ona otooto atu i le Sau, Mulimuli Mai ia te Au. aikona, punaoa e filifili ai E mafai ona faaaoga ia punaoa nei:

E tatau i le au epikopo ona faamaonia le faaaogaina o soo se isi lava musika i le Peraimeri.

tamaiti o loo pepese ma le taitai pese

aikona, taiala mo fetuunaiga Afai e le o maua se ta piano po o se piano, e mafai e taitai ona faaaoga ia musika na pu‘eina mai punavai nei:

E mafai foi ona pepese tamaiti e aunoa ma se laau.

E mafai ona fesoasoani le taitai musika i musika mo le vasega pepe pe a valaaulia ai. E mafai ona valaauina se taitai musika faaopoopo pe a manaomia.

O le taitai musika e galulue faatasi ma le au peresitene o le Peraimeri e fesoasoani i tamaiti ia saunia mo le polokalama faaletausaga a tamaiti i le sauniga faamanatuga (tagai i le 12.1.6).

Tagai i le Taimi o Pesepesega i luga o le ChurchofJesusChrist.org mo nisi aitia ma punaoa.

12.3.5

Faiaoga ma Taitai o le Vasega Pepe

O se avanoa paia le aoao atu o tamaiti. Na aoao mai Iesu Keriso, “Faauta i o outou tamaiti” ma “fafaga i a’u tamai mamoe” (3 Nifae 17:23; Ioane 21:15). O le mulimuli i nei valaaulia, e alolofa ai taitai o le Peraimeri ma aoao atu fanau i le ala a le Faaola.

O le au peresitene o le Peraimeri e fautuaina atu i le au epikopo ia alii ma tamaitai e auauna atu o ni faiaoga o le Peraimeri ma taitai o le vasega pepe. E iloilo e le au epikopo ē na fautuaina atu ma tuuina atu ia valaauga. E valaauina nei tagata o le au paia e faiaoga ma auauna atu i ni vaega o vaitausaga patino o tamaiti.

E aoao atu faiaoga o le Peraimeri mai le Sau, Mulimuli Mai ia te Au (3–11 tausaga). I Aso Sa lona lima, e fautuaina i latou e aoao atu lesona mai le “Faaopoopoga E: Mo Le Peraimeri—Sauniaina o A Outou Fanau mo se Olaga Atoa i luga o le Ala o Feagaiga a le Atua.”

E aoao atu taitai o le vasega pepe mai le Vaai Ia I O Outou Tamaiti.

O faiaoga ma taitai o le vasega pepe e mulimuli i mataupu faavae o loo i le A’oa’o Atu i le Ala a le Faaola ma le mataupu 17 o le tusitaulima lenei.

Pe a faiaoga tagata matutua i tamaiti i faatulagaga faale-Ekalesia, ia le itiiti ifo ma le toalua tagata matutua faatuatuaina e tatau ona i ai. O tagata matutua e toalua e mafai [ona tofi i ai] ni tamaitai se toalua, ni alii se toalua, po o se ulugalii faaipoipo. Afai e le mafai lenei mea, e tatau i taitai ona tuufaatasia ia vasega. E tatau i taitai ma faiaoga ona faamae’a le a’oa’oga i le ProtectingChildren.ChurchofJesusChrist.org. (Tagai i le 12.5.1.)

E le tatau ona faiaoga le autalavou i le Peraimeri, e aofia ai ni faiaoga faaleoleo.

E nonofo faiaoga o le Peraimeri ma taitai o le vasega pepe ma tamaiti i le taimi atoa o le Peraimeri, e aofia ai ma le taimi o pesepesega ma fesuiaiga. I le taimi o pesepesega, e auai faatasi faiaoga ma a latou vasega. E tatau ona i ai faatasi faiaoga ma tamaiti laiti pe a mae’a le Peraimeri seia sau se tagata o le aiga mo i latou.

E auai atu faiaoga ma taitai o le vasega pepe i fonotaga faalekuata a le aufono a faiaoga (tagai i le 13.4).

12.3.6

aikona, taiala mo fetuunaiga
 Taitai o Gaoioiga

O taitai o gaoioiga a le Peraimeri e auauna atu i tamaiti pe a latou fuafuaina ni auaunaga ma gaoioiga e amata ia Ianuari o tausaga e atoa ai le ta’i 8 tausaga o tamaiti (tagai i le 12.2.1.3). O auaunaga ma gaoioiga e taulai atu i le galuega a le Atua mo le faaolataga ma le faaeaga. E mālie ma tosinaloto. E fausia ai molimau, faamalolosia ai aiga, ma faafaileleina ai le tuputupu a’e faaletagata lava ia.

O taitai o gaoioiga a le Peraimeri e mafai ona avea ma faiaoga o tamaiti i le Peraimeri. E mafai foi ona avea i latou o isi tagata o le au paia e fautuaina atu e le au peresitene o le Peraimeri ma valaauina e le au epikopo. Ia le itiiti ifo ma le toalua ni taitai e auai i gaoioiga taitasi. O ni tamaitai e toalua, alii e toalua, po o se ulugalii ua faaipoipo e mafai ona avea ma taitai. E tatau ona faamae’a e taitai le a’oa’oga i le protectingchildren.ChurchofJesusChrist.org. (Tagai i le 12.5.1.)

12.4

aikona, taiala mo fetuunaiga
 Taitai o le Peraimeri i le Siteki

O le au peresitene o le siteki e valaauina se tamaitai matua e auauna atu o le peresitene o le Peraimeri a le siteki. Afai e lava le telē o le siteki, e fautuaina atu e le [peresitene] se tamaitai matua se toatasi pe toalua e auauna atu o ni fesoasoani ma se isi e auauna atu o se failautusi. O nei tamaitai e valaauina ma vaetofia e se tasi o le au peresitene o le siteki po o se fautua maualuga ua tofia. Mo faamatalaga e uiga i tiutetauave o le au peresitene o le Peraimeri a le siteki ma le failautusi, tagai i le 6.7.1, 6.7.1.3, ma le 6.7.3.

O se fesoasoani i le au peresitene o le siteki ua i ai le tiutetauave mo le Peraimeri i le siteki. Ua ia te ia foi le tiutetauave mo le galuega a le au peresitene o le Peraimeri a le siteki. Na te aoao atu foi i epikopo o latou tiutetauave mo le Peraimeri.

E tofia e le au peresitene o le siteki se fautua maualuga e galulue faatasi ma le au peresitene o le Peraimeri a le siteki (tagai i le 6.5).

tamaiti o loo pepese i le sauniga faamanatuga

12.5

Taiala ma Aiaiga Faaopoopo

12.5.1

Malupuipuia o Tamaiti

Pe a fegalegaleai ia tagata matutua ma tamaiti i faatulagaga faale-Ekalesia, ia le itiiti ifo ma le toalua tagata matutua faatuatuaina e tatau ona i ai. Atonu e talafeagai ona tuufaatasia vasega ina ia mafai ai ona faia lenei mea.

O tagata matutua uma e galulue faatasi ma tamaiti e tatau ona faamae’aina le a’oa’oga faamasani o le puipuiga o tamaiti ma le autalavou i totonu o le masina e tasi talu ona lagolagoina (ProtectingChildren.ChurchofJesusChrist.org). A mae’a e taitolu lava tausaga ma latou toe faia le aoaoga faamasani lea.

12.5.2

O Tamaiti e I Ai Manaoga Faapitoa

Pe a i ai se ma’i faaumiumi o se tamaitiiti, i ai ni faaletonu, po o manaoga faapitoa, e talanoa taitai o le Peraimeri faatasi ma matua ma le au epikopo. Latou te faia faatasi se fuafuaga e lagolagosua ai i le aiga ma fesoasoani ai i le tamaitiiti e auai ai i le Peraimeri.

O tamaiti e i ai manaoga faapitoa e masani lava ona auai i a latou vasega masani o le Peraimeri. Pe a tatau ai, e mafai ona valaauina faiaoga faaopoopo e fesoasoani.

O tamaiti e i ai faaletonu po o isi manaoga faapitoa, e masani ona faamae’aina le Peraimeri i le amataga o Ianuari i le tausaga e atoa i ai lo latou ta’i 12. O nisi tamaiti e ono le mae’a le Peraimeri i lenei taimi faatulagaina. E galulue faatasi le epikopo ma matua e fai se faaiuga po o le a le mea e sili mo tamaiti taitoatasi.

aikona, punaoa e filifili ai Mo nisi faamatalaga, tagai i le disability.ChurchofJesusChrist.org; tagai foi i le 38.8.27 i le tusitaulima lenei.

12.5.3

Alii e Auauna Atu i le Peraimeri

E tatau i le au epikopo ma le au peresitene o le Peraimeri ona manatua le tosinaga lelei a alii agavaa e auauna atu i le Peraimeri. E mafai ona auauna atu alii o ni faiaoga, taitai o le vasega pepe, taitai musika ma tapiano, ma taitai o gaioioiga a le Peraimeri.

12.5.4

Saogalemu i Fale Lē Ta’ua

E tatau i taitai ma faiaoga ona fautuaina matua e ave a latou fanau i le fale le ta’ua a o le’i amataina le Peraimeri. I le taimi o le Peraimeri, o se tamaitiiti laitiiti e tatau ona ave i le fale lē ta’ua e se matua po o sē o vaaia faaletulafono. E lē tatau i taitai ma faiaoga ona aveina tamaiti i le fale lē ta’ua.

12.5.5

Gaoioiga e Faatino i Taga

E tatau i taitai ma faiaoga ona faaeteete pe a faatinoina mea paia na tutupu i le Peraimeri. E le faatinoina le Tama Faalelagi ma le Agaga Paia. E mafai e tamaiti ona faatinoina le Faaola i le na o se vaaiga o Lona Soifua Mai. Mo taiala faaopoopo, tagai i le 20.5.6.

12.5.6

aikona, punaoa e filifili ai
 Mama FMT

A amata tamaiti i le vasega FMT 4, e faamanatu atu e le au peresitene o le Peraimeri ma lo latou faiaoga ia i latou e “filifili le mea sao.” E tuuina atu foi e nei taitai i tamaiti taitasi se mama FMT lanu meamata.

12.5.7

Folasia atu o le Polokalama a Tamaiti ma le Autalavou

I le amataga o tausaga taitasi, o le epikopo, o se tasi o ona fesoasoani, po o le au peresitene o le Peraimeri e mafai ona asiasi i le aiga po o le vasega Peraimeri a tamaiti taitasi o ē o le a atoa le ta’i 8 i le gasologa o le tausaga. Latou te folasia atu i tamaiti ma o latou matua le polokalama mo Tamaiti ma le Autalavou. E maua e tamaiti taitasi ia faatusa o le avea ai ma se kopi o le Atinaega Faaletagata Lava Ia: Tusitaiala a Tamaiti. O loo maua nei punaoa i le store.ChurchofJesusChrist.org.

Mo nisi faamatalaga, tagai i le ChildrenandYouth.ChurchofJesusChrist.org.