“Muimui ki he Fakamoʻuí ʻi he Tapa Kotoa Pē ʻo Hoʻo Moʻuí,” Fakafeʻiloaki ʻo e Fakahinohino maʻá e Fānau mo e Toʻu Tupu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní (2019)
“Muimui ki he Fakamoʻuí ʻi he Tapa Kotoa Pē ʻo Hoʻo Moʻuí,” Fakafeʻiloaki ʻo e Fakahinohino maʻá e Fānau mo e Toʻu Tupu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní
Muimui ki he Fakamoʻuí ʻi he Tapa Kotoa Pē ʻo Hoʻo Moʻuí
‘Oku finangalo ʻa e Tamai Hēvaní ke ke ako mo tupulaki. Naʻá Ne fekauʻi mai Hono ʻAlo ko Sīsū Kalaisí, ke hoko ko e faʻifaʻitakiʻanga haohaoa kiate kitautolu ʻi he tapa kotoa pē. ʻOku akoʻi mai ʻe he folofolá ko e taimi naʻá Ne kei tamasiʻi aí, “[Naʻe] tupulaki ʻa e potó ʻia Sīsū mo e lahí, pea naʻe ʻofeina ia ʻe he ʻOtuá mo e tangatá” (Luke 2:52).
Naʻe tupulaki ʻa Sīsū Kalaisi ʻi he tapa kotoa pē ʻo ʻEne moʻuí—fakalaumālie (fakahōifua ki he ‘Otuá), fakasōsiale (ʻofeina ‘e he tangatá), fakaesino (lahí), pea mo fakaʻatamai (potó)—pea te ke lava foki mo koe!
Ko e hā kuó ke ʻosi fai ʻi he ngaahi tafaʻaki ko ʻení? Kamata fakakaukau fekauʻaki mo e meʻa ʻokú ke fie fakaleleiʻi pe kamata hono faí.
Tohi pe tā hoʻo fakakaukaú ʻi he ngaahi puha ʻi laló: